لاہور ( صدف نعیم ) وفاق یا پنجاب میں حکومت کی تبدیلی دیوانے کا خواب اور ”دل کے بہلانے کو غالب یہ خیال اچھا ہے ۔ میاں صاحب باقاعدہ سزا یافتہ ہیں۔وہ بیرون ملک گئے تو کئی سوال اٹھیں گے۔نواز شریف سوچیں کہ اگران کی باہر جانے کی اپیل پرفیصلہ ا±ن کے حق میں نہ آیا تو وہ کیا کرینگے۔مشرف اور اسحاق ڈار کے برعکس میاں صاحب باقاعدہ سزا یافتہ ہیں ۔ میاں صاحب کیلئے علاج مسئلہ نہیں اصل میں ان کی خواہش لندن جانے کی ہے۔ اس حوالے سے عدالت جو بھی فیصلہ کرے گی حکومت اس کے سامنے سر تسلیم خم کرے گی۔حکومت اور اپوزیشن دونوں کو عدالتوں کے فیصلے ماننا ہوں گے۔ ان خیالات کا اظہار صوبائی وزیر اطلاعات و ثقافت سید صمصام علی بخاری نے آج اپنے ایک بیان میں کیا۔انہوں نے کہا کہ پی ٹی آئی میں کسی قسم کا اختلاف نہیں اپوزیشن جماعتوں کی خواہشات اپنی جگہ مگر پی ٹی آئی آج بھی روز اول کی طرح متحد اور منظم جماعت ہے جسے اپنے قائد عمران خان پر بھرپور بھروسہ اور اعتماد ہے۔ انہوں نے کہا کہ وفاق یا پنجاب میں حکومت کی تبدیلی دیوانے کا خواب ہے اور اپوزیشن کیلئے ”دل کے بہلانے کو غالب یہ خیال اچھا ہے ” صوبائی وزیر نے کہا کہ نواز لیگ” چھانگا مانگا”میں ماہر ضرورہے لیکن اس کی ضرورت نہیں پڑے گی۔

لاہور (نیااخبار رپورٹ) زمین پھٹی نہ آسمان گرا‘ غریب کم سن ملازمہ دو سال تک مالک مکان کی ہوس کا نشانہ بنتی رہی۔ ایک اور زینب انصاف کے ٹھیکیداروں سے چیخ چیخ کر انصاف مانگنے لگی۔ تفصیلات کے مطابق 13 سالہ کومل ولد محمد اظہر پچھلے دو سال سے جوہر ٹاﺅن آر بلاک کوٹھی نمبر 299 میں کام کرتی تھی‘ مالک مکان جنسی بلا ملزم ساجد حسین دو سال تک زیادتی کا نشانہ بناتا رہا۔ تنگ آکر کومل جس کی ماں فوت ہوچکی ہے‘ نے باپ کو سب کچھ بتا دیا۔ باپ کے پوچھنے پر عیار دولت مند ملزم ساجد اور اس کے ہمسائے پولیس اہلکار علی نے کومل اور اظہر کو تشدد اور تیزاب سے جسم جلا کر چار موبائل چوری کرنے کے اعتراف کی ویڈیو بنا کر ایف آئی آر درج کروا دی۔ لاہور ہائیکورٹ نے باپ بیٹی کو باعزت بری کردیا۔ غم زدہ باپ بیٹی کی زیادتی کی ایف آئی آر درج کرانے جاتا ہے تو جوہر ٹاﺅن چوکی والے دھکے مار کر نکال دیتے ہیں۔ ملزم ساجد جان سے مارنے کی دھمکیاں دے رہا ہے اور کہتا ہے کہ مقدموں پر جتنے پیسے لگے ہیں اس کے بدلے کومل کو زبردستی اپنے پاس رکھوں گا اور تمہارا موٹرسائیکل بھی نہیں دوں گا۔ باپ نے سی پی او کو درخواست دی‘ ان کے احکامات کے باوجود تھانیدار کے کانوں پر جوں تک نہ رینگی۔ ملزم کا ہمسایہ پولیس اہلکار علی سب سے زیادہ غنڈہ گردی کا مظاہرہ کررہا ہے۔ اپنی بیٹی کی عزت تار ہونے پر نصیبوں مارا سسکیاں لے لے کر نیااخبار دفتر کے باہر روتا رہا۔ اس کا کہنا تھا کہ کئی ہسپتال زیادتی کی تصدیق کرچکے ہیں۔ میاں محمد منشی میں ہونے والی زیادتی کی رپورٹ کئی ماہ گزرنے کے باوجود پولیس وصول کرنے نہیں جارہی۔ ملزم پولیس والوں کا منہ پیسے سے بند کررہا ہے۔ کوئی ادارہ مظلومہ کو انصاف دینے کا آسرا نہیں دے رہا۔ باپ بیٹی نے وزیراعظم پنجاب‘ آئی جی پنجاب‘ چیف جسٹس لاہور ہائیکورٹ اور ضیاشاہد سے اپیل کی کہ اس کو انصاف دلائیں اور ملزم کو قرار واقعی سزا دی جائے تاکہ کسی اور کی بیٹی کی عزت نہ لٹے۔ انہوں نے کہا کہ ہمیں انصاف نہ ملا تو گورنر ہاﺅس کے سامنے آگ چھڑک کر خود کو جلا لیںگے۔اس سلسلے میں جب ملزم ساجد حسین سے رابطہ کیا گیا تو اس نے اسے بے بنیاد اور گھٹیا الزام قرار دیا اور کہا کہ کومل اور اسکا باپ بلاوجہ مجھ پر کیچڑ اچھال رہا ہے میں بے گناہ ہوں میرے پاس سارے ثبوت موجود ہیں۔

لاہور (وقائع نگار) وزیراعلیٰ پنجاب سردار عثمان بزدار نے کہا ہے کہ ماضی میں جنوبی پنجاب کے عوام کے ساتھ ترقی کے نام پر شوبازی اور جعلسازی ہوتی رہی۔ پسماندہ علاقوں کی قسمت بدلنے کا وقت آ گیا ہے۔ پسماندہ علاقوں کے ہر ترقیاتی منصوبے پر میری نظر ہے، تکمیل تک خود نگرانی کروں گا۔ وزیراعلیٰ سردار عثمان بزدار نے ان خیالات کا اظہار آج بارتھی میں وزرائ، ارکان اسمبلی، تحریک انصاف کے عہدیداروں اور کارکنوں سے گفتگو کرتے ہوئے کیا۔ انہوں نے کہا کہ ڈیرہ غازی خان میں انسٹی ٹیوٹ آف کارڈیالوجی بننے سے ملتان اور لاہور کے ہسپتالوں پر دباﺅ کم ہوگا۔ ماضی کے حکمرانوں نے 70 سال میں دوسرا میگاہسپتال نہ بنایا جبکہ ہم نے 7 ماہ میں منصوبے کا آغاز کر دیا ہے۔تونسہ جیسے علاقوں میں سڑکیں بنانے سے معاشی سرگرمیاں بڑھیں گی اور عوام خوشحال ہوں گے۔ پنجاب بھر کے میڈیکل کالجز میں نشستیں بڑھانے سے سبھی شہروں کے طلبا مستفید ہوں گے۔ وزیراعلیٰ نے کہا کہ بغیر کسی لالچ کے عوامی خدمت کے ایجنڈے پر کام کر رہے ہیں اور ماضی کے برعکس اب ترقیاتی منصوبے منتخب نمائندوں کی مشاورت سے بنائے جا رہے ہیں۔ وزیراعلیٰ پنجاب سردار عثمان بزدار نے راجن پور کے علاقے میں موٹرسائیکل کے تنازعہ پر 6 افراد کے قتل کے واقعہ پر انسپکٹر جنرل پولیس سے رپورٹ طلب کر لی ہے اورقتل کے واقعہ میں ملوث ملزمان کے خلاف قانون کے تحت کارروائی کا حکم دیا ہے۔ وزیراعلیٰ نے ہدایت کی کہ ملزمان کو جلد گرفتار کر کے قانون کے مطابق کارروائی عمل میں لائی جائے اورمقتولین کے لواحقین کو انصاف کی فراہمی ہر صورت یقینی بنائی جائے۔

سیالکوٹ (این این آئی) وزیراعظم کی معاون خصوصی فردوس عاشق اعوان نے سونے کا تاج پہننے سے یہ کہہ کر انکار کردیا ہے کہ یہ تاج شوکت خانم کو عطیہ کیا جائے گا۔ اتوار کو وزیر اعظم کی معاون خصوصی برائے اطلاعات ونشریات فردوس عاشق نے کہا کہ یہ تاج وزیراعظم عمران خان کے حوالے کیا جائےگا جب وہ رمضان میں شوکت خانم کےلئے فنڈریزنگ کے سلسلے میں سیالکوٹ آئیں گے۔

اسلام آباد (انٹرویو :ملک منظور احمد )اسلام آباد میں تعینات سری لنکا کے ہائی کمشنر نور الدین شاہد نے کہا ہے کہ ایسٹر کے موقع پر سری لنکا کے دارلحکومت کولمبو میں دہشت گردی کے واقعات سری لنکا کے خلاف ایک بہت بڑی منظم سازش ہے سری لنکا میں عدم استحکام اور خوف و ہراس کی فضا پیدا کرنے کے لیے مذہبی مقامات پر دہشت گردی کر کے معصوم لوگوں کو ما را گیا حکومت پا کستان نے مشکل کی اس گھڑی میں بھرپور تعاون کرنے کی یقین دہانی کراوئی ہے وزیر اعظم عمران خان اور وزیر خارجہ شاہ محمود قریشی نے سری لنکا کے صدر اور سری لنکا کے وزیر خارجہ کے ساتھ فون پر بات چیت کی ہے دہشت گردی کے خاتمے لیے حکومت پاکستان کے تعاون کے حوالے سے ہماری حکومت مشاورت کے بعد پاکستان کو اگاہ کرے گی کولمبو دہشت گردی کے وقعات میں ملوث ملزمان کی بھارت میں ٹریننگ کے حوالے میرے پاس کوئی معلومات نہیں ہیں 2009ءکے بعد پہلی مرتبہ یہ دہشت گردی کے واقعات رونما ہوئے ہیں ان خیالات کااظہار انھوںنے خبریں کو انٹرویو دیتے ہو ئے کیا سری لنکن ہائی کمشنر نے کہا کہ سری لنکا کی حکومت نے دہشت گردی اور انتہا پسندی کے خاتمے کے لیے دلیر انہ اقدامات کیے ہیں ہماری حکومت با اعتماد تھی کہ اب سری لنکا میں دہشت گردی ختم ہوگئی ہے اور ایسے واقعات دوبارہ رونما نہیں ہو سکتے ایک منظم سازش کے ذریعے سری لنکا میں دس سال کے بعد دہشت گردی کے قابل مذمت واقعات ہوئے ہیں 50سے 60مشکوک افراد کو گرفتار کیا گیا ہے تحقیقات کا دائرہ وسیع کر دیا گیا ہے اس اندوہ ناک اور افسوس ناک واقع میں ملوث تمام ملزمان کو کیفر کردار تک پہنچایا جائے گا ایک سوال کے جواب میں انھوں نے کہا کہ افواج پاکستان نے اس سے پہلے سری لنکا کے ساتھ دہشت گردی اور انتہا پسندی کے خاتمے کے لیے بھرپور تعاون کیا ہے پا کستان کے تعاون کی وجہ سے سری لنکا کی حکومت نے دہشت گردی پر قابو پایا حالیہ دہشت گردی انتہائی منظم طریقے سے کئی گئی ہے اور اس گہری سازش کا مقصد سری لنکا سری لنکا میں لاءاینڈ آرڈر کی صورتحال خراب کرنا اور سیاسی عدم استحکام پیدا کرنا ہے لیکن سری لنکا کی حکومت اور ہماری بہادر عوام مٹھی بھر دہشت گردوں کو ان کے ناپاک عزائم میں کامیاب نہیں ہو نے دیں گے ہماری قوم متحد ہے اور دہشت گردی کے آگے سیسہ پلائی ہوئی دیوار کی طرح کھڑی ہے ۔