میاں نواز شریف کا چین اور ہانگ کانگ کا دورہ مکمل کر لیا ۔ نواز شریف کی وطن واپسی کے بعد کابینہ میں توسیع کی جائے گی ۔
ذرائع کے مطابق مسلم لیگ ن کے قائد نواز شریف چین اور ہانگ کانگ کا دورہ مکمل کر کے وطن واپس روانہ ہو گئے ہیں ۔
ذرائع کا بتانا ہے کہ نواز شریف کی وطن واپسی کے بعد وفاقی اور پنجاب کابینہ میں توسیع ہو گی اور نواز شریف سیاسی سرگرمیوں کا آغاز کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چین آئندہ دنوں میں ایک روبوٹک خلائی جہاز چاند پر بھیجنے والو ہے جو پاکستان سمیت مختلف ممالک کے پے لوڈز چاند پر پہنچائے گا، یہ مشن چینی عملے کی چاند پر لینڈنگ اور قمری جنوبی قطب پر بیس بنانے کی راہ ہموار کرے گا۔
چین نے2007 میں اپنا پہلا مشن ”چانگ ای“ روانہ کیا تھا، یہ نام چاند کی چینی افسانوی دیوی کے نام پر رکھا گیا ہے، چین امریکہ اور روس کے ساتھ تکنیکی پیچیدگیوں کو کم کرتے ہوئے، چاند پر ریسرچ میں بہت آگے بڑھ چکا ہے۔
2020 میں، چین نے چار دہائیوں سے زائد عرصے میں پہلی بار چانس کے قریب سے نمونے حاصل کئے، اور اب پہلی بار اس بات کی تصدیق کی کہ وہ چاند کی سطح سے زمین پر بغیر عملے کے خلائی جہاز کو بحفاظت واپس لاسکتا ہے۔
اس ہفتے، چین سے توقع ہے کہ وہ 2020 کے مشن کا بیک اپ خلائی جہاز استعمال کرتے ہوئے چانگ ای سکس مشن لانچ کرے گا، اور چاند کی اس سائیڈ سے مٹی اور چٹانیں جمع کرے گا جو مستقل طور پر زمین سے دور ہے۔
چانگ ای سکس کو اپنے 53 دن کے اس مشن کے دوران چاند کے گرد گردش کرنے والے، حال ہی میں تعینات کئے گئے ریلے سیٹلائٹ پر انحصار کرنا ہوگا۔
یہی ریلے سیٹلائٹ 2026 اور 2028 میں بالترتیب چانگ ای 7 اور 8 مشنوں کی مدد کرے گا، جب چین پانی کے لیے قطب جنوبی کو تلاش کرنے اور روس کے ساتھ ایک ابتدائی بیس کی تعمیر شروع کرے گا۔ چین 2030 تک اپنے خلابازوں کو چاند پر بھیجنے کا ارادہ رکھتا ہے۔
بیجنگ کے قطبی منصوبوں نے امریکی خلائی ایجنسی ”ناسا“ کو تشویش میں مبتلا کر دیا ہے، جس کے منتظم، بل نیلسن نے بارہا خبردار کیا ہے کہ چین چاند پر موجود کسی بھی آبی وسائل پر اپنا دعویٰ کرنے سے گریز کرے۔
تاہم، بیجنگ کا کہنا ہے کہ وہ مشترکہ طور پر مستقبل کی تعمیر کے لیے تمام اقوام کے ساتھ تعاون کے لیے پرعزم ہے۔
چانگ ای 6 چین، فرانس، اٹلی، سویڈن اور پاکستان سے پے لوڈز لے کر جائے گا اور چانگ ای 7 پر روس، سوئٹزرلینڈ اور تھائی لینڈ سے پے لوڈ جائے گا۔
ناسا پر امریکی قانون کے تحت چین کے ساتھ براہ راست یا بالواسطہ تعاون پر پابندی ہے۔
ناسا کی زیر قیادت آرٹیمس پروگرام کے تحت، امریکی خلاباز 2026 میں قطب جنوبی کے قریب اتریں گے، جو 1972 کے بعد چاند پر پہلا انسان ہوگا۔
چانگ ای 6 وسیع قطب جنوبی آٹکن بیسن کے شمال مشرقی جانب اترنے کی کوشش کرے گا، جو نظام شمسی میں سب سے پرانا گڑھا ہے۔
اب تک کی سب سے زیادہ جنوبی لینڈنگ فروری میں IM-1 کے ذریعے کی گئی تھی، جو ناسا اور ٹیکساس میں قائم نجی فرم انٹیوٹیو مشینز کے درمیان ایک مشترکہ مشن تھا۔
ملاپرٹ اے جو قطب جنوبی کے قریب ایک ایسی جگہ ہے جس کے بارے میں خیال کیا جاتا تھا کہ یہ نسبتاً فلیٹ ہے، وہاں ٹچ ڈاؤن کے بعد، جو کہ قمری لینڈنگ کی اعلیٰ خطرے کی نوعیت کی عکاسی کرتا ہے۔
خیال رہے کہ چاند کی قطبی برف زمین سے منتقل ہونے والے مہنگے وسائل پر انحصار کیے بغیر طویل مدتی تحقیقی اڈوں کو برقرار رکھ سکتی ہے۔ 2008 میں لانچ کیے گئے ہندوستان کے چندریان-1 نے قطبی گڑھوں کے اندر برف کی موجودگی کی تصدیق کی تھی۔
چانگ ای 6 کے زریعے نمونوں کی واپسی چاند کے ابتدائی ارتقاء اور اندرونی نظام شمسی پر بھی مزید روشنی ڈال سکتی ہے۔
چانگ ای 6 کامیاب لینڈنگ کے بعد تقریباً 2 کلوگرام (4.4 پاؤنڈ) نمونے مکینیکل سکوپ اور ڈرل کے زریعے جمع کرے گا۔
آرمی چیف جنرل سید عاصم منیر سے ترک لینڈ فورسز کے کمانڈر جنرل سیلجوک بیرکتار اوغلو نے ملاقات کی، جس میں دوطرفہ دفاعی تعاون پر تبادلہ خیال کیا گیا۔
ترجمان پاک فوج کے مطابق پاکستان کے دورے پر آئے ہوئے ترک لینڈ فورسز کے کمانڈر جنرل سیلجوک بیرکتار اوغلو نے جنرل ہیڈ کوارٹرز (جی ایچ کیو) کا دورہ کیا، جہاں آرمی چیف جنرل عاصم منیر سے ملاقات کی۔
ملاقات کے دوران باہمی دلچسپی کے امور اور دوطرفہ دفاعی تعاون کو مزید فروغ دینے کے امور پر تبادلہ خیال کیا گیا۔
آرمی چیف اور ترک لینڈ فورسز کے کمانڈر نے دونوں ممالک کے درمیان تاریخی، ثقافتی اور مذہبی تعلق پر مبنی دیرینہ تعلقات پر اطمینان کا اظہار کیا۔
اس موقع پر آرمی چیف جنرل سید عاصم منیر نے دونوں مسلح افواج کے درمیان موجودہ فوجی تعاون کو مزید مضبوط بنانے کی ضرورت پر زور دیا۔ترک لینڈ فورسز کے کمانڈر نے خطے میں امن و استحکام کو یقینی بنانے میں پاک فوج کے کردار کو سراہا۔
قبل ازیں جی ایچ کیو آمد پر ترک لینڈ فورسز کے کمانڈر نے یاد گار شہداء پر حاضری دی اور پھول رکھے جبکہ پاک فوج کے چاق اور چوبند دستے نے ترک مہمان کو گارڈ آف آنر پیش کیا۔
ترک لینڈ فورسز کے کمانڈر جنرل سیلجوک بیرکتار اوغلو نے جوائنٹ اسٹاف ہیڈ کوارٹرز راولپنڈی کا دورہ کیا،جوائنٹ اسٹاف ہیڈ کوارٹر پہنچنے پر، تینوں مسلح افواج کے چاق و چوبند دستے نےترک کمانڈر کو گارڈ آف آنر پیش کیا۔
مانڈر جنرل سیلجوک نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ملاقات کی۔
ملاقات میں سلامتی اور علاقائی امور سمیت دوطرفہ فوجی تعاون کو بڑھانے سے متعلق امور پر تبادلہ خیال کیا گیا،ترک کمانڈر نے پاکستان کی مسلح افواج کی اعلیٰ پیشہ ورانہ مہارت کو سراہا۔
ترک کمانڈر نے دہشت گردی کے خلاف جنگ میں مسلح افواج کی قربانیوں کا اعتراف بھی کیا۔
دبئی: پاکستانی سپر اسٹار ماہرہ خان کو دبئی میں منعقدہ دی ایمی گالا ایونٹ کے چوتھے ایڈیشن میں ’آرٹسٹ اِن فیشن‘ کے ایوارڈ سے نوازا گیا ہے۔
اداکارہ نے ایونٹ میں بہترین ڈیزائن کے کپڑوں کے ساتھ شرکت کی اور وہ لوگوں کی توجہ کا مرکز بنی رہیں۔
ماہرہ خان نے انسٹاگرام پر اپنی تصاویر بھی شیئر کی ہے اور مداح اداکارہ کے مخصوص اسٹائل اور نفاست کو بہت پسند کررہے ہیں۔
واضح رہے کہ دی ایمی گالا ایک فیشن ایونٹ ہے اور اس میں دنیا بھر میں فیشن کے شعبے میں خدمات سرانجام دینے والوں کی حوصلہ افزائی کی جاتی ہے۔
اسلام آباد: صدر مملکت آصف علی زرداری نے کہا ہے کہ ترک صدر رجب طیب اردوان پاکستان کے سچے اور مخلص دوست ہیں جہنوں نے میرے انتخاب اور رمضان المبارک کے آغاز پر ٹیلی فونک کال کی۔
ان خیالات کا اظہار صدر مملکت آصف علی زرداری نے ترک بری افواج کے کمانڈر کو نشان امتیاز ملٹری کا اعزاز عطا کرنے کی خصوصی تقریب میں کیا۔
صدر مملکت نے ایوارڈ پاکستان اور ترکی کے درمیان دفاعی تعلقات مضبوط بنانے میں خدمات کے اعتراف میں دیا جس کے بعد ترک فوج کے کمانڈر سے اُن کی ملاقات بھی ہوئی جس میں چیف آف آرمی اسٹاف جنرل سید عاصم منیر بھی شریک تھے۔
ملاقات میں دونوں برادر ممالک کے درمیان دفاعی تعاون سے متعلق امور پر تبادلہ خیال کیا گیا جبکہ پاکستان اور ترکی کے باہمی مفادات میں دو طرفہ تعلقات کو مزید وسعت دینے کی ضرورت پر زور دیا گیا۔
صدر آصف علی زرداری نے کہا کہ پاکستان ترکیہ کے ساتھ اپنے تعلقات پر فخر کرتا ہے، ترکی نے ہمیشہ بنیادی مسائل پر پاکستان کی حمایت کی ہے۔
صدر مملکت نے پاکستان اور ترکیہ کے درمیان متعدد منصوبوں میں دو طرفہ تعاون پر اطمینان کا اظہار کرتے ہوئے عوام کو مزید قریب لانے کے لیے روابط بڑھانے کی ضرورت پر زور دیا۔
آصف علی زرداری نے کہا کہ ترکیہ کے ساتھ زراعت، تعلیم، فن اور ثقافت کے شعبوں میں تعاون کو فروغ دینا ہوگا۔ انہوں نے کہا رجب طیب اردوان پاکستان کے سچے اور مخلص دوست ہیں، انہوں میرے انتخاب اور رمضان المبارک کے آغاز پر ٹیلی فونک کال کی اور دونوں کالز میں پاک ترک تعلقات کو وسعت دینے کے عزم کا اظہار کیا۔
ترک بری افواج کے کمانڈر نے پاکستان کے ساتھ دفاعی تعاون مزید بہتر بنانے کی خواہش کا اعادہ کیا اور کہا کہ دونوں ممالک علاقائی امن و استحکام کے فروغ میں نمایاں کردار ادا کر سکتے ہیں۔
اس موقع پر صدر مملکت نے ترک لینڈ فورسز کے کمانڈر کو نشان امتیاز (ملٹری) ملنے پر مبارکباد دی اور امید ظاہر کی کہ ترک فوج کے کمانڈر دونوں ممالک کے درمیان دفاعی تعاون کو مزید مضبوط بنانے میں اپنا کردار ادا کریں گے۔
ریاض: وزیراعظم شہباز شریف نے کہا ہے کہ ہم ملک میں بڑے پیمانے پر اصلاحات کرنے جارہے ہیں کیونکہ ملکی معیشت کی بہتری کے لیے اصلاحات ناگزیر ہوچکی ہیں۔
ریاض میں منعقدہ عالمی اقتصادی فورم کے خصوصی اجلاس کے اختتامی سیشن میں اظہار خیال کرتے ہوئے وزیراعظم نے کہا کہ یوکرین جنگ کی وجہ سے عالمی سطح پر اشیا کی قیمتوں میں اضافہ ہوا ہے۔
وزیراعظم نے کہا کہ غزہ میں امن کے بغیر دنیا میں امن قائم نہیں ہوسکتا، فلسطین میں قیام امن بہت ضروری ہے۔
انہوں نے کہا کہ عالمی منڈی میں مہنگائی سے ترقی پذیر ممالک بہت زیادہ متاثر ہوئے جن میں پاکستان بھی شامل ہے۔ شہباز شریف کا کہنا تھا کہ موسمیاتی تبدیلیوں میں پاکستان کا حصہ نہ ہونے کے برابر ہے اُس کے باوجود موسمیاتی تبدیلیوں سے متاثرہ ممالک میں پاکستان سرفہرست ہے۔
انہوں نے بتایا کہ سال 2022 میں آنے والے سیلاب نے بڑی تباہی مچائی اور پاکستانی معیشت پر گہرے اثرات چھوڑے ہیں، موسمیاتی تبدیلیوں کی وجہ سے پاکستان بری طرح سے متاثر ہوا ہے۔
وزیراعظم نے مزید کہا کہ
راولپنڈی: ضلع خیبر میں سیکورٹی فورسز کے آپریشن کے دوران 4 دہشت گرد ہلاک ہوگئے۔
آئی ایس پی آر کے مطابق پاک فوج نے ضلع خیبر میں دہشت گردوں کی موجودگی کی خفیہ اطلاعات پر آپریشن کیا۔
آپریشن کے دوران فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں 4 دہشت گرد ہلاک ہوگئے جن میں دہشت گرد سرغنہ قاری واجد عرف قاری بریال اور دہشت گرد سرغنہ رازق شامل ہیں۔
آپریشن کے دوران دہشت گردوں کے ٹھکانے کو بھی تباہ کر دیا گیا اور بھاری مقدار میں اسلحہ، گولہ بارود اور دھماکہ خیز مواد برآمد کر لیا گیا۔
آئی ایس پی آر کا کہنا ہے کہ علاقے میں مزید دہشت گردوں کی تلاش کے لیے سرچ آپریشن کیا جا رہا ہے۔
کراچی: انسداد دہشت گردی کی خصوصی عدالت نے ایم کیو ایم رہنما علی رضا عابدی کے قتل میں ملوث 4 مجرموں کو عمر قید کی سزا سنادی۔
کراچی سینٹرل جیل میں انسداد دہشت گردی کمپلیکس میں خصوصی عدالت نے ایم کیو ایم رہنما علی رضا عابدی کے قتل کیس کا فیصلہ سنادیا۔ استغاثہ جرم ثابت کرنے میں کامیاب رہا۔
عدالت نے ایم کیو ایم رہنماء رضا علی عابدی قتل کیس میں جرم ثابت ہونے پر 4 مجرمان کو عمر قید کی سزا سنادی۔ ان میں عبدالحسیب، غزالی، محمد فاروق اور ابو بکر شامل ہیں۔ عدالت نے ملزمان پر ایک ایک لاکھ روپے جرمانہ بھی عائد کیا۔
عدالت نے مقدمے کے مفرور ملزمان محمد فاروق، حسنین، غلام مرتضیٰ عرف کالی چرن کے خلاف مقدمہ داخل دفتر کردیا اور کہا ہے کہ ملزمان جب بھی گرفتا ہوں عدالت کے سامنے پیش کیے جائیں۔
پولیس کے مطابق گھات لگائے حملہ آوروں نے علی رضا عابدی کو اس وقت نشانہ بنایا جب ان کی گاڑی گھر میں داخل ہورہی تھی۔ دہشت گردوں نے نائن ایم ایم پستول استعمال کیا۔ علی رضا عابدی کے سر، گردن اور سینے میں گولیاں لگیں تھیں۔ انہیں شدید زخمی حالت میں اسپتال لے جایا گیا مگر وہ جانبرنہ ہوسکے۔
قاتلوں کے خلاف گذری تھانے میں دہشت گردی ایکٹ اور قتل کی دفعات کے تحت مقدمہ درج کیا گیا تھا۔
لاہور کی انسداد دہشت گردی کی خصوصی عدالت نے جناح ہاؤس حملہ میں آئندہ سماعت پر ملزمان کو چالان کی کاپیاں تقسیم کرنے کا حکم دے دیا۔
انسداد دہشت گردی لاہور کی خصوصی عدالت کے جج ارشد جاوید نے جناح ہاؤس حملہ اور جلاؤ گھیراؤ کیس میں 266 پی ٹی آئی رہنماؤں اور کارکان کے ٹرائل پر سماعت کی۔
میاں محمود الرشید، اعجاز چوہدری، عمر سرفراز چیمہ، عالیہ حمزہ اور صنم جاوید سمیت دیگر کو جیل سے عدالت میں پیش کیا گیا۔
اس کے علاوہ خدیجہ شاہ، طیبہ راجہ، عائشہ علی بھٹہ اور روبینہ جمیل سمیت دیگر ملزمان حاضری کے لیے پیش ہوئے۔
انسدا دہشت گردی عدالت نے پیش ہونے پر طیبہ راجہ کے ورانٹ گرفتاری منسوخ کردیے۔
عدالت تمام ملزمان میں چالان کی کاپیاں تقسیم کرنے کی ہدایت کردی اور کارروائی 15مئئ تک ملتوی کردی۔
یاد رہے کہ ملزمان کے خلاف تھانہ سرور روڑ میں جناح ہاؤس توڑ پھوڑ کا مقدمہ درج ہے۔
شہبازحکومت نے بانی پی ٹی آئی عمران خان اور دیگر کے خلاف 190 ملین پاونڈ کرپشن کیس سے منسلک آٹھ افراد کے نام ایگزٹ کنٹرول لسٹ (ای سی ایل) سے نکال دیئے۔
ذرائع کے مطابق حکومت کی جانب سے نکالے گئے ناموں میں اعظم خان سواتی، راجہ منظور کیانی، عارف رحیم، نوید اکبر، سکندر حیات، نثار محمد، غلام حیدر اور عارف نذیر بٹ شامل ہیں۔
ان افراد کے نام 190 ملین پاؤنڈ کیس سے منسلک ہونے پر ای سی ایل میں شامل کیے گئے تھے۔
ذرائع کا کہنا ہے کہ وفاقی کابینہ نے نیب کی سفارش پر نام ای سی ایل سے نکالنے کی منظوری دی۔
ذرائع کے مطابق بانی پی ٹی آئی اور بشریٰ بی بی کے نام ای سی ایل میں برقرار رہیں گے، فرح گوگی اور زلفی بخاری کے نام بھی ای سی ایل میں شامل رہیں گے۔
احتساب عدالت کے جج ناصر جاوید رانا نے اڈیالہ جیل میں 19 ملین پانڈ کیس کی سماعت کی، اس دوران بانی پی ٹی آئی عمران خان اور بشریٰ بی بی کو عدالت میں پیش کیا گیا، ساتھ ہی ان کے وکیل عثمان گل اور ظہیر عباس بھی عدالت میں پیش ہوئے۔
سماعت کے دوران 190 ملین پاؤنڈ ریفرنس میں مزید 4 گواہان کے بیان قلم بند کیے گئے، ایک گواہ پر بانی پی ٹی آئی اور بشریٰ بی بی کے وکلا نے جرح بھی مکمل کی۔
واضح رہے کہ 190 ملین پاؤنڈ ریفرنس میں مجموعی طور پر 25 گواہان کے بیان قلم بند جبکہ 16 گواہوں پر جرح مکمل ہو چکی ہے۔
بعد ازاں عدالت نے 190 ملین پاؤنڈ ریفرنس پر سماعت 3 مئی تک ملتوی کردی۔
ویلنگٹن: نیوزی لینڈ کرکٹ بورڈ نے ٹی-20 ورلڈکپ 2024 کے لیے 15 رکنی ٹیم کا اعلان کردیا۔
عالمی خبر رساں ادارے کے مطابق نیوزی لینڈ کی ٹی-20 ورلڈکپ 2024 کی ٹیم کی قیادت کین ولیمسن کریں گے جب کہ بین سیئرز کو بطور ٹریولنگ ریزرو شامل کیا گیا ہے۔
ٹیم میں فن ایلن، ٹرینٹ بولٹ، مائیکل بریسویل، مارک چیپمین، ڈیون کانوے، لوکی فرگوسن، میٹ ہنری، ڈیرل مچل، جیمی نیشم، گلین فلپس، راچن رویندرا، مائیکل سینٹنر، ٹم ساؤتھی اور ایش سوڈھی بھی شامل ہیں۔
سوشل میڈیا پر شیئر کی گئی ایک ویڈیو میں نیوزی لینڈ کرکٹ بورڈ نے بتایا کہ ٹیم کے اعلان کے لیے دو بچوں کو پریس کانفرنس کے لیے بھیجا تھا۔ ایک بچے کا نام انگس جب کہ بچی کا نام ماٹلڈا ہے۔
ان دو بچوں نے نیوزی لینڈ کی ٹی-20 ورلڈکپ 2024 کی ٹیم میں شامل کھلاڑیوں کے ناموں کا اعلان کرکے سب کو حیرت زدہ کردیا۔ دنیائے کرکٹ میں ٹیم کے اعلان کا یہ انوکھا اور نرالہ واقعہ ہے۔ جسے کافی سراہا جا رہا ہے۔
اس موقع پر نیوزی لینڈ کے کوچ گیری اسٹیڈ نے ٹیم کے لیے منتخب ہونے والے کھلاڑیوں کو مبارکباد دیتے ہوئے کہا کہ ویسٹ انڈیز کا موسم، پچز اور مقامی حالات کافی مختلف ہوں گے اور اسی چیز کو مدنظر رکھتے ہوئے اسکواڈ کا انتخاب کیا ہے۔
چیئرمین پبلک اکاؤنٹس کمیٹی (پی اے سی) کے تنازعہ پر پاکستان تحریک انصاف (پی ٹی آئی) کے بانی عمران خان نے پارٹی رہنماؤں کے ساتھ مشاورت کی، اس مشاورت میں شیر افضل مروت، بیرسٹر گوہر علی خان، بیرسٹر علی ظفر و دیگر شامل ہوئے۔
صحافی نے بانی پی ٹی آئی سے سوال کیا کہ آپ کی پارٹی میں چیئرمین پی اے سی کو لے کر تنازعہ چل رہا ہے۔
جس پر عمران خان نے کہا کہ مجھے مشاورت ہی نہیں کرنے دی جا رہی آج مشاورت مکمل ہو جائے گی۔
صحافی نے پوچھا کہ آپ نے شیر افضل مروت کو نامزد کیا ہے کیا وہ ہی نام فائنل ہے؟جواباً عمران خان بولے کہ پی اے سی چیئر مین شپ پر مشاورت کے بعد جواب دوں گا۔صحافی نے کہا کہ اس کا مطلب شیر افضل مروت کا نام واپس لے لیا گیا ہے، کون سا نیا نام تجویز کیا ہے؟جس پر بانی پی ٹی آئی کا کہنا تھا کہ ابھی کوئی نام فائنل نہیں کل تک نام فائنل کرلیں گے۔
صحافی نے کہا کہ آپ کسی کو نامزد کرتے ہیں پارٹی لیڈر شپ اس نام کو نہیں مانتی، پارٹی میں کیا چل رہا ہے۔
سج پر عمران خان نے بتایا کہ ہم نے شیر افضل مروت کا نام دیا تھا لیکن ابھی اس معاملے پر مزید مشاورت کررہے ہیں۔
بانی پی ٹی آئی نے عدالت میں میڈیا سے گفتگو کرتے ہوئے کہا کہ میڈیا ٹاک پر پابندی لگا کر میرے بنیادی حقوق ختم کردیئے گئے ہیں، میں اداروں کو کیسے نقصان پہنچا سکتا ہوں۔
انہوں نے کہا کہ سپریم کورٹ میں ہماری پٹیشن زیرِ التوا ہیں جن پر سماعت نہیں کی جارہی۔
ان کا کہنا تھا کہ میرے دور حکومت کا موجودہ دور سے موازنہ نہیں ہو سکتا، ملک کے جو حالات ہیں ان میں سرمایہ کاری ہی بچا سکتی ہے۔
عمران خان نے کہا کہ علی امین گنڈاپور، عمر ایوب اور شبلی فراز کے علاوہ کسی کو بھی اسٹیبلشمنٹ سے بات کا اختیار نہیں دیا۔
خیال رہے کہ چئیرمین پی ٹی آئی بیرسٹر گوہر نے آج ہی میڈیا سے گفتگو میں کہا ہے کہ کسی ادارے سے بات چیت کا اختیار کسی رہنما کو نہیں ہے۔
بانی پی ٹی آئی نے بتایا کہ مجھے پارٹی رہنماؤں سے صرف تیس منٹ ملاقات کی اجازت ہے۔
انہوں نے کہا کہ علی امین گنڈاپور کا اسلام آباد پر قبضے کا بیان درست ہے، مجھے پتا تھا کہ وزیر اعلیٰ خیبرپختونخوا کے ساتھ تصاویر بنا کر بھی صوبے کا حق نہیں دیا جائے گا۔
ایڈن برگ: اسکاٹ لینڈ کے فرسٹ منسٹر پاکستانی نژاد حمزہ یوسف آج کسی وقت مستعفی ہونے کا اعلان کرسکتے ہیں۔
برطانوی نشریاتی ادارے بی بی سی کے مطابق اسکاٹ لینڈ کے پہلے مسلم فرسٹ منسٹر حمزہ یوسف کو اسکاٹش لیبر پارٹی اور گرین پارٹی کی تحریک عدم اعتماد کا سامنا ہے اور وہ البا پارٹی کے ساتھ اتحاد سے بھی انکار کرچکے ہیں۔
بی بی سی کی رپورٹ میں یہ دعویٰ کیا گیا ہے کہ اس صورت حال میں اسکاٹ لینڈ کے پہلے مسلم فرسٹ منسٹر حمزہ یوسف کو شراکت اقتدار کا معاہدہ ختم ہونے پر استعفیٰ دینا پڑ سکتا ہے۔
بی بی سی کی رپورٹ میں کہا گیا ہے کہ پاکستانی نژاد حمزہ یوسف پر استعفیٰ دینے کے لیے اپوزیشن جماعتوں کا شدید دباؤ ہے اور ان کے پاس تحریک اعتماد سے بچنے کے لیے مستعفی ہونے کے سوا کوئی اور راستہ نہیں بچا۔
یاد رہے کہ گزشتہ ہفتے حمزہ یوسف نے اپنی جماعت اسکاٹش نیشنل پارٹی اور گرین پارٹی کے درمیان اقتدار کی تقسیم کا معاہدہ اچانک ختم کر دیا تھا اور دیگر اپوزیشن جماعتوں کے ساتھ مل کر اقلیتی حکومت چلانے کا ارادہ ظاہر کیا تھا۔
تاہم اپوزیشن جماعتوں نے حمزہ یوسف کے ساتھ مل کر نئی کابینہ بنانے کے بجائے تحریک عدم اعتماد پیش کر دی۔
ادھر حکمراں جماعت نے حمزہ یوسف کی جگہ عبوری وزیراعظم کے لیے پارٹی کے سابق رہنما جان سوینی سے رابطہ کیا ہے جس لگتا ہے کہ حمزہ یوسف پر مستعفی ہونے کے لیے پارٹی کی جانب سے بھی دباؤ ہے۔
یاد رہے کہ پاکستانی نژاد حمزہ یوسف کی پارٹی کی حکومت پر گرفت گزشتہ برس فنڈنگ اسکینڈل اور پارٹی کے ایک رہنما کے استعفیٰ کے باعث سے کمزور ہوتی گئی تھی۔
قیادت کے بحران اور اسکاٹش حکومت کے خلاف تحریک عدم اعتماد نے حمزہ یوسف کی اسکاٹش نیشنل پارٹی کو درپیش مسائل کو مزید گھمبیر کر دیا ہے اور یہ جماعت اپنی 17 سالہ عوامی حمایت کھوتی جا رہی ہے۔
اگر حمزہ یوسف مستعفی نہیں ہوتے اور تحریک عدم اعتماد کا سامنا کرتے ہیں تو شکست کی صورت میں پارلیمنٹ کو اُن کا متبادل ڈھونڈنے کے لیے 28 دن ہوں گے۔
واضح رہے کہ حمزہ یوسف نے مارچ 2023 میں پارٹی فنڈنگ اسکینڈل پر سابق فرسٹ منسٹر نکولا اسٹرجن کے مستعفی ہونے پر یہ عہد سنبھالا تھا۔ فرسٹ منسٹر بننے سے قبل اسکاٹش حکومت میں صحت اور انصاف کے وزیر رہ چکے تھے۔
