All posts by Channel Five Pakistan

https://www.facebook.com/asif.azam.33821

اب گوگل فوٹوز کے ساتھ ‘بڑاجادو’ کریں

لاہور(ویب ڈیسک)گوگل کے بغیر انٹرنیٹ کی دنیا ادھوری محسوس ہوتی ہے اور اس کی مختلف اپلیکشنز زندگی کو آسان بنانے کے لیے اکثر انتہائی زبردست فیچرز متعارف کراتی رہتی ہیں۔اور اب گوگل نے اپنے صارفین کے لیے ایک ‘جادوئی’ فیچر متعارف کرایا ہے جس سے گوگل فوٹوز ایپ استعمال کرنے والے ہی فائدہ اٹھاسکیں گے۔درحقیقت یہ ایسا زبردست فیچر ہے جو کسی انقلاب سے کم نہیں بلکہ لوگوں کے لیے کچھ کام بہت آسان بنادے گا۔خود سوچیں اگر آپ کو کسی تصویر میں موجود تحریر یا ٹیکسٹ کو کسی دوست کو بھیجنا ہو تو اب تک وہ ٹائپ ہی کرنا پڑتا تھا مگر اب گوگل فوٹوز کا جادو اسے ماضی کا قصہ بنادے گا۔درحقیقت اب آپ گوگل فوٹوز میں تصاویر میں موجود ٹیکسٹ کو کاپی پیسٹ بھی کرسکتے ہین۔جی ہاں واقعی کسی بھی اسکرین شاٹ یا تصویر میں موجود ٹیکسٹ کو اپنے ہاتھ سے ٹائپ کرنے کی بجائے آپ گوگل فوٹوز میں گوگل لینس کی مدد سے کاپی کرکے اپنی پسند کی کسی بھی جگہ پر پیسٹ کرسکتے ہیں۔اس فیچر کے ذریعے صارفین ان تصاویر میں موجود ٹیکسٹ کے کی ورڈز سے بھی تصاویر کو اپنی فیڈ پر سرچ کرسکیں گے۔

اگر آپ کسی تصویر کا ٹیکسٹ کہیں بھیجنا چاہتے ہیں تو اس تصویر کو گوگل فوٹوز میں اوپن کریں۔تصویر اوپن کرنے کے بعد نیچے لینس جیسے آئیکون پر کلک کریں۔پھر اپنی پسند کے جملوں کو انگلی سے سوائپ کرتے ہوئے سلیکٹ یا ہائی لائٹ کریں اور نیچے کاپی کے آپشن پر کلک کردیں۔اس کے بعد جہاں بھی اسے پیسٹ کرنا ہے، وہ ایپ اوپن کرکے پیسٹ کردیں۔آپ جس ٹیکسٹ کو ہائی لائٹ کریں گے، اس کو گوگل لینس کی مدد سے ٹرانسلیٹ بھی کیا جاسکتا ہے۔

زرمبادلہ کے مجموعی ذخائر میں ایک ہفتے میں 2 ارب 70 کروڑ ڈالر کا اضافہ

کراچی(ویب ڈیسک) ملکی زرمبادلہ کے مجموعی ذخائر میں ایک ہفتے میں 2 ارب 70 کروڑ ڈالر کا اضافہ ریکارڈ کیا گیا ہے جس کے نتیجے میں زرمبادلہ کے مجموعی ذخائر کی مالیت بڑھ کر15 ارب 60 کروڑڈالر کی سطح تک پہنچ گئی۔اسٹیٹ بینک کے جاری کردہ تازہ ترین اعدادوشمارکے مطابق ایک ہفتے میں تجارتی بینکوں کے زرمبادلہ کے ذخائر کی مالیت5.3ارب ڈالرکے اضافے سے7 ارب 36 کروڑ ڈالر ہوگئی ہے تاہم بیرونی قرضوں ودیگر ادائیگیوں کے نتیجے میں مرکزی بینک کے زرمبادلہ کے ذخائر کی مالیت میں کمی کے باعث زرمبادلہ کے سرکاری ذخائرکی مالیت 8 ارب26کروڑڈالر سے گھٹ کر 8 ارب 23کروڑ ڈالرہوگئی ہے۔

گولڈن ٹیمپل سے کشمیریوں کی مدد کی ہدایت مل گئی، اب بھارت سے خالصتان بھی لیں گے

  • اسلام آباد(ویب ڈیسک) سکھ رہنما سردار پرتاب سنگھ کا کشمیر ریلی سے خطاب میں کہنا ہے کہ دنیا بھر کے سکھ کشمیریوں کے ساتھ ہیں کیونکہ گولڈن ٹیمپل سے سکھوں کو کشمیریوں کی مدد کرنے کی ہدایت مل گئی ہے۔مقبوضہ کشمیر میں 19 ویں روز بھی کرفیو جاری ہے اور بھارتی مظالم کے خلاف آج بھی پاکستان سمیت دنیا بھر کے کشمیری سراپا احتجاج ہیں۔ مقبوضہ کشمیر میں بھارتی بربریت کے خلاف اور نہتے کشمیریوں سے اظہار یکجہتی کیلئے
  • وفاقی دارالحکومت اسلام آباد میں بڑی ریلی نکالی گئی جس میں اقلیتی برادریوں اور نامور فنکاروں نے بھی شرکت کی۔ریلی میں بچوں، بوڑھوں اور مرد وخواتین سمیت ہر طبقہ فکر کے لوگ موجود تھے جنہوں نے یک زبان ہوکر کشمیریوں پر مودی سرکاری کے ظلم وبربریت کی شدید مذمت کی۔کشمیر میں خون کی ہولی کھیلی جارہی ہے، صدر آزاد کشمیر۔ریلی سے خطاب میں صدر آزاد کشمیر سردار مسعود احمد خان کا کہنا تھا کہ کشمیر میں خون کی ہولی کھیلی جارہی ہے لیکن کشمیری جذبہ ایمانی کے ساتھ بھارتی مظالم کے سامنے سیسہ پلائی دیوار بنے ہوئے ہیں۔انہوں نے کہا کہ مودی سرکار کشمیر میں منظم نسل کشی کر رہی ہے،
  • کشمیری خواتین کی عزتیں پامال کی جا رہی ہیں، بھارتی افواج بزدل ہیں، رات کے اندھیرے میں کشمیریوں کے گھروں میں گھس کر نوجوانوں اور بچوں کو اغوا کیا جا رہا ہے۔دنیا بھر کے سکھ کشمیریوں کے ساتھ ہیں: سردار پرتاب سنگھ۔ریلی سے خطاب میں سکھ برادری کے نمائندے سردار پرتاپ سنگھ کا کہنا تھا کہ مودی سرکار نہتے اور مظلوم کشمیریوں پر ظلم بندکرے، ہم کشمیر بھی واپس لیں گے اور اب خالصتان بھی بنے گا۔انہوں نے مزید کہا کہ دنیا بھر کے سکھ کشمیریوں کے ساتھ ہیں کیوںکہ گولڈن ٹیمپل سے سکھوں کو کشمیریوں کی مدد کرنے کی ہدایت مل گئی ہے، مودی کو پیغام دینا چاہتا ہوں جلد ہی پاکستان اور خالصتان کا پرچم دہلی پر لہرائیں گے اور ہر ایک ظلم کا حساب ہوگا۔ بشپ ندیم کا ریلی سے خطاب میں کہنا تھا کہ کشمیر میں کرفیو لگاکر قتل عام کیا جارہاہے، مسیحی برادری پاکستان پر جانیں قربان کرنے کو تیار ہے۔آزاد کشمیر سمیت ملک بھر میں احتجاجی مظاہرے۔دوسری جانب مقبوضہ کشمیر میں قابض بھارتی افواج کے مظالم کے خلاف مظفرآباد سمیت آزاد کشمیر اور پاکستان بھر میں اساتذہ، طلبہ، سول سوسائٹی، اقلیتی برادری، سیاسی و مذہبی جماعتوں اور شہریوں نے سڑکوں پر آکر کشمیری عوام سے اظہار یکجہتی اور بھارت کے اقدام کے خلاف اپنے غم و غصے کا اظہار کیا۔آزاد کشمیر کے دارالحکومت مظفرآباد میں پاسبان حریت جموں و کشمیر کے زیر اہتمام آزادی چوک میں دھرنا دیا۔ مظاہرین کا کہنا تھا کہ بھارتی قابض فوج گھروں پر
  • چھاپے مار کر ظلم اور تشدد کے پہاڑ توڑ رہی ہے، عالمی برداری انسانیت کو بچانے کیلئے فوری طور پر اپنا کردار ادا کرے۔میرپور اور نکیال سمیت دیگر شہروں میں بھی بھارتی جارحیت کے خلاف احتجاجی مظاہرے کیے گئے اور ریلیاں نکالی گئیں۔نوجوانوں نے ہاتھوں میں پلے کارڈ اٹھا رکھے ہیں۔فیصل آباد میں گھنٹہ گھر کے اطراف کشمیروں سے یکجہتی کرتے ہوئے انسانی ہاتھوں کی زنجیر بنائی گئی جبکہ ملتان اور لودھراں میں اساتذہ اور طلبہ نے کشمیریوں کےحق میں ریلی نکالی۔گوجرانوالہ، سرگودھا، رحیم یارخان، مظفر گڑھ سمیت پنجاب کے دیگر شہروں میں عوام نے سڑکوں پر آکر کشمیریوں سے یکجہتی کا اظہار کیا۔حیدرآباد میں مسیحی برادری بھی کشمیریوں کے حق میں سڑکوں پرنکل آئی جبکہ مسجد جامع ابوالفضل سے کشمیر بنے گا پاکستان ریلی نکالی گئی۔کشمور میں اہلسنت و الجماعت کی جانب سے کشمیریوں سے یکجہتی کیلئے ریلی نکالی گئی جس میں سکھ اور ہندو برادری کی بڑی تعداد نے شرکت کی، شرکاءنے مودی کے خلاف نعرے لگائے۔ریلی کے شرکاءنے بھارتی اقدامات کے خلاف پلے کارڈ اٹھا رکھے ہیں ۔سکھر میں جمعیت علمائے اسلام، لاڑکانہ میں پی ٹی آئی اور بدین میں جماعت اسلامی نے کشمیری عوام سے یکجہتی کا اظہار کیا۔بابِ خیبر کے سامنے قبائلی عمائدین اور سیاسی پارٹیوں نے کشمیریوں سے اظہار یکجہتی ریلی نکالی۔چارسدہ، مردان، کوہاٹ، اپر کوہستان اور تورغر سمیت خیبر پختونخوا کے دیگر شہروں میں بھی کشمیری عوام کے ساتھ اظہار یکجہتی کیلئے مختلف مقامات پر ریلیاں نکالی گئیں۔

واٹس ایپ میسج کتنی بار فارورڈ ہوا؟ اب جاننا ممکن

لاہور(ویب ڈیسک)اب آپ دیکھ سکتے ہیں کہ واٹس ایپ میں ایک پیغام کتنی بار فارورڈ ہوچکا ہے۔واٹس ایپ کی جانب سے فرضی خبروں اور افواہوں کی روک تھام کے لیے گزشتہ سال سے کافی اقدامات کیے گئے ہیں، جیسے فارورڈ پیغامات کی حد مقرر کی گئی اور یہ 5 کردی گئی۔اب اس حوالے سے واٹس ایپ نے نیا فیچر متعارف کرایا ہے جس سے صارفین دیکھ سکتے ہیں کہ ایک پیغام کو کتنی بار فارورڈ کیا جا چکا ہے۔5 بار سے زائد بار پیغام فارورڈ ہونے پر اس میسج پر ایک نیا فارورڈ آئیکون بھی بنا آجائے گا۔

کون دیکھ سکتا ہے؟
بنیادی طور پر ایک پیغام کتنی بار فارورڈ ہوا یہ وہ صارف دیکھ سکے گا جو آخری بار اسے آگے کسی دوست کو بھیجے گا اور یہ حد بھی 4 بار تک ہے، اس کے بعد پیغام پر فارورڈ کے الفاظ کے پیچھے 2 تیر یا ایرو بن جائیں گے، جس کا مطلب ہے کہ یہ 5 یا اس زائد بار فارورڈ ہوچکا ہے۔پیغام کو موصول کرنے والا یہ تو نہیں دیکھ سکے گا کہ یہ کتنی بار فارورڈ ہوچکا ہے تاہم ایک ایک ایرو کی جگہ 2 ایرو بن جائیں تو یہ اس بات کی نشاندہی کرے گا کہ اسے 5 یا اس سے زائد بار آگے بھیجا جاچکا ہے۔
طریقہ
اس مقصد کے لیے اپنے کسی دوست کو کوئی بھی پیغام فارورڈ کردیں اور پھر اس میسج کو کچھ دیر تک دبا کر رکھیں تو اوپر مینیو آجائے گا جس میں تھری ڈاٹ مینیو پر کلک کرکے انفو کے آپشن کا انتخاب کریں وہاں نمبر لکھیں نظر آئیں گے۔

جب آپ کو دوست اس کو کسی اور کو بھیجے گا تو پھر اس کے پاس انفو میں لکھا آئے گا کہ دوسری بار فارورڈ ہوا ہے یعنی ایک بار آپ نے اور دوسری بار آپ کے دوست نے۔

اب وہ اس سے آگے کسی کو بھیجے گا تو تیسرے شخص کے پاس یہ نمبر 3 ہوجائے گا اور اگر وہ واپس آپ کو ہی فارورڈ کردے گا تو پھر 4 اور ایک بار مزید فارورڈ ہونے پر ایک نیا آئیکون نظر آئے گا جس میں بتایا جائے گا کہ یہ میسج کئی بار فارورڈ ہوچکا ہے جبکہ ڈبل ایرو بن جائے گا، مگر انفو سے نمبر غائب ہوجائیں گے۔خیال رہے کہ واٹس ایپ صارفین کی تعداد ڈیڑھ ارب سے زائد ہے اور اس کے غلط استعمال سے کئی ممالک میں تشدد کے واقعات پیش آئے، جس کے بعد کمپنی نے ان کی روک تھام کے لیے مختلف فیچرز پر کام شروع کیا۔

چین میں روبوٹکس کا عالمی میلہ جاری

بیجنگ(ویب ڈیسک) چین میں جدید ترین اور حیرت انگیز روبوٹس کی نمائش جاری ہے جس میں دنیا بھر سے حیرت انگیز روبوٹس پیش کیے گئے ہیں۔

اس موقع پر روبوٹ اور مصنوعی ذہانت کے کئی موضوعات پرایک کانفرنس بھی منعقد کی گئی ہے جس میں دنیا بھر کے بہترین دماغ اپنی تحقیقات پیش کررہے ہیں۔

مجموعی طور پر 22 ممالک کے 4500 ماہرین نے اس نمائش میں اپنی اپنی تخلیقات پیش کی ہیں۔ ان میں تیرنے، اڑنے، دوڑنے، چلنے، گھریلو امور انجام دینے والے اور دیگر تفریحی روبوٹ بھی موجود ہیں۔

مجموعی طور پر 700 سے زائد ایسے روبوٹ پیش کیے گئے ہیں جن میں سے بعض کو صنعتوں اور کارخانوں میں استعمال کیا جاسکتا ہے۔ اس طرح 21 مختلف صنعتی کاموں کےلیے مخصوص روبوٹس یہاں رکھے گئے ہیں۔

ان میں جرمن کمپنی فیسٹو کا بنایا ہوا ایک پرندہ روبوٹ بھی رکھا گیا ہے جس نے گزشتہ کئی برس سے دنیا میں اپنی پرواز کی دھوم مچارکھی ہے۔ یہ روبوٹ ہوبہو پرندے کی طرح اپنے پر پھڑپھڑاتا ہے اور اسے کئی کاموں کےلیے استعمال کیا جاسکتا ہے۔

ایک اور دلچسپ گری بینڈ ہے جو ایک ایسا روبوٹ ہے جو پیانو بجاتا ہے اور مشہور دھنیں چھیڑ کر لوگوں کو مبہوت کرسکتا ہے۔اس نمائش میں تیرنے اور چوپائے کی طرح چلنے والے روبوٹس بھی رکھے گئے ہیں جن میں بوسٹن ڈائنامِکس کے مشہور چوپائے روبوٹس بھی شامل ہیں۔

ایف بی آر نے یو اے ای سے اقامہ رکھنے والے پاکستانیوں کے کوائف مانگ لیے

اسلام آباد(ویب ڈیسک) فیڈرل بورڈ آف ریونیو (ایف بی آر) نے اقامہ رکھنے والے پاکستانیوں کے کوائف متحدہ عرب امارات سے مانگ لیے۔ایف بی آر نے اقامہ رکھنے والوں پاکستانیوں کی معلومات لینے کیلئے متحدہ عرب امارات کی وزارت خزانہ کو خط لکھا ہے۔ خط کے مطابق متحدہ عرب امارات کی جانب سے اب تک مہیا کی گئی معلومات ناکافی اور ٹھوس نہیں ہیں۔یو اے ای میں جائیدادیں؛ جن شہریوں کو نوٹس بھیجے جائیں گے ان کی فہرست سامنے آگئی۔خط میں لکھا ہے کہ رپورٹ میں 3620 اکاﺅنٹس کے بارے میں بتایا گیا ہے، ان اکاﺅنٹس میں بتایا گیا بیلنس بھی بہت کم ہے اور یہ بیلنس ہماری توقعات کے برخلاف اور ناکافی ہے۔ایف بی آر نے مزید کہا کہ اگر کوئی پاکستانی قانونی طور پر امارات میں سرمایہ کاری کرتا ہے تو ہمیں کوئی اعتراض نہیں۔ایف بی آر کی ایک ٹیم اگلے ماہ متحدہ عرب امارات بھی جائے گی جہاں متعلقہ حکام سے ڈیٹا شیئرنگ کیلئے مذاکرات کیے جائیں گے۔یاد رہے کہ حکومت کی جانب سے متحدہ عرب امارات میں جائیدادیں بنانے والے پاکستانی شہریوں کے خلاف کریک ڈاﺅن کا سلسلہ شروع کیا گیا تھا۔رپورٹ کے مطابق دبئی میں موجود پاکستانیوں کی 2750 چھپی ہوئی جائیدادیں مختلف ناموں پر ہیں جن کے خلاف تحقیقات چل رہی ہیں۔اگر ہر پراپرٹی کا تخمینہ 4 کروڑ روپے بھی لگایا جائے تو ایف آئی اے کے پاس زیرتفتیش متحدہ عرب امارات میں موجود اثاثوں کی قیمت 110 ارب روپے بنتی ہے۔ایف آئی اے کے اینٹی کرپشن ونگ نے 3 ہزار 549 میں سے 662 جائیدادوں کے مالکوں کے خلاف 54 فوجداری انکوائریز شروع کردی ہیں۔

امریکی پابندیوں سے ہواوے کی آمدنی میں 10 ارب ڈالرز کمی کا امکان

بیجنگ (ویب ڈیسک)امریکا کی جانب سے رواں سال مئی میں ہواوے کو بلیک لسٹ کرتے ہوئے مختلف پابندیاں عائد کی گئی تھیں اور اب چینی کمپنی نے بتایا ہے کہ اس کے منفی اثرات سابقہ تخمینے کے مقابلے میں کافی کم ہیں۔چین کے شہر شینزن میں ہواوے کے ڈپٹی چیئرمین ایرک شو نے میڈیا سے بات کرتے ہوئے بتایا کہ امریکی پابندیوں کے نتیجے میں فون ڈویڑن کی فروخت میں 10 ارب ڈالرز کمی کا امکان ہے۔اس حوالے سے جون میں ہواوے کے سی ای او رین زینگ فائی نے پیشگوئی کی تھی کہ امریکی پابندیوں کے نتیجے میں کمپنی کو 30 ارب ڈالرز کا نقصان ہوسکتا ہے۔تاہم اب کمپنی کے ڈپٹی چیئرمین کا کہنا ہے ‘ایسا نظر آتا ہے کہ پابندیوں کے اثرات توقعات سے کم متاثر کریں گے، تاہم اس حوالے سے درست اعدادوشمار کے لیے مارچ تک نتائج کا انتظار کرنا ہوگا’۔یاد رہے کہ مئی میں امریکا نے چینی کمپنی کو اپنی قومی سلامتی کے لیے خطرہ قرار دیتے ہوئے بلیک لسٹ میں شامل کردیا تھا جس کے باعث امریکی کمپنیاں ہواوے کو پرزہ جات اور دیگر سپورٹ ٹرمپ انتظامیہ کی اجازت کے بغیر فراہم نہیں کرسکیں گی۔تاہم امریکی محکمہ تجارت نے اس پابندی کو مئی میں ہی 3 ماہ کے لیے ملتوی کردیا تھا جس کا اطلاق 19 اگست ہونا تھا، مگر رواں ہفتے امریکی محکمہ تجارت نے ہواوے پر عائد پابندیوں کا نفاذ مزید 3 ماہ کے لیے التوا میں ڈالتے ہوئے عارضی لائسنس جاری کیا تاکہ امریکی کمپنیاں اس کے ساتھ کام کرسکیں۔تاہم ایرک شو کے مطابق یہ عارضی لائسنس بے معنی ہے کیونکہ ہمارے ملازمین پابندی میں رہ کر بھی کام کرنے کے لیے مکمل تیار ہیں۔انہوں نے کہا کہ ہواوے نے اس کے بعد اپنا آپریٹنگ سسٹم تیار کرنے کا اعلان کیا اور رواں ماہ متعارف بھی کرادیا جس کا استعمال اس وقت ہوگا جب گوگل کے اینڈرائیڈ سسٹم تک اس کی رسائی ختم کردی جائے گی۔جون میں ایک انٹرویو کے دوران ہواوے کے سی ای او کا کہنا تھا کہ ہمیں اندازہ نہیں تھا کہ امریکا کی جانب سے اتنے زیادہ پہلوو¿ں سے ہمیں ہدف بنایا جائے گا، اس سے تمام فریقین متاثر ہوں گے اور کوئی بھی جیت نہیں سکے گا۔تاہم ان کا کہنا تھا کہ توقع ہے کہ 2021 تک ہم اس کے اثرات سے باہر نکل جائیں گے۔انہوں نے کہا ‘ہم پرزہ جات کی سپلائی حاصل نہیں کرسکیں گے، متعدد بین الاقوامی کمپنیوں کے ساتھ کام نہیں کرسکیں گے، متعدد یونیورسٹیوں کے ساتھ کام کرنے کا موقع نہیں ملے گا، ہم کسی قسم کے امریکی آلات استعمال نہیں کرسکیں گے اور نیٹ ورکس کے ساتھ ان آلات کی مدد سے قائم کیا جانے والا کنکشن بھی بناسکیں گے’۔

پلاسٹک کی تھیلیاں 100 سال قبل سمندر برد ہونے والے ٹائی ٹینک تک جا پہنچیں

نیویارک(ویب ڈیسک)آج سے تقریبا 107 سال قبل سمندر میں ڈوب جانے والے دنیا کے پہلے بڑے بحری جہاز کے ملبے کو دیکھنے والی ٹیم کے مطابق ٹائی ٹینک کے ملبے تک پلاسٹک پہنچ گیا ہے اور اس کا ملبہ گل کر ٹکڑے ٹکڑے ہونا شروع ہو چکا ہے۔خیال رہے کہ دنیا کے سب سے پہلے بڑے اور جدید بحری جہاز کا درجہ رکھنے والے ’آر ایم ایس ٹائی ٹینک‘ 1912 میں بحر اوقیانوس میں کینیڈا کے قریب برفانی تودے سے ٹکرانے کے بعد تباہ ہوا تھا۔یہ جہاز

882 فٹ لمبا اور 90 فٹ سے زیادہ اونچا تھا اور اس کا وزن 53 ہزار ٹن تھا۔یہ جہاز 2200 سے زائد مسافروں اور عملے کے ساتھ انگلینڈ کے شہر ساو¿تمپن سے امریکی شہر نیویارک کی جانب روانہ ہوا تھا اور اس میں زندگی کو پرتعیش بنانے والے ہر سامان کا بندوبست تھا۔ٹائی ٹینک کو دنیا کا پہلا پرتعیش جہاز بھی مانا جاتا ہے۔جہاز بحر اوقیانوس میں کینیڈا سے 370 میل کی دوری پر برفانی تودے سے ٹکرانے کے بعد سمندر برد ہوا تھا۔رپورٹس کے مطابق حادثے میں 1500 سے زائد افراد جاں بحق ہوگئے تھے جب کہ جہاز کے مالک سمیت مجموعی طور 700 افراد زندہ بچ جانے میں کامیاب گئے تھے۔جہاز کے مالک کی جانب سے جہاز کو ڈوبتے اور لوگوں کو مرتے ہوئے دیکھ کر بچ نکلنے پر شدید تنقید کا سامنا بنایا گیا اور اس کا سماجی بائیکاٹ بھی کیا گیا اور وہ 1937 میں گوشہ تنہائی میں چل بسے۔اس جہاز کے کیپٹن کو ہیرو قرار دیا گیا کیوں کہ انہوں نے آخری دم جہاز میں پھنسے مسافروں کو بچایا اور بلاخر وہ بھی سمندر میں ڈوب کر چل بسے۔اس جہاز کا ملبہ حادثے کے 70 سال بعد 1985 میں امریکی نیوی کے سابق افسر اور ماہر اوشنوگرافی رابرٹ بلارڈ نے اپنی ٹیم کے

ہمراہ ڈھونڈ نکالا تھا، ان کے ساتھ فرانسیسی ماہر اوشنوگرافی بھی تھے۔ٹائی ٹینک کے ملبے کو ڈھونڈ نکالنے کے بعد اس پر کئی تحقیقات ہوئیں اور اس پر 1998 میں شہرہ آفاق فلم ’ٹائی ٹینک‘ بھی بنائی گئی جو ایک دہائی تک دنیا کی سب سے زیادہ کمائی کرنے والی فلم بھی رہی۔ٹائی ٹینک کے ملبے کو دیکھنے اور اس پر تحقیق کرنے کے لیے ماہرین کی ٹیم آخری بار 2005 میں زیر سمندر گئی تھی اور اب 14 برس بعد ماہرین کی ایک اور ٹیم جہاز کے ملبے

پر تحقیق کے لیے گئی۔اب سامنے آنے والی تصاویر میں جہاز کا ملبہ انتہائی خراب میں حالت میں دیکھا جا سکتا ہے۔ٹائی ٹینک پروڈکشن نامی امریکی کمپنی کے چیئرمین کی سربراہی میں 5 ماہرین کی ٹیم بحر اوقیانوس کے 4 ہزار فٹ نیچے گئی اور ٹائی ٹینک کے ملبے کا جائزہ لیا۔کمپنی کی جانب سے جاری بیان میں بتایا گیا کہ نکمین اور ٹھنڈے پانی میں ہونے کی وجہ سے جہاز کا ملبہ آہستہ آہستہ ٹوٹ کر بکھرنے لگا ہے جب کہ ملبے کے اوپر بیکٹیریا، پلاسٹک، سمندری پانی، برف اور نمک کے ملاپ کی تہہ جم چکی ہے۔ماہرین کا کہنا تھا کہ پر تعیش ٹائی ٹینک کے کئی حصے انتہائی خستہ حال ہو چکے ہیں جب کہ پلاسٹک کی تھیلیوں سمیت مختلف اقسام کا پلاسٹک بھی جہاز کے ملبے میں پھنس چکا ہے۔`