All posts by Channel Five Pakistan

آزادی ما ر چ، شہباز شریف کی آج جیل میں نواز شریف سے ملاقات اہمیت اختیار کر گئی

لاہور(ویب ڈیسک): سابق وزیراعظم نواز شریف اپنے بھائی قائد حزب اختلاف شہباز شریف کو جمعیت علمائے اسلام (ف) کے آزادی مارچ میں شرکت کے لیے قائل کرنے کی کوشش کریں گے۔مسلم لیگ نواز کے ذرائع نے بتایا کہ شہباز شریف کی آج جیل میں نواز شریف سے ملاقات اہمیت اختیار کر گئی ہے۔ان کا کہنا تھا کہ نوازشریف، مولانا فضل الرحمان کے آزادی مارچ میں بھرپور شرکت کے حامی جبکہ ان کی صاحبزادی اور پارٹی کی نائب صدر مریم نواز بھی والد کے موقف کی حمایت کررہی ہیں۔دوسری جانب شہباز شریف آزادی مارچ میں پارٹی کے وفد کی سطح پر شرکت کے حامی ہیں جبکہ ان کے بیٹے پنجاب اسمبلی میں قائد حزب اختلاف حمزہ شہباز بھی اس موقف کے ساتھ کھڑے ہیں۔ذرائع کے مطابق جیلوں میں قید اسیر رہنما بھی آزادی مارچ میں بھرپور شرکت کی حمایت کررہے ہیں۔بتایا جارہا ہے کہ نواز شریف شہباز شریف سے ملاقات اور اہم سیاسی امور پر تفصیلی بات چیت کے بعد پارٹی کو ہدایات دیں گے۔ذرائع کا مزید کہنا تھا کہ مولانا فضل الرحمان بھی آج کی ملاقات کے بعد کی صورتحال کے شدت سے منتظر ہیں۔

اسلام آباد ہائیکورٹ نے جج ویڈیو سکینڈل کیس میں نواز شریف کی متفرق درخواست قابل سماعت قرار دے دی

اسلام آباد: (ویب ڈیسک) اسلام آباد ہائیکورٹ نے جج ویڈیو سکینڈل کیس میں نواز شریف کی متفرق درخواست قابل سماعت قرار دے دی۔اسلام آباد ہائی کورٹ نے نواز شریف کی سزا کے خلاف اپیل کی سماعت کا تحریری حکم نامہ جاری کر دیا۔ جسٹس عامر فاروق اور جسٹس محسن اخترکیانی نے تحریری حکم جاری کیا۔ عدالت نے کہا نواز شریف نے اپیل کے دوران اضافی شواہد کا جائزہ لینے کی درخواست کی، جج ویڈیو اسکینڈل کے حوالے سے نواز شریف کی متفرق درخواست قابل سماعت قرار ہے۔عدالت نے تحریری حکم میں نیب کو نوٹس جاری کرتے ہوئے 14 روز میں جواب جمع کرانے کی ہدایت کر دی۔ عدالت نے کہا کیس کی پیپر بکس کی تیاری ہو چکی، فریقین نے کاپیاں حاصل کرلیں، کیس مزید 2 ہفتے کے بعد سماعت کے لیے مقرر کیا جائے۔

تاریخ پہ تا ریخ،آزادی مارچ 27 نہیں 31 اکتوبر کو اسلام آباد داخل ہوگا،فضل الرحمان

اسلام آباد(ویب ڈیسک): آزادی مارچ 27 کو نہیں 31 اکتوبر کو اسلام آباد میں داخل ہوگا،جمیعت علمائے اسلام ف کے سربراہ مولانا فضل الرحمان نے کہا کہ آزادی مارچ 27 اکتوبر کو شروع ہوگااور ہم وفاقی دارالحکومت اسلام آباد میں 31 اکتوبر کو داخل ہونگے۔اسلام آباد میں ذرائع ابلاغ کے نمائندوں سے گفتگو میں جے یو آئی ف کے سربراہ نے کہا کہ ملک بھر سے قافلے ایک ہی وقت میں اسلام آباد میں داخل ہونگے۔مولانا فضل الرحمان نے اضح کیا کہ 31 اکتوبر سے قبل کوئی جلوس اسلام آباد میں داخل نہیں ہوگا،27 اکتوبر کے جلوس کشمیریوں سے اظہار یکجہتی کے لئے نکالے جائیں گے۔انہوں نے کہا کہ کارکنان کسی بھی منفی پروپیگنڈہ کا حصہ نہ بنیں اور اپنی تیاریوں کو تیز کریں۔

ٹی 20 سیریز میں شکست کے با وجو دمصباح کو تھوڑا وقت دینا ہوگا ،ضرور اچھا کریں گے، وسیم اکرم

پشا ور (ویب ڈیسک)پاکستان کرکٹ ٹیم کے سابق کپتان وسیم اکرم نے کہا ہے کہ مصباح الحق نے ابھی حال ہی میں کرکٹ ٹیم کے حوالے سے ذمہ داریاں سنبھالی ہیں جنھیں دو ٹی ٹوئنٹی میچوں میں شکست پر تنقید کا نشانہ بنانا درست نہیں ،تھوڑا وقت دینا ہوگا وہ ضرور اچھا کریں گے۔وزیراعلیٰ ہاﺅس پشاورمیں میڈیا سے بات کرتے ہوئے وسیم اکرم نے کہا کہ نیا کوچ آیاہے ان کا الگ طریقہ ہے، مصباح کو وقت دیناچاہیے، سری لنکا کی یہ اصل ٹیم نہیں لیکن پھر بھی ہم ان سے ہار گئے جس پر دکھ ضرور ہے تاہم فوری طورپر ردعمل دینا بھی مناسب نہیں۔ مصباح الحق نے ابھی حال ہی میں کرکٹ ٹیم کے حوالے سے ذمہ داریاں سنبھالی ہیں جنھیں دو ٹی ٹوئنٹی میچوں میں شکست پر تنقید کا نشانہ بنانا درست نہیں، تھوڑا وقت دینا ہوگا وہ ضرور اچھا کریں گے۔ مصباح الحق عمر اکمل اور احمد شہزاد کو لایا کیونکہ وہ پرانے کھلاڑیوں کو آزمانا چاہتا تھا تاہم وہ پرفارم نہیں کرسکے تو اسی بنیاد پر مستقبل میں فیصلے ہوں گے۔

پاکستانی ساختہ سستی موٹر سا ئیکل جسے 50 کلومیٹر کی ایوریج پر ماہانہ 500 روپے میں چلایا جاسکے گا،بی بی سی کی رپو رٹ

اسلام آباد: (ویب ڈیسک)پیٹرول کی آسمان کو چھوتی قیمتوں سے پریشان موٹر سائیکل سواروں کے لیے خوشخبری ہے کہ اب پاکستان میں الیکٹرک انجن سے چلنے والی موٹرسائیکلیں تیار کی جارہی ہیں جسے 50 کلومیٹر کی ایوریج پر ماہانہ صرف 500 روپے میں چلایا جاسکتا ہے۔برطانوی نشریاتی ادارے بی بی سی کے مطابق پاکستان کے صوبے پنجاب کے شہر ساہیوال میں 2 اداروں نے باہمی اشتراک سے پٹرول کے بجائے برقی توانائی سے چلنے والی موٹرسائیکل کو مقامی سطح پر تیار کرنے کا دعویٰ کیا ہے جس کی ہیئت تو روایتی موٹرسائیکل کی طرح ہی ہے لیکن اس میں پٹرول سے چلنے والے انجن کے بجائے برقی توانائی سے کام کرنے والے انجن کو نصب کیا گیا ہے۔

عا طف اسلم کی نئی حمد’وہی خدا ہے“ سوشل میڈیا پر مقبول ہونے لگی

کراچی: (ویب ڈیسک)نامور پاکستانی گلوکار عاطف اسلم کی خوبصورت آواز میں پڑھی جانے والی حمد ”وہی خدا ہے“ سوشل میڈیا پر بے حد مقبول ہورہی ہے عاطف اسلم نے یہ حمد اپنے بیٹے احد کے نام کی ہے۔۔عاطف اسلم ایک بار پھر اپنی خوبصورت آواز میں پڑھی جانے والی حمد سے کوک اسٹوڈیو کے تمام گانوں کا ریکارڈ توڑنے والے ہیں۔ گزشتہ کچھ سیزن سے کوک اسٹوڈیو کی مقبولیت میں اضافے کے بجائے کمی آتی جارہی ہے یہی وجہ ہے کہ کوک اسٹوڈیو انتظامیہ نے سیزن 12 کا ا?غاز عاطف اسلم کی خوبصورت آواز میں پڑھی جانے والی حمد ”وہی خدا ہے“ سے کرنے کا فیصلہ کیا اور ان کا یہ فیصلہ صحیح بھی ثابت ہوا ہے۔

وزیراعظم عمران خان کا جلد سعودی عرب اور ایران کا دورہ،تیا ریا ں شروع

اسلام آباد: (ویب ڈیسک) چین سے واپسی کے بعد وزیراعظم عمران خان کے نئے دورے کی تیاریاں، جلد سعودی عرب اور ایران کا دورہ کریں گے۔تفصیلات کے مطابق وزیراعظم عمران خانکے  نئے غیر ملکی دورے کی تیاریاں شروع کر دی گئی ہیں۔ وزیراعظم تیرہ اکتوبر کو سعودی عرب جائیں گے جبکہ جلد تہران جانے کا بھی امکان ہے، تاریخ مشاورت سے طے ہوگی۔وزیراعظم عمران خان 29 اکتوبر کو سرمایہ کاری کانفرنس میں شرکت کیلئے دوبارہ ریاض کا دورہ کر سکتے ہیں۔

مقبوضہ کشمیر میں بھارتی جبری پابندیاں 67 ویں روز میں داخل،حریت رہنما ءبدستور جیلوں میں بند

سرینگر: (ویب ڈیسک) مقبوضہ کشمیر میں بھارتی جبری پابندیاں 67 ویں روز میں داخل ہوگئیں، کشمیری آج بھی اپنے گھروں میں قید ہیں۔مظالم کا شکار کشمیری روز مرہ کی اشیاءسے محروم ہیں، کھانے پینے ادویات کا سٹاک ختم ہوچکا ہے، بھارتی فوج رات گئے کشمیریوں کے گھروں پر دھاوا بول دیتی ہے، اب تک 12 سال کے بچوں سمیت ہزاروں افراد کو گرفتار کیا جاچکا ہے۔مظاہروں کے لیے نکلنے والے کشمیریوں کو فائرنگ کا نشانہ بنایا جا رہا ہے، تمام حریت رہنما 5 اگست سے بدستور جیلوں میں بند ہیں۔