پاکستان کے مقبول ترین اداکار فواد خان کو سالگرہ کی موقع پر معروف بھارتی فلم فیئر ایڈیٹر جتیش پِلائی نے پیار بھرا پیغام بھیجا۔فواد خان آج کل فلموں اور ڈراموں میں نظر تو نہیں آرہے لیکن ان کے مداحوں کو ان کے ہر ڈرامے اور فلم کا انتظار رہتا ہے۔اداکار نا صرف لالی وڈ میں مقبول ہیں بلکہ سرحد پار بھی انہیں بے شمار لوگ پسند کرتے ہیں اور انہیں اسکرین پر دیکھنے کے منتظر رہتے ہیں۔حال ہی میں اداکار کی 38ویں سالگرہ کے موقع پر جہاں پاکستان سے انہیں بے شمار لوگوں نے سالگرہ کی مبارکباد  دی وہیں معروف بھارتی فلم فیئر ایڈیٹر نے بھی ان کی سالگرہ کے موقع پر ایک خوبصورت پیغام لکھا

پونا: بھارتی وزیر دفاع راج ناتھ سنگھ نے ایک بار پھر بڑھکیاں مارتے ہوئے کہا ہے کہ پاکستان بھارت سے کوئی روایتی جنگ نہیں جیت سکتا اس لیے اس نے پراکسی وار کا راستہ چنا۔پونا کی نیشنل ڈیفینس اکیڈمی میں پاسنگ آؤٹ پریڈ سے خطاب کرتے ہوئے راج ناتھ سنگھ نےکہا کہ پاکستان اپنا پراکسی وار کا شوق پورا کررہا تھا کیونکہ اسے پتا چل چکا ہےکہ وہ ہم سے روایتی جنگ نہیں جیت سکتا۔انہوں نے کہا کہ پاکستان نے پراکسی وار کا راستہ خود چنا جس میں اسے صرف شکست ہوگی۔بھارتی وزیر دفاع کا کہنا تھا کہ پاکستان 1948 سے ہی حقیقت جان چکا تھا، اور پھر 1965، 71 اور 99 کی جنگوں کے ذریعے کہ وہ بھارت سے کوئی روایتی یا محدود جنگ نہیں جیت سکتا۔راج ناتھ سنگھ نے مزید کہا کہ پاکستان نے دہشت گردی کے ذریعے پراکسی وار کا راستہ چنا لیکن میں مکمل ذمہ داری کے ساتھ یہ بتاسکتا ہوں کہ پاکستان کو سوائے شکست کے کچھ حاصل نہیں ہوگا۔ان کا کہنا تھا کہ بھارت کے ہمیشہ سے دیگر ممالک کے ساتھ اچھے اور دوستانہ تعلقات رہے، بھارت کے کبھی اضافی علاقائی مقاصد نہیں رہے لیکن کوئی اشتعال انگیزی ہوئی تو ہم کسی کو نہیں چھوڑیں گے۔

لاہور (جنرل رپورٹر) شہر میں سموگ یا فوگ، شہر کی فضا ایک بار پھر گردآلود ہو گئی۔ گزشتہ روز 216 ایئر کوالٹی انڈیکس کے ساتھ لاہور دنیا کے آلودہ ترین شہروں میں \رفہرست رہا، پنجاب اسمبلی کے قریب آلودگی کی شرح 365، گلبرگ 302، ایئرپورٹ اور اطراف میں 233 اے کیو آئی ریکارڈ کیا گیا۔ محکمہ موسمیات کا بتانا تھا کہ شہر کا مطلع جزوی طور پر آج ابرآلود رہے گا۔ ہوا کی رفتار 10 کلومیٹر فی گھنٹہ جبکہ نمی کا تناسب 65 فیصد ریکارڈ کیا گیا ہے۔ موسم کا احوال بتانے والوں کے مطابق آج شہر میں کم سے کم درجہ حرارت8، زیادہ سے زیادہ 22 ڈگری سینٹی گریڈ رہنے کا امکان ہے۔

کابل/واشنگٹن(صباح نیوز‘ این این آئی) امریکہ کے صدر ڈونلڈ ٹرمپ نے طالبان کے ساتھ مذاکراتکی بحالی کا اعلان کر دیا ہے۔امریکی صدر نے افغانستان کا اچانک دورہ کیا اور19 گھنٹے گزارے اور اپنے افغان ہم منصب اشرف غنی سے ملاقات کی۔امریکی صدرخصوصی طیارے پر جمعرات کی شام افغانستان کے صوبے پروان کے علاقے بگرام پہنچے تھے۔ وائٹ ہاوس کے نیشنل سیکیورٹی (قومی سلامتی)کے مشیر رابرٹ او برائن اور سیکریٹ سروس ایجنٹس کے اہلکاروں کا مختصر گروپ بھی ان کے ہمراہ تھا۔ڈونلڈٹرمپ نے کہا کہ افغان طالبان معاہدہ کرنا چاہتے ہیں اور میرے خیال میں وہ جنگ بندی بھی چاہتے ہیں۔ انہوں نے کہا ہم دیکھیں گے کہ کیا واقعی طالبان مذاکرات چاہتے ہیں لیکن یہ ایک حقیقی ڈیل ہونی چاہئے۔امریکی صدر نے کہا کہ ہم افغانستان میں امریکی فوجیوں کی تعداد میں واضح کمی کریں گے۔ ٹرمپ نے تھینکس گونگ ڈے کے موقع پر افغانستان میں موجود امریکی فوجیوں سے بھی ملاقات کی۔در ٹرمپ نے کہا افغانستان میں امریکی فوجیوں کی تعداد 13 ہزار سے کم کرکے 8600 کرنے کا منصوبہ ہے۔ واضح رہے کہ امریکہ کے صدر بننے کے بعد ڈونلڈ ٹرمپ کا افغانستان کا یہ پہلا دورہ ہے۔امریکی صدر ڈونلڈ ٹرمپ نے امید ظاہر کی ہے کہ امریکا کی طویل جنگ کے خاتمے کے لیے طالبان جنگ بندی پر رضامند ہوجائیں گے۔ طالبان معاہدہ کرنا چاہ رہے ہیں اس لیے ہم ان سے ملاقات کررہے ہیں،ہم کہتے ہیں کہ جگ بندی ہونی چاہیے اور وہ سیز فائر نہیں چاہتے تھے لیکن اب وہ بھی جنگ بندی چاہتے ہیں اور میرے خیال سے اب کام ہوجائے گا۔غیرملکی خبررساں ادارے کے مطابق امریکی صدر ڈونلڈ ٹرمپ غیر اعلانیہ دورے پر افغانستان پہنچ گئے۔ کرسی صدارت سنبھالنے کے بعد یہ ا±ن کا افغانستان کا پہلا دورہ ہے۔امریکی صدر کا طیارہ بگرام کے فضائی اڈے پر اترا۔ اس دورے میں ٹرمپ کے ہمراہ وائٹ ہاو¿س میں قومی سلامتی کے مشیر روبرٹ اوبرائن اور مشیروں کے ایک چھوٹے گروپ کے علاوہ صدارتی پاسداران کے افسران اور میڈیا کے اداروں کی نمائندگی کرنے والے رپورٹروں کا ایک گروپ بھی افغانستان پہنچا۔ٹرمپ نے بگرام کے اڈے پر افغان صدر اشرف غنی سے ملاقات کی۔ بعد ازاں انہوں نے امریکی فوجیوں کے سامنے خطاب بھی کیا۔ اس موقع پر امریکی صدر کا کہنا تھا کہ افغان تحریک طالبان امن معاہدے کی خواہش رکھتی ہے۔ ٹرمپ نے خیال ظاہر کیا کہ طالبان فائر بندی چاہتے ہیں۔ٹرمپ نے انکشاف کیا کہ امریکا نے طالبان کے ساتھ بات چیت دوبارہ شروع کر دی ہے۔ ڈونلڈ ٹرمپ کا کہنا تھا کہ ہم کہتے ہیں کہ جگ بندی ہونی چاہیے اور وہ سیز فائر نہیں چاہتے تھے لیکن اب وہ بھی جنگ بندی چاہتے ہیں اور میرے خیال سے اب کام ہوجائے گا۔امریکی صدر ڈونلڈ ٹرمپ مغربی تہوار تھینکس گیوِنگ کے موقع پر اچانک افغانستان پہنچے جہاں انہوں نے امید ظاہر کی کہ امریکا کی طویل جنگ کے خاتمے کے لیے طالبان جنگ بندی پر رضامند ہوجائیں گے۔امریکی صدر نے امریکی فوجیوں کوٹرکی (مرغی کی طرح کا ایک پرندہ) کھانے کے لیے پیش کیا جس کے بعد ان کے ساتھ بیٹھ کر تھینکس گیونگ تہوار کا ڈنر کیا۔اس موقع پر انہوں نے افغانستان میں تعینات امریکی فوجیوں کے ساتھ گفتگو کی اور ان کے ساتھ تصاویر بھی لیں۔افغانستان پہنچنے پر امریکی فوج کے چیئرمین جوائنٹ چیفس آف اسٹاف جنرل مارک ملے نے ان کا استقبال کیا۔خیال رہے کہ یہ کسی بھی امریکی صدر کا افغانستان کا دوسرا دورہ تھا، اس سے قبل ڈونلڈ ٹرمپ نے گزشتہ برس کرسمس کے موقع پر عراق کا دورہ کر کے وہاں تعینات امریکی فوجیوں سے ملاقات کی تھی۔خیال رہے کہ امریکی صدر نے صدارتی انتخابات کی مہم کے دوران بھی افغانستان میں امریکی جنگ کے خاتمے کی خواہش کا اظہار کرتے تھے۔بعدازاں امریکا اور طالبان کے درمیان گزشتہ برس باضابطہ طور پر بات چیت کا آغاز ہوا تھا، تاہم رواں برس ستمبر میں طالبان حملے میں امریکی فوجیوں کی ہلاکت کے بعد ڈونلڈ ٹرمپ نے طالبان رہنماو¿ں کے ساتھ ملاقات منسوخ کرکے مذاکراتی عمل ختم کرنے کا اعلان کیا تھا۔تاہم طالبان کی جانب سے اغوا کیے گئے امریکی اور آسٹریلوی پروفیسرز کی رہائی کے بعد امن عمل کی بحالی کے امکانات روشن ہوئے تھے۔خیال رہے کہ امریکی شہر نیویارک میں 11 ستمبر 2011 کو ہونے والے حملے کے بعد افغانستان میں امریکا نے چڑھائی کردی تھی اور اس کے بعد سے نیٹو دستے وہاں موجود ہیں، اس جنگ کے دوران 2400 امریکی فوجی قتل ہوچکے ہیں۔مذکورہ جنگ کے اختتام کے لیے ممکنہ معاہدے کے تیار کردہ مسودے میں غیر ملکی فوجیوں کے انخلا کے بدلے طالبان کی جانب سے اس بات کی ضمانت موجود تھی کہ وہ امریکا یا اس کے اتحادیوں کے خلاف حملے کے لیے افغانستان کی سرزمین استعمال نہیں ہونے دیں گے۔تاہم اس کے باوجود امریکی عہدیداروں کو اس بات پر شبہ ہے کہ طالبان القاعدہ کو افغان سرزمین سے امریکا کے خلاف حملے سے روک سکتے ہیں۔اکتوبر میں امریکی وزیر دفاع مارک ایسپر نے افغانستان کا دورہ کیا تھا۔ یہ دورہ طالبان تحریک کے ساتھ بات چیت کو دوبارہ سے ڈگر پر لانے کی ایک کوشش تھی۔ اس سے قبل گذشتہ ماہ ٹرمپ نے بات چیت کا سلسلہ اچانک روک دینے کا اعلان کیا تھا۔ٹرمپ نے طالبان کے ساتھ بات چیت کا سلسلہ روک دیا تھا۔ اس بات چیت کا مقصد امریکی اور غیر ملکی افواج کے انخلاءکے معاہدے تک پہنچنا ہے ، اور اس کے مقابل طالبان کی جانب سے سیکورٹی ضمانتیں حاصل کرنا ہے۔اس سے قبل طالبان نے ستمبر کے دوران کابل میں دھماکے کیے تھے۔ ان کارروائیوں میں ایک امریکی فوجی سمیت 12 افراد اپنی جانوں سے ہاتھ دھو بیٹھے۔امریکا یہ باور کرا چکا ہے کہ اس نے ٹرمپ کی جانب سے طالبان کے ساتھ بات چیت سے علاحدگی اختیار کرنے کے بعد سے افغانستان میں شدت پسندوں کے خلاف کارروائیوں کی رفتار تیز کر دی ہے۔

کراچی (وقائع نگار) جمعیت علمائے اسلام (ف) کے سربراہ مولانا فضل الرحمان نے حکومت کے خاتمے کے لیے تحریک چلانے کا اعلان کردیا۔کراچی میں احتجاجی سے خطاب کرتے ہوئے ان کا کہنا تھا کہ تمام اپوزیشن جماعتیں متفق ہیں، حکومت کی گرتی دیوار کو ایک دھکا دینے کی ضرورت ہے۔مولانا فضل الرحمان کا کہنا تھا کہ معیشت سمندر میں غرق ہورہی ہے اور یہ عیاشیاں کررہے ہیں، عوام سبزیاں نہیں خرید سکتی اور یہ ٹماٹر 17 اور مٹر کی قیمت 5 روہے کلو بتاتے ہیں۔ان کا کہنا تھا کہ ووٹ کو چوری کرکے اقتدار پر قبضے کی اجازت نہیں دی جاسکتی۔انہوں نے کہا کہ ایک کروڑ نوکریاں دینے والے 400 ادارے بند کرنے جارہے ہیں جبکہ لاکھوں لوگوں کو بے روزگار کردیا گیا ہے۔ان کا کہنا تھا کہ افواج پاکستان کی قیادت کو عدالتوں میں گھسیٹا گیا اور بے توقیر کیا گیا، ان کے پاس قانون ہے نہ قانونی چارہ جوئی کی اہلیت ہے، یہ جعلی پارلیمنٹ حساس قانون سازی نہیں کرسکتی۔جمعیت علمائے اسلام (ف) کے سربراہ کا کہنا تھا کہ نئے انتخابات کرائیں جائیں اس کے لیے تحریک جاری رہے گی۔انہوں نے کہا کہ حکمران جماعت اپنے احتساب سے فرار حاصل کررہی ہے تاہم حکمرانوں کو ان کے ہی آئینے میں چہرہ دکھانے کا وقت آگیا ہے۔انہوں نے مطالبہ کیا کہ الیکشن کمیشن اپنا وجود کھونے سے پہلے عوام کو مطمئن کرے اور غیر ملکی فنڈنگ کیس کو منطقی انجام تک پہنچائے۔مولانا فضل الرحمان نے مزید کہا کہ ہم نے یہ ملک جمہوریت اور عوام کے لیے حاصل کیا تھا۔

لاہور (لیڈی رپورٹر‘ خصوصی رپورٹر) سپرنٹنڈنٹ کاشانہ لاہور افشاں لطیف کو حراست میں لے لیا گیا۔ افشاں لطف کو سرکاری رہائش گاہ پر قبضہ کے الزام میں حراست میں لیا گیا۔ یہ ویڈیو پیغام سوشل میڈیا پر وائرل ہوتے ہی خبریں چینل۵ نے تحقیقات کا آغاز کر دیا۔ اس حوالے سے وزیر قانون راجہ بشارت نے خبریں چینل ۵ سے خصوصی طور پر گفتگو کرتے ہوئے کہا ہ یہ خاتون الزام لگا رہی ہیں آج سے ڈیڑھ ماہ پہلے چیف منسٹر انسپکشن ٹیم نے اس خاتون کو ٹرانسفر کا کہا مگر یہ مسلسل چارج نہیں چھوڑ ہی تھی۔ آج جب چیف منسٹر انسکپشن ٹیم ان کے آفس گئیں تو انہوں نے اندر سے تالے لگا لئے بعد میں خواتین آفیسر نے پولیس اہلکاروں کو بلوایا کہ دروازہ کھلوائیں تاکہ ہم چارج سنبھال سکیں۔ تفصیلات کے مطابق سپرنٹنڈنٹ کاشانہ لاہور کو سرکاری رہائش گاہ پر قبضہ کے الزام میں حراست میں لیا گیا۔ افشاں لطیف نے آتے ہی ادارے کی ڈی جی کرن امتیاز پر الزامات لگائے۔ افشاں لطیف کا کہنا تھا کہ کرن امتیاز کم عمر لڑکیوں پر شادی کیلئے دباﺅ ڈالتی ہیں۔ ذرائع کے مطابق خاتون افسر کے ساتھ شوہر کو بھی حراست میں لے کر رہائش خالی کرائی گئی ہے۔ خاتون افسر پر تبادلے کے باوجود رہائش گاہ خالی نہ کرنے کا الزام تھا۔ افشاں لطیف کا ویڈیو میں کہنا ہے کہ ادارے کی بچیاں میری بیٹیوں کی طرح ہیں۔ کاشانہ لاہور میں بچوں کی عزت پر آنچ نہیں آنے دوں گی۔ ویڈیو میں انکشاف کئے ہیں۔ وزیراعلیٰ پنجاب تحقیقات کریں۔ افشاں لطیف کا کہنا تھا کہ مجھے ہٹانے کا مطلب شواہد کو غائب کرنا ہے جن رازوں سے پردہ اٹھایا انہیں سامنے لانا ضروری ہے۔ رازوں کے اصل حقائق سامنے لائے بغیر نہیں جاﺅں گی۔ دوسری جانب معائنہ ٹیم نے افشاں لطیف کے الزامات بے بنیاد قرار دیتے ہوئے کہا ہے کہ تحقیقات میں ان کا اپنا کر دار مشکوک نکلا ہے۔ تبادلے سے بچنے کیلئے افشاں لطیف نے الزامات عائد کئے جبکہ وزیراعلیٰ پنجاب نے کاشانہ لاہور کی وائرل ویڈیو کا نوٹس لیتے ہوئے سیکرٹری سوشل ویلفیئر پنجاب سے رپورٹ طلب کرلی ہے۔ وزیراعلیٰ پنجاب عثمان بزدار نے معاملے کی ہر پہلو سے انکوائری کا حکم دیتے ہوئے کہا کہ الزامات کی چھان بین کرکے حقائق سامنے لائے جائیں۔ تحقیقات میں جو بھی قصور وار ہوا بلا امتیاز کارروائی ہوگی جبکہ وزیر قانون راجہ بشارت نے خبریں چینل ۵ سے خصوصی طور پر گفتگو کرتے ہوئے کہا کہ نہ ہی کوئی گرفتاری ہوئی ہے اور نہ ہی کچھ اور میرا خود رابطہ ہوا ہے۔ ان خاتون سے اور میں نے کہا ہے آپ کو جو مسئلہ ہے آپ آکر بات کریں جبکہ چیف منسٹر نے انسپکشن ٹیم کے ذریعے پیغام بھی بھجوایا ہے مگر صرف ایک ٹرانسفر رکوانے کے لئے کبھی یہ اخباروں میں اپنے کالم چھپواتی ہیں اور کبھی سوشل میڈیا کا سہارا لیتی ہیں اور ان کا یہ مسئلہ اب سے نہیں چل رہا بلکہ بطور وزیر قانون میں نے چارج سنبھالا یہ مسئلہ اس وقت سے ہے اور اب آکر انہوں نے الزام تراشی شروع کر دی ہے۔

لندن (بیورو رپورٹ) خبریں کی معروف کالم نویس شمع جونیجو نے بتایا ہے کہ چند روز سے فیس بک پر ان کے خلاف سینکڑوں نہیں ہزاروں جھوٹے الزامات عائد کئےجا رہے ہیں۔ یہ سٹوری پاکستان میں سوشل میڈیا پرمتواتر چل رہی ہے کہ کراچی میں کسی چوک پر ٹریفک کانسٹیبل نے کار میں سوار خاتون کو روکا تو اس نے پولیس والے کو دھمکایا۔ یہ واقعہ ایک معروف ٹی وی چینل نے نشر بھی کیا لیکن سوشل میڈیا نے اس پر ایک جعلی سٹوری گھڑی کہ وہ خاتون جس بااثر شخصیت کی واقف کار تھی اور اسی بنیاد پر پولیس والے کو دھمکیاں دے رہی تھیں۔ شمع جونیجو نے بتایا کہ کسی سوشل میڈیا والے نے اس جعلی سٹوری میں میرا نام اور میری تصویر دے دی کہ یہ وہ خاتون ہے خبر کے ساتھ میری آصف زرداری صاحب کے ساتھ تصویر وائرل کر دی۔ حالانکہ خبریں کے قارئین جانتے ہیں کہ پیپلزپارٹی کے لیڈر جناب زرداری صاحب کا میں نے لندن میں انٹرویو کیا تھا جو خبریں کے پشاور سے کراچی تک 6 سٹیشنوں پر بیک وقت شائع ہوا۔ یہ انٹرویو کے ساتھ لی جانے والی تصویر تھی اور جہاں تک کراچی کے ایک چوک پر ٹریفک پولیس والے سے لڑنے والی خاتون کا تعلق ہے۔ ریڈیو میں جو خاتون دکھائی گئی ہے وہ شکل صورت میں بھی مجھ سے ہزار درجے مختلف ہے۔ شمع جونیجو نے خبریں کو بتایا کہ اس جعلی سٹوری کے جواب میں مجھے گالیوں سے نوازا گیا۔ اور بیشمار میسج ملے جس میں مجھے، میرے بچوں کو برا بھلا کہا گیا حالانکہ میں برسوں پہلے لاہور اور کراچی میں ضرور رہی اور میرا گھر آج بھی سندھ میں ہے جس میں میری بہن رہتی ہیں دوسرے میں تو کئی برسوں سے پاکستان میں داخل بھی نہیں ہوئی۔ شمع جونیجو نے بتایا کہ میرا پتہ تلاش کر کے کچھ نامناسب قسم کے لوگ میری بہن کے گھر پہنچے اور میرا پتہ دریافت کیا۔ میری بہن نے بتایا کہ وہ تو کتنے سال سے لندن میں رہتی ہیں وہ خود پولیس والے کی بیوی ہیں جو اقوام متحدہ میں کام کرتا ہے اور اس کے بیٹے اور بیٹی کا کوئی تعلق بھی پاکستان میں ہونے والے واقعہ سے نہیں ہے۔ شمع جونیجو نے بتایا کہ کئی دن سے میں ذہنی عذاب کا شکار ہوں اور فیس بک پر جواب دیتے دیتے تھک گئی ہوں لیکن یہ پراسرار لوگ میرا پیچھا نہیں چھوڑ رہے ان میں ایک وفاقی وزیر زرتاج گل کا اکاﺅنٹ بھی نظر آیا جو لگتا ہے کہ کسی نے جعلی بنایا ہے۔ شمع جونیجو نے کہا کہ میں لندن میں قانون میں پی ایچ ڈی کر رہی ہوں اور آصف زرداری صاحب کے علاوہ بھی میں نے بہت سی بڑی شخصیتوں کے انٹرویو کئے ہیں۔ زندگی میں کبھی ایسا واقعہ پیش نہیں آیا ٹریفک پولیس کانسٹیبل سے لڑنے والی خاتون کی سوشل میڈیا پر تصویر بھی موجود ہے جو پاکستان میں اُردو کے قارئین میری تصویر کے ساتھ ملا کر دیکھ سکتے ہیں اور سچ اور جھوٹ کا خود اندازہ کر سکتے ہیں۔ آخر میں انہوں نے کہا کہ میں نے پاکستان میں ایف آئی اے کی سائبر کرائم اتھارٹی سے رابطہ کیا ہے اور ایف آئی اے کے ڈائریکٹر سلطان خواجہ نے مجھے یقین دلایا ہے کہ میں کوائف انہیں ارسال کروں۔ وہ ملزموں کا پتہ کروائیں گے جومجھے اور پاکستان میں میری چھوٹی بہن کو ہراساں کر رہے ہیں۔