پاکستان فلم انڈسٹری کی معروف اداکارہ ریشم آج کل سوشل میڈیا پر خوب سرگرم ہیں اور آئے دن اپنے مداحوں کے ساتھ سماجی کاموں اور لنگر کے لیے کھانے تیار کرتے ہوئے ویڈیوز شیئر کرتی رہتی ہیں۔

ایسی ہی ایک ویڈیو ان کے لیے ایک نئی پریشانی لے کر آگئی ، جب محکمہ ایکسائز اینڈ ٹیکسیشن پنجاب کی نظر اس پر پڑ گئی۔

کرینہ کا 24 سال پرانا اسٹائل مغرب میں نیا ٹرینڈ بن گیا

تفصیلات کے مطابق اداکارہ ریشم نے دو دن پہلے اپنے فیس بک پیج پرایک ویڈیو پوسٹ کی تھی، جس میں وہ لنگر کے لیے کھانا تیار کر رہی ہیں۔

ویڈیو کے پس منظر میں ایک سیاہ رنگ کی ہونڈا سوک گاڑی اور اس پر لگی نمبر پلیٹ واضح طور پر دیکھی جا سکتی ہے۔ یہ نمبر پلیٹ محکمہ ایکسائز اینڈ ٹیکسیشن سے نہ بچ سکی۔

فوٹو: سکرین گریب
ایکسائز اینڈ ٹیکسیشن پنجاب میں لاہور ریجن ہی کے ڈائریکٹر محمد آصف نے بتایا کہ جب اداکارہ ریشم کی ویڈیو سوشل میڈیا پر دیکھی تو اس میں گاڑی پر نظر پڑی تو انہوں نے اس کا نمبر نوٹ کر لیا۔

ہم اکثر اپنے اردگرد گاڑیوں کے نمبر نوٹ کر رہے ہوتے ہیں اور پھر ان نمبرز کو سوفٹ ویئر پر دیکھتے ہیں تاکہ معلوم کیا جا سکے کہ گاڑی رجسٹرڈ ہے یا نہیں یا پھر ٹیکس کی ادائیگی ہوئی ہے یا نہیں؟

ڈائریکٹر محمد آصف نے مزید بتایا کہ گاڑی کا ٹوکن ٹیکس 30 جون 2019 تک ہی ادا کیا ہوا تھا اور اس کے بعد کوئی ٹیکس ادا نہیں کیا گیا۔

انہوں نے بتایا کہ اداکارہ ریشم کی گاڑی پر کل 58 ہزار 650 روپے ٹیکس واجب الادا ہے۔

محکمے کے مطابق جن شہریوں کی گاڑیوں پر ٹیکس واجب الادا ہے انہیں خطوط کے ذریعے مطلع کیا جا رہا ہے جس کے بعد اکثر شہری ٹیکس کی ادائیگی کر رہے ہیں۔

محمد آصف کا کہنا تھا کہ اس سے قبل مشہور کامیڈین ناصر چنیوٹی کی گاڑی پر بھی کل 1 لاکھ 85 ہزار سے زائد ٹوکن ٹیکس واجب الادا تھا، جس پر ان کو مطلع کیا گیا تو انہوں نے نمائندے کو گھر بلا کر ٹیکس کی ادائیگی کی۔

ممبئی: بھارت کے معروف فلمساز سنجے لیلا بھنسالی کی ویب سیریز ‘ہیرامنڈی : دی ڈائمنڈ بازار’ میں تاجدار کا کردار کرنے والے بھارتی اداکار طہٰ شاہ نے کہا ہے کہ اُن کی اداکاری کا فواد خان سے موازنہ کرنا فخر کی بات ہے۔

بھارتی میڈیا کے مطابق اداکار طہٰ شاہ نے اپنے حالیہ انٹرویو میں سیریز ‘ہیرامنڈی’ میں کام کرنے کا اپنا تجربہ شیئر کیا اور ساتھ ہی سیریز کے بعد مداحوں سے ملنے والی محبت پر بھی بات کی۔

اس انٹرویو کا ایک مختصر ویڈیو کلپ سوشل میڈیا پر وائرل ہورہا ہے جس میں میزبان نے طہٰ شاہ سے پوچھا کہ مداح ویب سیریز ‘ہیرامنڈی’ میں آپ کے چہرے اور کردار کا فواد خان اور وکی کوشل سے موازنہ کر رہے ہیں تو اس پر آپ کیا کہنا چاہیں گے؟

میزبان کے سوال کا جواب دیتے ہوئے طہٰ شاہ نے کہا کہ میرے لیے چہرے اور کردار کا موازنہ اتنی اہمیت نہیں رکھتا بلکہ میرے لیے زیادہ اہم یہ ہے کہ لوگ میری اداکاری کا موازنہ بڑے اداکاروں سے کریں۔

طہٰ شاہ نے کہا کہ یہ میری خوش قسمتی اور میرے لیے فخر کی بات ہے کہ شائقین نے سیریز ‘ہیرامنڈی’ میں میری اداکاری کا موازنہ فواد خان اور وکی کوشل جیسے بڑے اور منجھے ہوئے اداکاروں سے کیا ہے۔

اداکار نے مزید کہا کہ رومانس کے شائقین نے میرا موازنہ بالی ووڈ کنگ شاہ رخ خان کے رومانس کے ساتھ کیا، یہ بھی میرے لیے فخر کی بات ہے۔

واضح رہے کہ یکم مئی کو نیٹ فلکس پر ریلیز ہونے والی ویب سیریز ‘ہیرا منڈی: دی ڈائمنڈ بازار’ کے ذریعے ہدایتکار سنجے لیلا بھنسالی نے او ٹی ٹی پلیٹ فارم پر قدم رکھا ہے۔

اس سیریز کی میگا کاسٹ میں سوناکشی سنہا، منیشا کوئرالہ، ادیتی راؤ حیدری، ریچا چڈھا، سنجیدا شیخ، شرمین سیگل، طہٰ شاہ اور فردین خان شامل ہیں۔

‘ہیرا منڈی: دی ڈائمنڈ بازار’ کو 1940 کے دور میں سیٹ کیا گیا جبکہ اس میں دربار والوں اور طوائفوں کے درمیان تعلقات پر کہانی کی بنیاد رکھی گئی۔

لاہور: پاکستانی میوزک انڈسٹری کے معروف گلوکار عاصم اظہر نے اپنی اور اداکارہ میرب علی کی شادی کو والدین کی مرضی سے مشروط کر دیا۔

حال ہی میں عاصم اظہر نے دنیا نیوز کے مقبول ترین پروگرام “مذاق رات” میں بطور مہمان شرکت کی جہاں انہوں نے کیریئر سمیت دیگر مختلف موضوعات پر اظہار خیال کیا۔

شو کے دوران ایک خاتون مداح نے گلوکار عاصم اظہر سے پوچھا کہ وہ اور میرب علی شادی کب کررہے ہیں؟

مداح کے سوال کا جواب دیتے ہوئے عاصم اظہر نے کہا کہ ابھی ہماری شادی کی تاریخ طے نہیں ہوئی لیکن ہم دونوں کی رضا مندی ہمارے والدین کے ساتھ ہے۔

عاصم اظہر نے اپنی مداح سے مزید کہا کہ آپ دعا کریں کہ ہمارے والدین جلد ہمارے لیے اچھی خبر سب کو دیں۔

واضح رہے کہ اداکارہ میرب علی اور گلوکار عاصم اظہر کی منگنی مارچ 2022 میں ہوئی تھی جس کے سوشل میڈیا پر خوب چرچے بھی ہوئے تھے۔

یاد رہے کہ میرب نے کم عمری سے ہی ماڈلنگ اور پھر اداکاری کی دنیا میں قدم رکھ دیا تھا، وہ اداکاری کے ساتھ ساتھ وکالت کی ڈگری بھی حاصل کر رہی ہیں۔

دوسری جانب معروف گلوکار عاصم اظہر نے حال ہی میں اپنا ڈیبیو البم ریلیز کیا ہے جسے مداحوں کی جانب سے خوب پذیرائی مل رہی ہے۔

یاد رہے کہ ماضی میں ہانیہ عامر اور گلوکار عاصم اظہر کے درمیان گہرے تعلقات قائم تھے لیکن بعد میں اس جوڑی کا بریک اپ ہوگیا جس کے بعد عاصم اظہر نے اداکارہ میرب علی سے منگنی کرلی تھی۔

گذشتہ دنوں منگنی کرنے والے تاجکستانی گلوکار اور سوشل میڈیا انفلوئنسز عبدو روزک نے اپنی منگیتر کے بارے میں بتایا کہ انہیں شادی کی خبر پر کیسا محسوس ہوا۔

بھارتی میڈیا کو دیے گئے ایک انٹرویو میں انہوں نے کہا کہ، 2024 میرے لئے ایک مبارک سال رہا ہے۔ مجھے اپنی زندگی کا پیار مل گیا ہے اور میں جلد ہی شادی کر لوں گا۔

بگ باس سے مشہور معروف پستہ قد گلوکار عبدو روزک کو بھی دلہن مل گئی

اس گفتگو میں عبدو نےاپنی زندگی کی محبت اور اپنی شادی کے خوابوں سے لے کر ٹرولز سے نمٹنے تک ہر چیز کے بارے میں کھل کر بات کی۔

عبدو نے انکشاف کیا کہ اس کی منگیتر عامرہ متحدہ عرب امارات سے تعلق رکھنے والی 19 سالہ اماراتی ہے۔

وہ شارجہ میں اپنے خاندان کے ساتھ رہتی ہیں اور بہت اچھی انسان ہیں۔

عبدو کا کہنا ہے کہ، عامرہ بہت مہربان، سمجھدار اور قابل احترام ہے۔ ہم دبئی کے ایک اطالوی ریستوران میں ملے تھے۔ جب ہم نے ایک دوسرے سے بات کی، تو مجھے لگا کہ اس میں وہ تمام خوبیاں ہیں جو میں ایک بیوی میں چاہتا ہوں۔

کچھ مہینوں کے بعد، میں نے اپنے جذبات کا اظہار کرتے ہوئے اسے بتایا کہ میں اس سے شادی کرنا چاہتا ہوں. اور وہ راضی ہو گئی۔

عبدو کا کہنا ہے کہ عامرہ کو میری ہر وقت اس کی تعریف کرنا پسند ہے اور وہ کہتی ہے، جب میں اسے ہنساتا ہوں تو وہ اسے پسند کرتی ہے۔

شادی میں بلائے جانے والے مہمانوں کا ذکر کرتے ہوئے تاجکستانی گلوکار نے کہا کہ، ہم اپنے پیاروں کے ساتھ شادی منانا چاہتے ہیں، اس لیے میں انڈیا سے اپنے تمام دوستوں کو ضرور مدعو کروں گا۔

عبدو کے مہمانوں کی فہرست میں سلمان خان بھی شامل ہیں، جن سے وہ بگ باس 16 میں حصہ لینے کے دوران قریب آئے تھے۔

میری منگنی سب کے لئے حیران کن تھی۔ میں نے 27 اپریل کو منگنی سے پہلے کسی کو نہ بتانے کا فیصلہ کیاتھا اور میں شکر گزار ہوں کہ میری فیملی اور ٹیم نے اس کو نجی رکھنے میں میری مدد کی۔ لیکن جیسے ہی سلمان بھائی نے یہ خبر سنی، انہوں نے مجھے مبارکباد دینے کے لیے فون کیا۔ انہاں نے مجھے اپنی نیک تمنائیں دی اور یہ میرے لئے بہت معنی رکھتا ہے۔

میں اپنی شادی میں اپنے بڑے بھائی جان کی موجودگی کا منتظر ہوں۔ بگ باس کے میرے دوست جیسے شیو ٹھاکرے بھی حیران تھے لیکن میرے لئے خوش تھے۔

تاہم، ایک مشہور شخصیت ہونے کے اپنے نقصانات ہیں، کچھ لوگوں نے اس خبر کے سامنے آنے کے بعد عبدو کو ٹرول کیا، اور دوسروں نے سوال اٹھایا کہ اس نے اپنی منگیتر کا چہرہ کیوں نہیں دکھایا، یہاں تک کہ اسے پی آراسسٹنٹ قرار دیا۔

عبدو کا کہنا ہے کہ انہیں ’افسوس‘ ہوتا ہے کہ، لوگ سوچیں گے کہ انہوں نے یہ سب کچھ کیا ہے۔ کیا لوگ سوچتے ہیں کہ میں شادی نہیں کر سکتا؟ مجھے صحت کا کوئی مسئلہ نہیں ہے، میں کماتا ہوں اور اپنی فیملی کی دیکھ بھال کرتا ہوں۔

میں بھی خوش رہنے کا مستحق ہوں۔ میں نے بہت سے منفی تبصروں کو آن لائن میرا مذاق اڑاتے ہوئے دیکھا ہے، اس سے مجھے دکھ ہوتا ہے، کیونکہ میں نے کبھی کسی کو نقصان پہنچانے کی خواہش نہیں کی ہے۔

عبدو نےیہ بھی شیئر کیا کہ، ان کے کلچر میں لوگوں کے لئے سوشل میڈیا پر خواتین کی تصاویر کو آزادانہ طور پر شیئر کرنا عام نہیں ہے۔ میرا تعلق قدامت پسند کلچر سے ہے۔ مجھے یقین ہے کہ لوگوں نے نوٹ کیا ہوگا کہ میں نے کبھی بھی اپنی ماں یا بہن کی تصاویر سوشل میڈیا پر شیئر نہیں کی ہیں۔ وہ پرائیویٹ رہنے کو ترجیح دیتی ہیں۔

بہرحال، عبدو کو کسی بھی منفی سوچ نے پیچھے نہیں کیا ہے، کیونکہ وہ کام کرنے میں بہت مصروف ہے اور محبت میں ڈوبا ہوا ہے۔

میرے پاس بہت سارے منصوبے ہیں، لیکن میری بنیادی توجہ شادی پر ہے۔ میں چاہتا ہوں کہ یہ اب تک کا سب سے اچھا دن ہو۔

میں اس سال آسٹریلیا، امریکہ، برطانیہ اور بھارت کا بھی سفر کرنے کا ارادہ رکھتا ہوں ۔میں صرف یہ چاہتا ہوں کہ ہر کوئی ایک دوسرے کے ساتھ مہربان اور احترام کرے۔ امن اور محبت پھیلانا سیکھیں، اور مہربان اور مددگار بنیں۔ منفی سوچ لوگوں کو ذہنی طور پر متاثر کرتی ہے۔

بگ باس 16 کے کنٹیسٹنٹ نے حال ہی میں اعلان کیا تھا کہ وہ منگنی کر چکے ہیں اور اب ان کے ”خطروں کے کھلاڑی“ کے اگلے سیزن میں حصہ لینے کی خبریں گردش کررہی ہیں۔