وفاقی وزیر برائے سائنس و ٹیکنالوجی فواد چوہدری نے کہا ہے کہ چینی کمپنی سائنوفارم سے کورونا وائرس کی 12 لاکھ ویکسین خریدی جائیں گی۔

تفصیلات کے مطابق وفاقی وزیر کا کہناہے کہ چینی کمپنی سے ویکسین خریداری کابینہ کمیٹی کافیصلہ ہے۔

فواد چوہدری نے کہا کہ  ویکسین2021 کی پہلی سہ ماہی میں فرنٹ لائن ورکرز کو مفت لگائی جائیں گی۔

انہوں نے اپنے سوشل میڈیا پیغام میں کہا کہ نجی شعبہ یا کوئی اور بین الاقوامی طور پر منظور شدہ ویکسین درآمد کرنا چاہے  تو کرسکتا ہے۔

وزیرِ اعظم عمران خان  نے متعلقہ اداروں کو ہدایت کی ہے کہ   پاکستان کے خلاف بے بنیاد اور من گھڑت بھارتی مہم کا مقابلہ حقائق سے کیا جائے  عوام اور عالمی برادری کے سامنے بھارت کا اصل چہرہ سامنے لایاجائے  اس امر کا اظہارپاکستان کے خلاف جاری بھارتی پراپیگنڈے خصوصا بھارتی میڈیا کی ہائبرڈ وارفئیر کے حوالے سے اجلاس میں کیا ہے  ہوا ۔اجلاس میں وزیرِ خارجہ شاہ محمود  قریشی، وزیرِ  اطلاعات سینیٹر شبلی فراز، وزیرِداخلہ شیخ رشید احمد ،  وزیرِ مواصلات مراد سعید، معاون خصوصی ڈاکٹر معید یوسف، فوکل پرسن برائے ڈیجیٹل میڈیا ڈاکٹر ارسلان خالد و دیگر شریک ہوئے ۔اجلاس میں پاکستان کے خلاف بھارتی میڈیا کی جانب سے غلط معلومات اور منفی پراپیگنڈے   کا جائزہ لیا گیا۔وزیرِ اعظم عمران خان نے اجلاس سے خطاب کرتے ہوئے کہا کہ بھارتی حکومت کی جانب سے مقبوضہ جموں و کشمیر میں کیے گئے غیر قانونی اقدامات،  انسانی حقوق کی سنگین خلاف ورزیوں اور ہندوفاشسٹ ایجنڈے  اور اس کے نتیجے میں علاقائی امن و امان کو درپیش خطرات سے توجہ ہٹانے کے لئے بھارتی میڈیا کی جانب سے  پاکستان کے خلاف بے بنیاد اور منفی پراپیگنڈہ کیا جا رہا ہے جس کا مقصد  نہ صرف عالمی توجہ ہٹانا ہے بلکہ ملک  میں انتشار  پھیلانا ہے۔ وزیرِ اعظم نے ہدایت کی کہ بھارتی میڈیا کے منفی پراپیگنڈے کو ناکام بنانے اور اس حوالے سے عوام میں بہتر شعور اجاگر کرنے کے سلسلے میں بھرپور اقدامات کیے جائیں۔وزیرِ اعظم نے کہا کہ  بے بنیاد اور من گھڑت مہم کا مقابلہ حقائق سے کیا جائے  اور عوام اور عالمی برادری کے سامنے بھارت کا اصل چہرہ سامنے لایاجائے۔وزیرِ اعظم نے امید ظاہر کی کہ پاکستانی میڈیا بھی اس ضمن مین اپنا کردار بھرپور طریقے سے ادا کرے گا۔

 پیپلز پارٹی کے چیئرمین بلاول بھٹو زرداری نے کہا ہے کہ استعفے ہمارا ایٹم بم ہیں جسے بہت احتیاط کے ساتھ استعمال کیا جائے گا۔وزیر اعظم کے استعفے تک کوئی بات نہیں ہوگی۔ وزیر اعظم عمران خان کو ہر صورت جانا ہوگا مگر وہ کیسے جائیں گے اسے ابھی شیئر میں نہیں کرسکتا،موجودہ حکومت کو گھر بھیجنے کے لئے ہر سیاسی ہتھیار استعمال کریں گے جس میں سینیٹ کے الیکشن میں حصہ لینا بھی شامل ہے ۔پی ڈی ایم ملکر الیکشن لڑے تو سینیٹ میں کامیاب ہو سکتے ہیں، تحریک عدم اعتماد بھی لائی جائے ۔ اسمبلیوں سے استعفوں کو نواز شریف کی وطن واپسی سے مشروط کرنے کے معاملے کی میں تصدیق یا تردید نہیں کرسکتا ،پارٹی اجلاس میں ارکان کو اپنی رائے دینے کا حق حاصل ہے ، مسلم لیگ(ن) کے پارلیمانی لیڈر خواجہ آصف کی گرفتاری کی شدید مذمت کرتے ہیں۔ان خیالات کا اظہار انہوں نے منگل کی شب پیپلز پارٹی کی سینٹرل ایگزیکٹو کمیٹی کے 7 گھنٹے طویل اجلاس کے بعدبلاول ہائو س میڈیا سیل میں پریس کانفرنس میں کیا۔ بلاول نے کہا کہ ہمارے سامنے بہت بڑا چیلنج ہے ، ہم سب کو مل کر اس کٹھ پتلی اور سلیکٹڈ حکومت کو نکالنا ہے ، ہمیں پاکستان کی سیاست اور حکومت سے اسٹیبلشمنٹ کا عمل دخل اب روکنا چاہیے ، ہم جمہوری لوگ ہیں ہمارا جب بھی کوئی پارٹی اجلاس ہوتا ہے اس میں ہر معاملے پر غور ہوتا ہے ۔ یہ حکومت صرف اسٹیبلشمنٹ کے کندھے پر قائم ہے ،اس کی حمایت کے بغیر یہ ایک دن بھی قائم نہیں رہ سکتی ہے ۔ ایک دن بھی اسٹیبلشمنٹ اپنی سپورٹ ختم کردے تو یہ حکومت فورا گرجائے ، جی ڈی اے اور بلوچستان سے تعلق رکھنے والے سیاستدان کیسے اس حکومت کے ساتھ کھڑے ہوسکتے ہیں؟ بلوچستان کے سیاست دان اس وجہ سے حکومت کیساتھ ہیں کیوں کہ انکو مجبور کیا جاتا ہے ۔اسمبلیوں سے استعفوں کو نواز شریف کی واپسی سے مشروط کرنے سے متعلق سوال پر چیئرمین پی پی نے کہا کہ سی ای سی اجلاس میں ارکان نے اپنی اپنی رائے کا اظہار کیا ،میں اجلاس کے فیصلوں سے آگاہ کر رہا ہوں آپ کے سوال کی تردید یا تصدیق نہیں کرسکتا،اجلاس میں رائے دینا ہر ممبر کا حق ہے ۔ پیپلزپارٹی سمجھتی ہے کہ اب وقت آگیا ہے کہ وزیراعظم گھر جائیں۔بلاول بھٹو نے کہا کہ ملک سیاسی اور معاشی گرداب سے اسی صورت میں باہر نکل سکتا ہے کہ پاکستان کواصل جمہوریت کی طرف بڑھنے دیا جائے ۔ انہوں نے کہا کہ 31 دسمبر تک تمام ارکان کے استعفے پارٹی قیادت کے پاس جمع ہونگے اسکی سی ای سی نے بھی حمایت کی ہے ۔پارٹی نے پی ڈی ایم کے 31جنوری تک وزیراعظم کو گھر بھیجنے کے فیصلے کی بھی تائید کی ہے ۔سی ای سی نے پی ڈی ایم کے فیصلوں کی توثیق کی ہے ۔پی ڈی ایم میں جو طے ہوا ہے ویسے ہی ہم آگے بڑھیں گے ۔انہوں نے کہا کہ ہماری سی ای سی کی رائے ہے کہ حکومت کو ہر فورم پر چیلنج کیا جائے ۔سلیکٹڈ نااہل حکومت کو سڑکوں پر بھی چیلنج کیا جائے گا،ناکام کرپٹ حکومت کو عدالتوں میں بھی چیلنج کرنا چاہیے ۔ سلیکٹڈ حکومت کو پارلیمنٹ اور پنجاب اسمبلی میں چیلنج کرنا چاہئے ۔بلاول نے کہا کہ اس حکومت کو سینیٹ الیکشن میں بھی چیلنج کرنا چاہئے ۔ پی پی چیئرمین نے کہا کہ ہم اپنی رائے کو پی ڈی ایم کے فورم پر رکھیں گے ۔ سی ای سی نے شفاف انتخابات کا مطالبہ کیا ہے جس میں پچھلے الیکشن کی طرح دھاندلی نہ ہو۔ سلیکٹڈ حکومت کی وجہ سے عوام تکلیف میں ہے ، 2018کے الیکشن الیکشن نہیں سلیکشن تھی جس کی وجہ سے عمران خان کی حکومت بنی، انہی کی وجہ سے یہ حکومت بچی ہوئی ہے ، ہم نے وزیراعظم عمران خان کو 31جنوری کی ڈیڈ لائن دی ہے کہ عمران خان گھر چلے جائیں،عمران خان کو خود گھر چلے جانا چاہیے ورنہ ہمیں بھیجنا پڑے گا۔بلاول بھٹو زرداری نے کہا کہ پی ڈی ایم کے ایکشن پلان کی پیپلزپارٹی نے توثیق کی ہے ۔سی ای سی کی رائے ہے کہ حکومت کو ہر ہتھیار کے ساتھ چیلنج کرنا ضروری ہے ، پی ڈی ایم کو سینیٹ الیکشن میں حصہ لینا چاہیے ۔ اگرپی ڈی ایم ملکر الیکشن لڑے تو سینیٹ میں اکثریت حاصل کرسکتی ہے ۔بلاول بھٹو زرداری نے کہا کہ سی ای سی خود مختلف تنظیموں سے رابطہ کرے گی جو اس حکومت سے تنگ ہیں۔انہوں نے کہا کہ سٹیل ملز کے ملازمین کے ساتھ ناانصافی ہورہی ہے اور پی آئی اے کے ملازمین کو زبردستی اسلام آباد بھیجا جارہا ہے ۔پیپلز پارٹی اس پر سخت احتجاج کرتی ہے ۔ہم ان تمام طبقوں سے رابطہ کریں گے جن کے ساتھ ظلم ہورہا ہے ۔انہوں نے مسلم لیگ (ن) کے رہنماخواجہ آصف کی گرفتاری کی مذمت کرتے ہوئے کہا کہ ہم اس کو سیاسی انتقام سمجھتے ہیں۔انہوں نے کہا کہ یہ عمل جمہوریت کے منافی ہے ۔ایک اور سوال کے جواب میں انہوں نے کہا کہ سی ای سی نے سینیٹ الیکشن فورم پر حکومت کو چیلنج کرنے کی رائے دی، اسے پی ڈی ایم کے سامنے لایا جائے گا۔انہوں نے کہا کہ مردان کے جلسے میں پیپلز پارٹی کے نمائندے موجود تھے جلوس بھی نکلے مگر ان کو سٹیج تک آنے کا موقع نہیں ملا۔انہوں نے کہا کہ میڈیا میں پی ڈی ایم اور پیپلز پارٹی کے خلاف پراپیگنڈا ہوتا ہے اور خالی جگہوں کو دکھانے کا سلسلہ چلتا ہے ۔انہوں نے کہا کہ پی ڈی ایم قیادت ایک ساتھ ہے ایک ساتھ رہے گی ۔انہوں نے کہا کہ پی ڈی ایم نے استعفے دینے کا کوئی فیصلہ نہیں کیا ،ہوگا تو سامنے رکھیں گے ۔جہاں تک سینیٹ الیکشن اور عمران خان کے جانے کا معاملہ ہے اس میں کوئی تکرار نہیں ہے ۔پارٹی کی جانب سے سینیٹ الیکشن میں شامل ہونا ہماری تجویز ہے ۔اجلاس میں مردم شماری کے ایشو پر بات ہوئی ، ہم پہلے روز سے اس مردم شماری کے خلاف آواز اٹھاتے رہے ہیں کیونکہ یہ صوبوں کے خلاف ہے ۔مردم شماری پر بھی ہمیں شدید اختلافات ہیں، ہم حکومت کے اتحادیوں سے بھی رابطہ کریں گے جنہوں نے مردم شماری پر اعتراضات کیے اورآبادی کے تحت عوام کو ان کاحق دلائیں گے ۔ 2018کے الیکشن میں جو دھاندلی ہوئی اسکا آغاز مردم شماری سے ہوا، مردم شماری والا معاملہ بھی پی ڈی ایم کے پلیٹ فارم پر اٹھائیں گے ۔سی ای سی اجلاس میں گلگت بلتستان کے الیکشن میں دھاندلی کی مذمت کی گئی اور انتخاب کو مسترد کیا گیا ۔اجلاس نے کشمیر میں عوام کے ساتھ ظلم کی بھی مذمت کی ۔اجلاس نے بلوچستان میں جو کچھ ہورہا ہے اس پر گہری تشویش کا اظہار کرتے ہوئے اس کی مذمت کی۔اس وقت عوام تاریخی مہنگائی کا شکار ہیں،بجلی ،گیس کے بل، ادویات اوراشیائے خوردونوش کی قیمتیں کنٹرول سے باہر ہیں ،پورے خطے میں پاکستان کی منفی گروتھ ریٹ ہے ۔قوم کو آج جس صورتحال کا سامنا ہے یہ سب کچھ حکومت کا کیا دھرا ہے ،حکومت کی نااہلی کا بوجھ ملک کے عوام برداشت کررہے ہیں ۔بلاول بھٹو نے کہا کہ آزاد کشمیر کے الیکشن شفاف ہونے چاہئیں، کشمیر کے عوام کے ساتھ جو ناانصافی ہورہی اسکی مذمت کی گئی،اجلاس میں سندھ اور بلوچستان کے ساحلوں پر قبضہ کیا جارہا ہے ، سندھ اور بلوچستان کو ایک ہوکر اس معاملے پر آواز بلند کرنی چاہیے ، ہم تاجروں، مزدوروں، پی آئی اے اور سٹیل مل کے ملازمین سے رابطے کریں گے ، ہم ان سب لوگوں سے رابطہ کریں گے جو اس حکومت کے باعث تکلیف کا شکار ہیں، جو کسانوں کا معاشی قتل ہورہا ہم اس پر بھی آواز بلند کریں گے ، ہمارا احتجاج تب تک کامیاب نہیں ہوگا جب تک عوام ہمارا ساتھ نہیں دیتے ، عوام تب ہمارا ساتھ د یں گے جب انکے مسائل پر بات ہو۔انہوں نے کہا کہ اس وقت پاکستان میں مہنگائی خطے میں سب سے زیادہ ہے ۔ انہوں نے کہا کہ عوام کو اس وقت جن مصائب کا سامنا ہے اس کی ذمہ دار صرف اور صرف سلیکٹڈ حکومت ہے ،سیاسی معاملات میں اسٹیبلشمنٹ کے عمل دخل کی وجہ سے صورتحال اور بھی خراب ہوئی ہے اس لئے اسٹیبلشمنٹ کے سیاسی عمل دخل کو روکناہوگا۔ بلاول کا کہنا ہے کہ ہمارا عزم ہے ہمیشہ کی طرح تمام جمہوری قوتوں کوساتھ لے کرچلیں۔

مسلم لیگ (ن) کی نائب صدر مریم نواز نے کہا ہے کہ جب کمزور وزیراعظم عوام کی آتا ہے تو بھارت جیسا کمزور دشمن وار کرتا ہے ،یہ وزیراعظم عوامی نہیں ہے یہ نالائق اعظم ہے ،میں کشمیر کی بیٹی ہوں میری رگوں میں نواز شریف کا خون ہے، عمران کی نالائقی کی وجہ سے کشمیر مودی کی جھولی میں جاگرتا ہے،جب کمزور وزیراعظم عوام کی آتا ہے تو بھارت جیساکمزور دشمن وار کرتا ہے ،یہ وزیراعظم عوامی نہیں ہے یہ نالائق اعظم ہے ،جب میں کشمیر جارہی تھی تو عمران خان ڈر گیا ،اس وقت کش جانے سے دو دن پہلے مجھے میرے باپ کے سامنے گرفتار کرلیا گیا،اللہ کا شکر ہے کہ پاکستان نواز شریف کے ہاتھوں ایٹمی طاقت بنایا ،آج نواز شریف کی آواز دھونس سے بند ہے ،آج ہمارے مخالف بھی نواز شریف کی زبان بول رہے ہیں ،پاکستان کے چپے چپے پر نواز شریف کی خدمت کے نشان موجود ہیں۔ ان خیالات کا اظہار انہوں نے اسلام آباد میں یوم تاسیس کی تقریب سے خطاب کرتے ہوئے کیا۔مریم نواز نے کہا کہ ارشد ملک جج نواز شریف سے گھر میں اگر معافی مانگ کرگیا ،اس نے کہا کہ میں نے آپ اور آپ کی بیٹی سے زیادتی ہے مجھے معاف کردیں ،جب نواز شریف نے کہا تھا کہ عمران خان آپ کاکام کرکٹ کھیلنا ہے جاؤ کرکٹ کھیلو ،آج نواز شریف کی ہربات سچ ثابت ہورہی ہے ،پونے تین سال بعد عوام کے سامنے ڈھٹائی سے کہتا ہے کہ مجھے سمجھ ہی نہیں آئی ،جب آپ کو کچھ پتہ نہیں پھر عوام کی زندگیوں سے کیوں کھیل رہے ہو،میرے کمرے پر حملہ ہوا عمران خان کو پتہ ہی نہیں تھا کہ کراچی میں کیا ہوا ہے ،یہ پانامہ کی رٹ لگاتے ہیں ایک منتخب وزیراعظم کو اقامہ پر گھر بھیج دیا جاتا ہے شرم کرو۔آج قدرت کا انتقام دیکھو نواز شریف نے اپنا معاملہ اللہ پر چھوڑا ہوا ہے ۔نواز شریف پر ایک بھی الزام ثابت نہیں ہوا،آج نواز شریف کا اللہ سچا ثابت کررہا ہے ،آج سلیکٹیڈ خاموش ہے اور نالائقی کا سامنا کررہا ہے ،حکومت کرنا عوامی نمائندوں کا کام ہے،آپ کی یہ سوچ ہے مریم۔نواز کو ڈرا لو گے یہ آپ کی خام خیالی ہے ،اس ظالم عمران خان کو جانا ہی پڑے گا ،تم کہتے ہو کہ مسلم لیگ ن اور پی ڈی ایم فوج کے خلاف بات کرتی عمران خان تمیں حیا نہیں آتی ،مہنگائی بڑھ گئی ،ملک تباہی کے دہانے پر پہنچ چکاہیووٹ کو عزت دینا ضروری ہے، کشمیریوں پرظلم ہوتاہے،بیٹوں کی شہادت ہوتی ہیں،زخم ہماریدلوں پرلگتاہے،کمزورحکمرانوں کی وجہ سیہی بھارت جیسا دشمن پاکستان پر وار کرتاہے، پچھلے سال مجھے مقبوضہ کشمیرآنا تھا،میرے اعلان پرعمران خان کواتنا ڈرتھا کہ مجھے گرفتار کرلیا،کشمیریوں سیمیرا خون کا رشتہ ہے ہی، اب دل کا رشتہ بھی بن گیاہے، مسلم لیگ ن نے آزاد کشمیر کے کونےکونے کو ترقی سے سنوارا،مسلم لیگ ن نے نوازشریف کیہاتھوں پاکستان کو ایٹمی قوت بنایا،نظریہ عوام کا پیٹ نہیں بھرسکتا،نظریے کے پیچھے نوازشریف کی خدمات ہیں،جو اپنا معاملہ اللہ تعالیٰ پر چھوڑتا ہے اللہ تعالیٰ اسے سرخرو کرتا ہے،نوازشریف کی زبان بند ہے لیکن آج ہمارے مخالف بھی ان کی زبان بول رہے ہیں،جب ووٹ کو عزت نہیں ملتی تو پاکستان کی شہہ رگ پر وار ہوتا ہے،یہ نواز شریف کو کہتا تھا کہ مودی کا یار مگر مودی کی جھولی میں کشمیر کا مقدمہ کون ہار کر آیا ،جب سلیکٹڈ اور کمزور وزیراعظم آتا ہے پاکستان کی شہ رگ پر بھارت حملہ کرتا ہے ،جب عوامی لیڈر وزیراعظم ہوتا ہے تو مودی جیسا چل کر پاکستان آتا ہے، یہی ہے ووٹ کی عزت ہے