لاہور(ویب ڈیسک) رویتِ ہلال ریسرچ کونسل کا کہنا ہے کہ ملک بھر میں یکم رمضان منگل 7 مئی کو ہوگا۔رویتِ ہلال ریسرچ کونسل کے سیکرٹری جنرل مفتی خالد اعجاز کا کہنا ہے کہ نیا چاند اس وقت تک دکھائی نہیں دیتا جب تک کہ اس کی عمر غروبِ آفتاب کے وقت کم از کم 19گھنٹے اور غروبِ شمس و غروبِ قمر کا درمیانی فرق کم از کم 40منٹ ہوجائے، اس کے علاوہ چاند کا زمین سے زاویائی فاصلہ کم از کم 6 ڈگری اور چاند کا سورج سے زاویائی فاصلہ کم از کم 10 ڈگری ہونا چاہیے۔مفتی خالد اعجاز نے کہا کہ رمضان المبارک کا چاند ہفتہ اور اتوار کی درمیانی شب پاکستان کے معیاری وقت کے مطابق رات 3 بج کر 46 منٹ پر پیدا ہوگا، اتوار 5 مئی کی شام غروب آفتاب کے وقت چاند کی عمر پاکستان کے تمام علاقوں میں 16 گھنٹوں سے بھی کم ہوگی۔ غروبِ شمس اور غروبِ قمر کا درمیانی فرق پاکستان بھر میں کہیں بھی 29 منٹ سے زائد نہیں ہوگا لہٰذا 29 شعبان المعظم اتوار کی شام چاند دکھائی دینے کی شہادتوں کا اگر کہیں سے بھی اعلان کیا جائے گا تو وہ تمام شہادتیں جھوٹی، غیر شرعی اور سائنسی لحاظ سے ناقابلِ یقین ہوں گی۔
Monthly Archives: April 2019
چینل ۵ کے دفتر میں اچانک آگ لگنے سے قیمتی سامان جل گیا ۔ ۔۔ نشریات جلد بحال کر دی جائینگی
لاہور (خصوصی رپورٹر) خبریں ٹاور میں چینل 5 کے دفتر میں رات گئے اچانک آگ لگ گئی جس کے باعث قیمتی سامان جل کر خاکستر ہوگیا جس کے نقصان کا اندازہ نہیںلگایا جاسکتا ہے جبکہ کوئی جانی نقصان نہیں ہوا ہے۔ انتظامیہ کا کہنا ہے کہ چینل 5کی نشتریات مرمت ہونے کے بعد چند روز تک بحال کردی جائےں گی۔ تفصیلات کے مطابق خبریں ٹاور 12 لارنس روڈ لاہور پر گزشتہ رات گئے چینل 5 کے دفتر میں اچانک آگ لگ گئی۔ آگ لگنے کے باعث بلڈنگ میں زور دار دھماکے ہوئے جس سے د فتر کے شیشے اور کھڑکیاں اور دروازے ٹوٹ گئے، اطلاع کرنے پر ریسکیو 1122موقع پر پہنچ گئی اور ڈیڑھ گھنٹے کی جدوجہد کے بعد آگ پر قابو پا لیا گیا۔ آگ لگنے کے باعث قیمتی سامان جل کر خاکستر ہوگیا۔ اس حوالے سے انتظامیہ کا کہنا ہے کہ آگ لگنے سے کوئی جانی نقصان نہیں ہوا جبکہ قیمتی سامان کے نقصان کا ابھی اندازہ نہیں لگایا جاسکتا۔ جبکہ آگ لگنے سے چینل 5 کی قیمتی مشےنری جل چکی ہے جس کے باعث اس کی نشتریات مشینری مرمت ہونے کے بعد چند روز تک بحال کردی جائےں گی۔
نئے بلدیاتی نظام کو عوام کے لئے فائدہ مند بنایا جائے :چیئرمین برابری پارٹی پاکستان جواد احمد
لاہور ( صدف نعیم سے) چیئرمین برابری پارٹی پاکستان جواد احمد کا کہنا ہے کہ صدارتی نظام کی باتیں کرنے والے قومی یکجہتی کو پارہ پارہ کرنا چاہتے ہیں، ملک کو اس وقت متبادل قیادت کی ضرورت ہے ہم پیپلز پارٹی، مسلم لیگ اور دیگر پارٹیوں کی سیاست کا حصہ نہیں بنیں گے،نئے بلدیاتی نظام کو عوام کے لئے فائدہ مند بنایا جائے ان باتوں کا اظہار انھوں نے مرکزی سیکرٹریٹ میں فیصل آباد،جڑانوالا اور قصور سے آئے تنظیمی عہدیداروں سے ملاقات میں کیا اس موقع پر ان کا مزید کہنا تھا کہ جب سے تحریک انصاف کی حکومت آئی ہے ملکی ترقی کا پہیہ الٹا گھوم رہاہے وہ جو کہتے تھے کہ ایک کڑور نوکریاں اور 50لاکھ گھر دیں گئے اور قرضہ لینے کی بجائے خودکشی کو ترجئع دیں گے اب قرضہ ملنے کی خوشخبریاں سنارہے ہیں،صرف زبان ہی نہیں پورا نظام ہی پھسلن کا شکار ہے۔صدارتی نظام کا مطلب ورلڈ بنک کے ٹیکنو کریٹس کی حکومت ہے جس میں پاکستان کے عوام کی نمائندگی ہو گی نہ ان کی بات سنی جائے گی۔برابری پارٹی پاکستان 99فی صد عوام کی جماعت ہے جس کا مقصد ملک پر مسلط استحصالی اورظلم وجبر کے نظام کا خاتمہ ہے جس نے عام آدمی کی ذندگی کو اجیرن بنا رکھا ہے اور اب رمضان المبارک سے قبل مہنگائی کا نیا طوفان انگڑائی لے رہا ہے جس سے عوام کی معاشی پریشانی میں مزید اضافہ ہوگا۔ تقریب کے اختتام پر محمد ندیم پاشا، علی ابراہیم اور عدنان مزمل کو متعلقہ شہروں میں پارٹی کا کوآردینیٹر مقرر کیا گیا۔
پنجاب اسمبلی اجلاس: معطل لیگی اراکین کا اسمبلی میں داخلہ بند
لاہور ( صدف نعیم ) سپیکر نے مسلم لیگ ن کے تین معطل اراکین کا اسمبلی کی حدود میں داخلہ بند کردیا ۔اسمبلی سیکرٹریٹ نے عظمی بخاری، اشرف رسول اور میاں عبدالرﺅف کی تصاویر سکیورٹی عملے کو جاری کردیں۔سکیورٹی عملے کو تینوں لیگی اراکین کو اسمبلی میں داخل ہونے سے روکنے کی ہدایات جاری ۔تینوں لیگی اراکین کی ڈپٹی سپیکر کیساتھ تلخ کلامی کے بعد رکنیت معطل کی گئی تھی۔تینوں لیگی اراکین روان سیشن کے دوران اجلاس میں شرکت نہیں کرسکیں گے۔
عشا ئیہ میںضیاشاہد اورامتنان شاہدکی دستاربندی
ملتان(سپیشل رپورٹر) سیدفخرامام کے عشائیے میں چیف ایڈیٹر روزنامہ ”خبریں“ ضیا شاہد، ایڈیٹر ”خبریں“ امتنان شاہد کی دستاربندی کی گئی۔ سیدفخرامام نے چیف ایڈیٹر ”خبریں“ کی پانی کی قلت اور زراعت کے حوالے سے کوششوں کوسراہا۔
دستاربندی
” خبریں “ نے کسانوں کے مسائل مﺅثر انداز میں اجااگر کیے : سید فخر امام
ملتان (سپیشل رپورٹر) کشمیر کمیٹی کے چیئرمین سید فخر امام نے کہا ہے کہ 1947ءمیں پاکستان ایک زرعی ملک تھا پھر صنعتکاری کی طرف چلا اور پھر وہ وقت آگیا کہ پاکستان زرعی ملک رہا نہ صنعتی ملک رہا پھر ہم نے ھیومن ری سورس کی طرف بھی توجہ نہ دی اس وقت صورتحال یہ ہے کہ بھارت 100 ملین ڈالر کا سافٹ ویئر ایکسپورٹ کر رہا ہے اور ہم .5 پر بھی نہیں ہیں۔ چیف ایڈیٹر روزنامہ خبریں ضیا شاہد کے اعزاز میں آفیسر کالونی میں واقع اپنی رہائش گاہ قتال پور ہاﺅس میں ایک عشائیہ تقریب سے خطاب کرتے ہوئے سید فخر امام نے کہا کہ ”خبریں“ نے ملتان میں 3 روزہ کسان میلہ منعقد کروا کر علاقے کے کاشتکار کے مسائل کی عکاسی کی اور بہت ہی احسن طریقے سے مسائل کا اجاگر کیا۔ انہوں نے کہا کہ میں جناب ضیا شاہد کا مشکور ہوں انہوں نے پہلے بھرپور طریقے سے پانی کا مسئلہ اٹھایا۔ انہوں نے بتایا کہ حال ہی میں زرعی مسائل کے حوالے سے قومی اسمبلی کے سپیکر اسد قیصر کی سربراہی میں زراعت پر ایک سپیشل کمشن بنی ہے جس کے ٹرم آف ریفرنس طے ہو چکے ہیں اور قلیل مدت میں اس کے پانچ اجلاس ہو چکے ہیں اور میں سمجھتا ہوں کہ ہم اپنی زراعت کو ترقی دے کر ملک کو بحران سے نکال سکتے ہیں۔ چیف ایڈیٹر روزنامہ ”خبریں“ جناب ضیاشاہد نے کہا ہے کہ قیام پاکستان کے بعد سے طویل عرصے تک کسی نہ کسی صورت میں اہم عہدوں پر جنوبی پنجاب کے نواب اور ملک بھر کے بڑے جاگیردار فائز رہے اور انہوں نے طویل عرصے تک حکمرانی کی۔ اس کے باوجود پاکستان میں زراعت میں ترقی نہیں نہ ہوسکی۔ کیا یہ کوئی جینیٹک پرابلم ہے اور اگر ہے تو اس کی تشخیص بہت ضروری ہے کہ بگاڑ کہاں ہے۔ میرا سوال آج دانشور اور مفکر سید فخرامام سے ہے کہ …. اقتدار میں رہے تو بھی زراعت کیوں کر تباہ ہوئی۔ ان خیالات کا اظہار انہوں نے کشمیر کمیٹی کے چیئرمین اور رکن قومی اسمبلی سید فخر امام کی طرف سے دیئے جانے والے عشائےے میں کیا۔ انہوں نے کہا کہ ایوب خان کے زمانے میں زراعت پر توجہ دی گئی مگر ساتھ ہی صنعتکاروں میں 22خاندان بھی سامنے آئے۔ انہوں نے کہا کہ پاکستانی سیاست میں جو دو تین دانشور بچ گئے ہیں فخر امام ان میں سے ایک ہیں اور میں کبھی سیدفخرامام سے طویل نشست میں لیکچر لوںگا کہ زراعت کے حوالے سے ہم ایسی پیداوار کو بڑھانے میں کامیاب کیوں نہ ہوسکے۔انہوں نے کہاکہ پاکستان میں صنعتکاری آئی توساتھ ہی لوٹ کھسوٹ اوردولت کاارتکازآیا۔ سمجھ سے باہرہے کہ بارڈر کے اس پار بھی زمین ایک جیسی، پانی اورموسمی حالات بھی ایک جیسے، پھرکاشت اور پیداوارمیں اتنافرق کیوں ہے۔ بھارت میں زرعی سہولتیں عروج پرہیں اورکاشتکار کومکمل رہنمائی اور متبادل سہولتیں دی جاتی ہیں۔ ہمارے پاس زرعی یونیورسٹی فیصل آباد سے جہاں اب سیاست ہورہی ہے۔ جبکہ بھارت کے لوگ کہتے ہیں کہ آپ خوش قسمت ہیں کہ آپ کے پاس لائل پور کی زرعی یونیورسٹی ہے۔ انہوں نے کہاکہ ”خبریں“ نے زراعت کے حوالے سے اس خطے میں بہت ساکام کیا اور بہت ہی آگاہی دی ہے۔
فخرامام
پاکستان اور چین کے درمیان ایم ایل ون (پشاور- کراچی) ریل ٹریک کی اپ گریڈیشن کا معاہدہ طے پا گیا
بیجنگ (ویب ڈیسک ) پاکستان اور چین کے درمیان ایم ایل ون (پشاور- کراچی) ریل ٹریک کی اپ گریڈیشن کا معاہدہ طے پا گیا۔ پاکستان کی طرف سے وزیر ریلوے شیخ رشید احمد جبکہ چین کی طرف سے پاکستان میں چین کے سفیر عزت مآب یاو¿ جِنگ نے ڈیکلیریشن برائے پریلمنری ڈیزائین (Declaration for Preliminary Design. ML1, Phase One) منصوبہ فیز ون، پشاور ، کراچی پر دستخط کر دیئے۔ پاکستان کے وزیر اعظم عمران خان اور چین کے وزیر اعظم لی چی کیانگ معاہدے پر دستخط کی تقریب موجود تھے۔اس معاہدے کے اگلے مرحلے میں پاکستان کی وزاتِ ریلوے اور چین کی نیشنل ریلوے ایڈمنسٹریشن ایم ایل ون منصوبے پر تعمیراتی کام شروع کرینگے۔ منصوبے کی حتمی تعمیراتی لاگت طے کی جائیگی اور اس کی فنانسنگ کے حوالے سے دستیاب وسائل اور آپشنز پر حتمی معاہدے کیے جائیں گے۔پشاور۔کراچی ایم ایل ون منصوبہ اگلے پانچ سال میں مکمل ہوگا۔ اس کے تحت پشاور اور کراچی کے درمیان 1872 کلو میٹر لمبے ٹریک کو اپ گریڈ کیا جائیگا۔ ریل ٹریل کی فینسگ کی جائیگی۔ پ±ل اور کراسنگز بنائی جائیگی۔ اس منصوبے کی تکمیل سے ٹرین کی اوسط سپیڈ ایک سو بیس سے ایک سو ساٹھ کلو میٹر فی گھنٹہ ہو جائیگی۔ ابھی یہ سپیڈ اوسطاً ساٹھ کلو میٹر فی گھنٹہ ہے۔ مسافر ٹرین راولپنڈی سے کراچی ریلوے اسٹیشن دس گھنٹوں میں پہنچے گی۔ اس وقت تیز ترین راولپنڈی اور کراچی کے درمیان گرین لائین ہے، جو بائیس گھنٹوں میں کراچی پہنچتی ہے۔ راولپنڈی سے ٹرین صرف اڈھائی گھنٹے میں لاہور جائیگی۔ ایم ایل ون منصوبے سے ٹرینوں کی تعداد دوگنی ہو جائیگی۔ فریٹ شئیر بیس فیصد ہو جائیگا جو آج صرف چار فیصد سے بھی کم ہے۔ پاکستان کی معاشی صورت حال اور دیگر منصوبوں پر ایلوکیشن کی وجہ سے حکومت نے ایم ایل ون منصوبے کو مرحلہ وار تین فیز میں ممکمل کرنے کا منصوبہ بنایا گیا ہے۔ حالیہ معاہدہ اس سلسلے میں پہلے فیز کے لئے ہے۔ مکمل منصوبے کی ابتدائی لاگت تقریباً 8.2 ارب امریکی ڈالر ہے جسے تین فییز میں مکمل کیا جائیگا۔ اس منصوبے کی حتمی لاگت جون سے پہلے طے کر لی جائیگی تاکہ آئندہ بجٹ میں فیز ون کے لئے رقم مختص کر لی جائے۔ ایک سو تراسی کلو میٹر لمبے نوابشاہ – روہڑی سیکشن کو اپ گریڈ کیا جائیگا۔ لاہور اور ملتان سیکشن میں ٹریک کو اپ گریڈ کرکے سپیڈ کو ایک سو بیس کلو میٹر فی گھنٹہ لایا جائیگا۔ راولپنڈی اور پشاور کے درمیان ایک سو ساٹھ کلو میٹر سیکشن کو اپ گریڈ کیا جائیگا اور دوسری ریل لائین بچھائی جائے گی۔ والٹن ریلوے اکیڈمی کو اپ گریڈ کیا جائیگا۔ گوادر؛ کوئٹہ ، تافتان ایم ایل تھری اور ایم ایل ٹو کے ٹینڈر پہلے ہی جاری کر چکا ہے۔ یہ منصوبے بِلڈ، آپریٹ اور ٹرانسفر فارمولے پر تعمیر کئے جا رہے ہیں۔ صرف ایم ایل ون منصوبے سے بیس ہزار ڈائریکٹ اور ڈیڑھ لاکھ ان ڈائریکٹ نوکریاں دستیاب ہونگی۔
نواز شریف سوچیں اگران کی باہر جانے کی اپیل رد ہو گئی تو کیا کرینگے:صمصام بخاری
لاہور ( صدف نعیم ) وفاق یا پنجاب میں حکومت کی تبدیلی دیوانے کا خواب اور ”دل کے بہلانے کو غالب یہ خیال اچھا ہے ۔ میاں صاحب باقاعدہ سزا یافتہ ہیں۔وہ بیرون ملک گئے تو کئی سوال اٹھیں گے۔نواز شریف سوچیں کہ اگران کی باہر جانے کی اپیل پرفیصلہ ا±ن کے حق میں نہ آیا تو وہ کیا کرینگے۔مشرف اور اسحاق ڈار کے برعکس میاں صاحب باقاعدہ سزا یافتہ ہیں ۔ میاں صاحب کیلئے علاج مسئلہ نہیں اصل میں ان کی خواہش لندن جانے کی ہے۔ اس حوالے سے عدالت جو بھی فیصلہ کرے گی حکومت اس کے سامنے سر تسلیم خم کرے گی۔حکومت اور اپوزیشن دونوں کو عدالتوں کے فیصلے ماننا ہوں گے۔ ان خیالات کا اظہار صوبائی وزیر اطلاعات و ثقافت سید صمصام علی بخاری نے آج اپنے ایک بیان میں کیا۔انہوں نے کہا کہ پی ٹی آئی میں کسی قسم کا اختلاف نہیں اپوزیشن جماعتوں کی خواہشات اپنی جگہ مگر پی ٹی آئی آج بھی روز اول کی طرح متحد اور منظم جماعت ہے جسے اپنے قائد عمران خان پر بھرپور بھروسہ اور اعتماد ہے۔ انہوں نے کہا کہ وفاق یا پنجاب میں حکومت کی تبدیلی دیوانے کا خواب ہے اور اپوزیشن کیلئے ”دل کے بہلانے کو غالب یہ خیال اچھا ہے ” صوبائی وزیر نے کہا کہ نواز لیگ” چھانگا مانگا”میں ماہر ضرورہے لیکن اس کی ضرورت نہیں پڑے گی۔
جنسی بلے کی ملازمہ سے 2 سال زیادتی ، پولیس ملزم کیساتھ مل گئی
لاہور (نیااخبار رپورٹ) زمین پھٹی نہ آسمان گرا‘ غریب کم سن ملازمہ دو سال تک مالک مکان کی ہوس کا نشانہ بنتی رہی۔ ایک اور زینب انصاف کے ٹھیکیداروں سے چیخ چیخ کر انصاف مانگنے لگی۔ تفصیلات کے مطابق 13 سالہ کومل ولد محمد اظہر پچھلے دو سال سے جوہر ٹاﺅن آر بلاک کوٹھی نمبر 299 میں کام کرتی تھی‘ مالک مکان جنسی بلا ملزم ساجد حسین دو سال تک زیادتی کا نشانہ بناتا رہا۔ تنگ آکر کومل جس کی ماں فوت ہوچکی ہے‘ نے باپ کو سب کچھ بتا دیا۔ باپ کے پوچھنے پر عیار دولت مند ملزم ساجد اور اس کے ہمسائے پولیس اہلکار علی نے کومل اور اظہر کو تشدد اور تیزاب سے جسم جلا کر چار موبائل چوری کرنے کے اعتراف کی ویڈیو بنا کر ایف آئی آر درج کروا دی۔ لاہور ہائیکورٹ نے باپ بیٹی کو باعزت بری کردیا۔ غم زدہ باپ بیٹی کی زیادتی کی ایف آئی آر درج کرانے جاتا ہے تو جوہر ٹاﺅن چوکی والے دھکے مار کر نکال دیتے ہیں۔ ملزم ساجد جان سے مارنے کی دھمکیاں دے رہا ہے اور کہتا ہے کہ مقدموں پر جتنے پیسے لگے ہیں اس کے بدلے کومل کو زبردستی اپنے پاس رکھوں گا اور تمہارا موٹرسائیکل بھی نہیں دوں گا۔ باپ نے سی پی او کو درخواست دی‘ ان کے احکامات کے باوجود تھانیدار کے کانوں پر جوں تک نہ رینگی۔ ملزم کا ہمسایہ پولیس اہلکار علی سب سے زیادہ غنڈہ گردی کا مظاہرہ کررہا ہے۔ اپنی بیٹی کی عزت تار ہونے پر نصیبوں مارا سسکیاں لے لے کر نیااخبار دفتر کے باہر روتا رہا۔ اس کا کہنا تھا کہ کئی ہسپتال زیادتی کی تصدیق کرچکے ہیں۔ میاں محمد منشی میں ہونے والی زیادتی کی رپورٹ کئی ماہ گزرنے کے باوجود پولیس وصول کرنے نہیں جارہی۔ ملزم پولیس والوں کا منہ پیسے سے بند کررہا ہے۔ کوئی ادارہ مظلومہ کو انصاف دینے کا آسرا نہیں دے رہا۔ باپ بیٹی نے وزیراعظم پنجاب‘ آئی جی پنجاب‘ چیف جسٹس لاہور ہائیکورٹ اور ضیاشاہد سے اپیل کی کہ اس کو انصاف دلائیں اور ملزم کو قرار واقعی سزا دی جائے تاکہ کسی اور کی بیٹی کی عزت نہ لٹے۔ انہوں نے کہا کہ ہمیں انصاف نہ ملا تو گورنر ہاﺅس کے سامنے آگ چھڑک کر خود کو جلا لیںگے۔اس سلسلے میں جب ملزم ساجد حسین سے رابطہ کیا گیا تو اس نے اسے بے بنیاد اور گھٹیا الزام قرار دیا اور کہا کہ کومل اور اسکا باپ بلاوجہ مجھ پر کیچڑ اچھال رہا ہے میں بے گناہ ہوں میرے پاس سارے ثبوت موجود ہیں۔
فنکار کو لوگوں کی خوشی کےلئے اپنے غموں کو چھپانا پڑتا ہے: ثنا جاوید
لاہور(شوبز ڈیسک) ٹی وی کی نامور اداکارہ ثناءجاوید نے کہا ہے کہ موجودہ مقام انتھک محنت کی وجہ سے حاصل کیا ہے اوراسے بر قرار رکھنے کےلئے اس سے زیادہ لگن اور محنت سے کام کرنے کی ضرورت ہوتی ہے ،فنکار کو لوگوں کی خوشی اور تفریح کےلئے اپنے ساتھ جڑے ہوئے غموں کو چھپانا پڑتا ہے ۔ ایک انٹر ویو میں ثناءجاوید نے کہا کہ نجی ٹی وی چینلز کی وجہ سے فنکاروں کو کام کے بے پناہ مواقع میسر آئے ہیں ۔
جس سے مقابلے کا رجحان بھی پیدا ہوا ہے ۔ انہوں نے کہا کہ میرا کسی سے کوئی مقابلہ نہیں ،میں اپنی خود سب سے بڑی ناقد ہوں اور خود احتسابی کی قائل ہوں، میں سمجھتی ہوں کہ انسان کو اپنی غلطیوں سے سیکھنا چاہیے ۔ اداکارہ نے کہا کہ شوبز کی دنیا میں روشنیاں اور رنگینیاں نظر آتی ہیں لیکن یہ بڑی مشکل شعبہ ہے جس میں آپ کو بڑی قربانی دینی پڑتی ہے ۔
عوام کی قسمت بدلنے کا وقت آ گیا ، خوشحالی لائینگے : عثمان بزار
لاہور (وقائع نگار) وزیراعلیٰ پنجاب سردار عثمان بزدار نے کہا ہے کہ ماضی میں جنوبی پنجاب کے عوام کے ساتھ ترقی کے نام پر شوبازی اور جعلسازی ہوتی رہی۔ پسماندہ علاقوں کی قسمت بدلنے کا وقت آ گیا ہے۔ پسماندہ علاقوں کے ہر ترقیاتی منصوبے پر میری نظر ہے، تکمیل تک خود نگرانی کروں گا۔ وزیراعلیٰ سردار عثمان بزدار نے ان خیالات کا اظہار آج بارتھی میں وزرائ، ارکان اسمبلی، تحریک انصاف کے عہدیداروں اور کارکنوں سے گفتگو کرتے ہوئے کیا۔ انہوں نے کہا کہ ڈیرہ غازی خان میں انسٹی ٹیوٹ آف کارڈیالوجی بننے سے ملتان اور لاہور کے ہسپتالوں پر دباﺅ کم ہوگا۔ ماضی کے حکمرانوں نے 70 سال میں دوسرا میگاہسپتال نہ بنایا جبکہ ہم نے 7 ماہ میں منصوبے کا آغاز کر دیا ہے۔تونسہ جیسے علاقوں میں سڑکیں بنانے سے معاشی سرگرمیاں بڑھیں گی اور عوام خوشحال ہوں گے۔ پنجاب بھر کے میڈیکل کالجز میں نشستیں بڑھانے سے سبھی شہروں کے طلبا مستفید ہوں گے۔ وزیراعلیٰ نے کہا کہ بغیر کسی لالچ کے عوامی خدمت کے ایجنڈے پر کام کر رہے ہیں اور ماضی کے برعکس اب ترقیاتی منصوبے منتخب نمائندوں کی مشاورت سے بنائے جا رہے ہیں۔ وزیراعلیٰ پنجاب سردار عثمان بزدار نے راجن پور کے علاقے میں موٹرسائیکل کے تنازعہ پر 6 افراد کے قتل کے واقعہ پر انسپکٹر جنرل پولیس سے رپورٹ طلب کر لی ہے اورقتل کے واقعہ میں ملوث ملزمان کے خلاف قانون کے تحت کارروائی کا حکم دیا ہے۔ وزیراعلیٰ نے ہدایت کی کہ ملزمان کو جلد گرفتار کر کے قانون کے مطابق کارروائی عمل میں لائی جائے اورمقتولین کے لواحقین کو انصاف کی فراہمی ہر صورت یقینی بنائی جائے۔
عالیہ بھٹ پہلی مرتبہ آئٹم ڈانس کرتی نظر آئیں گی
ممبئی (شوبزڈیسک) بالی ووڈ سٹار عالیہ بھٹ فلم اسٹوڈنٹ آف دی ائیر 2 کے خصوصی گانے پرپہلی مرتبہ آئٹم ڈانس کرتی نظر آئیں گی۔ بھارتی میڈیا کے مطابق عالیہ بھٹ نے اپنے انسٹاگرام اکاونٹ پر فلم اسٹوڈنٹ آف دی ائیر2 کے خصوصی گانے ہووک اپ کی جھلک شیئر کی ہے جس میں وہ فلم کے مرکزی کردار ٹائیگر شروف کے ہمراہ ڈانس کرتی نظر آرہی ہیں۔اس آئٹم ڈانس پر ٹائیگر شروف کا کہنا تھا کہ میں نے ذاتی طور پر کوئی آئٹم سانگ نہیں کیا ہے مگر اس آئٹم سانگ کے ذریعے عالیہ کے ساتھ کام کرنابہت اچھا تجربہ تھا، وہ ایک بہترین فنکارہ ہیں اور گانے کی شوٹنگ کے دوران عالیہ نے بہت تعاون کیاہے۔ فلم 10مئی کو ریلیز کی جائے گی۔
ریشم نے جیون ساتھی کیلئے آئیڈیل کی تلاش شروع کردی
لاہور(شوبزڈیسک)اداکارہ ریشم نے اپنے جیون ساتھی کیلئے آئیڈیل کی تلاش شروع کردی۔ذرائع کاکہناتھا کہ ریشم شادی کی خواہشمند ہیں اور انکے قریبی ساتھیوں نے انکے آئیڈیل کی تلاش شروع کردی ہے۔واضح رہے کہ ریشم کا شمار پاکستان کی مقبول اداکاراو¿ں میں ہوتا ہے جنہوں نے فلم اور ٹی وی پر یکساں کامیابی حاصل کی۔وہ ہمیشہ سکینڈلزسے دور رہ کر اپنا کام کرتی رہی ہیں اور یہی وجہ ہے کہ انہیں اپنی تمام ہم عصر اداکاراو¿ں پر سبقت رہی۔ ریشم ان دنوں لاہور میں نئی ڈرامہ سیریل” مٹھی بھر چاہت“ میں اپنی صلاحیتوں کا مظاہرہ کررہی ہیں۔
