لاہور (مانیٹرنگ ڈیسک) چینل فائیوکے پروگرام ”ضیاشاہدکے ساتھ“میں خصوصی گفتگو کرتے ہوئے سینئر صحافی و تجزیہ کار ضیاشاہد نے کہا ہے کہ موجودہ حالات میں شہباز شریف بہترین سلیکشن ہیں۔ انتظامی صلاحیتوں کی بنیاد پر وہ بہتر وزیراعظم ثابت ہو سکتے ہیں۔ شاہد خاقان عباسی اچھے منتظم کے طور پر مشہور ہیں، ان کی اتی کمپنی بلیو ایئر لائن موجود ہے۔ ان کے والد خاقان عباسی ضیاءدور میں وفاقی وزیر تھے اور سعودی عرب میں ان کا بڑا کاروبار بھی تھا۔ پرویز مشرف نے جب نواز حکومت کا خاتمہ کیا تو اس وقت شاہد خاقان عباسی پی آئی اے کے چیف تھے۔ انہوں نے کہا کہ مشرف نے جب سنیٹر شوکت عزیز کو وزیراعظم بنایا تھا تو پہلے 3 ماہ کےلئے چودھری شجاعت کو بنایا گیا تھا۔ عبوری نظام کے دوران شوکت عزیز کو الیکشن کے ذریعے ایم این اے بنا کر وزیراعظم کے عہدے پر لایا گیا تھا۔ اسی طرح شہباز شریف کو بھی وزیراعظم بنانے میں تھوڑا وقت درکار ہے۔ اپنے پروگراموں میں بھی کہتا رہا اور شاید خبریں واحد اخبار ہے جس نے 11 دن پہلے شائع کر دیا تھا کہ شہباز شریف اگلے وزیراعظم ہونگے۔ انہوں نے مزید کہا کہ سپریم کورٹ کا فیصلہ کسی کے ماننے یا نہ ماننے سے کوئی فرق نہیں پڑتا۔ 4 ججوں نے بھٹو کو پھانسی دینے اور ایک نے اس کے خلاف فیصلہ دیا تھا تو اکثریت کی بنیاد پر پھانسی ہو گئی تھی۔ ذوالفقار بھٹو، نواز شریف سے کہیں زیادہ مقبول تھے، ان کی مقبولیت ملک بھر میں تھی جبکہ نون لیگ کو صوبہ پنجاب کی پارٹی سمجھا جاتا ہے۔ انہوں نے کہاکہ نواز شریف اور ان کے حامیوں کا یہ مو¿قف درست ہے کہ کرپشن پر نااہل نہیں کیا گیا لیکن یہ درست نہیں کہ ان پر مالی بدعنوانی نہیں ہے۔ عدالت نے نیب کو تحقیقات کا حکم دیا ہے ایک اور جے آئی ٹی بننے جا رہی ہے۔ نواز شریف پر پانامہ کی بنیاد پر سنگین چارجز ہیں، نیب اس کی تحقیقات کرے گی اور معاملہ پھر عدالت میں آئے گا۔ سپریم کورٹ کا فیصلہ فائنل نہیں ابتدا ہے۔ نیب نواز شریف و مریم نواز سمیت دیگر کے خلاف ریفرنس کی تحقیقات کرے گی اور سپریم کورٹ کا ایک جج اس کی نگرانی کریگا۔ عدالت نے وزیراعظم نواز شریف کو نااہل قرار دیکر ان کے بارے میں مالی بدعنوانی کے معاملات ریفرنس میں ڈال دئیے ہیں جن کے فیصلے آئیں گے۔ پہلے تحقیقات ہونگی پھر اسی طرح ججز فائنڈنگ کی بنیاد پر فیصلہ دیں گے۔ سپریم کورٹ نے نیب کو 6 ہفتوں میں ریفرنسز بھیجنے اور 6 ماہ میں فیصلہ دینے کا حکم دیا ہے۔

لاہور (کرائم رپورٹر)غالب مارکیٹ کے علاقہ میں پولیس کا گیسٹ ہاﺅس پر چھاپہ رنگ رلیاں مناتے ہوئے 7تتلیوں سمیت 20افراد قابل اعتراض حالت میں گرفتار پولیس کو دیکھتے ہی لڑکیوں کی چیخ و پکار ، رہائی کے لیے رات بھر سفارشیوں کے فون کھڑکتے رہے۔ بتایاگیا ہے کہ غالب مارکیٹ کے علاقہ صدیق ٹریڈسنٹر کے قریب واقع گیسٹ ہاﺅس کی آڑ میں جسم فروشی کا دھندہ ہورہاتھا جس پر رات گئے پولیس نے خفیہ اطلاع پر چھاپہ مارا تو مین گیٹ پر موجود گیسٹ ہاﺅس کے ملازمین نے ”چھاپہ پے گیا“ کا شور مچاتے ہوئے دوڑیں لگا دیں۔ جبکہ وہاں پر موجود لڑکیوں نے چیخ وپکار شروع کردی۔ پولیس نے کمروں کی چیکنگ کے دوران ثنائ، صبائ، شہناز، پنکی ،تنزیلہ،فرح، گڑیاسمیت 20افرادکی گرفتاری کے بعد رات گئے تک سفارشیوں کے فون تھانے میں بجتے رہے۔

لاہور (خصوصی رپورٹ) لینڈ مافیا کے شراکت دار 17سنیٹرز، 32 ارکان اسمبلی ،102 ارکان صوبائی اسمبلی اور 28 اعلیٰ افسروں کی انکوائری شروع کردی گئی ہے۔ معلوم کیا جائے گا کہ پراپرٹی کے کاروبار کیلئے کن کن جرائم پیشہ گروہوں کو استعمال کیا جا رہا ہے اور ان میں سے کتنے افراد کا تعلق کالعدم تنظیموں یا ان کو فنڈنگ کرنے سے ہے۔ مصدقہ ذرائع کے مطابق اہم حساس اداروں نے کرپشن اور اختیارات کا ناجائز استعمال کرنے اوردو نمبر طریقہ سے جایدادیں بنانے والے افراد کے خلاف خفیہ انکوائری شروع کردی۔ ذرائع کا کہنا ہے کہ یہ انکوائری آئندہ سخت احتساب کے حوالے سے کی جا رہی ہے۔ ابتدائی طور پر چاروں صوبوں سے 102 ارکان صوبائی اسمبلی کے نام سامنے آئے جو بالواسطہ یا بلاواسطہ زمین کا کاروبار کر رہے ہیں۔ ان میں سے 37 ایسے ہیں جو بڑے لینڈ مافیا گروپوں کو نہ صرف سپورٹ کرتے ہیں بلکہ اربوں روپے کی سرمایہ کاری بھی کرتے ہیں اور اپنے اثرورسوخ سے مہنگی ترین سرکاری اراضی کو مختلف ہاﺅسنگ کالونیوں کے اندر شامل کرکے فروخت کرواتے ہیں۔ ذرائع کے مطابق لینڈ مافیا کے طور پر کام کرنے والے ارکان صوبائی اسمبلی میں پنجاب کے ارکان پہلے، سندھ دوسرے نمبر پر ہے، سندھ کے چار وزراءاور ایک سابق وزیر کے حوالے سے تو یہاں تک رپورٹ میں لکھا گیا ہے کہ دبئی میں ان کی اربوں روپے کی پراپرٹی ہے جو کہ رینٹ پر دی ہوئی ہے اور یہ پیسہ کرپشن سے اکٹھا کرکے وہاں لگایا گیا ہے جبکہ سندھ کے اہم شہروں اور کراچی، حیدرآباد میں بھی ہربڑی ہاﺅسنگ کالونی میں ان کا حصہ ہے، پاکستان کی ایک اعلیٰ حکومتی شخصیت اور ان کی بہن کے حوالے سے بھی کہا گیا کہ وہ معرف ترین ہاﺅسنگ کالونیوں میں نہ صرف ان کا حصہ ہے بلکہ اس لینڈ مافیا کو کی طریقوں سے سرکاری مراعات بھی دی گئی ہیں۔ پنجاب کے ارکان اسمبلی جو اس کام میں متحرک ہیں ان میں سے چھ کا تعلق لاہور، چار کا گوجرانوالہ، پانچ کا فیصل آباد سے ہے، ملتان، راولپنڈی، سرگودھا سے تعلق رکھنے والے سولہ ارکان کے بارے میں بھی بتایا گیا ہے کہ وہ بھی لینڈ مافیا سے ملے ہوئے ہیں اور انہوں نے بے انتہا جائیداد بھی بنالی جو ان کے ڈرائیوروں اور رشتہ داروں کے نام پر ہے۔ مصدقہ ذرائع کے مطابق رپورٹ میں یہ بھی لکھا گیا ہے کہ ن لیگ کے ایک وزیر نے مشرف دور میں ن لیگ میں ہتے ہوئے سب سے زیادہ لاہور میں پراپرٹی کا کاروبار کیا اور اس کے کاروبارمیں پیپلزپارٹی کے سابق وزیراعظم کا بیٹا بھی حصہ دار ہے اور اس وقت بھی اس کا شمار بڑے لینڈ مافیا میں ہوتا ہے، اس نے بھی فرنٹ پر کسی اور کو رکھا ہوا ہے۔ پولیس سے تعلق رکھنے والے اٹھائیس پولیس افسران کے حوالے سے بھی کہا گیا ہے کہ وہ نہ صرف لینڈ مافیا کو سپورٹ کرتے ہیں بلکہ انہوں نے اپنے خاندان کا کوئی نہ کوئی شخص اس کا حصہ دار بنایا ہوا ہے۔ مصدقہ ذرائع کے مطابق ان کے حوالے سے انکوائری رپورٹ مکمل کرکے نیب اور احتساب کرنے والے دیگراداروں کے حوالے کردی جائے گی۔

لاہور (سیاسی رپورٹر) تحریک انصاف کی طرف سے میاں نواز شریف کی نااہلی کے بعد خالی سیٹ پر قومی اسمبلی کے لئے این اے120 میں یاسمین راشد کو ٹکٹ دینے کا اعلان کیا ہے جبکہ مسلم لیگ ن کی طرف سے شہباز شریف ان کے مدمقابل ہونگے۔ ارائیں برادری کے حلقوں نے عمران خان سے مطالبہ کیا ہے کہ اس حلقے میں ارائیوں کی بڑی تعداد موجود ہے۔ یاسمین راشد کی بجائے سابق گورنر پنجاب چودھری سرور کو ٹکٹ دیں جن کا سیاسی قد کاٹھ یاسمین راشد سے زیادہ بڑا ہے۔ ان کے سیاسی رابطوں کے علاوہ جماعت اسلامی، عوامی تحریک اور دیگر اپوزیشن جماعتوں کے علاوہ پیپلز پارٹی سے بھی ذاتی مراسم بہت اچھے ہیں۔ ارائیں برادری کے سرکردہ لیڈروں کا ایک وفد بنی گالہ جا کر عمران خان سے بھی ملاقات کرنے کا خواہش مند ہے۔

اسلام آباد (سیاسی رپورٹر) رکن قومی اسمبلی تہمینہ دولتانہ نے کہا ہے کہ ہم سوچ رہے ہیں کہ آئین میں آرٹیکل 63,62 کو نکالنے کی ترمیم منظور کروائی جائے تاکہ جس بنیاد پر نواز شریف کو نااہل قرار دیا گیا ہے وہ سرے سے ختم ہو جائے۔