لاہور(شوبز ڈیسک) پولیس نے لاہور کے تماثیل تھیٹر پر چھاپے کے دوران اسلحہ برآمد کر کے سٹیج پروڈیوسر علی رضا سمیت متعدد افراد کو گرفتار کر لیا ۔تفصےلات کے مطابق پولیس نے خفیہ اطلاع پر لٹن روڈ پر واقعہ تماثیل تھیڑپر چھاپا مار کے چھپایا گیا غیر قانونی اسلحہ برآمد کر لیا ، کارروائی کے دوران سٹیج پروڈیوسر علی رضاسمیت دیگر افراد کو گرفتار کر کے تھانے منتقل کر دیا گیا ہے ۔پولیس حکام کا کہنا ہے کہ انہیں 15پر کال موصول ہوئی جس میں تماثیل تھیٹر میں غیر قانونی اسلحہ کی موجودگی کا انکشاف کیا گیا تھا جس پر کارروائی کی گئی برآمد اسلحے کو قبضے میں لے لیا گیا ہے ۔