ممبئی (شوبز ڈیسک)بالی وڈ اداکارہ سونم کپور نے کہا ہے کہ وہ برینڈز کے بارے میں محتاط رویے کی مالک ہے۔ اداکارہ سونم کپور نے اپنے تازہ انٹرویو میں کہا کہ میں برانڈز کے بارے میں محتاط رویے کی مالک ہوں اسی لئے میری کوشش ہوتی ہے کہ میں پہناوے ، جوتوں اور بیگز کے لئے بہترین برینڈ کا انتخاب کروں،انہوں نے بتایا کہ انہیں انامیکا کھنہ اور مانا شیٹھی کے ڈیزائن کردہ ملبوسات بہت پسند ہیں۔ جبکہ جوتوں اور بیگز میں ان کی پسندیدہ برینڈ ڈولسی،گبانا، جیمی اور دیگر ہیں۔انہوں نے کہا کہ انہوں نے اپنے انتخاب کے کپڑوں،جوتوں اور بیگز کا علیحدہ کمرہ بنا رکھا ہے جہاں سے وہ معمول میں اور تقریبات میں جانے کے کپڑوں اوردیگر چیزوں کا انتخاب کرتی ہیں،اداکارہ کی آئندہ فلم ویرے دی ویڈنگ ہے جس کی عکسبندی جلد ہی شروع کی جائے گی۔
