جمعیت علما اسلام کے سربراہ مولانا فضل الرحمان کا کہنا ہے کہ جو قانون میرے حقوق صلب کرے گا میں اسے نہیں مانتا۔

ایک سوال کے جواب میں مولانا فضل الرحمان نے کہا کہ ہم نے ارکان اسمبلی سے استعفے مانگے جو ہمیں مل گئے، ہم نے31 جنوری تک استعفے جمع کروانے کی مہلت دی ہے، ابھی 31 جنوری آئی ہی نہیں۔

نیب سے متعلق بات کرتے ہوئے مولانا فضل الرحمان کا کہنا تھا کہ نیب کٹھ پتلی ادارہ ہے، ہم اس کے احتساب کو تسلیم نہیں کرتے۔

سربراہ پی ڈی ایم کا کہنا تھا کہ جو قانون میرے حقوق صلب کرے گا میں اسے نہیں مانتا۔

مذاکرات سے متعلق سوال پر مولانا فضل الرحمان نے کہا کہ بات چیت کے دروازے بند نہیں کیے جاتے لیکن بات چیت کس سے کریں؟

جے یو آئی میں ٹوٹ پھوٹ سے متعلق سوال پر مولانا فضل الرحمان کا کہنا تھا کہ میری جماعت میں ٹوٹ پھوٹ کا نہیں،کانٹ چھانٹ کا عمل شروع ہوا ہے۔

اسلاآباد(خبریں، چینل ۵، ویب ڈیسک) سابق سفیر عاقل ندیم نے کہا ہے کہ سی پیک پاکستان کے لیے اہم ترین منصوبے سے پاکستان کو اس منصوبے پر کسی بھی ملک کی مخالفت کی پرواہ کیے بغیر منصوبے کو مکمل کرنا چاہیے۔ سی پیک منصوبے کی بدولت پاکستان میں لوڈشیڈنگ میں نمایاں کمی آئی اور نیا مواصلاتی نظام تشکیل پارہا ہے امریکہ اور بھارت چین کی وجہ سے اس پراجیکٹ کی مخالفت کر رہے ہیں۔ بھارت میں مودی کی حکومت کے ہوتے ہوئے پاکستان اور بھارت کے باہمی تعلقات میں بہتری کا کوئی امکان نہیں ہے البتہ بھارت میں حکومت کی تبدیلی کی صورت میں تعلقات بہتر ہوسکتے ہیں۔ افغانستان میں پاکستان کے بارے میں منفی تاثر پایا جاتا ہے۔ اس تاثر کو ضائل کرنے کے لیے پاکستان افغانستان کے حوالے سے ایک نئی میڈیا سٹریٹجی کی ضرورت ہے۔ امریکہ میں جوبائیڈن کے چارج سنبھالنے کے بعد امریکہ اور چین کشیدگی میں کمی آئے گی۔ لیکن دونوں ممالک کے درمیا ن مقابلہ جارہے گا۔ پاکستان کی اپنی بعض غلطیوں کی وجہ سے عرب ممالک کے ساتھ تعلقات خراب ہوئے۔ ان خیالات کا اظہار انہوں نے خبریں کو انٹرویو دیتے ہوئے کہا۔

وزیراعلیٰ عثمان بزدار نے کہا ہے کہ پی ڈی ایم نے 2020 میں ترقی کا پہیہ روکنے کی پوری کوشش کی، عوام نے اپوزیشن کی منفی سیاست کو یکسر رد کیا، نئے سال میں معیشت نئی بلندیوں کو چھوئے گی۔

وزیراعلیٰ پنجاب عثمان بزدار نے اپنے بیان میں کہا ہے کہ 2021ء کا پاکستان ماضی کی نسبت زیادہ خوشحال، مضبوط اور ترقی یافتہ ہوگا، انشاء اللہ 2021ء عوام سے کئے گئے وعدوں کی تکمیل کا سال ہوگا، پی ڈی ایم کو نئے سال پر انتشار کی سیاست سے کنارہ کشی اختیار کر کے پاکستان کے لئے سوچنا ہوگا۔

عثمان بزدار کا کہنا تھا کہ نئے سال میں وزیر اعظم عمران خان کی قیادت میں ترقی کا سفرمزید تیز ہوگا، 2020ء میں معیشت کی مضبوطی کی بنیاد رکھی گئی، وزیراعظم عمران خان کی قیادت میں ایک پاکستان کی جدوجہد جاری رہے گی، ہمارا عزم درپیش چیلنجز سے زیادہ بلند ہے۔

وزیراعلیٰ پنجاب نے مزید کہا کہ 2021 پاکستانی قوم کیلئے امید کی کرن ثابت ہوگا، پاکستان کو پر امن اور حقیقی فلاحی ریاست بنانے کے لئے کوئی کسر اٹھا نہیں رکھیں گے، ہمیں سال 2020ء کو الوداع اور نئے سال کو خوش آمدید کہتے ہوئے اپنی کامیابیوں اور ناکامیوں کا بھی جائزہ لینا ہوگا، مشکل حالات سے گزرنے اور ماضی کی کوتاہیوں سے سبق سیکھ کر مستقبل میں اصلاح کے عزم کے ساتھ آگے بڑھیں گے۔

اپوزیشن اتحاد پاکستان ڈیموکریٹک موومنٹ (پی ڈی ایم) کے صدر مولانا فضل الرحمن نے ضمنی الیکشن میں حصہ لینے کا اعلان کرتے ہوئے کہا کہ سینیٹ کے انتخابات لڑنے کا فیصلہ بعد میں کیاجائیگا ، فیصلہ کر ینگے لانگ مارچ نے اسلام آبا د جانا یا راولپنڈی ، 19جنوری کوالیکشن کمیشن کے دفتر کے باہر مظاہرہ ہوگا ،پی ڈی ایم کا سربراہی اجلاس مولانا فضل الرحمن کی زیر صدارت جاتی امرا میں ہوا جس میں آصف علی زرداری، نوازشریف، اختر مینگل، بلاول بھٹو بذریعہ ویڈیو لنک شریک ہوئے ،میاں افتخار حسین، آفتاب شیر پائو، محمود اچکزئی اور دیگر رہنما بھی شریک تھے ۔طویل اجلاس کے بعد میڈیا سے گفتگو کرتے ہوئے مولانا فضل الرحمن نے کہا کہ تمام مسائل انتہائی سنجیدہ اور گہرے تجزیے کے ساتھ زیر بحث آئے ،آئے روز ایک خاص مہم جوئی کے تحت میڈیا پر پی ڈی ایم میں اختلاف کی خبریں پھیلائی جاتی ہیں آج وہ سب دم توڑ چکی ہیں اور پی ڈی ایم پہلے سے زیادہ مضبوط نظر آئی ہے ، میڈیا سے بھی کہنا چاہتا ہوں کہ یہاں ہر طبقہ مظلوم ہے ، اسی طرح میڈیا بھی مظلوم ہے ، ہم میڈیا کے مظلوم طبقے کے ساتھ کھڑے ہیں اس لیے انہیں بھی احساس ہونا چاہیے ،میڈیا پاکستان میں جمہوریت اور آئین کی بالادستی کیلئے اٹھنے والی آواز کو پوری قوت کے ساتھ قوم تک پہنچائے ، ہم نے پچھلے اجلاس میں کہا تھا کہ 31 دسمبر تک تمام اراکین اسمبلی اپنے استعفے پارٹی قیادت تک پہنچائیں گے اور سب نے اجلاس میں رپورٹ دی کی سب کے استعفے قیادت تک پہنچ گئے ہیں اور ایک ہدف مکمل ہوگیا ،ہم نے کہا تھا کہ 31 جنوری تک حکومت کو مستعفی ہونے کی مہلت ہے اور آج پھر اس کا اعادہ کرتے ہیں کہ حکومت کے پاس ایک مہینے کی مدت ہے ، اس کے بعد پی ڈی ایم کی قیادت لانگ مارچ اور اس کی تاریخ کا اعلان کرے گی، پی ڈی ایم کی قیادت فیصلہ کرے گی کہ لانگ مارچ اسلام آباد کی طرف کیا جائے یا پھر راولپنڈی کی طرف کیا جائے ، ہم اس بات پر متفق ہیں کہ پاکستان کو ایک ڈیپ سٹیٹ بنا کر یہاں کی اسٹیبلشمنٹ نے پورے نظام کو یرغمال بنایا ہے اور عمران خان ایک مہرہ ہے جس کیلئے انہوں نے دھاندلی کی اور ان کو قوم پر مسلط کیا اور ایک جھوٹی حکومت قائم کی، ہم آج واضح کردینا چاہتے ہیں کہ ہم اسٹیبلشمنٹ کو دھاندلی کا مجرم سمجھتے ہیں اور ہماری تنقید کا رخ اب ان کی طرف برملا ہوگا ، اب ان کو سوچنا ہے کہ پاکستان کی سیاست پر اپنے پنجے گاڑنے کا فیصلہ کرتے ہیں یا اس سے دستبردار ہو کر اپنی آئینی ذمہ داریوں کی طرف جاتے ہیں۔پی ڈی ایم کے سربراہ نے کہا کہ ہم بڑی وضاحت کے ساتھ اپنے مستقبل کا فیصلہ کر رہے ہیں، فوج ہماری فوج ہے ، ہم اس کو اپنی فوج سمجھتے ہیں، ہم تمام جرنیلوں کا احترام کرتے ہیں، فوج ہماری دفاعی قوت ہے ۔انہوں نے کہا اتحاد پہلے سے زیادہ مضبوط ہے اور قوم کو اس ناجائز حکومت سے خلاصی کیلئے پرعزم ہے ، 19 جنوری کوالیکشن کمیشن کے دفتر کے باہر پی ڈی ایم کامظاہرہ ہوگا، نیب دفاترکے سامنے بھی مظاہرے کیے جائیں گے ، نیب کا ادارہ صرف حزب اختلاف کے خلاف بنایاگیاہے ، خواجہ آصف کی گرفتاری کونظراندازنہیں کرسکتے ،ایک ماہ بعداستعفوں اورلانگ مارچ کی حکمت عملی طے کریں گے ، ضمنی انتخابات میں حصہ لیں گے ، سینیٹ انتخابات سے متعلق فیصلہ بعد میں کرینگے ،انہوں نے کہا محمد علی درانی بغیر پروگرام کے آئے تھے ، انہوں نے نیشنل ڈائیلاگ کافلسفہ بیان کیا، میں نے کہا مذاکرات خارج ازامکان ہیں، بات ختم ہوگئی، تمام جماعتیں متفق ہیں ہم نے تحریک کارخ صرف ایک مہرے کی طرف نہیں موڑنا، نیب اپوزیشن کے خلاف ایک مہرے کے طورپراستعمال ہورہاہے ، ثابت ہوگیا کہ یہ احتساب نہیں انتقام ہے ، اجلاس انتہائی خوشگوار ماحول میں ہوا ، اسٹیبلشمنٹ نے پورے نظام اور عمران خان کو مہرہ بنا رکھا ہے ،اب ہماری تنقید کا رخ اسٹیبلشمنٹ کی جانب ہو گا،ہم آنے والے دنوں میں سخت فیصلے کرینگے ،ہم حکمت عملی کے ساتھ اپنے سب کارڈ کھیلنا چاہتے ہیں،ہم غور کر رہے ہیں کہ اب ہم جیلوں کا رخ کریں اور گرفتاریاں پیش کریں ،نواز شریف کی واپسی کو مشروط کرنے کے حوالے سے سب باتیں قیاس آرائیاں ہیں ،ہم میڈیا کو سرپرائز دینے کے لئے بہت سی چیزیں چھپا کر رکھتے ہیں،پیپلزپارٹی کے کوئی تحفظات نہیں تھے ،مسلم لیگ ن کی نائب صدر مریم نواز نے میڈیا سے گفتگو کرتے ہوئے کہا کہ تمام لیگی اراکین کے استعفے میرے پاس آ چکے ہیں اگر کوئی یہ امیدیں لگائے بیٹھا ہے کہ لیگی اراکین استعفوں سے پیچھے ہٹیں گے تو یہ ان کی غلط فہمی ہے ، اگراستعفوں سے ایک دن پہلے بھی ضمنی الیکشن ہوئے تو پی ڈی ایم حصہ لے گی، پی ڈی ایم نے فیصلہ کیا ہے کہ استعفوں سے پہلے جو بھی ضمنی الیکشن ہو ں گے ان میں حصہ لے گی ،اس جعلی حکومت کیلئے کوئی بھی راستہ خالی نہیں چھوڑیں گے ،سینیٹ کے الیکشن کے حوالے سے مذاکرات جاری ہیں، ہم نے لانگ مارچ کے حوالے سے موسم کو دیکھنا ہے اپنے کارکنوں کو ایسے نہیں چھوڑ سکتے

سعودی عرب میں “کنٹرول اینڈ اینٹی کرپشن اتھارٹی” (نزاہہ) نے جمعات کے روز ایک اعلان میں بتایا کہ حالیہ عرصے کے دوران بدعنوانی سے متعلق مقدمات میں ملوث ایک سابق مختار وزیر، افسران اور ذمے داران کو حراست میں لیا گیا۔ ان مقدمات کا تعلق دھوکہ دہی، جعل سازی، رشوت اور مالی خرد برد سے ہے۔

نزاہہ کے ایک عہدے دار نے بیان میں بتایا کہ اتھارٹی نے مذکورہ عرصے میں متعدد فوجداری مقدمات شروع کیے اور ملوث افراد کے خلاف ضابطے کے اقدامات مکمل کیے جا رہے ہیں۔

اس سلسلے میں 12 مقدمات کی تفصیلات جاری کی گئی ہیں۔ مقدمات میں ملوث جن افراد کو حراست میں لیا گیا ان میں سابق فوجی افسران، وزارت داخلہ کا سابق مشیر، کاروباری شخصیات، عرب شہریت رکھنے والے غیر ملکی، مقامی سعودی شہری، سعودی ہلال احمر میں مالیاتی اور انتظامی امور کا سابق ڈائریکٹر جنرل، ایک سابق مختار وزیر، ایک سابق سفیر، وزارت خارجہ کے دو ملازمین، جنرل اتھارٹی آف زکات اینڈ ٹیکس کا ایک ملازم، ایگزیکیوشن کورٹ کا ایک ملازم، ایک سرکاری یونیورسٹی ملازمین، ایک ضلعی میونسپل سربراہ، ڈائریکٹریٹ آف پاسپورٹس اور ڈائریکٹریٹ آف نارکوٹکس کے دو نان کمیشنڈ افسران، سعودی بحریہ کے دو افسران اور نیشنل اینٹی نارکوٹکس کمیٹی کا سابق سکریٹری جنرل شامل ہے۔