پی پی پی چیئرمین بلاول بھٹو زرداری نے کہا ہے کہ پیپلز پارٹی قانون کی حکمرانی، آئین اور پارلیامینٹ کی بالادستی کے لئے ہمیشہ میدان میں کھڑی رہی ہے۔
تفصیلات کے مطابق پی پی پی چیئرمین بلاول بھٹو زرداری نے پاکستان بار کونسل کے نومنتخب ارکان کے نام تہینتی پیغام میں فاروق ایچ نائک، محمد احسن بھون، عابد ساقی، شہادت اعوان اور دیگر نومنتخب ارکان کو مبارکباد دی ہے۔
بلاول بھٹو زرداری نے کہا کہ پی سی بی کے نومنتخب ارکان کی کامیابی جمہوریت، آئین کی بالادستی اور عدلیہ کی آزادی کے لئے خوش آئند ہے
پی پی پی چیئرمین کا کہنا تھا کہ بحالیِ جمہوریت کی جدوجہد میں وکلاء برادری ہمیشہ آگے آگے رہی ہے، وکلاء برادری نے اس جدوجہد کے دوران بیشمار قربانیاں دیں ہیں
بلاول بھٹو زرداری کا یہ بھی کہنا تھا کہ وکلاء برادری پیپلز پارٹی کے قیام کے پہلے دن سے اس کے لیئے ریڑھ کی ہڈی ہے جبکہ پیپلز پارٹی قانون کی حکمرانی، آئین اور پارلیامینٹ کی بالادستی کے لئے ہمیشہ میدان میں کھڑی رہی ہے۔
پی پی پی چیئرمین بلاول بھٹو زرداری کا مزید کہنا تھا کہ امید ہے نومنتخب پی بی سی حقیقی آزاد عدلیہ اور ہر اس ناموزون تاثر کے خاتمے کے لئے سرگرم عمل رہیں گے، جو کہیں بھی آزاد عدلیہ کے لیئے بھتر نہیں۔
