لاہور: رائیونڈ روڈ پر واقع سفاری پارک کا ملازم شیروں کے حملے میں ہلاک ہوگیا۔ رائیونڈ روڈ کے سفاری پارک کی انتظامیہ کا کہنا ہے کہ 18 سالہ ملازم بلال گھاس کاٹ رہا تھا کہ شیروں نے اس پر حملہ کر دیا۔پارک انتظامیہ کے مطابق ہلاک ہونے والے ملازم بلال کی کھوپڑی اورکچھ ہڈیاں ملی ہیں جب کہ واقعے کی مختلف پہلووں پر تحقیقات کی جارہی ہیں

 اسلام آباد: نیب نے مسلم لیگ (ن) کے رہنماؤں احسن اقبال اور شاہد خاقان عباسی کی ضمانت پر سپریم کورٹ ے سے رجوع کرنے کا فیصلہ کیا ہے۔  چیئرمین نیب جسٹس (ر) جاوید اقبا ل کی زیر صدارت نیب ہیڈ کوارٹر میں اہم اجلاس ہوا، اجلاس میں ڈپٹی چیئرمین نیب پی جی اے ، ڈی جی آپریشنز، ڈی جی راولپنڈی سمیت دیگر نیب حکام نے شرکت کی۔رجمان نیب کے مطابق اجلاس میں احسن اقبال اور شاہد خاقان عباسی کی اسلام آباد ہائی کورٹ سے ضمانت کے خلاف سپریم کورٹ میں اپیل دائر کرنے کا فیصلہ کیا گیا ہے۔اس سے پہلے اسلام آباد ہائی کورٹ میں چیف جسٹس اطہرمن اللہ کی سربراہی میں دو رکنی بنچ نے مسلم لیگ (ن) کے رہنما احسن اقبال کے خلاف نارووال اسپورٹس سٹی کمپلیکس کرپشن کیس میں درخواست ضمانت کی سماعت کی۔ایڈیشنل پراسیکیوٹر نیب عدالت میں پیش ہوئے اورکہا کہ متعلقہ اتھارٹی کی منظوری کے بغیر نارووال اسپورٹس سٹی بغیرکسی فزیبیلٹی کے بنایا گیا، ملزم کے بیرون ملک فرار اور ریکارڈ میں ٹیمپرنگ کا خدشہ ہے، درخواست ضمانت مسترد کی جائے۔ عدالت نے احسن اقبال کی ضمانت منظور کرتے ہوئے رہائی کا حکم دے دیا اور انہیں ایک کروڑ روپے ک مچلکے جمع کرانے کی ہدایت کی۔اسلام آباد ہائیکورٹ کے چیف جسٹس اطہرمن اللہ نے ایل این جی کیس میں مسلم لیگ (ن) کے سینئر رہنما شاہد خاقان عباسی کی درخواست ضمانت پر سماعت کی۔ نیب نے کہا کہ شاہد خاقان عباسی نے ایل این جی مہنگے داموں خریدی جس پر چیف جسٹس اسلام آباد ہائیکورٹ نے استفسار کیا کہ کیا آپ نے تفتیش کی کہ دنیا میں کہیں اس ے سستی ایل این جی خریدی گئی ہے؟چیف جسٹس اطہرمن اللہ نے استفسارکیا کہ کیا نیب نے گرفتاری سے قبل وزارت خارجہ سے رابطہ کیا تھا؟ اس کیس میں بہت حساس معاملات ہیں، دوسرے ممالک سے تعلقات کا معاملہ ہے، آپ نے تفتیش ہی نہیں کی اور اس کو گرفتاری کی بنیاد بنا رہے ہیں

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے معروف سینئر صحافی ضیا شاہد نے کہا ہے کہ ایک تو پاکستان کی ارجہ پالیسی کی کامیابی ہے کہ امریکہ سمجھتا ہے کہ ہم افغانستان کے معاملہ میں اس کی مدد کر رہے ہیں اور عمران خان بھاگ دوڑ کر رہے ہیں اور آرمی چیف نے بھی اس میں پارٹ پلے کیاہے۔ یہ مسلمہ بات ہے بہت مشکل بھارت کے لئے مسئلہ کشمیر کو ختم کرنا کہ وہ کس طرح سے بین الاقوامی امیج درست کرے۔ اس کا بین الاقوامی امیج ختم ہو چکا ہے۔ دیکھیں امریکی صدر ان کے مہمان ہیں وہ پاکستان کی تعریفیں کر رہے ہیں۔ اس سے لگتا ہے کہ یہ جو حملہ ہے کہ انڈیا دنیا سے کٹ گیا مودی کی پالیسیوں کی وجہ سے اور کشمیر کے معاملہ اور شہریت بل کے مسائل، ہنگاموں کی وجہ سے ایک نکد ہے اس کو کوئی پسند نہیں کرتا آج کے زیادہ واقعات تو دلی کے ہیں 9 افراد کو دہلی ہنگاموں کے اندر مار دیا گیا ہے۔ جانی نقصان بھی ہوا ہے اور وہ لوگ ایک دوسرے سے بڑھ کر شہریت قانون کے خلاف جو جدوجہد کر رہے ہیں انڈیا اور مودی کی پوزیشن دن بدن خراب ہو رہی ہے۔ ٹھیک ہے مودی نے ٹرمپ کی باتیں سن لیں لیکن اسلحہ تو لے لیا اور ہر قسم کی مدد تو حاصل کر لی۔ یہ ہندو ذہن کی چالاکی ہے وہ اپنا کام نکلوانا جانتا ہے۔ انہوں نے پاکستان کی تعریفیں سن کے ناک منہ چڑھا لئے ہمارے اخبارات نے تصویر چھاپی ہے کہ اس نے سر پر ہاتھ رکھا ہوا ہے یہ ان کے لئے شرمندگی تو تھی۔ ٹرمپ کے لئے بڑا مشکل مقام ہے اس نے الیکشن سے پہلے افغانستان کے مسئلے کا کوئی حل نکالنا ہے۔ امریکہ میں عام آدمی سوچتا ہے کہ ان کے بندے جو ہیں خواہ مخوا اس قسم کی جنگوں میں دھکیلے جا رہے ہیں۔ ایک زمانہ تھا جب امریکہ ویتنام میں پھنسا ہوا تھا پھر عراق کی باری آئی۔ پھر امریکی عراق پہنچے۔ وہاں لوگ اپنے پیاروں کی لاشیں اٹھا اٹھا کر تنگ آ چکے ہیں اور لوگ ناپسند کرتے ہیں۔ سپر پاور دوسرے ملکوں میں جنگ لڑتی ہے اپنے ملک میں کرتے تو عوام اٹھ کھڑے ہوتے۔ اب تو اقوام متحدہ کے سیکرٹری جنرل نے پاکستان میں آ کر کہہ دیا ہے کہ دنیا پر 5 بڑے ملکوں کی حکمرانی چل رہی ہے ان کے پاس ویٹو پاور پر عدم مساوات ہے۔ میں نے آزاد کشمیر کے وزیراعظم کا بیان پڑھا تھا کہ یہ ثالثی ہمارے لئے خطرناک بھی ہو سکتی ہے۔ مسئلہ کشمیر پر ٹرمپ کی ثالثی کا تعین کرنا بہت مشکل ہے کیونکہ ثالث کے طور پر یہ توقع رکھنا کہ سلامتی کونسل کی قراردادوں کے مطابق جو کشمیر کے عوام چاہتے ہیں وہ تو فیصلہ ہو چکا ہے کہ ان کی رائے معلوم کر لیں۔ وہ تو رائے معلوم کرنے کو تیار نہیں ہیں۔ امریکہ کو چاہئے کہ ان پر دباﺅڈالے وہ تو الٹا ان کو ہتھیار دے رہا ہے بڑی طاقتوں پر یقین نہیں کیا جا سکتا۔ پہلے بھی ہیں بڑے ہاتھ لگ چکے ہیں۔ ایک دفعہ مشرقی پاکستان کا مسئلہ تھا جب ساتواں بحری بیڑا وہاں کیا کرنے گیا تھا اگر اس نے کچھ کرنا نہیں تھا دوسرا یہ کہ جب افغانستان میں طالبان سے لڑائی سے پہلے امریکہ نے ایک دفعہ اچانک یہ سوچ کر کہ افغانستان کا معاملہ ختم ہو گیا اپنا ہاتھ کھینچ لیا اور آرمی بھی نکال لی۔ کسی معاہدہ پر پہنچے بغیر امریکہ افغانستان سے چلا گیا تو بھی بیڑا خطرناک ہے کیونکہ کل کو وہاں کیا ہو گا اس کا کون ذمہ دار ہو گا۔ وزیراعظم آزاد کشمیر نے ٹھیک کہا ہے امریکہ مسئلہ کشمیر کا کوئی ایسا حل تلاش کر کے دے جس سے کشمیر کی جو قراردادیں ہیں سلامتی کونسل والی وہ بالکل ایک طرف رکھ کر کوئی تیسراا، چوتھا، پانچواں فارمولا، آپ کو یاد ہو گا پرویز مشرف کے دور میں بہت سارے فارمولے بنے تھے خورشید قصوری صاحب نے بھی بہت سارے فارمولے بنائے تھے کشمیر کی تقسیم کے اس میں چناب فارمولا بہت مشہور ہوا تھا کہ چناب سے اس طرف کا علاقہ جو ہے اور اس طرف کا علاقہ الگ کر دیا جائے میں یہ سمجھتا ہوں اس قسم کے معاملات میں ہم جب تک اس نتیجے تک نہ پہنچیں کسی معاملہ کو حل کرنا اس وقت تک ہم اس کو اس طرح سے حل نہیں کر سکتے کہ فلاں شحص کی ثالثی ہمیں منظور ہے کیا پتہ وہ کیا کہہ دے۔ پنجاب حکومت نے نوازشریف کی ضمانت کی منظوری نہیں دی ہے خصوصی کمیٹی نے نوازشریف کی ضمانت کی منسوخی کی سفارش کی تھی اس کے باوجود ان کی ضمانت منظور نہیں کی گئی۔ کیا سابق وزیراعظم کے لئے مشکلات بڑھ نہیں گئیں۔ ضیا شاہد نے کہا کہ نوازشریف لندن چلے گئے اب ان کے لئے یہاں آپ کہتے ہیں یہاں قانونی کارروائیاں ہوتی رہیں ظاہر ہے جس طرح میں نے راجہ بشارت صاحب کی پریس کانفرنس سنی ہے ان کا نقطہ نظر یہ ہے کہ ہمیں جو رپورٹ ملی تازہ رپورٹ میں کوئی میڈیکل رپورٹ ہے ہی نہیں اس لئے نیا پوائنٹ ایسا ہے ہی نہیں کہ جس وجہ سے ان کو وہاں مزید رکھنا چاہئے۔ اب نوازشریف صاحب پر فرض عائد ہوتا ہے کہ یہ کیس پہلے عدالت میں گیا تھا عدالت نے ریفر کیا کہ پنجاب حکومت فیصلہ کرے گی۔ پنجاب حکومت نے فیصلہ کر دیا کہ ہم نہیں کر سکتے اب دوبارہ اگر نوازشریف کورٹ جانا چاہتے ہیں ہو سکتا ہے وہاں سے کچھ ریلیف مل جائے۔ لیکن مشکل نظر آتا ہے کیونکہ اب تک جو حالات ہیں ان میں نوازشریف کے لندن میں رہائش یا کھانا کھانے اور چہل قدمی کے کچھ ہمیں وہاں سے آنا نہیں وہ وہاں علاج کرانے کے لئے گیا علاج کروا رہے ہیں۔ نوازشریف کو چاہئے کہ وہ علاج کی تازہ ترین رپورٹ بھیجیں یہ ان کا قانونی اور اخلاقی فرض بنتا ہے۔ اس بات کا امکان ہے حکومت پنجاب انہیں اشتہاری قرار دے دے۔ اب ان کا آپریشن ہونے والا ہے جو وہ نہیں کروا رہے کہ جب تک میری بیٹی نہیں آئے گی ہی نہیں کرواﺅں گا۔ بھلا پاکستان کیا دنیا کے کسی ہسپتال میں کسی مریض کو ضد کرتے دیکھا ہے کہ جب تک میرا کا پتہ نہیں آئے گا میں آپریشن نہیں کرواﺅں گا۔ وہ یہاں سے اتنے بیمار ہو کر گئے کہ فوراً امریکہ جانا ہے امریکہ نہ جائے تو لندن کے ہی کسی ہسپتال میں داخل ہوتے۔ کوئی ٹریٹمنٹ ہو رہی ہوتی اب صرف یہ کہا جاتا ہے کہ ایک آپریشن ہو گا وہ 24 فروری کو ہونا تھا اور وہ کہہ رہے ہیں بیٹی آئے گی تو کرواﺅں گا۔ یہ تو ایسی ہی باتیں ہیں۔ میں یہ سمجھتا ہوں کہ انہوں نے جانا تھا وہ چلے گئے انہوں نے چیزوں کو مینج کر لیا جس طرح میں نے کل شیخ رشید احمد سے پوچھا تھا کہ وہ کہہ رہے تھے وہ چلے گئے ایک بیٹی رہ گئی ہے اس پر پریشر ہے کہ ان کو بھی باہر منگوا لیں تا کہ وہ اطمینان سے وہاں رہ سکیں جب تتک حالات سازگاار نہیں ہو جاتے ہیں یا سیاسی ساکھ درست ہو سکتی ہے۔ ویسٹ مینجمنٹ کا ایک ادارہ ہے جس کے سپرد یہ کام تھا کسی وجہ سے ایک رپورٹر نے پوچھا تو پتہ چلا کہ زیادہ تر ان ہی کام کرنے والے ڈیلی ویجز پر تھے اور ان کو پیسے نہیں مل رہے۔ جس کی وجہ سے وہ کچرا نہیں ٹھا رہے۔ چیف منسٹر کو چاہئے کہ ان کا جو کنٹریکٹ ختم ہو رہا ہے اس کو درست کروائیں۔ ہمیں لوگوں نے تصویر بھیجی ہیں کہ جگہ جگہ کچرا پڑا ہے۔

اسلام آباد (نامہ نگار خصوصی) وزیراعظم عمران خان کا کہنا ہے کہ بھارت کے پاکستان مخالف مذموم عزائم خاک میں مل گئے۔ امریکی صدر ڈونلڈ ٹرمپ کی جانب سے پاکستان کی کاوشوں کا اعتراف بڑی سفارتی کامیابی ہے۔ان خیالات کا اظہار عمران خان نے وفاقی کابینہ کے اجلاس کی صدارت کرتے ہوئے کیا۔ اجلاس کے دوران وزیراعظم نے کابینہ ارکان کو سفارتی کامیابیوں کو اجاگر کرنے کی ہدایت کی۔ا جلاس کے دوران امریکی صدر ڈونلڈ ٹرمپ کے دورہ بھارت کے دوران پاکستان سے متعلق بیان کا تذکرہ ہوا، کابینہ ارکان کا کہنا تھا کہ مودی ٹرمپ سے پاکستان مخالف بیان دلوانے میں ناکام رہا۔اس موقع پر وزیراعظم عمران خان کا کہنا تھا کہ نئی دہلی میں امریکی صدر ڈونلڈ ٹرمپ کی جانب سے پاکستان کی کاوشوں کا اعتراف بڑی سفارتی کامیابی ہے، بھارت کے پاکستان مخالف مذموم عزائم خاک میں مل گئے۔یاد رہے کہ گزشتہ روز بھارتی شہر گجرات میں خطاب کرتے ہوئے امریکی صدر ڈونلڈ ٹرمپ کا کہنا تھا کہ پاکستان اچھا دوست ہے جس کیساتھ تعلقات بہت ہی شاندار ہیں۔ جب سے دفتر سنبھالا ہے میری انتظامیہ پاکستان کے ساتھ بہت مثبت انداز میں کام کر رہی ہے۔ذرائع کے مطابق وفاقی کابینہ اجلاس کے دوران کابینہ کو ہنرمند پروگرام سے متعلق بریفنگ دی گئی، پروگرام کے تحت 1 لاکھ 70 ہزار بچوں کو ہنر فراہم کیا جائے گا۔ذرائع کے مطابق اجلاس کے دوران بینظیر ائیر پورٹ کے اطراف میں کثیر المنزلہ تعمیرات کی اونچائی کے حد کا تعین کرنے کی بھی منظوری دی گئی۔ سید محمد مہر علی شاہ کی بطور کمشنر انڈس واٹر مدت ملازمت میں تین ماہ توسیع کی منظوری دی گئی۔ذرائع کے مطابق بلوچستان نیشنل پارٹی (مینگل گروپ) کے سربراہ سردار اختر مینگل اور سینٹر جہانزیب جمال دینی کے لیے ممنوعہ بور لائسنس اجرا کی منظوری دی گئی۔وفاقی کابینہ اجلاس کے دوران سکندر خان ایڈیشنل ڈسٹرکٹ اینڈ سیشن جج بطور جج انسداد منشیات تعیناتی کی منظوری دی گئی۔ کابینہ نے صحافیوں اور میڈیا سے وابستہ افراد کے تحفظ کے بل کی منظوری دی گئی۔

لاہور (لیڈی رپورٹر) پنجاب کابینہ نے نوازشریف کی ضمانت میں توسیع کے لیے درخواست کو مسترد کر تے ہوئے کہا ہے کہ نوازشریف بورڈ اورکمیٹی کو مطلوبہ رپورٹس پیش نہ کرسکے۔ تفصیلات کے مطابق وزیراعلی پنجاب عثمان بزدار کی زیرصدارت پنجاب کابینہ کا جلاس ہوا جس میں نوازشریف کی جانب سے ضمانت میں توسیع کی درخواست پر غور کیا گیا۔کابینہ میں پنجاب کابینہ کی خصوصی کمیٹی نے نوازشریف کی صحت سے متعلق رپورٹ پر تجاویز پیش کیں جس کا کابینہ نے جائزہ لیا۔پنجاب کابینہ نے کہا کہ نوازشریف کو عدالت کی طرف سے علاج کے لیے 8 ہفتوں کا وقت دیا گیا تھا لیکن 25 فروری تک اس وقت میں مزید 8 ہفتے گزر چکے ہیں۔کابینہ ارکان نے کہا کہ نوازشریف کی طرف سے ایسی کوئی ٹھوس رپورٹ پیش نہیں کی گئیں جس سے ثابت ہوسکے کہ جس گرانڈ پر نوازشریف کو بیرون ملک بھیجا گیا اس میں مزید توسیع کی ضرورت ہے۔ کابینہ نے موقف اپنایا کہ نوازشریف بورڈ اورکمیٹی کو مطلوبہ رپورٹس پیش نہ کرسکے۔ پنجاب کابینہ نے نوازشریف کی درخواست کو یکسر مسترد کردیا جس کی تصدیق پنجاب کے وزیر اطلاعات فیاض چوہان کی جانب سے بھی کردی گئی ہے۔ پنجاب کابینہ نے مسلم لیگ (ن)کے قائد نواز شریف کی ضمانت میں 8 ہفتے کی توسیع کی درخواست مسترد کردی ‘معاملہ وفاقی حکومت کو ارسال کر دےا جبکہ وزیرقانون پنجاب راجہ بشارت نے میڈیا سے گفتگو کرتے ہوئے کہا کہ معاملہ وفاقی کابینہ کو بھیج رہے ہیں، لندن سے ہمیں نوازشریف کے کسی آپریشن کی اطلاع نہیں اور 16ہفتے گزرنے کے باوجود وہ اب تک کسی اسپتال میں نہیں داخل ہوئے، نوازشریف کے ذاتی معالج نے بھی حکومت سے رابطہ برقرار نہیں رکھا۔منگل کے روز مےڈےا سے گفتگو کے دوران صوبائی وزےر قانون راجہ محمد بشارت نے کہا کہ خصوصی کمیٹی نے اپنی سفارشات پیش کیں جن کی روشنی میں پنجاب کابینہ نے نوازشریف کی ضمانت میں توسیع کی اجازت دینے سے انکار کردیا نوازشریف بورڈ اورکمیٹی کو مطلوبہ رپورٹس پیش نہ کرسکے معاملہ وفاقی کابینہ کو بھیج رہے ہیں، لندن سے ہمیں نوازشریف کےکسی آپریشن کی اطلاع نہیں اور 16ہفتے گزرنے کے باوجود وہ اب تک کسی اسپتال میں نہیں داخل ہوئے، نوازشریف کے ذاتی معالج نے بھی حکومت سے رابطہ برقرار نہیں رکھاراجہ بشارت نے کہا کہ کمیٹی نے3دن تک اجلاس کیے اورمیڈیکل رپورٹس کا جائزہ لیا جبکہ میڈیکل بورڈ نے بھی نوازشریف کی رپورٹس پر عدم اعتماد کااظہارکیا، توسیع مسترد ہونے سے نوازشریف کی ضمانت منسوخ ہوجائے گی اور انہیں اشتہاری قرار دینے کیلئے عدالت میں درخواست دیں گے۔صوبائی وزےر ڈاکٹر ےاسمےن راشد نے کہا کہ نوازشریف لندن میں اسپتال نہیں گئے تو اس کا مطلب ہے ان کی صورتحال سنجیدہ نہیں، لندن سے ہمیں وہی رپورٹس بھیجی گئی ہیں جو ان کے باہر جانے سے پہلے کی ہیں، میں نے کبھی نہیں کہا تھا نوازشریف کو علاج کیلئے بیرون ملک بھیجیں، ہم نے ہمیشہ یہ کہا کہ ان کا پاکستان میں علاج ممکن ہے مےں نے کبھی انکو علاج کےلئے بےرون ملک بجھوانے کی بات نہےں کی صوبائی وزےر اطلاعات فیاض الحسن نے کہا کہ آل شریف نے بیگم شمیم کو لندن بلا کر پیغام دیدیا اب وہ واپس نہیں آئیں گے، ہم نے ذاتی معالج کی رپورٹس پر فیصلے نہیں کرنے، پنجاب کابینہ کا فیصلہ 100فیصد قانونی اور اخلاقی ہے(ن) لےگ اور شر یف خاندان روفا وائر س کا شکار ہے۔ صوبائی وزیر قانون،پارلیمانی امور و سوشل ویلفیئر راجہ بشارت نے کہا ہے کہ پنجاب حکومت نے میاں نواز شریف کی ضمانت میں توسیع نہ دینے کا فیصلہ کیا ہے اور اس فیصلے سے وفاقی حکومت کو آگاہ کیا جا رہا ہے۔ پنجاب کابینہ کے اجلاس کے بعد صوبائی وزیر اطلاعات فیاض الحسن چوہان اور وزیر صحت ڈاکٹر یاسمین راشد کے ہمراہ ڈی جی پی آر میں پریس کانفرنس سے خطاب کر رہے تھے-انہوں نے کہا کہ میاں نواز شریف کو کچھ شرائط کے ساتھ 8 ہفتے کی ضمانت ملی تھی اور خصوصی کمیٹی نے مزید 8 ہفتے کا وقت بھی دیا، انہیں یہاں سے تشویشناک حالت میں علاج کے لیے لندن لے جایا گیا لیکن تاحال نہ تو وہ لندن کے کسی ہسپتال میں داخل ہوئے ہیں اور نہ ہی کسی قسم کا آپریشن کرایا ہے-انہوں نے کہا کہ خصوصی کمیٹی نے نواز شریف کے معالج ڈاکٹر عدنان سے بھی بیان لیا لیکن ہمیں لندن سے جو رپورٹس بھجوائی گئیں کمیٹی نے ان کا تین دن تک کا جائزہ لیا-اندریں حالات میڈیکل بورڈ نے میاں نواز شریف کی رپورٹس کو غیر تسلی بخش قرار دے دیا لہٰذا خصوصی کمیٹی نے ضمانت میں توسیع نہ دینے کی سفارش کی جس سے پنجاب کابینہ نے اتفاق کیا اور قرار دیا کہ ضمانت میں مزید توسیع کا قانونی، اخلاقی اور طبی جواز بھی نہیں بنتا۔ اب مزید قانونی کارروائی کے لیے وفاقی حکومت کو رپورٹ بھجوائی جا رہی ہے۔ وزیرِ اطلاعات پنجاب فیاض الحسن چوہان نے کہا کہ جس طرح بھینگے کی دو آنکھیں آپس میں نہیں ملتیں، ویسے ہی نواز شریف کے ذاتی معالج ڈاکٹر عدنان اور پاکستان میں (ن) لیگی قیادت کے بیانات آپس میں نہیں ملتے۔ گزشتہ دو دن سے رانا ثنا اللہ پورے اعتماد کے ساتھ دعویٰ کر رہے تھے کہ 24 تاریخ کو نواز شریف کا آپریشن کیا جائے گا لیکن کل بیچ چوراہے میں انکی ہنڈیا پھوٹ گئی۔ (ن) لیگ کی ساری قیادت رونا وائرس کا شکار ہو چکی ہے اور آئندہ تین سال یہ اسی وائرس کا شکار رہیں گے۔ انہوں نے کہا کہ نواز شریف نے اپنے خاندان کی سب سے اہم فرد، بیگم شمیم شریف کو لندن بلا کر پاکستان میں اپنے ووٹرز اور قیادت کو واضح پیغام دے دیا ہے کہ ”ساڈا سجنا دور ٹھکانا، اساں مڑ ایتھے نئیں آنا”۔ انہوں نے کہا کہ گزشتہ دو مہینے سے ڈاکٹر عدنان اور ن لیگی کے تمام بیانات آپس میں متصادم ہو کر ن لیگ کی منافقت کا کھلم کھلا اظہار کر چکے ہیں۔ انہوں نے یہ بھی کہا کہ حکومتِ پنجاب اس سارے معاملے میں سب سے اہم سٹیک ہولڈر ہے، جس نے نواز شریف کی میڈیکل رپورٹس دیکھ کر یہ فیصلہ کرنا ہے کہ نواز شریف کی پاکستان واپسی کب ہو گی۔ رانا ثنا اللہ کو یہ مغالطہ ہے کہ عدالت نے نواز شریف کی مرضی اور خواہش دیکھ کر انکی ضمانت میں توسیع یا انہیں پاکستان بلانا ہے۔ فیاض الحسن چوہان نے مزید کہا کہ ذاتی معالج اور ذاتی میراثی میں کوئی فرق نہیں ہوتا۔ اس نے اپنے مالک کی طرفداری ہی کرنی ہوتی ہے۔ انہوں نے کہا کہ نواز شریف لندن میں ایک دن بھی ہسپتال میں داخل نہیں رہے۔ لہٰذا حکومتِ پنجاب کا نواز شریف کی ضمانت میں توسیع نہ دینے کا فیصلہ اخلاقی سیاسی لحاظ سے بالکل درست ہے۔ صوبائی وزیر صحت ڈاکٹر یاسمین راشد نے کہا کہ میاں نوازشریف کی صحت کا سروسز ہسپتال میں پورا خیال رکھاگیا اورپلیٹ لیٹس مناسب مقدار میں ہونے کے بعد سفر کرنے کے قابل ہوئے۔ انہوں نے مزیدکہاکہ نوازشریف کو پیٹ سکین اور بون میرو کروانے کے وعدہ پر بیرون ملک بھجوایاگیا تھا جن کی میڈیکل رپورٹس ان کے ذاتی معالج ڈاکٹر عدنان نے بارہا تقاضے کے باوجود نہیں بھجوائیں۔ڈاکٹرعدنان نے نوازشریف کی ہیماٹالوجی اور پلیٹ لیٹس کی میڈیکل رپورٹس محکمہ صحت کو بھجوانی تھیں اس لئے ہم تووہی میڈیکل رپورٹس کو تسلیم کریں گے جن کے مطابق وہ گذشتہ16 ہفتوں سے صحت یاب ہیں۔ نوازشریف کے بیرون ملک کسی بھی ہسپتال میں داخل نہ ہونے سے ظاہر ہوتا ہے کہ ان کو مزید علاج معالجہ کی کوئی ضرورت نہیں ہے۔ ڈاکٹر عدنان سے بارہا نوازشریف سے متعلق بیرون ملک ہسپتال کی میڈیکل رپورٹس کا مطالبہ کیاگیا لیکن انہوں نے کوئی پرواہ نہ کی۔ہمارے ڈاکٹرز نے نوازشریف کی بیماری کی بالکل صحیح تشخیص کرکے میڈیکل رپورٹس جاری کی تھیں۔ ہم نے کبھی بھی نوازشریف کو علاج معالجہ کیلئے بیرون ملک بھجوانے کی حامی نہیں بھری۔ نوازشریف کے سروسز ہسپتال میں علاج معالجہ کے دوران روزانہ میڈیا کو ان کی طبی حالت سے لمحہ بہ لمحہ آگاہ رکھا گیا۔ چہ مگوئیوں کی بجائے میڈیاتک حقائق پر مبنی معلومات فراہم کرنا ہمارا فرض تھا۔ نوازشریف دل اور شوگر کے پرانے مریض ہیں جو ایک دن میں کوئی بھی ٹھیک نہیں کرسکتا۔ اہم یہ بات ہے کہ نوازشریف یا ان کے ذاتی معالج ڈاکٹر عدنان کسی قسم کی مستند میڈیکل رپورٹ نہیں بھجواسکے جس کے علاج معالجہ کیلئے وہ بیرون ملک گئے تھے۔اگر نوازشریف کی بیرون ملک میں بیماری کی تشخیص ہمارے ڈاکٹرز کی تشخیص سے مختلف ہوتی تو وہ میڈیکل رپورٹس ضرور بھجواتے جو نہیں بھجوائی گئیں۔

اسلام آباد: ہائیکورٹ نے مسلم لیگ (ن) کے رہنما احسن اقبال اور شاہد خاقان عباسی کی ضمانتیں منظور کرلیںاسلام آباد ہائیکورٹ کے چیف جسٹس اطہر من اللہ کی سربراہی میں دو رکنی بینچ نے احسن اقبال کے خلاف نارووال اسپورٹس سٹی کمپلیکس میں درخواست ضمانت پر سماعت کی جس سلسلے میں ایڈیشنل پراسیکیوٹر نیب عدالت میں پیش ہوئے۔ایڈیشنل پراسیکیوٹر نیب نے احسن اقبال کی درخواست ضمانت کی مخالفت کرتے ہوئے کہا کہ ملزم کے بیرون ملک فرار اور ریکارڈ میں ٹیمپرنگ کا بھی خدشہ ہے۔اس پر عدالت نے حیرانی کا اظہار کیا کہ ملزم کی سرکاری دفتر اور ریکارڈ تک کیسے رسائی ہوسکتی ہے؟ اور اگر ملزم کے فرار کا خدشہ ہے تو ان کا نام ای سی ایل میں ڈال دیں۔ایڈیشنل پراسیکیوٹر نے عدالت سے کہاکہ اگر احسن اقبال اپنا پاسپورٹ عدالت میں جمع کرائیں تو ضمانت پر کوئی اعتراض نہیں۔بعد ازاں عدالت نے احسن اقبال کی ایک کروڑ روپے ضمانتی مچلکوں کے عوض ضمانت بعد از گرفتاری منظور کرتے ہوئے ان کی رہائی کا حکم دے دیا۔سلام آباد ہائیکورٹ نے سابق وزیراعظم اور مسلم لیگ (ن) کے رہنما شاہد خاقان عباسی کی بھی ایل این جی کیس میں ضمانت منظور کرلی

 لاہور:  ملتان اور راولپنڈی میں پہلی بار پی ایس ایل کا میلہ سجانے کی تیاریاں مکمل ہوگئیں، دونوں شہروں میں جوش و خروش بڑھنے لگا۔پی ایس ایل 5 کا آغاز 20فروری کو نیشنل اسٹیڈیم کراچی میں افتتاحی تقریب کیساتھ ہوا، مجموعی طور پر اس کا رنگ پھیکا رہا، میدان میں روشنی اور آواز کے مسائل سامنے آئے، موسیقی بھی جوش و خروش سے عاری رہی،البتہ آخر میں آتشبازی متاثر کن تھی، بعد ازاں میچز کا سلسلہ آگے بڑھا تواسٹینڈز میں شائقین کی کمی محسوس ہوتی رہی، اتوار کو فیملیز کی بڑی تعداد نے اسٹیڈیمز کا رخ اور خوب ہلہ گلہ کیا۔اتوار کو قذافی اسٹیڈیم میں اسلام آباد یونائیٹڈ نے لاہور قلندرزکوایک وکٹ سے مات دی، سنسنی خیز مقابلے نے پی ایس ایل میں شائقین کی دلچسپی بڑھادی،اسی روز نیشنل اسٹیڈیم میں کراچی کنگز کے بابر اعظم کا کیچ ٹیکنالوجی کے دھوکا دے جانے کی وجہ سے متنازعہ ہوگیا۔دوسرے مرحلے میں اب میلہ ملتان اور راولپنڈی میں سجایا جائے گا، دونوں شہروں کو پہلی بار پی ایس ایل میچز کی میزبانی کرنا ہے اس لیے شائقین میں خاصا جوش و خروش بھی پایا جاتا ہے، سیکیورٹی انتظامات سمیت تیاریاں بھی مکمل ہیں، ملتان کرکٹ اسٹیڈیم میں بدھ کو شام 7بجے ملتان سلطانز اور پشاور زلمی کا جوڑ پڑے گا،دونوں ٹیمیں منگل کو شام 6 بجے پریکٹس سیشن کریں گی،اس سے قبل پریس کانفرنس میں دونوں طرف سے ایک ایک کھلاڑی اپنے عزائم کا بھی اظہار کرے گا۔دوسری جانب راولپنڈی میں آج اسلام آباد یونائیٹڈ کا پریکٹس سیشن ہوگا، بدھ کی دوپہر لاہور قلندرز، شام کو اسلام آباد اور کوئٹہ کی ٹیمیں ٹریننگ کریں گی۔ پنڈی اسٹیڈیم جمعرات کو شام 7بجے اسلام آباد یونائیٹڈ اور کوئٹہ گلیڈی ایٹرز کے میچ کا میزبان ہوگا۔ابھی تک ہونے والے 7میچز میں اسلام آباد یونائیٹڈ کی کارکردگی میں زیادہ تسلسل نظر آیا ہے، شاداب خان الیون نے پہلے مقابلے میں شکست کے بعد دونوں جیت کر 4پوائنٹس جوڑے ہیں،ٹیم نے سب سے زیادہ 517رنز بھی جوڑے ہیں۔کوئٹہ گلیڈی ایٹرز کی بھی 2فتوحات لیکن 477رنز کیساتھ رن ریٹ کم ہونے کی وجہ سے دوسرے نمبر پر ہے،پشاور زلمی، ملتان سلطانز اور کراچی کنگز نے 2،2میچ کھیل کر ایک ایک فتح حاصل کی ہے،ان میں سے سب سے زیادہ 349رنز ڈیرن سیمی الیون نے جوڑے ہیں،لاہور قلندز حسب روایت ناکامیوں ک بھنور میں اور دونوں میچز میں فتح کو ترستے رہے ہیں۔انفرادی کارکردگی کو دیکھا جائے تو کامران اکمل 144رنز کیساتھ سرفہرست ہیں، پی ایس ایل 5کی پہلی سنچری بھی انھوں نے ہی بنائی ہے،ڈیوڈ میلان121، محمد حفیظ112، اعظم خان110اور بابر اعظم 104رنز کیساتھ ٹاپ فائیو بیٹسمینوں میں شامل ہیں، دوسری طرف بولنگ میں نوجوان پیسرز کا راج ہے، محمد حسنین 12.28کی اوسط سے 7شکار کرتے ہوئے سرفہرست ہیں،بہترین بولنگ 25رنز دیکر 4وکٹیں رہیں، شاہین شاہ آفریدی نے 7.2کی ایوریج سے 5وکٹوں کیساتھ دوسرے نمبر پر ہیں۔ابھی تک ایونٹ کی بہترین بولنگ بھی انھوں نے ہی کرتے ہوئے 18رنز کے بدلے میں 4شکار کیے، محمد موسیٰ نے 18.20کی اوسط سے 5وکٹیں اڑائیں،اس کے علاوہ فہیم اشرف اور عماد بٹ بھی 5،5 بیٹسمینوں کو پویلین بھیجنے میں کامیاب ہوئے ہیں

لاہور: پنجاب کابینہ نے نوازشریف کی ضمانت میں توسیع کے لیے درخواست کو مسترد کردیا۔وزیراعلیٰ پنجاب عثمان بزدار کی زیرصدارت پنجاب کابینہ کا اجلاس ہوا جس میں نوازشریف کی جانب سے ضمانت میں توسیع کی درخواست پر غور کیا گیا۔کابینہ میں پنجاب کابینہ کی خصوصی کمیٹی نے نوازشریف کی صحت سے متعلق رپورٹ پر تجاویز پیش کیں س کا کابینہ نے جائزہ لیا۔پنجاب کابینہ نے کہا کہ نوازشریف کو  عدالت کی طرف سے علاج کے لیے 8 ہفتوں کا وقت دیا گیا تھا لیکن 25 فروری تک اس وقت میں مزید 8 ہفتے گزر چکے ہیں۔کابینہ ارکان نے کہا کہ نوازشریف کی طرف سے ایسی کوئی ٹھوس رپورٹ پیش نہیں کی گئیں جس سے ثابت ہوسکے کہ جس گراؤنڈ پر نوازشریف کو بیرون ملک بھیجا گیا اس میں مزی توسیع کی ضرورت ہے۔ذرائع کے مطابق کابینہ نے مؤقف اپنایا کہ نوازشریف بورڈ اورکمیٹی کو مطلوبہ رپورٹس پیش نہ کرسکے۔پنجاب کابینہ نے نوازشریف کی درخواست کو یکسر مسترد کردیا جس کی تصدیق پنجاب کے وزیر اطلاعات فیاض چوہان کی جانب سے بھی کردی گئی ہے۔ خیال رہے کہ سابق وزیراعظم نواز شریف 19 نومبر 2019 سے علاج کی غرض سے لندن میں مقیم ہیں جہاں ان کے مسلسل ٹیسٹ اور طبی معائنہ کیا جارہا ہے۔پنجاب حکومت نے نواز شریف کی بیرون ملک قیام میں توسیع کے معاملے پر صوبائی وزیر قانون، چیف سیکریٹری پنجاب، ایڈیشنل چیف سیکرٹری داخلہ اور سیکرٹری قانون پر مشتمل کمیٹی بنائی تھ

بہاولپور: پولیس، خفیہ اداروں کے اہلکاروں اور صوبائی محکمہ صنعت کے عہدیداروں پر مشتمل ایک ٹیم نے چنی گوٹھ کے نزدیک شریف خاندان کی زیر ملکیت شوگر ملز پر چھاپہ مار کر چینی کی ’55 ہزار ذخیرہ کردہ بوریاں برآمد کرلیں‘۔ولیس اور دیگر ذرائع نے ڈان کو بتایا کہ مذکورہ چھاپہ پولیس کی اسپیشل برانچ سے ایک خفیہ اطلاع موصول ہونے پر مارا گیا۔ذرائع کا کہنا تھا کہ احمد پور کے اسسٹنٹ کمشنر کی سربراہی میں محکمہ صنعت کے ضلعی افسران، پولیس کی اسپیشل برانچ اور دیگر قانون نافذ کرنے والے اداروں کے اہلکاروں پر مشتمل ٹیم نے ملز کےگودام پر چھاپہ مار کر چینی قبضے میں لے لی۔انہوں نے مزید بتایا کہ لاکھوں روپے مالت کی چینی کی بوریاں قبضے میں لینے کے بعد گودام کو مہر بند (سیلڈ) کردیا گیا۔تحریر جاری ہے‎خیال رہے کہ چنی گوٹھ میں شریف خاندان کی زیر ملکیت ملز میں حالیہ کرشنگ سیزن کے دوران کام نہیں ہوا کیوں وہ قانونی چارہ جوئی کے باعث بند پڑی تھیں۔تاہم سی بھی سرکاری محکمے کی جانب سے ذخیرہ کردہ چینی کی برآمدگی کے حوالے سے باضابطہ طور پر کوئی پریس ریلیز جاری نہیں کی گئی۔دوسری جانب ضلعی پولیس افسر کے ترجمان جام ساجد نے اس بات کی تصدیق کی کہ ملز پر چھاپہ مارا گیا تھا، انہوں نے بتایا کہ چھاپے کے بعد گودام کو سیلڈ کردیا گیا۔نہوں نے دعویٰ کیا کہ مقامی پولیس کو ملز انتظامیہ کے خلاف کی گئی کسی بھی کارروائی کی اطلاع نہیں دی گئی اور ضلعی انتظامیہ اس معاملے کی نگرانی کررہی ہے۔

پاکستانی نژاد برطانوی باکسر عامر خان اور اہلیہ فریال مخدوم کے ہاں تیسرے بچے کی پیدائش ہوئی جس کا اعلان انہوں نے سوشل میڈیا پر کیا۔عامر اور فریال نے اعلان کیا کہ ان کے ہاں پہلے بیٹے کی پیدائش ہوئی جس کا نام انہوں نے محمد زاویار خان رکھا ہے۔اس سے قبل فریال مخدوم کئی مرتبہ حمل کے دوران اپنی تصاویر اور ویڈیوز سوشل میڈیا پر جاری کرچکی ہیں۔تحریر جاری ہے‎عامر خان اور ان کی اہلیہ نے گزشتہ سال نہایت منفرد انداز کے ساتھ سوشل میڈیا پر اپنے تیسرے بچے کے جنس کا بھی اعلان کیا تھا۔خیال رہے کہ عامر خان اور فریال مخدوم کی شادی 2013 میں ہوئی تھی، جس کے بعد 2014 میں ان کی پہلی بیٹی لمائسا خان کی پیدائش ہوئی۔ان کے ہاں دوسری بیٹی کی پیدائش 24 اپریل 2018 کو ہوئی تھی جس کا نام انہوں نے علینا خان رکھا۔یال مخدوم ماڈلنگ کے شعبہ سے وابستہ رہی ہیں، عامر اور فریال کے درمیان ہوئے کئی تنازعات بھی ماضی میں سامنے آئے جبکہ فریال مخدوم اپنے خاوند کے اہل خانہ پر تشدد کا الزام بھی لگا چکی ہیں۔2017 میں عامر خان اور فریال مخدوم کے درمیان جھگڑا اس حد تک بڑھ گیا تھا جس کے بعد ان دونوں نے ، البتہ اس اعلان کے چند روز بعد فریال نے اپنے ماں بننے کی خبر کا اعلان کیا جس کے بعد دونوں کے درمیان صلح ہوگئی۔