لاہور (اپنے سٹاف رپورٹر سے) وزیراعلیٰ پنجاب محمد شہبازشریف سے چین کی معروف پےکنگ (Peking) یونیورسٹی کے بین الاقوامی ماہر معاشیات اورعالمی بینک کے سابق سینئر نائب صدر پروفیسر جسٹن یی فولن (Mr. Justin Yifu Lin) نے ملاقات کی ، ملاقات میں پاک چین تعلقات ، پاکستان کی معیشت کو مضبوط بنانے، انڈسٹریل پارکس کے قیام اور معاشی استحکام کے حوالے سے تبادلہ خیال کےا گےا۔ پیکنگ یونیورسٹی کے بین الاقوامی ماہر معاشیات اورعالمی بینک کے سابق سینئر نائب صدر پروفیسر جسٹن یی فولن نے اس موقع پر گفتگو کرتے ہوئے کہا کہ وزیراعلیٰ شہبازشریف نے پاکستان خصوصاً پنجاب کی ترقی کیلئے لیڈنگ کردار ادا کیا ہے اور پنجاب کے عوام کی ترقی و خوشحالی کیلئے ان کی خدمات گرانقدر ہیں۔ شہبازشریف ایک حقیقی لیڈر ہیںاور انہوں نے غیرمعمولی اقدامات کرکے صوبے کی معیشت کو مضبوط بنایا ہے۔ شہبازشریف کی قیادت میں پنجاب کی ترقی کی مثال بیرون ملک بھی دی جاتی ہے۔انہوںنے کہا کہ وزےراعلیٰ شہبازشرےف نے جو غےر معمولی کامےابےاں حاصل کی ہےں ہم ان سے سےکھنا چاہتے ہےں اورمجھے خوشی ہے کہ آج مےری وزےراعلیٰ شہبازشرےف سے ملاقات ہوئی ہے ۔ وزےراعلیٰ محمد شہبازشرےف نے اس موقع پر گفتگو کرتے ہوئے کہا کہ پاکستان اور چین کی دوستی کو سی پیک نے نئی جہت عطا کی ہے۔چین کی حیران کن ترقی اقوام عالم کیلئے رول ماڈل ہے۔سی پیک کے باعث پاکستان میں ترقی کے نئے باب رقم ہو رہے ہیں۔انہوںنے کہا کہ چین کے صدر شی جن پنگ کی جانب سے سی پیک کا عظیم تحفہ ہم کبھی فراموش نہیں کرسکتے۔سی پیک کے بے پناہ فوائد سامنے آنا شروع ہو چکے ہیں۔پاکستان کی معیشت کو مضبوط بنانے کیلئے سی پیک ایک گیم چینجر ہے۔بعض عناصر سی پیک کے عظیم تحفے سے پریشان ہیں۔انہوںنے کہا کہ یہ عناصر سی پیک کے خلاف سازشیں کر رہے ہیں لیکن سی پیک کے خلاف کوئی سازش کامیاب نہیں ہوگی۔سی پیک آگے بڑھے گا اور پاکستان ترقی کرے گا۔انہوںنے کہا کہ خطے کے دیگر ممالک بھی سی پیک کے لاتعداد ثمرات سے مستفید ہوں گے۔سی پیک صرف اربوں ڈالر کی سرمایہ کاری کا نام نہیں بلکہ یہ ترقی و خوشحالی کا وہ روشن سفر ہے جس سے پورا خطہ فائدہ اٹھائے گااوراس عظیم الشان منصوبے کے ثمرات مستقبل کے روشن سفر کو مزید تیز کریں گے جس سے علاقائی تعاون میں اضافہ ہوگا۔انہوںنے کہاکہ چین نے انڈسٹریل پارکس کے قیام کے حوالے سے نمایاں پیش رفت کی ہے۔پنجاب حکومت انڈسٹریل پارکس خصوصاً گارمنٹس انڈسٹریل زون کے قیام کے حوالے سے چین کے اس تجربے سے فائدہ اٹھانا چاہتی ہے۔ انہوںنے کہا کہ پاکستان کی ترقی و خوشحالی کیلئے چین کے بے پایاں تعاون پر چینی قیادت، حکومت اور عوام کے شکرگزار ہیں۔سی پےک کے تحت توانائی کے شعبہ میں چین کی 36 ارب ڈالر کی سرمایہ کاری کی کوئی مثال نہیں ملتی۔بجلی تیز رفتار معاشی ترقی اور خوشحالی کیلئے ناگزیر ہے۔سی پیک کے تحت پنجاب سمیت پاکستان بھر میں منصوبوں پر تیزی سے کام ہو رہا ہے اورکئی منصوبے تکمےل کے آخری مراحل مےں ہےں ۔انہوںنے کہا کہ چین کے صدر کا اینٹی کرپشن کا وےژن انتہائی شاندار ہے۔پاکستان مسلم لیگ (ن) کی حکومت نے بھی صوبے میں کرپشن کےخلاف زیرو ٹالرنس کی پالیسی اپنائی ہے۔کرپشن کرنےوالوں کےخلاف بلاامتیاز کارروائی کی جاتی ہے۔انہوںنے کہا کہ شفافیت اور میرٹ ہماری حکومت کے بنیادی ستون ہیں۔عالمی ادارے بھی پاکستان میں کرپشن میں کمی کا اعتراف کر رہے ہیں۔پروفیسر جسٹن یی فولن نے اس موقع پر وزیراعلیٰ کو اپنی کتاب بھی پیش کی۔چین کے قونصل جنرل لانگ ڈنگ بن (Mr. Long Dingbin)،صوبائی وزراءملک ندیم کامران، عائشہ غوث پاشا، مشیر ڈاکٹر عمر سیف، چیف سیکرٹری، چیئرمین منصوبہ بندی و ترقیات، متعلقہ محکموں کے سیکرٹریز اور اعلیٰ حکام کے علاوہ معروف صنعتکار بھی اس موقع پر موجود تھے۔ وزےراعلیٰ پنجاب محمد شہبازشرےف کی زےر صدارت تعطےل کے باوجوداعلی سطح کا اجلاس منعقد ہوا، 2گھنٹے سے زائد جاری رہنے والے اجلاس مےںپاکستان کڈنی اےنڈ لےور ٹرانسپلانٹ انسٹی ٹےوٹ کے منصوبے، ہےومن رےسورس کے امور اور ہےپاٹائٹس فلٹر کلےنکس کے قےام پر پےش رفت کا جائزہ لےاگےا۔ اجلاس کے دوران پا کستان کڈنی اےنڈ لےور ٹرانسپلانٹ انسٹی ٹےوٹ کےلئے انڈوومنٹ فنڈکے قےام کا فےصلہ کےاگےا۔وزےراعلیٰ شہبازشرےف نے اجلاس سے خطاب کرتے ہوئے کہا کہ صوبائی دارلحکومت مےں گردے اورجگر کے امراض کے علاج معالجہ کےلئے بڑے منصوبے پر کام کےا جارہا ہے۔ پاکستان کڈنی اےنڈ لےور ٹرانسپلانٹ انسٹی ٹےوٹ مےں غرےب اورنادار مرےضوں کا علاج مفت ہوگا اور 470 بستروں پر مشتمل ےہ ادارہ گردے اور جگر کے امرض کے علاج کے حوالے سے سنگ مےل ہوگا۔ ادارے مےں جگر اورگردے کے امراض کے علاج کے علاوہ ان بےمارےوں کی روک تھام کےلئے تحقےقی کام بھی ہوگا۔ رواں سال کے آخر مےں ہسپتال کا پہلا مرحلہ مکمل ہوجائے گا اور مرےضوں کا علاج شروع ہوگا۔مرےضوں کو جدےد علاج معالجہ مےسر آئے گا۔ انہوںنے کہا کہ ادارے مےںاعلی کوالٹی کا ہےومن رےسورس اورسٹےٹ آف دی آرٹ مشےنری ہوگی۔ ادارے کےلئے بھرتی کےے گئے ہےومن رےسورس کا تھرڈ پارٹی آڈٹ بھی ضروری ہے اور ہےومن رےسورس کی جدےد اور بہترےن تربےت کا بھی اہتمام ہونا چاہےے۔ انہوں نے کہا کہ ہےومن رےسورس کی تربےت اور رےفرےشر کورس کے حوالے سے ماڈل اور پلان مرتب کرلےا جائے اورانسٹی ٹےوٹ کو دےدہ زےب بنانے کےلئے ہارٹیکلچر کا پلان مرتب کےا جائے۔ وزےراعلیٰ نے کہا کہ پنجاب حکومت مربوط ہےپاٹائٹس کنٹرول پروگرام پرعملدر آمد کررہی ہے اور اسی مقصد کے پےش نظر پاکستان کڈنی اےنڈ لےور ٹرانسپلانٹ انسٹی ٹےوٹ کی سائٹ پر پہلا ہےپاٹائٹس فلٹر کلےنک قائم کےاگےا ہے اور ےہ کلےنک جگر کے امراض مےں مبتلا افراد کو علاج معالجہ فراہم کرنے مےں مصروف عمل ہے جبکہ اسی طرح کے ہےپاٹائٹس فلٹر کلےنکس پنجاب کے ہر ضلع مےں بنائے جائےں گے۔انہوںنے کہا کہ ان ہےپاٹائٹس فلٹرکلےنکس کا تعلق محکمہ صحت سے نہےں ہوگا بلکہ پی کے اےل آئی انہےں چلانے کا ذمہ دار ہوگا۔پی کے اےل آئی اورہےپاٹائٹس فلٹر کلےنکس کے قےام کا پروگرام مفادعامہ کا عظےم الشان پراجےکٹ ہے۔ ان منصوبوں کو ہم نے محنت، عزم اور جذبے کےساتھ کام کرتے ہوئے پاےہ تکمےل تک پہنچانا ہے ۔پاکستان کڈنی اےنڈ لےور ٹرانسپلانٹ انسٹی ٹےوٹ ورےسرچ سنٹرکے بورڈ آف گورنرز کے صدر ڈاکٹر سعےد اختر نے منصوبوں پر پےش رفت کے حوالے سے برےفنگ دی۔ صوبائی وزےر صحت خواجہ عمران نذےر، چےف سےکرٹری، چےئرمےن منصوبہ بندی و ترقےات، سےکرٹرےز صحت، خزانہ،سی ای او پنجاب انفراسٹرکچر ڈوےلپمنٹ اتھارٹی، ڈی جی فرانزک سائنس اےجنسی اور متعلقہ حکام نے اجلاس شرکت کی۔
.

لاہور/ کراچی/ ملتان/اسلام آبا/روالپنڈی/فےصل آباد /سےالکوٹ /حافظ آباد /مر ےدکے /گوجرنوالہ (نمائندگان خبریں) لاہور سمےت ملک بھر مےں بجلی کا شارٹ فال4ہزار سے زائد ہونے پر چھٹی کے روز بھی غےر اعلانےہ بدتر ےن لوڈشےڈ نگ ‘لاہور سمےت کئی شہروں مےں بجلی کی لوڈشےڈ نگ کے خلاف احتجاج مظاہرے ‘بجلی کے بل بھی نذر آتش اور حکومت کے خلاف بھی نعرے بازی کی گئی جبکہ وزےر مملکت عابدشےر علی نے کہا کہ لوڈشیڈنگ میں کہ کہیں بھی غیر اعلانیہ لوڈشیڈنگ نہیں ہورہی بلکہ بجلی کے ٹرانسمشن سسٹم کوبہتر بنانے کے لئے مرمت کے کاموں کی وجہ سے بجلی بند ہوتی ہے۔ تفصےلات کے مطابق ملک بھر مےں بجلی کا شارٹ فال 4ہزار مےگاواٹ سے تجاوز کر چکا ہے اور موسم گرما شروع ہوتے ہی ڈیموں میں پانی کی مقدار انتہائی کم ہو چکی ہے جس سے ہائیڈل بجلی کی پیداوار 13سو میگا واٹ کی کم ترین سطح پر ہے جبکہ ادائیگیاں نہ ہونے اور تیل کی عدم دستیابی کے باعث آئی پی پیز بھی اپنی مجموعی استعداد سے 30 فیصد کم بجلی پیدا کر رہے ہیں ، علاوہ ازیں نندی پور ،کوٹ ادو اور دیگر پلانٹ بند ہونے سے پیداوار میںمتاثر ہوئی ہے جسکی وجہ سے اتوار کے روز ملک بھر مےں مارکٹےں بند ہونے کے بعد بھی بجلی کی لوڈشےڈ نگ مےں کمی نہ آسکی اورچھٹی کے روز بھی لاہور کے ساتھ ساتھ دےگر شہروں مےں 6سے8جبکہ دےہاتیوں مےں10گھنٹوں سے زائد تک بجلی کی بدتر ےن لوڈشےڈ نگ ہو تی رہی جسکے خلاف لاہور کے علاوہ بعض شہروں مےں لوڈشےڈ نگ کے خلاف احتجاجی مظاہر ے بھی کےے گئے جن مےں مےں مظاہر ےن نے حکومت کے خلاف نعرے بازی کےساتھ ساتھ بجلی کے بل بھی نذرآتش کےے اور وزےر اعظم مےاں نوازشر ےف سے مطالبہ کےا ہے کہ بجلی کی لوڈشےڈ نگ کے خاتمے کےلئے ہنگامی بنےادوں پراقدامات کےے جائے اور قوم کی بجلی کی لوڈشےڈ نگ کے اس عذاب سے نجات دلائی جائے۔ پیپلزپارٹی کے چیئرمین بلاول بھٹو سے پیپلزپارٹی کے مرکزی اور صوبائی قائدین نے لوڈشیڈنگ اور حکومتی پالیسیوں کے خلاف احتجاج کی اجازت مانگ لی جبکہ پارٹی قیادت کو پارلیمنٹ سمیت دیگر فورمز پر شدت کے ساتھ لوڈشیڈنگ کا معاملہ اٹھانے کے علاوہ دیگر آپشنز استعمال کرنے کی بھی تجویز دے دی ہے۔ ذرائع کے مطابق پیپلزپارٹی کے مرکزی نائب صدر میاں منظور احمد وٹو‘ پنجاب کے صدر قمرزمان کائرہ اور ندیم افضل چن سمیت دیگر نے پیپلزپارٹی کے چیئرمین بلاول بھٹو سے اجازت مانگتے ہوئے کہا کہ (ن) لیگ 6ماہ کیا 4سالوں میں بھی لوڈشیڈنگ کا خاتمہ کرنے میں ناکام رہی ہے لہٰذا ہمیں ان کے خلاف اضلاع اور صوبے کی سطح پر احتجاج کی اجازت دی جائے جبکہ پارٹی چیئرمین کو تجویز دیتے ہوئے پارٹی قائدین نے کہا کہ پارلیمنٹ سمیت دیگر فورمز پر شدت کے ساتھ لوڈشیڈنگ کا معاملہ اٹھانے کے علاوہ دیگر آپشنز بھی استعمال کئے جائیں جبکہ اس حوالے سے مرکزی نائب صدر میاں منظور احمد وٹو نے کہا کہ (ن) لیگ لوڈشیڈنگ سمیت دیگر مسائل کے حل میں مکمل ناکام ہو چکی ہے۔

سرگودھا(خصوصی رپورٹ)نواحی چک 95 میں 20افراد کے قتل کی لزرہ خیز واردات والے دربار کا متولی الیکشن کمیشن میں ڈپٹی ڈائریکٹر جبکہ اس کے مریدوں میں سرکاری افسر بھی شامل تھے، این اے 67 سے منتخب رکن قومی اسمبلی ڈاکٹر ذوالفقار علی بھٹی نے بتایا کہ اسلام آباد میں گجر فیملی کے ایک شخص بابواحمدخان نے تین برس قبل چک 95 میں آکر پیری مریدی کا نظام بنایا وہ فوت ہوا تو علی محمد گجر جس نے یہ زمین عطیہ کی اس نے دربار بنالیا، اس کے فوت ہونے کے بعد الیکشن کمیشن میں ڈپٹی ڈائریکٹر عبدالوحید متولی بن گیا، اس کے مریدین میں پڑھے لکھے اور سرکاری افسر بھی شامل تھے وہ مریدین کو ڈنڈے اور تھپڑ مارتا تھا کہ اس طرح تمہارے گناہ چھڑتے ہیں، پیر کے کہنے پر مریدین نے جنت میں جانے کیلئے ایک دوسر ے کو ڈنڈے اور خنجر مار کر ہلاک کرنا شروع کردیا، جو قتل ہوتا تو اسے ایک مقام پر لٹاکر مارنے والا اس کی جگہ لے لیتا کہ جنت میں جانے کی اب میری باری ہے ، خودکش حملے کرنے والوں کی طرح ان کی بھی برین واشنگ ہوئی تھی، پکے مریدین کو فون کرکے باری باری بلایا جارہا تھا ، آج بھی متعدد لوگوں کی باری تھی،کچھ فیملیز اسلام آباد سے آرہی تھیں، انہوں نے صحن میں موجود ایک جگہ کی نشاندہی کرتے ہوئے بتایا کہ وہاں مریدین کو ننگا کرکے مارا جاتا ۔ جبکہ ان کے کپڑے پلید قرار دیکر جلادئیے جاتے، ذوالفقار بھٹی نے بتایا کہ علاقے میں خواندگی کا تناسب سب سے زیادہ ہے تاہم یہاں درباروں کا سلسلہ ضعیف الاعتقادی کے سبب جاری ہے، آر پی او ذوالفقار حمید نے بتایا 4ملزموں نے 20افراد قتل کئے 3ملزم گرفتار کرلئے جن سے دھینگا مشتی ہوئی، انہوں نے ایس ایچ او کی وردی پھاڑ دی، جائے وقوعہ سے ملنے والا نشہ آور مواد اور خون کے نمونے فرانزک ٹیسٹ کیلئے بھجوادئیے ہیں، کچھ ملزموں کے مطابق عبدالوحید کو خدشہ تھا یہاں دفن شخصیت کا بیٹا آصف اسے مار کر گدی حاصل کرنا چاہتا ہے، ساری ذمہ داری پولیس کی نہیں، یہاں کچھ غلط ہورہا تھا تو شہریوں کو اطلاع دینا چاہیے تھی ۔مقامی ہسپتال کے ایم ایس ڈاکٹر پرویز نے بتایا کہ چارزخمیوں کی عمریں 30سے 40برس ہیں، انہیں ٹھیک ہونے میں وقت لگے گا، زخمی توقیر نے بتایا خلیفہ عبدالوحید جلالی طبیعت کے ہیں، واقعہ کی رات زیادہ جلالی ہوگئے، انہوں نے مریدوں کو ڈنڈے مارے ، میں بے ہوش ہوا تو مجھے باہر پھینک دیاگیا، ہوش آنے کے بعد میں بھاگ گیا۔ میں نے انہیں مارا ہے اور میں ہی انہیں زندہ کروں گا، گرفتاری کے وقت عبد الوحید کا جھوٹا دعویٰ۔لاہور، سرگودھا(خصوصی رپورٹ) چک 95 شمالی کے واقہ کی اطلاع ملتے ہی لوگوں کی بڑی تعداد رات گئے ہی ہسپتال اور جائے وقوعہ پر جمع ہونا شروع ہو گئی۔ سرگودھا کی تاریخ میں یہ پہلا واقعہ ہے کہ کسی آستانے یا دربار پر 20 افراد کو بے دردی سے قتل کیا گیا ہو ، شہریوں نے اس المناک واقعہ پر افسوس کا اظہار کرتے ہوے ملوث افراد کو سرعام پھانسی دینے کامطالبہ کیا ہے۔ پولیس کی ابتدائی رپورٹ کے مطابق جمعہ اور ہفتہ کی رات 7 افراد کو قتل کیا گیا جبکہ دیگر افراد کو ہفتے اور اتوار کی درمیانی شب قتل کیا گیا، سجادہ نشین نے مریدوں کو گناہ جھاڑنے کیلئے ڈنڈے سے مارنے اور انہیں چپ رہنے کا کہا، مرید سجادہ نشین سے عقیدت میں ڈنڈے کھاتے رہے، سجادہ نشین نے مریدوں سے کہا کہ ٹکڑے ٹکڑے بھی کر دوں تو صبح صحیح حالت میں لے آﺅں گا، ایک ٹی وی کے مطابق سجادہ نشین عبدالوحید مریدوں کو ایک دوسرے سے ڈنڈوں سے وار کراتا، ہار اس دوران مریدوں کی موت بھی واقع ہوتی رہی، اندھے اعتقادمیں مرید ایک دوسرے کو ڈنڈوں، خنجروں اور تیزدھار آلات سے ایک دوسرے کو مارتے رہے ڈنڈے کھانے کے بعد ایک زخمی مرید وہاں سے نکلا مگر قریبی آبادی میں پہنچنے کے باوجود کسی کو اس واقعہ کے بارے میں نہیں بتایا اور نہ ہی پولیس کو اطلاع کی ایک زخمی خاتون نے اپنے بیان میں کہا ہے کہ وہ عبدالوحید کے ساتھ اندھی عقیدت رکھتی تھی، عبدالوحید جو کہتا رہا وہ چپ چاپ اسے برداشت کرتی رہی اور اس نے ڈنڈے کھائے ایک گرفتار شریک ملزم نے بتایا کے قاتل عبدالوحیدکے مریدوں میں پڑھے لکھے لوگ شامل تھے جو اس کیلئے درگاہ پر شراب بھی پہنچایا کرتے تھے، ہفتے میںتیسرے چوتھے دن شراب کی محفل جمتی تھی، وریں اثنا سائحہ سرگودھا کا مرکزی ملزم سابق ڈپٹی الیکشن کمشنر عبدالوحید قبل رات ریٹائرمنٹ کی وجہ سے ذہنی دباﺅ کا شکار تھا ملازمت پر بحالی کیلئے چند روز قبل دیکرٹری الیکشن کمیشن سے ملاقات بھی کی تھی، ایف آئی اے میں بھیخدمات سرانجام دیں، عبدالوحید لاءگرایجویٹ تھا اور بطور لیگل اسٹنٹ الیکشن کمیشن میں بھرتی ہوا 2000ءمیں ڈیپوٹیشن پر ایف آئی اے میں آگیا اور پانچ سال تک بطور انسپکٹر تعینات رہا، 2005ءمیں پرموشن کیلئے دوبارہ الیکشن کمیشن میں واپس آگیا، اس کی گریڈ 17 میں ترقی ہو گئی اور بطور اسٹنٹ الیکشن کمشمر کوئٹہ تعیناتی کر دی گئی اور پھر اسے ڈسٹرکٹ الیکشن کمشنر لاہور بنادیا گیا، 2015ء کے بلدیاتی انتخابات کے عمل کے دوران اپنی ڈائریکٹر لوکل گورنمنٹ الیکشنز رانا محمد اسلم کو عہدے سے ہٹا کر عبدالوحید کو لوکل گورنمنٹ الیکشن کمیشن کا انچارج بنا دیاگیا، اس طرح عبدالوحید کی زیر نگرانی حلقہ بندیاں ہوئیں، پولنگ سکیم بنائی گئی اور پنجاب میں بلدیاتی انتخابات ہوئے، جسٹس(ر) ریاض کیانی کی بطور ممبر معیار ختم ہوئی تو نئی انتظامیہ نے فروری 2016ء میں اس کا تبادلہ سجاول سندھ میں کردیا، اس پر اس نے بڑا شور مچایا لیکن اس کی کوئی شنوائی نہ ہوئیجس پر اس نے قبل اذوقت ریٹائرمنٹ کی درخواست دیدی اور ریٹائر ہو گیا، وہ جمعہ ، ہفتہ اور اتوار کو سرگودھا جاتا تھا جبکہ باقی دن لاہور میں اپنے گھر محفل کرتا تھا، ادھر الیکشن کمیشن نے سرگودھاس واقعہ کے مرکزی ملزم عبدالوحید سے لا تعلق کا اظہار کر دیا، ترجمان الیکشن کمیشن کا کہنا ہے کہ ملزم اس وقت الیکشن کمیشن کا ملازم نہیں، عبدالوحید نے الیکشن کمیشن سے ڈیڑھ سال قبل ریٹائرمنٹ لے لی تھی۔ لرزہ خیز واردات گدی نشینی کا شاخسانہ نکلی۔ تفصیلات کے مطابق ملزم عبدالوحید اور پیر علی محمد گجر کے بیٹے آصف کے درمیان گدی پر قبضہ کیلئے تنازعہ چل رہا تھا۔ علی محمدگجر اسلام آباد میں رہتا تھا اور سرگودھا منتقل ہوگیا جہاں ایک تھڑے پر بیٹھ کر دم درود کیا کرتا تھا۔ علی محمد گجر کی دو سال قبل وفات ہوئی تو اس کے بیٹے آصف نے ای جگہ پر بیٹھ کر دم درود کرنے کا کام شروع کردیااور اس طرح دونوں کے درمیان گدی نشینی کا تنازعہ چل نکلا۔ آصف اور ملزم عبدالوحید‘ دونوں کی گدی کے خواہشمند تھے اور اس پر تنازعہ کے حل کیلئے جرگہ بلایا اور قتل ہونے والے بیشتر افراد کا تعلق ایک ہی برادری کے ساتھ ہے جو صلح صفائی کے لئے بلائے گئے جرگے میں شرتک کیلئے آئے تھے۔ ذرائع کے مطابق جیسے جیسے لوگ آگے میں شرکت کیلئے آتے رہے تو انہیں دربارکے ساتھ متصل مکان میں لے جاکر نشہ آور غذا کھلائی گئی اور پھر قتل کیا جاتا رہاہے۔ ملزم عبدالوحید مریدوں کو برہنہ کرکے دھمال ڈلواتا تھا۔ اس کا کہنا تھا اس طرح کرنے سے ان کے گناہ جھڑ جاتے ہیں ملزم اپنے مریدوں پر پہلے بھی تشدد کرکے ان کا تزکیہ نفس کرتا رہتا تھا لیکن اس بار انہوں نے انسانیت کی تذلیل کرکے ایک تاریخ رقم کردی ہے۔

لاہور (سوسائٹی رپورٹر) سوسائٹی فار ہیومن رائٹس کے قیام کا مقصد مظلوم کی مدد اور ظالم کے ظلم کو روکنا ہے۔ جس کے لئے پنجاب کے مختلف اضلاع میں سوسائٹی فار ہیومن رائٹس کے وولنٹیئر ممبران دن رات کوشاں ہیں۔ ان خیالات کا اظہار چیف ایڈیٹر خبریں ایگزیکٹو ڈائریکٹر سوسائٹی فار ہیومن رائٹس ضیا شاہد نے نومنتخب عہدیداران سوسائٹی فار ہیومن رائٹس سے خطاب میں کیا ہے۔ اُنہوں نے کہا کہ ہم اُمید کرتے ہیں کہ لاہور سرکل کی نئی باڈی اس سال پوری کوشش کرے گی کہ ڈسٹرکٹ میں پھیلے ہوئے مسائل کی نہ صرف نشاندہی کریں گے بلکہ اُن کے حل کے لئے بھر پور جدوجہد کریں گے۔ اس موقع پر چیف اارگنائزر سوسائٹی فار ہیومن رائٹس مکرم خان نے کہا کہ سوسائٹی میں خواتین کی شمولیت قابل قدر ہے۔ اس سے معاشرے میں پھیلے ہوئے مسائل اور اُن کے حل میں مدد ملے گی۔ معاشرے میں بہت سے معاملات پر توجہ دینے کی ضرورت ہے۔ اس موقع پرسوسائٹی فار ہیومن رائٹس کے صدر محمد رشید، جنرل سیکرٹری ملک آفتاب احمد، جنرل سیکرٹری خاتون ثمرہ نذیر اور باقی عہدیداران نے ظلم کے خلاف جدوجہد کو جاری رکھنے کا عزم کیا۔ ایگزیکٹو ڈائریکٹر سوسائٹی فار ہیومن رائٹس ضیا شاہد نے اس موقع پر میاں عبدالسلام کو کوآرڈینیٹر لاہور مقرر کیا ہے۔

لاہور (سوسائٹی رپورٹر) سوسائٹی فار ہیومن رائٹس لاہور سرکل کے سالانہ الیکشن 2017ءکے تحت تمام ایگزیکٹو باڈی کے ممبران اور عہدیداران بلامقابلہ منتخب ہو گئے۔ جس کے تحت صدر چودھری محمد رشید، نائب صدر (مرد) عبدالرزاق، نائب صدر (خاتون) شہناز اختر جنرل سیکرٹری (مر) ملک آفتاب احمد، جنرل سیکرٹری خاتون) ثمرہ نذیر، ایڈیشنل سیکرٹری (مرد) ظہیر عباس ایڈیشنل سیکرٹری (خاتون) کہکشاں صدف، سیکرٹری اطلاعات (مرد) چوہدری ندیم سرور، سیکرٹری اطلاعات (خاتون) مصباح شہزادی، سیکرٹری فنانس سجاد حیدر کا انتخاب عمل میں لایا گیا۔ باقی ایگزیکٹو باڈی ممبران میں محمد سلیم، جانسن سندھو، محمود احمد خان، ملک نوید اختر، شیخ احسن رشید، مقصود حسین، سیف اللہ، مقصود حسین، اعجاز احمد ملک، محمد نوید اقبال، میاں عادل فقیر، عمران علی، ظہیرعباس، محمد اصغر شاکر، سجاد حیدر، محمد حسین آزاد، مستنصر باللہ، عبدالغفار، ملک شوکت علی تھہیم، رانا بدیع الزمان، نیاز احمد، سید اسرار حسین شاہ، حاجی عبدالخالق، میاں عثمان علی، عبداللطیف، عافیہ ہما، غزالہ نصرت، راحت رشید، سمیرا کنول، عظمت پروین، نائلہ بٹ اور مس عابدہ شامل ہیں۔