کراچی (نیوزایجنسیاں) قومی وکٹ کیپر بیٹسمین کامران اکمل نے کہا ہے کہ نیشنل ٹی 20کپ سمیت دیگر ڈومیسٹک ایونٹس میں عمدہ کارکردگی دکھانے کے باعث سلیکٹرزمیری طرف بھی متوجہ ہونگے اوردورہ نیوزی لینڈکےلئے منتخب کرنے کےلئے غورکریں گے۔پوری امید ہے کہ گرین شرٹس نیوزی لینڈ کے خلاف آئندہ ماہ سے ہونے والی پانچ ایک روزہ میچوں کی سیریز میں کامیابی حاصل کرلیں گے۔ ایک گفتگو میں ان کا کہنا تھا کہ ہر کرکٹر کی طرح وہ بھی ڈومیسٹک کرکٹ میں اچھی کارکردگی کی بنیاد پر پاکستان کی نمائندگی کیلئے پرامید ہیں اور اب گیند حتمی فیصلے کیلئے قومی سلیکشن کمیٹی کے کورٹ میں ہے۔ انگلینڈ میں چیمپئنز ٹرافی جیت کر قومی ٹیم نے ثابت کیا کہ یہ کسی بھی حریف کو ان کے ہوم گراو¿نڈ پر بھی شکست دینے کی اہلیت رکھتی ہے اور اگر گزشتہ گیارہ سیریز میں پاکستان نے کیویز کیخلاف صرف دو سیریز جیتی ہیں تو اس کا یہ مطلب نہیں کہ اس بار بھی نتائج ویسے ہی ہوں گے۔انہوں نے کہا کہ اس وقت پاکستان کا ون ڈے اسکواڈ کافی مضبوط اور اس کے جوش و ولولے سے بھرپور نوجوان کھلاڑیوں میں کچھ کر دکھانے کی بھوک بھی نظر آتی ہے۔ قومی وکٹ کیپر کا کہنا تھا کہ سرفراز احمد پاکستان ٹیم کی عمدگی سے قیادت کر رہے ہیں اور اس کڑے امتحان میں بھی سرخرو ہونے کی امید ہے۔ ان کا کہنا تھا کہ اس میں کوئی شک نہیں کہ نیوزی لینڈ کی کنڈیشنز آسان نہیں ہوں گی جہاں میزبان ٹیم کافی خطرناک حریف ثابت ہو گی لیکن امید ہے کہ گرین شرٹس قوم کو مایوس نہیں کریں گے۔ انہوں نے کہا کہ چیمپئنز ٹرافی جیتنے کے بعد سے پاکستان کا مورال بلند ہے اس مشکل سیریز میں بھی کامیابی ان کا مقدر بنے گی۔

ممبئی(شوبزڈیسک)بھارتی ٹیم کے کپتان ویرات کوہلی اور اداکارہ انوشکا شرما کی شادی طے پاگئی۔بھارتی کرکٹ اور بالی وڈ کا رشتہ بہت پرانا ہے اور ماضی میں بھی کئی کرکٹرز کی فلمی حسیناں کے ساتھ شادی ہوئی ہے۔بھارتی کر کٹ ٹیم کے سابق کپتا ن اظہر الدین ، ہربھجن سنگھ، یوو راج سنگھ اور ظہیر خان کی بالی وڈ حسیناں سے شادی کے بعد اب بھارتی ٹیم کے کپتان ویرات کوہلی کی شادی کی خبریں سامنے آئی ہیں۔بھارتی میڈیا نے دعوی کیا ہے کہ ویرات کوہلی اور اداکارہ انوشکا شرما کی اگلے ہفتے شادی طے پائی ہے اور ان کی شادی کی تقریبات آئندہ ہفتے 9، 10 اور 11 دسمبر کو یورپی ملک اٹلی میں ہوں گی۔ بھارتی میڈیا کے مطابق ویرات کوہلی شادی کے کل ہی اٹلی روانہ ہونے والے ہیں اور باقی خاندان اور دوستوں کے لیے بھی یورپی شہر میلان میں ہوٹلز کی بکنگ کرالی گئی ہے۔میڈیا میں زیر گردش خبروں کے مطابق اداکارہ انوشکا شرما کے لیے شادی کا جوڑا فیشن ڈیزائنر سبیاساچی مکھرجی نے ڈیزائن کیا ہے اور انہیں گزشتہ ہفتے اداکارہ کے گھر کے باہر دیکھا گیا تھا۔دوسری جانب ویرات کوہلی اور انوشکا کی شادی کی تقریب ممبئی میں 21 دسمبر کو ہوگی جس میں ان کے قریبی دوستوں کو بلایا گیا ہے۔چند روز قبل ویرات کوہلی نے بی سی سی آئی کی جانب سے مسلسل کھلائے جانے پر بھٹ پڑے تھے اور انہوں نے کہا تھا کہ وہ کوئی روبوٹ نہیں اور انہیں آرام کی ضرورت ہے۔اس کے بعد انہیں چھٹیوں پر بھیج دیا گیا ہے اور اب انہی چھٹیوں میں شادی کی خبر منظر عام پر آئی ہے۔دوسری جانب انوشکا شرما کے ترجمان نے شادی کی خبروں کو غلط قرار دیا ہے۔یاد رہے کہ اداکارہ انوشکا شرما اور ویرات کوہلی کی دوستی کو طویل عرصہ ہوگیا ہے اور دونوں کی شادی کی خبریں اس سے قبل بھی سامنے آتی رہی ہیں۔

ممبئی(شوبز ڈیسک) معروف بھارتی اداکارہ سری دیوی نے ایسا لباس زیب تن کیا جسے دیکھ آپ بھی دنگ رہ جائیں گے۔بھارتی میڈیا کے مطابق گزشتہ روز ایک تقریب کا انعقاد کیا گیا جس میں معروف بھارتی اداکاروں نے شرکت کی اس تقریب میں سری دیوی نے ایسا لباس زیب تن کیا جو ان کے تنقید کا باعث بن گیا۔یاد رہے کہ معروف اداکارہ سری دیوی اپنے خوبصورت ملبوسات کے باعث ہمیشہ میڈیا کی نظروں میں رہتیں ہیں۔ لیکن ان کے گزشتہ روز کے لباس کے باعث ان کے مداحوں نے ان کو شدید تنقید کا نشانہ بناتے ہوئے کہا ہے کہ اگلی وفعہ سے وہ ایسے ملبوسات پہنے سے گریز کریں کیونکہ ان کو ایسے کپڑے زیب نہیں دیتے۔

ممبئی(شوبز ڈیسک) بالی وڈ پروڈیوسر پریرنا اروڑا نے فلم ”بتی گل میٹر چالو“ میں اداکار شاہد کپور کے ساتھ مرکزی کردار کے لئے ایلیانا ڈی کروز سے رابطے بڑھا لئے۔ بھارتی میڈیا کے مطابق اس سلسلے میں پروڈیوسر پریرنا اروڑا کا کہنا ہے کہ ہدایتکار شری نارائن سنگھ کی فلم ”بتی گل میٹر چالو“ میں اداکار شاہد کپور کے ساتھ مرکزی کردار کے لئے اداکارہ ایلیانا ڈی کروز کو کاسٹ کرنے کے لئے ان سے بات کریںگے، فلم آئندہ سال ریلیز کی جائے گی۔ واضح رہے کہ دونوں اداکار 2013 ءمیں راج کمار سنتوشی کی فلم ” پھٹا پوسٹر نکلا ہیرو“ میں اکھٹے کام کر چکے ہیں۔ اس فلم میں ان کی جوڑی کو مداحوں کی جانب سے بے حد سراہا گیا تھا۔ اسی وجہ سے انہیں اس بار بھی ایک ساتھ کام کےلئے چنا گیا ہے۔

لاہور(شوبز ڈیسک) بالی وڈ معروف اداکار ششی کپور کے انتقال کی خبر نے دنیا بھر کی انٹرٹینمنٹ انڈسٹری کو غم ذدہ کردیا، جس کے بعد پوری دنیا سے اداکار کو ٹریبیوٹ بھی ہیش کیے گئے۔کپور خاندان سے تعلق رکھنے والے ششی کپور نے اپنے کیریئر میں کئی کامیاب فلموں میں کام کیا، جن میں دیوار، جب جب پھول کھلے اور آ گلے لگ جا شامل ہیں۔ششی کپور کے انتقال کی خبر ہر نیوز چینل کا حصہ بنی لیکن شاید برطانوی نشریاتی ادارہ بی بی سی ششی کپور کے چہرے کو نہیں پہچان سکا۔ششی کپور کوایک ویڈیو ٹریبیوٹ میں ادارے نے ان کی کارکردگی کو تو خوب سراہا، لیکن اس رپورٹ میں ششی کپور کی جگہ امیتابھ بچن اور رشی کپور کی ویڈیوز پیش کیں۔اس رپورٹ کی ویڈیو ٹوئٹر پر بھی شیئر کی گئی۔بعدازاں صارفین نے بی بی سی کو اس غلطی پر تنقید کا نشانہ بنایا۔تنقید کے بعد بی بی سی کے ایڈیٹر پال روئل نے اس غلطی پر ایک ٹویٹ کے ذریعے معذرت بھی کی۔

لاہور(شوبز ڈیسک )معروف اداکارہ صائمہ خان نے فلموں میں کام کرنے سے انکارکردیا۔بتایاگیا کہ انہیں مختلف ہدایتکاروں کی طرف سے پنجابی فلموں میں اداکاری کی پیشکش ہوئی تاہم انہوں نے معذرت کرلی۔ وہ سٹیج ڈراموں کے ذریعے اپنی خدمات جاری رکھیں گی۔صائمہ خان کاکہناتھا مجھے خدانے بہت شہرت اوردولت سے نوازاہے ماضی میں دن رات محنت کی اورجنون کیساتھ کام کیا تاہم اب منتخب کام کرناچاہتی ہوں کیونکہ فلموں کاوہ معیاربھی نہیں رہاجوماضی میں تھا لیکن میں سمجھتی ہوں کہ جب فنکارکوخدااسکی محنت کاصلہ عطاکردے تواسے کمانے کی لالچ نہیں کرنی چاہیے اب میں پیسے کمانے نہیں بلکہ ن کی خدمت کرناچاہتی ہوں۔ایک سوال کے جواب میں انکاکہناتھا اگرکسی ٹی وی پروگرام میں پیشکش ہوئی تو غورکرونگی۔واضح رہے صائمہ خان ان دنوں الحمراہال نمبرایک مال روڈپرزیرنمائش ڈرامے میں اداکاری کے جوہردکھارہی ہیں۔