لاہور (مانیٹرنگ ڈیسک) کالم نگار ثروت روبینہ نے کہا ہے کہ بطور انسان احترام ہونا چاہئے چاہے خاتون ہو یا مرد ایسا نہیں کہ جنس کی بنیادپر احترام کیا جائے انسان کوئی تبھی کہلائے گا جب اس کا رویہ بھی انسانی ہو۔۔ چینل فائیو کے تجزیوں اور تبصروں پر مشتمل پروگرام ”کالم نگار“ میں گفتگو کرتے ہوئے انہوں نے کہا کہ فریال تالپور نے غلط کام کیا تو احتساب لازم ہے۔ایسے معاشرے جس میں طاقتور کا احتساب نہ ہو تباہ ہو جاتے ہیں۔کرپشن بڑا جرم ہے۔پیسہ کمانے کے جائز ذرائع بھی ہیں۔ملک معاشی طور پر کمزور ہے سب کو مل کر مشکلات کا سامنا کرنا ہو گا البتہ بہت زیادہ غریب لوگوں کو ریلیف ملنا چاہئے البتہ ٹیکسز لگنے ہی تھے۔ کالم نگارطارق ممتاز نے کہا کہ دنیا بھر میں خواتین پر مقدمات بنتے ہیں ہمارے ہاں ایسی مثالیں کم ہیں خواتین سے نرم رویہ اختیار کیا جاتا ہے دہشت گردی سے بڑا جرم کرپشن ہے اس کی معافی نہیں ہونی چاہئے کرپٹ لوگ پورے معاشرے کے قاتل ہوتے ہیں۔بہت سے لوگ تو وعدہ معاف گواہ بننغے کو تیار ہیں بجٹ کے دوراان اپوزیشن جماعتوں کے شور سے بہتر تاثر نہیں جاتا۔بجائے شور کرنے کے سنجیدگی دکھانی چاہئے تاکہ ایک ایک لفظ سمجھ آئے۔ رانا منیر نے کہا کہ کرپشن ضرورت کے تحت نہیں ہوتی اس کے پیچھے لالچ ہے جو انساان کو اندھا کر دیتی ہے ایسے لوگ معاشرے کو گھن کی طرح کھا جاتے ہیں۔پوری قوم کے معاشی قاتلوں کو سزا ملنی چاہئے اور کرپشن کا سد باب ہونا چاہئے۔احتساب سب کا ہونا چاہئے۔جب سے پاکستان بنا یہ ثابت نہیں ہو سکا پیسہ اگرکسی اور کے نام پر ہے تو ثبوت کیا ہے کہ اس کا نہیں۔ایسے معاملے پر سخت موقف ضروری ہے۔بجٹ اجلاس اسملی کے تمام اجلاسوں سے اہم ہوتا ہے جس میں عوام کی قسمت کا فیصلہ ہوتا ہے۔غریبوں پر ٹیکس نہیں لگنا چاہئے۔کالم نگار آغاباقر نے کہا کہ جعلی اکا?نٹس سامنے آ رہے ہیں یعنی پیسہ کسی کا ہے لیکن کسی اور کے نام پر رکھا گیا ہے یہ بڑی عجیب بات ہے غریب لوگوں کے اکاﺅنٹس سے پیسہ نکل رہا ہے۔ وعدہ معاف گواہ جو جرم میں شریک ہو لیکن معافی کی شرط پر گواہی دے دے۔

لاہور (مانیٹرنگ ڈیسک) ماہر معاشیات ڈاکٹر قیس اسلم نے کہا کہ ہم تو چاہتے ہیں زیادہ بجٹ ترقیاتی کاموں پر صرف ہو صحت و تعلیم کو ترجیح دینی چاہئے امید ہے حکومت سنجیدہ ہے۔ سندھ میں پانی کے مسائل بھی حل ہونا ضروری ہیں سندھ بجٹ کے زیادہ پیسے کراچی پر لگتے ہیں لیکن وہاں بھی مسائل ہیں۔ لوگ ایڈز میں مبتلا ہو رہے ہیں۔ چینل فائیو کے پروگرام نیوز ایٹ سیون میں گفتگو کرتے ہوئے انہوں نے کہا کہ اگر لوگوں پر پیسہ خرچ نہ کیا گیا تو بڑا برا حال ہو گا۔ایف بی آر میں اصلاحات ضروری ہیں وگرنہ نتیجہ پہلے جیسا ہو گا۔ سینئر قانون دان شاہ خاور نے کہا ہے کہ وکلائ پڑھا لکھا طبقہ ہوتا ہے اس میں اچنبے والی بات نہیں کہ وکلا احتجاج پر دو حصوں میں تقسیم ہیں بہت سے وکلا کا خیال ہے شاید جج صاحبان کے خلاف ریفرنسز بدنیتی پر مبنی ہیں حالانکہ اس کا فیصلہ تو سپریم جوڈیشل کونسل نے کرنا ہے۔ جعلی اکا?نٹس کیس اینٹی منی لانڈرنگ کے ایکٹ کے تحت آتا ہے۔ اب دیکھنا ہے نیب اس میں کیسا کیس بناتا ہے۔پوری دنیا میں وعدہ معاف گواہ کو بڑا کمزور عنصر سمجھا جاتا ہے کیونکہ اسے اپنی معافی کا لالچ ہوتا ہے۔ خبریں کے ریذیڈنٹ ایڈیٹرملک منظور گرفتاریاں بہت پہلے سے متوقع تھیں مشکوک ٹرانزکشن کا سلسلہ 2015میں ایف آئی اے نے شروع کیا تھا۔ احتسابی عمل جاری رہنا چاہئے سابق ارباب اختیار لوگوں نے ملک کا بہت نقصان کیا۔ اربوں کھربوں کا معاملہ ہے اب یہ کھیل بند ہونا چاہئے۔ نیب کو بھی اپنی تفتیش کی کمزوریاں دور کرنا ہوں گی۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ اصولی بات تو یہی ہے کہ سب کے ساتھ ایک جیسا سلوک ہونا چاہئے لیکن یہ دیکھنا پڑتا ہے کہ خواتین کے خاص طور پر جب وہ لیڈر خواتین ہوں اور ان کا تعلق بلاول بھٹو کی پھوپھی لگتی ہیں اور آصف رداری کی بہن ہیں اس لئے غالباً رفع شر خیال سے کہ بلا وجہ کوئی ایسی بات نہ ہو جائے جس کو حکومت کے لئے فیس کرنا مشکل ہو اس لئے اس قسم کی پہلے بھی مثالیں موجود ہیں اکثر لوگوں کو ان کے گھروں کو حتیٰ کہ مردوں کو بھی ان کے گھروں میں ہی نظر بند کر دیا جاتا ہے۔ میرا خیال ہے کہ اس سے زیادہ فرق نہیں پڑتا دیکھنا صرف یہ ہے کہ ان پر جو مقدمہ چلتا ہے کیا اس میں تو کوئی رعایت تو نہیں کی جا رہی۔ آج انہوں نے ایل این جی کے بارے میں بھی۔ لہٰذا لگتا ہے کہ جو اتنے دنوں سے افواہ چل رہی تھی کہ اب اگلی باری شاہد خاقان عباسی کی ہے۔ وہ واقعی ان کی باری ہو۔ اس کے علاوہ شہباز شریف کے خلاف بھی گھیرا تنگ بھی ہو رہا ہے اور صوبہ سندھ کے وزیراعلیٰ مراد علی شاہ کے بارے میں ایسی ہی افواہیں آ رہی ہیں۔ اب دیکھنا یہ ہے کہ ایک شخص جو منتخب وزیراعلیٰ ہے صوبے کا اس کو حکومت گرفتار کرنے کی متحمل ہو سکتی ہے لیکن ان کے بارے میں بھی فضا ایسی ہے کہ ان کو گرفتار کیا جا سکتا ہے۔ گرفتار لوگوں کے اسمبلی سے پروڈکشن آرڈر کے حوالے سے بات کرتے ہوئے ضیا شاہد نے کہا کہ چونکہ آئین میں موجود ہے پروڈکشن آرڈر جو ہے سپیکر دے سکتا ہے اس سے کوئی فرق نہیں پڑتا۔ جب تک اسمبلی کا سیشن جاری ہے وہ باہر رہیں گے البتہ جونہی وہ سیشن ختم ہو گا وہ دوبارہ دھر لئے جائیں۔ بلاول بھٹو کے پریس کانفرنس میں 21 جون سے عوامی رابطہ مہم جاری کرنے کے اعلان پر گفتگو کرتے ہوئے ضیا شاہد نے کہا ہر لیڈر کو یہ امید ہوتی ہے کہ اس کی پارٹی اٹھ کھڑی ہو گی ان کی پچھلی کال کا حشر تو اچھا نہیں ہوا اور جب انہوں نے کہا کہ پورے ملک میں یوم احتجاج منایا جائے تو پورے ملک میں نہیں ہوا کراچی کی حد تک اور سندھ میں کچھ جزوی طور پر علامات ظاہر ہوئیں لیکن باقی صوبوں میں بالکل سرے سے قطعی اثر نہیں پڑا۔ میں یہ سمجھتا ہوں کہ دیکھنا یہ ہے کہ بلاول بھٹو کی موجودہ کال کا جو 21 جون کو انہوں نے دے بھی دی ہے۔ انہوں نے نواب شاہ میں جلسہ رکھا ہے گرمی کے باوجود شام کو جلسہ ہو سکتا ہے۔ آصف زرداری کے اس بیان پر کہ اگر عمران خان نے 1947ئ سے کمیشن نہیں بنانا تو کم از کم گزشتہ 20 سال سے کمیشن بنائیں ضیا شاہد نے کہا کہ یہ جب بھی کسی کی پکڑ دھکڑ ہوتی ہے وہ ہمیشہ یہی مطالبہ ہوتا ہے کہ پچھلے 40 سال سے ہو اس کا مقصد یہ ہوتا ہے کہ نہ ہو۔ یہ مطالبے ہوتے رہتے ہیں کام بھی چلتا رہتا ہے لہٰذا اس سے فرق نہیں پڑتا کہ کیا مطالبہ ہوا کیونکہ جو احتساب کا عمل جاری ہے اور نیب جو کچھ کر رہی ہے میں نہیں سمجھتا کہ اس کے راستے میں کوئی حقیقی خطرہ موجود ہے۔ پنجاب کے بجٹ اورجنوبی پنجاب کے فنڈز دوسری جگہ منتقلی پر بھی پابندی لگا دی گئی ہے۔ اس کے علاوہ وزیراعلیٰ اور وزراءکی تنخواہوں میں 10 فیصد کمی دی گئی ہے۔ وفاقی وزرائ کی تنخواہوں میں کمی ہوئی تھی اسش پر گفتگوکرتے ہوئے ضیا شاہد نے کہا کہ یہ کمی اس بات کا شاخسانہ ہے جو ایم این اے ایم پی اے حضرات میں سے ایک مہم چلی تھی اس میں ایم پی اے حضرات نے پنجاب میں اپنے لئے معاوضہ میں اضافہ کر دیا گیا اور سابق وزریراعلیٰ کے لئے بھی بہت ساری سہولتیں منظور کروا لی تھیں لیکن گورنر صاحب نے اس پر دستخط کرنے سے انکار کر دیا تھا اور عمران خان نے کہا تھا کہ لوگ اسے پسند نہیں کر رہے۔یہ تنخواہوں میں کمی سے یہ تاثر پیدا ہو گا کہ ہم لوگوں پر ٹیکس ہی نہیں لگا رہے بلکہ ہم اپنی تنخواہیں بھی کم کر رہے ہیں میرے خیال میں اس بات کا اچھا تاثر جائے گا۔ کل کا سب سے دھماکہ خیز واقعہ ہے وہ تو ڈالر کی قیمت میں 5 روپے اضافہ ہے ڈالر ایک دم157 پر چلا گیا ہے اب ظاہر ہوتا ہے کہ عمران خان واپس آ رہے ہیں اور آج انہیں اس صورتحال پر قابو پانے کے لئے ایک ہائی لیول میٹنگ بلانی چاہئے اور دیکھنا چاہئے کہ یہ تو بہت ہی بے لوگ طور پر ایک کوئی لائحہ عمل بنانا چاہئے کیونکہ یہ ناقابل برداشت ہوتا جا رہا ہے۔ بجلی کے نرخ میں اضافہ کے حوالہ سے بات کرتے ہوئے ضیا شاہد نے کہا کہ یہ تو میں سمجھتا ہوں کہ کچھ دیر کے لئے بجلی کی قیمت میں اصافہ ضرور روک دینا چاہئے۔ بہت ہو گیا اس سے پیشتر کہ لوگ سڑکوں پر نکلیں اور طوفان کھڑا ہو جائے معلوم نہیں حکومت یہ چاہتی ہے کہ اپوزیشن کے جلسوں میں رونق ہونی چاہئے اور لوگوں کو اتنا تنگ کیا جائے کہ وہ از خود بلبلاتے ہوئے اپوزیشن کے مجمعوں میں شریک ہونے لگیں۔ قومی اسمبلی کے اجلاس میں بجٹ پر بحث کی بجائے حکومتی بنچوں نے انہیں بولنے کا موقع نہیں دیا گیا۔ میرا خیال ہے کہ اس کا سلسلہ ختم ہونا چاہئے دونوں طرف سے صورتحال بہت نامناسب ہے اگر عمران خان کو نہیں بات کرنے دی گئی تو پھر شہباز شریف صاحب کو بدلے میں یہی صورتحال ان کے ساتھ ہے اگر یہ سلسلہ چل نکلا تو نہ لیڈر آف اپوزیشن اس میں گفتگو کر سکتا ہے نہ لیڈر آف دی ہا?س گفتگو کر سکے تو میں یہ سمجھتا ہوں کہ عملاً اسمبلیاں خواہ وہ وفاقی ہوں یا صوبوں کی حد تک آگے بات چل کر پہنچ جائے تو اسمبلیوں کا مقصد ہی باقی نہیں رہ جاتا۔ اگر اسمبلیوں میں بات ہی نہیں ہو سکتی تو پھر اس کا کیا فائدہ ہے میں دونوں اطراف سے اپیل کروں گا کہ براہ کرم اپوزیشن والے رضا کارانہ طور پر یہ اعلان کر دیں کہ وہ احتجاج ضرور کریں گی مگر وہ بات سنیں گے عمران خان، وفاقی وزرائ کی اور دوسری طرف تحریک انصاف کی طرف سے بھی یہ اعلان ہو جائے کہ ہم لیڈر آف اپوزیشن کو جو وہ چاہتے ہیں کرنے دیں گے۔ جمہوریت کا خاصہ یہ ہے کہ لوگوں کو بات کرنے دی جاتی ہے لوگوں کو روکا نہیں جاتا۔بجٹ کے حوالے سے بات کرتے ہوئے ضیا شاہد نے کہا کہ بجٹ میں بھی عوام دشمنی کی بھی کوئی بات نظر نہیں آتی البتہ جو طبقات ایسے بچ گئے ہیں تھے جن پر ٹیکس نہیں تھا ان پر ٹیکس لگا دیا گیا ہے جیسے پنجاب کے بجٹ میں ڈاکٹروں پر ٹیکس لگا ہے ہیرکٹنگ کرنے والوں پر ٹیکس لگا ہے۔ درزیوں پر بھی ٹیکس لگ گیا ہے۔ یہ وہ طبقات تھے جن کی انکم تو ماشائ اللہ کافی ہے لیکن وہ ٹیکس نیٹ میں نہیں کرتے تھے اس سلسلے میں تو کوئی اعتراض نہیں ہونا چاہئے۔ حمزہ شہباز درست کہتے ہیں کہ بڑی مشکلات ہیں لیکن بات یہ ہے کہ وہ اس بات پر نشاندہی نہیں کر رہے کہ ان کی حکومت اور ان سے پہلے کی حکومتیں آصف زرداری صاحب اور نوازشریف اور شاہد خاقان عباسی کی حکومتیں کیا کرتی رہی ہیں اور آج جو کچھ ہمیں فصل کاٹنی پڑ رہی ہے وہ اس کے بیج تو وہ بو کر گئے تھے۔بشکیک کانفرنس میں عمران خان اور مودی کے درمیان کوئی بات چیت نہ ہونے پر افسوس ہے اگر آمنے سامنے آنے پر بھی کوئی سلام دعا نہیں ہوئی تو پھر مذاکرات کی توقع کیسے کی جا سکتی ہے۔ بھارتی ترجمان کہتے ہیں کہ مستقبل میں مذاکرات کے امکانات پیدا ہو رہے ہیں تاہم مجھے تو ایسا ہوتا دکھائی نہیں دیتا۔ ضیائ الحق ایک بار کھٹمنڈو گئے تو انہوں خود آگے بڑھ کر بھارتی وزیراعظم سے مصافحہ کیا تھا عمران خان کو بھی کوشش کرنا چاہئے تھی کہ مودی سے رابطہ کرتے، ایسی بڑی کانفرنس میں سائڈ لائن پر ہلکے پھلکے مداکرات اور مختصر ملاقاتیں ہو جاتی ہیں جن سے مستقبل کیلئے راستہ ہموار ہوتا ہے۔ پاک بھارت مذاکرات کے حوالے سے ساری امیدیں اب پیوٹن سے ہیں کیونکہ روس نے دعویٰ کیا تھا کہ اس معاملے پر کردار ادا کرے گا۔ پاکستان نے تو ایک بار پھر روس کو یقین دہانی کرا دی ہے کہ ہم آپ کے فارمولے سے متفق ہیں روس کو چاہئے کہ بھارت سے بات کر کے معاملے کو آگے بڑھانے امریکہ کا رویہ پاکستان سے سخت ہے تاہم ہمیں بہتر تعلقات کیلئے کوشش کرتے رہنا چاہئے۔ اب ہم نے اپنا وزن روس کے پلڑے میں ڈالا ہے تو یہ کوشش مسلسل جاری رکھنی چاہئے کہ وہ بھارت سے مداکرات میں کردار ادا کرے۔ پاکستان کی معیشت کے لئے زراعت ریڑھ کی ہڈی کی حیثیت رکھتی ہے بدقسمتی سے سابق ادوار میں اس پر کوئی خاص توجہ نہ دی گئی۔ موجودہ حکومت کا زراعت کے لئے زیادہ فنڈز مختص کرنا خوش آئند ہے۔ دیہاتوں میں شہر سے بہتر فیصد لوگ رہتے ہیں جو زراعت کے ساتھ منسلک ہیں کسان خوشحال ہو گا تو ملک بھی خوشحال ہو گا۔ کسانوں کی تنظیمیں بھی اشتہار دے کر حکومت سے اظہار تشکر کر رہی ہیں جس سے پتہ چلتا ہے کہ حکومت نے واقعی زراعت کے لئے سنجیدگی سے اقدامات کئے ہیں۔ حکومت کو صحت کارڈز تقسیم کرنے کا سلسلہ دوبارہ شروع کرنا چاہئے۔ سستے گھر بنانے کا منصوبہ اچھا تھا اس پر عمل کرتے تو روزگار میں بھی اضافہ ہوتا۔ حکومت کو کئی غیر ممالک اور بڑے نجی اداروں نے ہا?سنگ منصوبہ کیلئے سرمایہ کاری میں دلچسپی ظاہر کی تھی۔ حکومت کو اس پر سنجیدگی سے سوچتے ہوئے عمل کرنا چاہئے تاہم ابھی تک کوئی پیش رفت دکھائی نہیں دے رہی۔ وزیراعظم کا غیر ملکی سرمایہ کی آمد بارے پ±را±مید ہونا اچھی بات ہے تاہم زمینی حقائق کے مطابق تو ابھی تک کوئی سرمایہ کاری نہیں آئی حتیٰ کہ سعودیہ اور چین نے جس سرمایہ کاری کی بات کی تھی وہ بھی ابھی تک نہیں آئی۔

لاہور(ویب ڈیسک) قومی احتساب بیورو (نیب) نے پنجاب کے وزیر جنگلات سبطین خان کو گرفتار کرلیا۔نیب حکام کے مطابق سبطین خان 2007 میں مسلم لیگ (ق) کی حکومت میں صوبائی وزیر معدنیات تھے اور انہیں چنیوٹ میں مائنز ٹھیکہ کیس میں گرفتار کیا گیا ہے۔نیب حکام کا کہنا ہے کہ سبطین خان پر چنیوٹ میں اربوں روپے کے ٹھیکے میں من پسند کمپنی کو نوازنے کا الزام ہے، ملزم نے 2007 میں نجی کمپنی کو ٹھیکہ دینے کے لیے غیر قانونی احکامات جاری کیے۔نیب نے بتایا کہ ملزم نے شریک ملزمان سے ملی بھگت کرکے ٹھیکہ خلاف قانون فراہم کیا، پنجاب حکومت نے 2018 میں نیب کو آگاہ کیا جس پر دوبارہ کارروائی ہوئی۔نیب حکام کے مطابق نجی کمپنی ماضی میں کان کنی کے تجربے کی حامل نہیں تھی، تجربہ نہ ہونے کے باوجود سابق وزیر نے ملی بھگت سے کمپنی کو ٹھیکہ فراہم کیا، پنجاب مائنز ڈیپارٹمنٹ نے بڈنگ میں دوسری کمپنی کو شامل ہی نہیں کیا اور نہ ہی ملزمان نے ایس ای سی پی کو منصوبے کی تفصیلات فراہم کیں۔نیب کے مطابق سبطین خان نے چنیوٹ کے اربوں روپے مالیت کے معدنی وسائل 25 لاکھ مالیت کی کمپنی کو فراہم کیے، ملزم کو ریمانڈ لینے کے لیے کل احتساب عدالت میں پیش کیا جائےگا۔سردار سبطین خان پنجاب اسمبلی کے حلقہ پی پی 88 میانوالی 4 سے تحریک انصاف کے ٹکٹ پر منتخب ہوئے ہیں اور موجودہ کابینہ میں وزیر جنگلات ہیں۔یاد رہے کہ اس سے قبل سینئر صوبائی وزیر عبدالعلیم خان کو بھی نیب نے گرفتار کیا تھا تاہم وہ اب ضمانت پر رہا ہیں۔

لاہور(صدف نعیم سے) گریٹر لاہور المعروف چنار باغ کوآپریٹو ہاﺅسنگ سوسائٹی کیس میں نیب لاہور کی اہم پیش رفت، ڈپٹی رجسٹرار کوآپریٹوز ملزم اعجاز خان لاہور سے گرفتار،ملزم اعجاز خان کو اختیارات کے ناجائز استعمال اور چنار باغ سوسائٹی میں 2 ارب کی مبینہ کرپشن میں معاونت کے الزام میں گرفتار کیا گیا، ملزم اعجاز خان نے رجسٹرار کوآپریٹو کو متعین اختیارات کا زاتی طور پر ناجائز استعمال کرتے ہوئے نیو جہلم پنجاب ایکسٹینشن پراجیکٹ کی غیر قانونی منظوری دی،نیب لاہور کیجانب سے 31 مئی کو مرکزی ملزم طارق شاہ کو گرفتار کیا گیا جس سے تحقیقات میں ڈپٹی رجسٹرار، ملزم اعجاز خان کے ملوث ہونیکے شواہد حاصل ہوئے۔ملزمان نے معاہدہ سے انحراف کرتے ہوئے تاحال صرف 850 کنال زمین سوسائٹی کو فراہم کی جبکہ انہیں مجموعی طور پر 5000 کنال زمین فراہم کرنا تھی چنار باغ سوسائٹی معاہدہ کی رو سے ہر 8 کنال زمین کے بدلہ سوسائٹی کی منیجمنٹ کمیٹی نے 3 کنال ڈویلپڈ پلاٹ فراہم کرنا تھے ملزمان نے آپس کی ملی بھگت سے عوام کو پلاٹوں کی فراہمی کے نام پر لگ بھگ 2 ارب روپے بٹورے دوران تحقیقات ملزم اعجاز خان اور لینڈ مافیا کے تعلقات کا انکشاف ہواجس پر مزید تحقیقات جاری ہیںنیب حکام کیجانب سے ملزم اعجاز خان کو جسمانی ریمانڈ کے حصول کیلئے کل احتساب عدالت کے روبرو پیش کیا جائیگاگرفتار ملزمان سے دوران تحقیقات ہونیوالے انکشافات پر ملوث ملزمان کی گرفتاریاں متوقع ہیں۔

بشکیک (ویب ڈیسک) وزیر اعظم عمران خان شنگھائی تعاون تنظیم کے 2 روزہ اجلاس کے بعد وطن واپس پہنچ چکے ہیں، اجلاس کے دوران ان کا روسی صدر پیوٹن کے ساتھ دوستانہ رویہ سفارتی سطح پر زیر بحث رہا۔وزیرا عظم عمران خان نے شنگھائی تعاون تنظیم کے اجلاس میں قومی لباس شلوار قمیض زیب تن کرکے رکھا جس کے باعث سوشل میڈیا پر انہیں خوب سراہا جارہا ہے۔انہوں نے روس کے صدر ولادی میر پیوٹن کے ساتھ نہ صرف سائڈ لائن پر ملاقات کی بلکہ اجلاس کے مختلف سیشنز کے دوران دونوں رہنما ایک دوسرے کے قریب نظر آئے۔تنظیم کے رہنماﺅں کے گروپ فوٹو کے دوران بھی وزیر اعظم عمران خان اور صدر پیوٹن ساتھ ساتھ کھڑے ہوئے اور ایک دوسرے کے ساتھ خوش گپیوں میں مصروف رہے جبکہ عشائیے کے دوران بھی دونوں ایک ساتھ بیٹھے۔عشائیے کے دوران بنائی گئی ویڈیو میں دیکھا جاسکتا ہے کہ صدر پیوٹن کے ایک طرف چینی صدر شی جن پنگ اور دوسری طرف عمران خان بیٹھے ہوئے ہیں۔ وزیر اعظم عمران خان اور پیوٹن اس دوران خوش گپیوں میں مصروف رہے جبکہ بھارتی وزیر اعظم نریندر مودی سارے اجلاس کے دوران ہی سائڈ پر نظر آئے۔

اسلام آباد(ویب ڈیسک) وفاقی وزیر سائنس اینڈ ٹیکنالوجی فواد چوہدری نے وزیراعظم پر توہین صحابہؓ کا الزام مسترد کرتے ہوئے کہا ہے کہ عمران خان دیندار آدمی ہیں صرف انہوں نے داڑھی نہیں رکھی ہوئی۔قومی اسمبلی میں بجٹ اجلاس حکومتی اور اپوزیشن ارکان کی ہنگامہ آرائی کے باعث ملتوی ہوگیا۔ بعدازاں پارلیمنٹ کے باہر میڈیا سے گفتگو کرتے ہوئے فواد چوہدری نے کہا کہ اپوزیشن آج ایوان میں تقسیم نظر آئی، فضل الرحمان کی پارٹی جے یو آئی نے آج ایوان کو ہائی جیک کیا اور بجٹ پر بحث کا آغاز نہیں ہونے دیا، شہباز شریف کی تقریر میں رخنے انہوں نے ڈالے۔فواد چودھری نے ن لیگ اور پی پی پی کو تنقید کا نشانہ بناتے ہوئے کہا کہ اپوزیشن کا ایک ہی بیانیہ ہے ہمارے پاپا کو چھوڑ دو، ان کے بڑے بڑے بزرگ جیلوں میں ہیں، تحقیقات میں پیش رفت ہورہی ہے، اگلہ مرحلہ ریکوری کا ہے اس لیے یہ گھبرائے ہوئے ہیں، ان کا بس ایک مطالبہ ہے ہمارے پیسے چھوڑ دو لیکن ہمیں عوام نے ان کے احتساب کےلیے ووٹ دیا ہے، انہیں اصل پریشانی یہ ہے کہ اسحاق ڈار کی واپسی کی راہ ہموار ہورہی ہے۔وزیراعظم کی تقریر کی صحابہ کرامؓ کی شان میں مبینہ گستاخی سے معاملے پر فواد چودھری نے کہا کہ مذہب کے نام پر سیاست نہیں کرنی چاہیے، لیکن ن لیگ سمیت تمام اپوزیشن موقع ملتے ہی اس معاملے پر اکٹھا ہوجاتی ہے، ہر مہذب شخص ان کے رویے کی مذمت کرے گا، اس معاملے پر ہونا بھی کچھ نہیں کیونکہ ہر شخص کو پتہ ہے کہ عمران خان انتہائی دیندار اور ایماندار آدمی ہیں، ان کی زندگی اور اصولوں سے واقف ہر شخص جانتا ہے کہ صرف انہوں نے داڑھی نہیں رکھی ہوئی لیکن وہ مکمل دیندار اور ایماندار آدمی ہیں، اس معاملے پر سیاست کامیاب نہیں ہوگی۔