ابتدائی منصوبہ اس سیزن میں آرام کرنے کا تھا لیکن پی ایس ایل کے مختصر شیڈول نے شرکت پر آمادہ کیا، ایڈم زیمپا
آسٹریلوی لیگ اسپنر ایڈم زیمپا نے کہا ہے کہ آئی پی ایل کا طویل دورانیہ غیر ملکی کھلاڑیوں کے لیے مشکل ثابت ہوتا ہے، یہی وجہ تھی کہ انہوں نے اس بار پی ایس ایل کو ترجیح دی۔
لاہور میں ایک انٹرویو کے دوران زیمپا کا کہنا تھا کہ مختصر دورانیے کی ٹی ٹوئنٹی لیگز کھلاڑیوں کے لیے زیادہ موزوں ہوتی ہیں۔
انہوں نے بتایا کہ اگرچہ ان کا ابتدائی منصوبہ اس سیزن میں آرام کرنے کا تھا، لیکن پی ایس ایل کے مختصر شیڈول نے انہیں شرکت پر آمادہ کیا۔
زیمپا کے مطابق آئی پی ایل تقریباً ڈھائی ماہ تک جاری رہتی ہے، جس کی مدت کو کم کرکے کھلاڑیوں کو ریلیف دیا جاسکتا ہے۔
