لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ سب سے بڑی خوشی کی بات یہ ہے کہ گوادر کو ٹرین کے ذریعے جوڑا جائے گا اور چین کی مدد سے 4 گھنٹے میں ٹرین کوئٹہ سے گوادر پہنچ جائے گی اس قدر تیز رفتار ٹرین ہو گی کہ اس کے حساب سے اس کا ٹریک بچھایا جائے گا اور اسی حساب سے ڈبے اور اس کا انجن اور بوگیاں ہوں گی سارا سسٹم جو ہے وہ تیزی کے ساتھ چلنے والا ہو گا میں یہ سمجھتا ہوں کہ پاکستان میں جو رفتار ٹرینوں کی ہے اس کی نسبت گوادر کوئٹہ ٹریم جو ہے یہ اپنی مثال آپ ہو گی اور اس کی موجودگی میں نئی ٹیکنالوجی پاکستان میں متعارف ہو گی۔ اس کے ساتھ گوادر ایئرپورٹ کا افتتاح بھی کیا گیا اور کہا گیا کہ گوادر ایئرپورٹ پاکستان کا سب سے بڑا ایئرپورٹ ہو گا۔ اس کے ساتھ ساتھ گوادر میں جو تعمیر اور ترقی کے منصوبہ بن رہے ہیں اس کے ساتھ ساتھ کوئٹہ کی بھی ترقی جاری ہے اور کوئٹہ میں کینسر اور کارڈیالوجی کے سپیشل وارڈز بنائے جا رہے ہیں۔ میں یہ سمجھتا ہوں کہ چین کا انٹرسٹ اس میں ہے کہ کوئٹہ سے گوادر تک اور گوادر کے ایک شاندار انٹرنیشنل کا سٹینڈرڈ کا ایک ایئرپورٹ میں یہ سمجھتا ہوں کہ اس میں ہمیں چین کی امداد بھی حاصل ہو گی اور یقین ہے کہ انشاءاللہ یہ پروجیکٹ مکمل ہوں گے۔ یہ کام ضرور ہو گا ایک تو عمران خان خود بڑے کنوکشن ہے مثال کے طور پر اگر کبھی انہوں نے کسی کام کا کہا ہے تو کر کے دکھایا ہے جہاں جہاں انہوں نے کہا وہاں وہاں کینسر ہسپتال بنا اور بڑے انٹرنیشنل سٹینڈرڈ کا ہسپتال بنا۔ جیسا کہ آپ کے پشاور میں دیکھتے دیکھتے ہی اس کا اعلان ہوا پھر اب یہ تکمیل کے مراحل طے کر رہا ہے۔ اگر انہوں نے کوئٹہ میں کینسر ہسپتال کا اعلان کیا ہے تو وہ مکمل ہوکر رہے گا۔
کرتار پور راہداری پربھارت کے مداکرات کے انکار پر بات کرتے ہوئے ضیا شاہد نے کہا ہے کہ اصل میں انڈیا کے لئے مشکل یہ ہے کہ اس کا جی تو چاہتا ہے کہ یہ تکمیل کے مراحل طے کرے لیکن یہ بھی ساتھ احساس ہے کہ اگر تیزی کے ساتھ یہ منصوبہ پایہ تکمیل تک پہنچ گیا تو اس کے اثرات انڈیا جو بہت انڈیا میں اور پوری حکومت کے خلاف جائیں گے۔ اور سمجھا جائے گا کہ اس کا کریڈٹ جو ہے وہ پاکستان کی حکومت کو دیا جائے گا لہٰذا بھارت جان بوجھ کر روڑے اٹکا رہی ہے اور آہستہ آہستہ اس کو لٹکائی جا رہی ہے یہ صرور کام کرے گی لیکن آہستہ آہستہ اس کا پیریڈ کو بڑھایا جائے گا۔ انڈین حکومت کو خدشہ ہے کہ کرتار پور راہداری پر دنیا بھر کی سکھ برادری پاکستان کی واہ واہ کرے گی۔ یہ بات مودی حکومت کو کسی طریقے سے 12,10 دن اور لگا دے گی تا کہ زیادہ سے زیادہ دیر سے اس پر کام ہو تا کہ آہستہ آہستہ جو جوش و خروش ٹھنڈا پڑتا جائے۔ بھارتی میڈیا نے ہی یہ بھانڈا پھوڑ دیا ہے کہ پچھلے دونوں جو بھارتی ہیلی کاپٹر گرا تھا وہ بھارتی میزائل نے گرایا ہے اس پر بات کرتے ہوئے ضیا شاہد نے کہا کہ جب کچھ بن نہ پڑتا ہو اور اپنی کمزوریوں کو ماننے کو جی نہ چاہتا ہو پھر اسی قسم کے واقعات پیش آتے ہیں۔ بھارت آہستہ آہستہ خود ہی دنیا کے سامنے ننگا ہو رہا ہے کیونکہ اس قسم کے طرز عمل سے لگتا ہے کہ وہ یہ ان کی اپنی جھنجھلاہٹ ہے وہ غصہ پر قابو پا نہیں سکتے وہ دائیں بائیں کسی بھی ایسی بات پر نکالتے ہیں جس طرح سے اپنے ہی ہیلی کاپٹر کو مار گرایا ہے۔ جب بھرت کھلے میدان میں پاکستان سے مقابلہ کرنے سے عاجز آ گیا تو پھر عام طور پر ایسی ہی چیزوں کا سہارا لیتا ہے وہ غصے میں آ کر اپنی ہی صفوں کو روندنے لگتا ہے عام طور پر اپنے ہی لوگوں کو مورد الزام بھی ٹھہراتا ہے۔ انڈیا کو سمجھ نہیں آ رہا کہ اپنی بے عزتی کا بدلہ کس سے لے۔
آمدن سے زائد اثاثوں کے حوالہ سے نیب آئے دن نئے سے نئے ریفرنس دائر کرتا جا رہا ہے اب خواجہ آصف کو طلب کر لیا گیا۔ فردوس عاشق اعوان بھی گاہے بگاہے خواجہ آصف پرالزامات لگاتی رہی ہیں۔ خواجہ آصف پر آمدن سے زیادہ اثاثوں کا کیس عدالت میں ہے صداقت اب سامنے آ جائے گی۔ خواجہ فیملی کو کافی دیر سے جانتتا ہو ںیہ مڈل کلاس خاندان تھا جس کے پاس اتنے زیادہ پیسے نہیں تھے پھر دیکھتے ہی دیکھتے دولت کی ریل پیل ہو گئی۔
کینیڈا کے علاقے کیوبک میں مذہبی علامات پر پابندی کا فیصلہ صوبائی سطح کی قانون سازی ہے جس کی کینیڈین وزیراعظم نے بڑی سختی سے مخالفت کی ہے۔ کینیڈا میں اس وقت لبرل حکومت ہے اور وہاں لوگوں میں بھی دوسروں کے لئے بڑی فراخی پائی جاتی ہے۔ مختلف ممالک میں مذہب کے نام پر پابندی کا جو سلسلہ ہے یہ اصل میں اسلام اور مسلمانوں کے بڑھتے اثر و رسوخ سے خوف کے باعث ہے۔ برطانیہ میں دنیا بھر سے بھاگے ہوئے لوگ جمع ہیں کیونکہ وہاں شہری آزادیاں بہت زیادہ ہیں اور چھپنے کو آسانی سے جگہ مل جاتی ہے۔ الطاف حسین اور علیحدگی پسند بلوچ عناصر بھی برطانیہ میں پناہ گزین ہیں یہ گنتی کے لوگ ہیں مگر وہاں ان کی مذہبی آﺅ بھگت ہوتی اور سہولتیں دی جاتی ہیں برطانیہ کو اس حوالے سے محتاط رویہ اپنانے کی ضرورت ہے۔

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”کالم نگار“میں گفتگو کرتے ہوئے تجزیہ کارطارق ممتاز نے کہا ہے کہ بلوچستان کے فنڈز ماضی کے سیاستدان خوردبرد کرتے رہے، سیاستدانوں پر کوئی بھروسہ نہیں۔فوج نے بلوچوں کا احساس محرومی دور کر کے محب وطن بنایا۔عمران خان کے بلوچستان میں منصوبوں کا افتتاح کرنا کافی نہیں، عملی کام نظر آنا چاہیے۔ خالصتان تحریک شروع ہوئی تو ایک مشہور پاکستانی سیاسی لیڈرامریکہ کے ذریعے سکھوں کی مالی امداد کرتے رہے، پاکستان حکومت کی بہترین پالیسی کرتارپور راہداری کھولنا تھی۔کرتارپور راہداری میں تاخیر بھارت کے لیے نقصان دہ ہوگی۔اسرائیل کے پاس امریکی ٹیکنالوجی ہے مگرانکی ہر سازش کیخلاف معجزاتی طور پر پاکستان فتح یاب ہوتا ہے۔ میزبان تجزیہ کار کاشف بشیر خان کا کہنا تھا کہ بلوچستان کے عوام کا اعتماد بحال کرنے میں فوج کا کردار ہے۔کرتار پور راہداری سے پاکستان کومعاشی فاہدہ ہوگا۔ کشمیر ہمارے جسم کا حصہ ہے،بٹگرام میں بھارتی ہیلی کاپٹر تباہ ہونے کے ایک ماہ بعد وہ اپنی عوام کو جھوٹی صفائیاں دے رہا ہے، بھارت کے دونو ں جہاز اور ہیلی کاپٹر پاک فوج نے مار گرایا تھا۔عمران خان حکومت کی خارجہ پالیسی تاریخ کی بہترین خارجہ پالیسی ہے۔ کالم نگارمریم ارشد کا کہنا تھا کہ بلوچستان میں ہیلتھ کمپلکس کا سنگ بنیاد خوش آئند ہے۔معدنیات سے مالامال بلوچستان میں عالمی ممالک کے مفادات ہیں۔مذہبی رسومات ادا کرنے کے لیے کوئی بارڈر نہیں ہونا چاہیے۔مودی کو اپنی ہار نظر آرہی ہے، کرتار پور راہداری میں بھارت کی جانب سے تاخیر پر خالصتان تحریک زور پکڑ جائے گی۔ کشمیر میں ظلم کی آخری حد بھارت نے عبور کر دی۔نواز شریف کو ذہنی تناﺅ کی بنیاد پرضمانت دے کر سپریم کورٹ نے عوام کو ذہنی دباﺅ کا شکار بنادیا۔کالم نگار ثروت روبینہ نے کہا ہے کہ وزیراعظم عمران خان کی ترجیح پاکستان کو غریب اور پسماندہ علاقے ہیںاور انکا دورہ بلوچستان اسی کی کڑی ہے۔ بلوچستان میں صحت ، تعلیم اور روزگار کے مواقعوں کی ضرورت کے پیش نظر وزیراعظم کا ہیلتھ کمپلیکس ، کارڈک انسٹیٹیوٹ اور کینسر ہسپتال کی جانب قدم احسن عمل ہے۔ پاکستان مخالف بھارت امن کی بات کرنے سے بھاگ رہا ہے، 27فروری کے بعد بھارت شرمندگی کا شکار ہے۔اسرائیل کو سمجھ لینا چاہیے کہ انکی ہر ٹیکنالوجی پاکستان پر فیل ہے۔عالم اسلام کے لیے پاکستان کو کردار اداکرناچاہیے، فلسطین ، کشمیرمیں مظالم کیخلاف پاکستان کو آواز اٹھاتے رہنا چاہیے کیونکہ عرب ممالک کا مفاد صرف اپنی بادشاہت بچانا ہے۔عمران خان کیخلاف میڈیا وار کے بعد اور سازشیں ہوں گی ۔صرف چند چہروں کے مفادات کو خطرہ ہے مگر عوام کو حکومت کی پالیسیوں سے شکایت نہیںہے ۔ قوم کے لیے شرمندگی کی بات ہے کہ ہمارے تمام حکمران بے شرم اور چور ہیں۔

.

کوئٹہ(ویب ڈیسک) وزیراعظم عمران خان نے بلوچستان کے دورے میں گوادر میں انٹرنیشنل ائیرپورٹ اور کوئٹہ میں بلوچستان ہیلتھ کمپلیکس کا سنگ بنیاد رکھا۔گوادر میں انٹرنیشنل ائیرپورٹ کا سنگ بنیاد رکھنے کی تقریب میں وزیراعظم عمران خان کے علاوہ وزیراعلیٰ بلوچستان، چینی سفیر اور آرمی چیف جنرل قمر جاوید باجوہ سمیت دیگر حکام موجود تھے۔ وزیر اعظم عمران خان کا تقریب سے خطاب میں کہنا تھا کہ گوادر کی ترقی سے پورے خطے کو فائدہ ہوگا اور گوادر کو بجلی کے نیشنل گرڈ سے جوڑا جائے گا۔انہوں نے کہا کہ ڈی سیلی نیشن پلانٹ کی تیاری کر رہے ہیں اور پانی کی ری سائیکلنگ کیلئے بھی پلانٹ لگائیں گے۔ان کا کہنا ہے کہ گوادر اور کراچی کے درمیان فیری سروس بھی شروع کی جائے گی، ریلوے ٹیکنالوجی میں چین سے بھر پور مدد لے رہے ہیں اور گوادر سے کوئٹہ ریلوے ٹریک بنائیں گے۔ وزیراعظم نے خطاب میں کہا کہ وہ اپریل میں چین کا دورہ کریں گے۔قبل ازیں وزیراعظم کوئٹہ پہنچے تو وزیراعلیٰ جام کمال نے ان کا استقبال کیا، جس کے بعد وزیراعظم ہیلتھ کمپلیکس کے سنگ بنیاد کی تقریب میں شرکت کی۔اس موقع پر وزیراعظم نے کارڈیک انسٹی ٹیوٹ کے قیام کیلیے تعاون پر آرمی چیف کا خاص طور پر شکریہ ادا کیا اور کہا کہ جنرل قمر جاوید باجوہ اپنے رابطوں کے ذریعے کارڈیک انسٹی ٹیوٹ کے لیے یو اے ای سےفنڈنگ لائے۔وزیراعظم کا کہنا تھا ماضی میں حکمرانوں نے بلوچستان کے وسائل کو ذاتی مقاصد کے لیے استعمال کیا، پرانے پاکستان کے طریقوں نے ہی ملک کو کنگال کیا ہے۔وزیراعظم عمران خان کا مزید کہنا تھا کہ پاکستان میں اب تبدیلی کی سوچ ہے، ملک کو فرسودہ نظام سے نکال کر تبدیلی لائیں گے، بلوچستان حکومت اور فوج کے ساتھ مل کر صوبے میں کینسر انسٹیٹیوٹ بھی بنائیں گے۔وزیراعظم کچلاک تا ڑوب روڈ کے منصوبوں کا سنگ بنیاد رکھیں گے جس کے بعد دو روزہ گوادر ایکسپو کی اختتامی تقریب میں شرکت کریں گے۔

لاہور (ویب ڈیسک)گور نر پنجاب چوہدری محمدسرور نے کر تار پور راہداری منصوبے پر مذاکرات کی منسوخی کے بھارتی فیصلہ پر افسوس کا اظہار کرتے ہوئے کہا ہے کہ مذاکرات سے فرار اختیار کرنے سے بھارت کی بد نیتی دنیا کے سامنے آگئی ہے۔نر یندر مودی اپنے الیکشن کیلئے امن سمیت سب کچھ داﺅ پرلگا رہا ہے۔پاکستان آج بھی امن اور مذاکرات کے ذریعے مسائل حل کر نے کی بات کر رہا ہے۔فاطمہ جناح پاکستانی خواتین کے لیے رول ماڈل ہیں اور اس میںکوئی شک نہیں کہ خواتین کے کردار کے بغیر ملکی ترقی اورخوشحالی ممکن نہیں۔خواتین کو خراج تحسین پیش کر نے کے حوالے سے منعقدہ تقریب سے خطاب اور میڈیا سے گفتگو کرتے ہوئے گور نر پنجاب چوہدری محمد سرور نے کہا کہ بدقسمتی سے بھارت میں ایسے لوگ اقتدار میں ہیں جن کا ایجنڈ ہ امن اور مذاکرات نہیں بلکہ سیاسی مفادات ہے جسکی وجہ سے خطے میں کشیدگی ہے۔ انہوں نے کہا کہ کر تار پور کے حوالے سے وزیر اعظم عمران خان نے جو فیصلہ لیا اس پر نہ صرف پاکستان اور بھارت بلکہ پوری دنیا میں بسنے والی سکھ برداری نے بھر پور خوشی کا اظہار کیا ہے اور پاکستان نے کر تار پور راہداری کے حوالے سے انتہائی تیزی کیساتھ ترقیاتی کام شروع کیے ہیں۔ انہوں نے کہا کہ بھارت کے غیر ذمہ دارانہ رویے کے باوجود پاکستان کر تار پور راہداری پر تر قیاتی کاموں کو جاری رکھے گا اور ان کو جلد ازجلد مکمل کر نے کیلئے تمام وسائل استعمال کیے جارہے ہیں۔ گور نر نے کہا کہ بدقسمتی سے پوری دنیا میں کچھ لوگ یہ سمجھتے ہیں کہ ترقی اور خوشحالی میں اصل کردار مر دوں کا ہوتا ہے مگر حقیت بالکل اسکے بر عکس ہے اور اس میں کوئی شک نہیں کہ کسی بھی شعبے میں خواتین کے کردار کے بغیر ترقی نہیں ہوسکتی اور پاکستان میں جتنی تیزی کے ساتھ خواتین تعلیم سمیت دیگر شعبوں میں آگے بڑھ رہی ہے، اس کے بعد مجھے یقین ہے کہ آنیوالے دس سالوں کے دوران ملک کی بھاگ دوڑ خواتین کے ہاتھوں میں ہوگی۔ انہوں نے کہا کہ وزیر اعظم عمران خان کے ویژن کے مطابق ہم پاکستان میں خواتین کو ہر شعبے میں مضبوط کر رہے ہیں اور خواتین کو حکومت سے جس قسم کی مدد کی ضرورت ہوگی حکومت اس کی فراہمی کو یقینی بنائی گی۔ ا±نہوں نے کہا کہ ہم سب نے ملکر اپنے ملک کو ترتی یافتہ اور خوشحال بنانا ہے۔

لاہور(ویب ڈیسک)صوبائی وزیراطلاعات صمصمام علی بخاری نے وزیراعظم کو مرد قلندر قرار دے دیا۔مسلمان وہ ہے جو یزیدیت کے سامنے ڈٹ جائے۔عمران خان صرف وزیراعظم نہیں پارٹی چیئرمین بھی ہیں ۔پارٹی چئیرمین کی حیثیت سے انہوں نے ارکان اسمبلی کی تنخواہوں میں اضافے کو پسند نہیں کیا یہ اضافہ بے وقت تھا اس موقع پر یہ اضافہ نہیں ہو نا چاہئے تھا۔میں نے تنخواہوں کے بل کے حق میں ووٹ دیا تھا میں دوسروں کی طرح اپنے اصولی موقع سے پیچھے نہیں ہٹا۔پاکستان میں ڈاکومنٹٹ مزدور طبقے کو کوئی پریشانی نہیں۔جہاں پر مزدوروں کا وہ طبقہ بھی موجود ہے جسے پتہ نہیں ہوتا کہ اسے کل کا رزق کہاں سے ملے گا۔میلہ چراغاں کی خوشبو ہر طرف پھیلی ہوئی ہے۔شاہ حسین کی تعلیمات صرف مسلمانوں کے لئے نہیں تھیں بالکل جہاں بسنے والے تمام اقوام کے لئے تھیں۔عمران خان مرد قلندر ہیں ۔اراکین اسمبلی کی تنخواہوں کو آئین اور قانون کے مطابق درست کر رہے ہیں۔