لاہور ( صدف نعیم ) یہ فوٹو سٹوڈیو یا فلم کا سیٹ نہیں ہے یہ ہے فیصل مسجد اسلام آباد ، جسے دن بہ دن مسجد کے درجے سے نکال کر نعوذباللہ تفریحی مقام بنایا جارہا ہے۔ جہنوں نے یہ گھٹیا حرکت کی ان سے پہلے مسجد کی انتظامیہ سے پوچھنا چاہیے کہ اس گھٹیا حرکت کی اجازت کس نے دی اور کتنا مال لے کر ایمان بیچا ہے؟ حکومت اس بے حیائی اور بے غیرتی کو کم از کم مسجد سے دور رکھے اور مسجد کو مسجد رہنے دے بلکہ اس میں آنے والوں کیلئے ضابطہ اخلاق بنایا جائے اور سب سے بڑھ کر مسجد میں یہ جو بےہودہ حرکت ہوئی ہے اس بارے انتظامیہ سے پوچھا جائے۔ مسجدوں کا احترام کرنا سیکھیں ورنہ سوشل میڈیا یہ بھی سکھا دے گا ۔

کراچی (آن لائن) ڈالر کی قیمت میں ایک مرتبہ پھر اضافہ اور روپے کی قدر میں ایک مرتبہ پھر سے کمی ہو گئی۔ تفصیلات کے مطابق ڈالر کی قیمت میں 70پیسے کا اضافہ ہو گیا ہے۔ ایکسچینج کرنسی ایسوسی ایشن کے مطابق اوپن مارکیٹ میں ڈالر کی قیمت میں 70پیسے کا اضافہ ہوا جس کے بعد اوپن مارکیٹ میں ڈالر کی قیمت 142روپے ہو گئی۔جبکہ کاروبار کے دوران انٹربینک میں ڈالرکی قدر140 روپے 79پیسے ہوگئی۔ واضح رہے کہ رواں ہفتے ڈالر کی قیمت 200 روپے تک ہو جانے کی خبریں بھی گردش کر رہی تھیں جس پر 26 مارچ کو وزارت خزانہ نے وضاحت جاری کی اور بتایا کہ آئی ایم ایف کے ساتھ قرضے کے حصول کے لیے ڈالر کے ریٹ سے متعلق کوئی معاہدہ نہیں کیا گیا۔ ڈالر سے متعلق کئی خبریں زیر گردش تھیں کہ ملک میں ڈالر کا ریٹ 180روپے سے 200روپے تک جانے کا خدشہ ہے۔

لاہور( این این آئی)وزیر اعظم عمران خان آج بروز ہفتہ کو لاہور ریلوے اسٹیشن پر وی آئی پی ٹرین ” جناح ایکسپریس “ کا افتتاح کریں گے ۔وزیرا عظم کی ہدایت پر ٹرین کا کرایہ کم کر کے 6500روپے مقرر کیا گیا ہے جبکہ بچوں کا کرایہ4900روپے کرایہ رکھا ہے جس میں ناشتہ ، ڈنر اور لائٹ ریفریشمنٹ بھی دی جائے گی ۔ ٹرین میں ٹی وی، وائی فائی ، ہمہ وقت کیبن سروس، آن ویل ریسٹورنٹ ، بیڈنگ ، ساﺅنڈ سسٹم اور اسسریز کی سہولت بھی میسر ہو گی ۔ لاہور سے ٹرین دوپہر ڈھائی بجے جبکہ لاہور کینٹ سے سہ پہر تین بجے روانہ ہو گی۔ کراچی سے ٹرین سہ پہر تین بجے لاہور کےلئے روانہ ہو گی۔

لاہور (یواین پی )ٹیسٹ کرکٹر فواد عالم نے کہا ہے کہ موجودہ حالات میں بھی پاکستانی سکواڈ میں جگہ نہ ملنا ان کیلئے سمجھ سے بالاتر ہے۔گزشہ روز میڈیا سے گفتگو میں ا نہوں نے کہا ہے کہ پہلے مصباح الحق اور یونس خان کی موجودگی کو میرے قومی ٹیم میں چانس نہ بننے کا باعث کہا جاتا رہا مگر ان کی ریٹائرمنٹ کے بعد بھی یہ سلسلہ برقرار ہے۔فواد عالم نے کہا ہے کہ قومی سلیکٹرز ہی بتا سکتے ہیں کہ انہیں کیوں منتخب نہیں کرتے لیکن وہ اپنی جانب سے کسی بھی ایونٹ میں ملنے والے موقع پر بھرپور کارکردگی کا مظاہرہ کرنے کی کوشش کرتے ہیں۔ انہوں نے کہا کہ اس وقت ان کا اصل ہدف کرکٹ کھیلنا ہے اور وہ اب بھی مایوس نہیں ہیں، پوری امید ہے کہ قومی اسکواڈ میں جگہ بنانے کا پھر سے موقع ملے گا۔واضح رہے کہکپتان سرفراز احمد سمیت 6کرکٹرز کو آرام کی غرض سے آسٹریلیا کیخلاف سیریز کیلئے منتخب نہیں کیا گیا تھا۔اہم پلیئرزکی عدم موجودگی کے باوجود فوادعالم کو ٹیم میں واپسی کا موقع نہیں دیا گیا۔آسٹریلیاکیخلاف قومی ٹیم پہلے ہی سیریزہارچکی ہے،ورلڈکپ سے قبل گرین شرٹس کو انگلینڈکیخلاف سیریزبھی کھیلنی ہے۔