اسلام آباد (مانیٹرنگ ڈیسک) وزیراعظم عمران خان نے کہا ہے کہ سٹیزن پورٹل کے ذریعے ایک لاکھ شکایات کا ازالہ کردیا گیا ہے۔ سماجی رابطے کی ویب سائٹ ٹویٹر پر وزیراعظم عمران خان کا اپنے پیغام میں کہنا تھا کہ پاکستان کی تاریخ میں تیز ترین شکایات کا ازالہ کیا گیا ہے، صرف 60 دن میں ایک لاکھ شکایات کو نمٹایا گیا ہے۔ وزیراعظم عمران خان نے شہریوں سے اپیل کی وہ وزیراعظم ڈلیوری یونٹ کا استعمال کریں، پی ایم ڈی یو کے ذریعے شکایات پر مناسب جواب دیا جائے گا۔ واضح رہے کہ دو روز قبل سٹیزن پورٹل کے اعدادو شمار جاری کیے گئے تھے، دو ماہ کے قلیل عرصے میں پورٹل پر رجسٹرڈ افراد کی تعداد 6 لاکھ سے تجاوز کرگئی، پورٹل پر اب تک موصول شدہ شکایات کی تعداد 2 لاکھ 29 ہزار 6 سو 67 ہے۔ خیال رہے کہ سٹیزن پورٹل کا آغاز دو ماہ قبل کیا گیا تھا جس کے تحت وزرا اور حکومت کے خلاف آن لائن شکایات درج کروائی جاسکتی ہیں۔

اسلام آباد( مانیٹرنگ ڈیسک) حکومت نے عوعام کو نئے سال کا تحفہ دیتے ہوئے پٹرولیم مصنوعات کی قیمتوں میں کمی کردی ہے، نئی قیمتوں کا اطلاق آج یکم جنوری سے ہوگا، پٹرول کی نئی قیمت 90روپے 97پیسے فی لٹر، ڈیزل کی نئی قیمت 106روپے 68پیسے فی لٹر، مٹی کے تیل کی نئی قیمت 82روپے 98پیسے فی لٹر جبکہ لائٹ ڈیزل کی نئی قیمت 75روپے 28پیسے فی لٹر مقرر کردی گئی ہے، نوٹیفکیشن کے مطابق پٹرول 4روپے 86پیسے فی لٹر، ڈیزل کی قیمت میں 4روپے 26پیسے فی لٹر، مٹی کے تیل میں 52پیسے ، ٹیوب ویل میں استعمال ہونےوالے لائٹ ڈیزل کی قیمت میں 2روپے 16پیسے کمی کردی گئی ۔

اسلام آباد(اے این این ) امیگریشن قوائد میں اسرائیلی شہریوں کو پاکستان آمد کی مشروط اجازت دیئے جانے کا انکشاف ہوا ہے۔ نجی ٹی وی کے مطابق امیگریشن کی جانب سے اسرائیلی شہریوں کو پاکستان آمد کی مشروط اجازت دیئے جانے کا انکشاف ہوا ہے تاہم ڈائریکٹر امیگریشن نے وزارت داخلہ کو ذمہ دار ٹھہرا کر فہرست سے اسرائیل کا نام نکالنے کا حکم دے دیا ہے۔ذرائع کے مطابق ایف آئی اے کی ویب سائٹ پر 7 ممالک کے شہریوں کو پاکستان آنے کی مشروط اجازت کے قوائد و ضوابط جاری کئے گئے تھے، نئی امیگریشن قوائد کی فہرست میں اسرائیل سمیت بھارت، بنگلہ دیش، بھوٹان، نائجیریا، فلسطین اور صومالیہ کا نام شامل کیا گیا تھا۔ویب سائٹ پر ایف نے اسرائیلی شہریوں کے لئے بھی امیگریشن قوائد وضح کئے تھے، جن کے مطابق اسرائیلی شہریوں کی پاکستان آمد پر پولیس رجسٹریشن کرانالازمی ہو گی، اسرائیلی شہری متعلقہ ڈی پی او سے قیام پر مٹ لینے کے پابند ہوں گے اور روانگی سے قبل پرمٹ واپس کرنا ہوں گے، اور پھر انہیں ٹریول پرمٹ جاری کیا جائے گا، تاہم ٹریول پرمٹ کے حصول کے لئے انہیں قیام پرمٹ لازمی واپس کرنا ہوگا۔قوائد کے مطابق ورک ویزہ اور سارک ویزہ رکھنے والوں کو پولیس رجسٹریشن سے استثنی حاصل ہوگا، اور نئے امیگریشن رولز میں اسرائیلی شہری کو استثنی حاصل ہے تاہم بھارتی شہری اس سے مستثنی نہیں ہوں گے۔دوسری جانب ڈائریکٹرامیگریشن عصمت اللہ جونیجو نے فہرست میں اسرائیل کے نام کا نوٹس لیتے ہوئے بیان جاری کیا ہے کہ فہرست وزارت داخلہ کی جانب سے جا ری کی گئی تھی اور جاری کیے گئے قوائد میں اسرائیل کا نام غلطی سے ڈالا گیا تھا، تاہم نشاندہی پر اسرائیل کا نام فہرست سے نکالا جا رہا ہے۔ انہوں نے مزید کہا کہ امیگریشن قوائد میں اسرائیل کانام شامل نہیں، اسرائیل سے متعلق اسٹیٹ کی پالیسی بلکل واضح ہے۔

ملتان(خبرنگار) شہیدذوالفقار علی بھٹو کی پوتی شہید بے نظیربھٹو کی بھتیجی اور میرمرتضیٰ بھٹو کی بیٹی فاطمہ بھٹو اپنے بھائی جونیئرذوالفقار علی بھٹو سمیت تحریک انصاف میں عنقریب شامل ہورہی ہیں۔ عمران خان کے ایک ذاتی دوست کی معرفت تمام معاملات تقریباً طے پاچکے ہیں۔ صرف غنویٰ بھٹو کے چند تحفظات ہیں جو وہ دورکرنا چاہتی ہیں۔ انتہائی باخبرذرائع نے تصدیق کی ہے کہ فاطمہ بھٹو تحریک انصاف میں اپنے بھائی ذوالفقار علی بھٹو جونیئر سمیت شامل ہورہی ہیں اور اس سلسلے میں تما م معاملات طے پاچکے ہیں صرف غنویٰ بھٹو کے چند تحفظات ہیں جن پر وہ عمران خان سے براہ راست بات کرناچاہتی ہیں۔ ذرائع نے یہ بھی بتایا کہ فاطمہ بھٹو کو عمران خان الیکشن 2018ءمیں اپنی جماعت میں شامل کرناچاہتے تھے ۔ اس وقت بھی غنویٰ بھٹو نے کچھ زیادہ سیٹوں کی فرمائش کردی تھی جس پربات نہ بن سکی۔ ذرائع نے مزید بتایاکہ عمران خان کے یورپ میں مقیم ایک کاروباری دوست نے اپنے ایک شامی کاروباری دوست کی معرفت فاطمہ بھٹو سے بات چیت چلوائی تھی مگرغنویٰ آڑے آگئی تھیں اب اسی شامی کاروباری شخصیت نے فاطمہ بھٹو سے براہ راست تمام معاملات طے کرلیے ہیں۔ یہ بھی ہوسکتا ہے کہ فاطمہ بھٹو اپنے بھائی کے بغیرپی ٹی آئی میں شامل ہوجائیں مگرآخری دم تک دونوں کی اکٹھی شمولیت پر عمران خان کے دوست زور لگارہے ہیں ۔ذرائع نے یہ بھی بتایاکہ عمران خان نے صوبہ سندھ فاطمہ بھٹو کے حوالے کرنے کی پیش کش بھی کردی ہے اوران کے زرداری سے جائیداد کے تنازعات اور قبضے دلانے کا بھی وعدہ کیاہے۔ ذرائع نے بتایا کہ جب الیکشن 2018ءمیں فاطمہ بھٹو کی پی ٹی آئی شمولیت کازرداری کوپتہ چلاتو زرداری نے کسی دوست کی معرفت غنویٰ سے بلاول کےلئے فاطمہ بھٹو کا رشتہ مانگ لیاتھامگرغنویٰ نے صاف انکار کردیا تھا۔ جس پر فاطمہ بھٹو کی شمولیت کامعاملہ مو¿خر ہوگیا تھا۔ ذرائع نے بتایاکہ اب معاملات تقریباًفائنل ہوچکے ہیں۔ کسی بھی وقت فاطمہ بھٹو کی شمولیت پی ٹی آئی میں ہوسکتی ہے۔ جوکہ 2019ءکی سب سے بڑی خبر ہوگی۔
فاطمہ بھٹو

اسلام آباد (مانیٹرنگ ڈیسک) جعلی اکاو¿نٹس کی جے آئی ٹی رپورٹ میں انکشاف کیا گیا ہے کہ بلاول بھٹو زرداری بھی حسن نواز اور حسین نواز کی طرح نو عمری میں ہی دولت مند بن گئے تھے۔ نواز شریف کے بیٹوں کی طرح بلاول بھٹو بھی کماو¿ پوت نکلے، جے آئی ٹی دستاویزات میں سب سامنے آگیا، سپریم کورٹ میں جمع کرائی گئی جعلی بینک اکاو¿نٹس کیس کی جے آئی ٹی دستاویزات میں بلاول بھٹو کے بطور سی ای او دستخط موجود ہیں۔ رپورٹ کے مطابق بلاول بھٹو2011میں زرداری گروپ کے سیاہ سفید کے مالک تھے۔ بلاول بھٹو نے اپنے دستخط2011میں زرداری گروپ میں بطور سی ای او کئے تھے، اس وقت بلاول بھٹو کمپنی کے تمام اکاو¿نٹس کی ٹرانزکشن سے بخوبی واقف تھے۔ اس کے علاوہ زرداری گروپ کے11-2010کی آڈٹ رپورٹ پر بھی بلاول کے دستخط موجود ہیں، جے آئی ٹی نے جعلی اکاو¿نٹس کی رقم زرداری گروپ میں جمع ہونے کا بھی انکشاف کیا ہے۔ واضح رہے کہ بلاول بھٹو نے تین روز قبل ایک تقریب سے خطاب کرتے ہوئے کہا تھا کہ اگر میں اتنا تیز بچہ تھا تو مجھے ستارہ امتیاز ملنا چاہیئے تھا اور یہ مجھے نوٹسز بھیج رہے ہیں۔ سوال یہ پیدا ہوتا ہے کہ چھ سال عمر کی مثال دینے والے بلاول بھٹو جے آئی ٹی کے انکشافات پر اب کون سا سیاسی حربہ اپنائیں گے یہ تو آنے والا وقت ہی بتائے گا۔

لاہور (مانیٹرنگ ڈیسک) سال 2019ء آغاز پر پہلا بچہ گنگا رام ہسپتال میں پیدا ہوا پیدا ہونے والے بچے کا نام احسام حسین رکھا گیا جبکہ 2018 میں آخری پیدا ہونے والا بچہ لڑکی تھی جس کا نام انوش زہرہ رکھا گیا۔

لاہور، کراچی، اسلام آباد، ٹوکیو، دبئی (مانیٹرنگ ڈیسک) نیا سال، نیا دن، نئی امیداور اور نئی سوچ، پاکستان سمیت دنیا بھر میں نیو ایئر کا شاندار استقبال، شہر شہر جشن، کراچی اور لاہور کی سڑکوں پر خوب ہلہ گلہ، مال روڈ پر میلے کا سماں، ملکہ کوہسار میں بھی سیاحوں کی خوب موج مستی۔نیوزی لینڈ، آسٹریلیا، ہانگ کانگ اور شمالی کوریا سمیت کئی ممالک میں سال نو کو بھرپور ویلکم کیا گیا۔ سکائی ٹاور، سڈنی اور وکٹوریہ ہاربر پر شاندار آتش بازی، آسمان رنگ و نور میں نہا گیا۔ جرمن نشریاتی ادارے ڈوئچے ویلے کے مطابق سب سے پہلے ساموآ جزائر پر سال نو منایا گیا۔ آسٹریلیا کے سب سے بڑے شہر سڈنی میں اس موقع پر کی گئی آتش بازی کو لاکھوں افراد نے دیکھا۔نیوزی لینڈ کے بعد آسٹریلوی شہر سڈنی میں نئے سال کو خوش آمدید کہا گیا۔ سڈنی کی بندرگاہ پر آتش بازی کے دوران پیرو ٹیکنک کا استعمال کیا گیا۔ آتش بازی دیکھنے کے لیے سڈنی ہاربر برج اور اس کے اردگرد لاکھوں شہری موجود تھے۔ادھر انڈونیشیا میں 500 جوڑوں نے شادی کے بندھن میں بندھتے ہوئے سال نو کا استقبال کیا۔ اجتماعی شادی کی یہ تقریب حکومت کی جانب سے منعقد کی گئی تھی۔اس موقع پر سونامی میں ہلاک ہونے والوں کے احترام میں آتش بازی کا مظاہرہ نہیں کیا گیا۔ اسی طرح سونامی سے متاثر ہونے والے کئی علاقوں میں سال نو کی کوئی بھی تقریب منقعد نہیں ہوئی۔ بائیس دسمبر کے اس قدرتی آفت مں چار سو سے زائد ہلاکیتں ہوئی تھیں۔جاپان میں گھنٹیاں بجا کر 2019 کو خوش آمدید کہا گیا۔ جرمنی میں سال نو کی سب سے بڑی تقریب دارالحکومت برلن میں منقعد ہو گی۔ ہانگ کانگ میں وکٹوریہ ہاربر پر آتش بازی کی جائے گی۔ اسی طرح ماسکو میں 2019 کو مختلف کنسرٹس اور لائٹ شوز کے ساتھ خوش آمدید کہا جائے گا۔پیرس کی شہرہ آفاق سڑک شانز الیزے اور آئفل ٹاور کے سامنے بڑی بڑی تقریبات منعقد ہو رہی ہیں۔ تاہم مظاہروں کے خدشے کے پیش نظر اس موقع پر فرانسیسی دارالحکومت میں سلامتی کے خصوصی انتظامات کیے گئے۔ساموآ جزائر سے شروع ہونے والی سال نو کی تقریبات ساموآ میں ہی ختم ہوں گی۔ کیونکہ جنوبی بحراکاہل کی یہ خصوصیت ہے کہ یہاں دو مرتبہ نئے سال کا استقبال کیا جا سکتا ہے۔ ساموآ سے تقریبا ڈیڑھ سو کلومیٹر مشرق کی جانب امریکی ساموآ واقع ہے۔ یہاں کے رہائشی دنیا بھر میں سب سے آخر میں 2019 کو خوش آمدید کہیں گے۔کراچی سمیت ملک کے مختلف شہروں میں سال نو کو شاندار آتش بازی کے ساتھ خوش آمدید کہا گیا۔پوری دنیا میں سال نو کی تقریبات کا آغاز ہو گیا ہے اور نیوزی لینڈ کے شہر آکلینڈ سے نئے سال کو خوش آمدید کہنے کا سلسلہ جاری ہے۔دنیا بھر کی طرح پاکستان میں بھی منچلوں نے نئے سال کو بھرپور طریقے سے خوش آمدید کہا۔کراچی میں دو دریا کے مقام پر سندھ حکومت اور پولیس کی جانب سے پہلی مرتبہ نئے سال کے آغاز پر آتشبازی کا شاندار مظاہرہ کیا گیا جسے دیکھنے کے لیے عوام کی بڑی تعداد موجود تھی۔لاہور میں بھی سال نو کے آغاز کے موقع پر بحریہ ٹان میں آتش بازی کا شاندار مظاہرہ کیا گیا اور بحریہ ٹان کا ایفل ٹاور روشنیوں سے نہا گیا۔اس کے علاوہ ملک کے دیگر شہروں میں بھی نئے سال کے آغاز پر آتش بازی کا مظاہرہ کیا گیا۔شدید سردی کے باوجود ملکہ کوہسار مری میں بھی سال نو کا جشن منانے کے لیے منچلوں کی بڑی تعداد مال روڈ پر جمع ہوئی جب کہ کوئٹہ میں بھی نئے سال کے آغاز کو ہوائی فائرنگ کے ساتھ خوش آمدید کہا گیا۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ 2018ءتو بیت گیا سو بیت گیا اور اب تو بات 2019ءکی ہونی چاہئے۔ میں صبح آج بات کر رہا تھا ہمارے ایک دوست صحافی ازہر منیر سے سال نو کی بات ہو رہی ہے۔ انہوں نے مجھے دو شعر سنائے۔ میں ناظرین کی نذر کرتا ہوں۔ انہوں نے نئے سال پر کہا ہے:
عمر ساری گزار کر ازھر بات اتنی سمجھ میں آئی ہے
کہ نیا سال جو بھی لاتا ہے اس میں کچھ بھی نیا نہیں ہوتا
وہ اسی موضوع پر کہ دکھ اور سکھ اسی طرح سے چلتے رہتے ہیں ساتھ ساتھ 2018ءہو یا 2019ءہوں۔ 2019ءکے آنے سے کسی کے دُکھ کم نہیں ہوتے اور خوشیاں بڑھ نہیں جاتیں لیکن پھر بھی ہم ایک حد ضرور رکھتے ہیں اور نیا سال ہے شاید اس میں کوئی خوشی کی ہو۔ فیض احمد فیض نے نئے سال کی آمد پر ایک نظم لکھی تھی اس کا نام ہی دُعا ہے۔
آیئے ہاتھ اٹھائیں، ہم بھی
ہم جنہیں رسم دُعا یاد نہیں
ہم جنہیں سوزِ محبت کے سوا
کوئی بُت، کوئی خدا یاد نہیں
آیئے عرض گزاریں کہ نگار ہستی
زہر امروز میں شیرینی فردا بھر دے
وہ جنہیں تاب گراں باری ایام نہیں
ان کی پلکوں پہ شب و روز کو ہلکا کر دے
جن کی آنکھوں کو رُخ صبح کا یارا بھی نہیں
ان کی راتوں میں کوئی شمع منور کر دے
جن کے قدموں کو کسی رہ کا سہارا بھی نہیں
ان کی نظروں پہ کوئی راہ اجاگر کر دے
جن کا دیں پیروی کذب و ریا ہے ان کو
ہمت کفر ملے، جرا¿ت تحقیق ملے
جن کے سر منتظر تیغ جفا ہیں ان کو
دست قاتل کو جھٹک دینے کی توفیق ملے
عش کا سر نہاں جان تپاں ہے جس سے
آج اقرار کریں اور تپش مٹ جائے
حرف حق دل میں کھٹکتا ہے جو کانٹے کی طرح
آج اظہار کریں اور خلش مٹ جائے
کچھ اُمید بھی ہونی چاہئے۔ اس کے لئے میں نے احمد ندیم قاسمی کی نظم منتخب کی۔
خدا کرے میری ارضِ پاک پر اُترے
وہ فصلِ گل جسے اندیشہ¿ زوال نہ ہو
یہاں جو پھول کھلے وہ کِھلا رہے برسوں
یہاں خزاں کو گزرنے کی بھی مجال نہ ہو
یہاں جو سبزہ اُگے وہ ہمیشہ سبز رہے
اور ایسا سبز کہ جس کی کوئی مثال نہ ہو
گھنی گھٹائیں یہاں ایسی بارشیں برسائیں
کہ پتھروں کو بھی روئیدگی محال نہ ہو
خدا کرے نہ کبھی خم سرِ وقارِ وطن
اور اس کے حسن کو تشویش ماہ و سال نہ ہو
خدا کرے کہ میرے اک بھی ہم وطن کے لئے
حیات جرم نہ ہو زندگی وبال نہ ہو
تحریک انصاف فواد چودھری کو کراچی ختم کرنے کیلئے بھیجنے والی تھی کہ وزیراعظم نے انہیں جانے سے روک دیا ہے۔ فواد چودھری تاہم پی پی پر مسلسل زبانی حملے کرنے میں مصروف ہیں کہ پی پی ارکان اسمبلی ان سے رابطے کر رہے ہیں۔ تحریک التوا کے نتیجہ میں تحریک عدم اعتماد کی فضا بننے جا رہی ہے۔ حکومت اور اپوزیشن کے دعوے کہاں تک درست نکلتے ہیں یہ وقت ہی بتائے گا کہ گھوڑا بھی یہی ہے اور میدان بھی۔ آصف زرداری کی اس وقت پوزیشن یہ ہے کہ نیب اور بینکنگ کورٹ ان کے پیچھے ہیں وہ تو چاہیں گے کہ حکومت ختم ہو جائے بلاول کو حکومت گرانے کیلئے ان کی اجازت کی کیا ضرورت ہے۔ سندھ میں نئے وزیراعلیٰ کیلئےے ناصر شاہ کا نام لیا جا رہا ہے جو پہلے ضلع ناظم سکھر رہے ہیں آج بھی وزیر اطلاعات ہیں اس لئے ان سے ملاقاتیں بھی ہوتی رہتی ہیں۔ دیکھنا یہ ہے کہ کیا ناصر شاہ آصف زرداری کے لائے ہوئے وزیراعلیٰ مراد علی شاہ کے خلاف میدان میں اترتے ہیں یا نہیں۔ یہ بھی آنے والا وقت ہی بتائے گا۔ جنوری میں بیان بازی تیز رہے گی تحریک انصاف سندھ حکومت گرانے کی کوشش سے پیچھے نہ ہٹے گی، پیپلزپارٹی بھی اگر وفاقی حکومت کو گرانے کے قابل ہوتی تو ضرور کوشش کرے گی۔ بلاول بھٹو اچھے سیاسی بیان دیتے ہیں اسمبلی میں تقریر بھی عمدہ کی تھی۔ منی لانڈرنگ کیس میں ان کا نام سن کر افسوس ہوا، دعا ہے کہ یہ خبر غلط ہو کہ میں بلاول کی سیاست میں بہت آگے جاتا دیکھنے کا خواہش مند ہوں۔ سندھ میں کئی لوگوں کی شوگر ملز تھیں جو آہستہ آہستہ ہتھیا لی گئی تھیں ان میں ایک ذوالفقار مرزا بھی تھے جنہوں نے کئی بار پریس کانفرنس کی اور کہا تھا کہ میری شوگر ملز چھیننے کی کوشش کی جا رہی ہے۔ سندھ کے اکثر شوگر ملز مالکان اومنی گروپ کی چیرہ دستیوں کے آگے ہتھیار ڈال گئے تھے کئی مالکان بیرون ملک چلے گئے جبکہ کئی نے خاموشی اختیار کر لی تھی۔ پنجاب میں آج بھی پولیس والوں کے نجی عقوبت خانوں کا موجود ہونا افسوسناک امر ہے ان عقوبت خانوں کے بارے میں مکمل رپورٹ تیار کی جانی چاہئے۔ پنجاب فوڈ اتھارٹی صرف نام کا ادارہ ہی رہ گیا ہے۔ بچے زہریلی چپسو دیگر اشیاءکھا کر مر رہے ہیں اور فوڈ اتھارٹی والے چین کی نیند سو رہے ہیں۔ اگر کسی ایماندار افسر کی ملاوٹ مافیا والے کردار کشی کرتے ہیں تو اسے میڈیا پر آ کر بات کرنی چاہئے۔ کوئی سرکاری ملازم یا افسر اگر زیادتی کو برداشت کرتے ہوئے خاموشی اختیار کر لیتا ہے تووہ بھی گھناﺅنے کاروبار میں ملوث افراد کا ساتھی ہی شمار ہو گا۔
جعلی بینک اکاﺅنٹس سے منی لانڈرنگ کیس کی سماعت سپریم کورٹ میں ہوئی۔ جس میں چیف جسٹس نے برہمی کا اظہار کیا کہ 172 نام ای سی ایل میں ڈالنے کے حوالے سے کہ ایک چیف ایگزیکٹو کا نام ای سی ایل میں ڈالنے کی بات کی۔ نظر ثانی کی جائے۔ ضیا شاہد نے کہا کہ جن لوگوں نے ان کا نام ڈالا ہو گا کچھ سوچ کر ڈالا ہو گا اور رہی یہ بات کہ اس کی وجوہات جمع کروائیں تو یقینا اس کی وجوہات بھی جمع کروائیں گے اگر کسی کا نام غلط ڈالا گیا ہے تو اس کو نکال دیا جائے گا۔
آصف زرداری اور فریال تالپور کو جواب جمع کرانے میں ایک ہفتے کا وقت مل گیا ہے۔ اس حوالے سے ضیا شاہد نے کہا کہ عدالت کافی نرم لگتی ہے اور پورا موقع دینا چاہتی ہے لیکن اگر یہ وقت گزرنے کے بعد انہوں نے تسلی بخش جواب جمع نہ کروایا تو عدالت یقینا ان پر بھی ان کا سخت نوٹس لے گی۔ ملک ریاض سے چیف جسٹس نے جو مکالمہ کیا ہے۔ اصل میں ملک ریاض کا یہ کہنا ہے کہ یہ پیسے ہیں ہی نہیں یہ تو عوام کے پیسے ہیں جو انہوں نے پلاٹوں کے لئے جمع کروائے ہوئے ہیں پلاٹوں کے لئے اس کو میری انکم نہیں سمجھنا چاہئے اب چیف جسٹس صاحب نے جو کہا ہے کہ اس جواب پر ملک ریاض جواب دیں گے تو بات سامنے آئے گی۔ زبانی طور پر تو وہ یہی کہتے ہیں۔ چیف جسٹس نے جتنا روپیہ ملک ریاض کو جتنا پیسہ جمع کرانے کے لئے کہا ہے وہ اس طرح سے پیسہ جمع نہیں کروائیں گے پاکستان کے زبردست اور ذہین وکلاءکی خدمات حاصل کی ہوئی ہیں شاہد حامد جو پہلے پنجاب کے گورنر ہوتے تھے وہ ان کے وکیل ہیں اعتزاز احسن ان کے وکیل رہے ہیں۔ لگتا نہیں ہے وہ اتنی جلدی سے سرنڈر کریں لگتا ہے وہ کافی دیر اپنا کیس لڑنے کی استطاعت رکھتے ہیں۔ مالی طور پر بھی وہ اس پوزیشن میں ہیں۔ اب چیف جسٹس کے پاس 18 دن رہ گئے ہیں اور جسٹس کھوسہ صاحب ان کی جگہ آ جائیں گے۔ وہ اس بارے کیا فیصلہ کرتے ہیں۔ یہ وقت ہی بتائے گا۔
معروف شاعر اور ادیب امجد اسلام امجد نے کہا کہ نیا آنے والا سال اپنے ساتھ نئی اُمید اور خواب بھی لاتا ہے۔ جو لوگ ہم سے رخصت ہو گئے ان کی مغفرت کیلئے دُعا گو ہوں اور نئے سال میں لوگوں کے نئے خوابوں کی اچھی تعبیر کیلئے بھی دُعا گو ہوں۔ حکومت اور اپوزیشن دونوں کو بڑا سوچ سمجھ کر چلنا چاہئے، حکومت کو چاہئے کہ صرف پرانوں پر الزامات لگا کر ہی کام نہ چلائے بلکہ جو خرابیاں سامنے آ چکی ہیں انہیں ٹھیک کرے اور وہ غلطیاں نہ دہرائے جن کو ماضی کی حکومتیں کرتی رہی ہیں اور آج بھگت رہی ہیں۔ میں امید پرست آدمی ہوں اس لئے یہ سمجھتا ہوں کہ واقعی حکومت کیلئے مسائل بہت ہیں، خرابیاں بہت ہیں، حکومتی ٹیم بھی تجربہ کار نہیں تاہم اگر نیت نیک ہو اور کچھ کرنے کا عزم ہو تو یہ کام ممکن ہوتا ہے۔ میں احمد ندیم قاسمی کے اس شعر پر ختم کرتا ہوں کہ
”خدا کرے کہ میرے اِک بھی ہم وطن کے لئے
حیات جرم نہ ہو زندگی وبال نہ ہو“
اللہ کرے نیا سال خوشیاں لے کر آئے اور ہمارے حکمران جن کا دعویٰ تھا کہ وہ آئیں گے تو ہر طرف پھول کھلا دیں۔ کم از کم پھول کھلیں نہ تو پھول اگنے کی اور زمین سے نکلنے کی نوید تو نظر آنے لگے تا کہ ہم اطمینان کا سانس لیں کہ کام تو شروع ہو گیا۔