لاہور (شوبزڈےسک ) فلم ، ٹی وی اور تھیٹر سے تعلق رکھنے والے فنکاروں نے سال کی آمد پر خوشی کا اظہار کرتے ہوئے ملک اور شوبز انڈسٹری کی ترقی کیلئے ملکر کام کرنے کے عزم کا اظہار کیا ہے۔ اداکار ہمایوں سعید ،احسن خان ،ببرک شاہ ،فواد خان ، حمزہ علی عباسی ،معمر رانا ،ریمبو ،سعود ،فیصل قریشی ،عمران بخاری ،ریما ،میرا ،خوشبو ،مدیحہ شاہ ،ثناء ، رابی پیرزادہ ،حمیرا ارشد،شبنم مجید ، راگنی ،فرزانہ تھیم ،ہما علی ،مہک نور ،زارا اکبر ، نیلم منیر ، حمائمہ ملک ، ماورا حسین ، مائرہ خان ، عروہ حسین ، مہوش حیات ، حمیرا ارشد ، شان ، جاوید شیخ ، فیصل قریشی ، فہد مصطفی ، عمران عباس ، ابرار الحق ، شہزاد رائے ، افتخار ٹھاکر ، ناصر چینوٹی ، سہیل احمد ، نسیم وکی ، عمر شریف ، امان اللہ اور سخاوت ناز سمیت دیگر نے کہا کہ سال 2018ء اپنی خوبصورت یادوں کےساتھ اختتام پذیر ہوا ‘ہم نے جو کامیابیاں اور ناکامیاں دیکھی ہیں اس کو مد نظر رکھتے ہوئے ہمیں اپنے ملک اور شوبز انڈسٹری کیلئے ملکربھرپور انداز میں کام کرنا ہو گا‘نئے سال میں ہمیں ان غلطیوں سے دور رہنا چاہیے جو ہم نے 2018ء میں کی ہیں۔انہوں نے کہا کہ 2018ء شوبز انڈسٹری کےلئے کامیاب سال تھا جس میں فلم انڈسٹری کو دوبارہ مقبولیت ملی اور ہماری تین چار فلموں نے کروڑوں روپے کا بزنس حاصل کر کے فلم انڈسٹری کے اچھے مستقبل کی نوید دی ہے ۔
ور ہمیں یقین ہے کہ ہم سب ملکر اپنے ملک اور فلم انڈسٹری کی بہتری کےلئے وہ کام کر سکتے ہیں جو پہلے نہیں ہوا۔انہوںنے کہا کہ ہمیں اپنے شوبز ساتھیوں کا دنیا سے جانے کا دکھ بھی ہے ‘جنہوںنے سالوں سال اپنے فن کے ذریعے ملک کی خدمت کی اور ان فنکاروں کےلئے دعا گو ہیں ‘جنہوں نے 2018ء میں شادی کر کے اپنی ازدواجی زندگی کا آغاز کیا ہے۔ان فنکاروں نے کہا کہ ہمیں یقین ہے کہ 2019ئ میں حکومتی سرپرستی سے شوبز انڈسٹری کو فروغ ملے گا۔ہماری دعا ہے کہ 2019ء ہم سب کےلئے خوشیوں کےساتھ امن اور محبت کا پیغام لیکر آئے اور پاکستان ہر شعبے میں ترقی کی منزلیں طے کرے۔

ممبئی (شوبزڈےسک ) بالی ووڈ کے کنگ شاہ رخ خان اور دبنگ اداکار سلمان خان نئی آنے والی فلم میں ایک ساتھ انٹری دینے کی تیاری کررہے ہیں۔ بھارتی میڈیا رپورٹس کے مطابق فلموں میں حقیقت کا رنگ بھرنے والے معروف ہدایتکار سنجے لیلا بھنسالی نے مداحوں کو 2019 میں سرپرائز دینے کا فیصلہ کیا ہے‘کہا جارہا ہے کہ ہدایتکار ماضی کی مشہور کرن ارجن کی جوڑی کو ایک بار پھر اپنی نئی آنے والی فلم میں شامل کرنے کا سوچ رہے ہیں۔ہدایتکار نے کہا کہ سنجے لیلا بھنسالی ’سوداگر‘ جیسی فلم پر سنجیدگی سے غور کر رہے ہیں ‘جس میں سلمان اور شاہ رخ پہلے بہترین دوستوں کا کردار ادا کرتے نظر آئیں گے جو بعد میں ایک دوسرے کے دشمن بن جائیں گے۔ اور پھر دونوں ایک بار اپنے مشترکہ دشمن کی وجہ سے آپس میں مل جائیں گے۔بھنسالی کی جانب سے اس بات کو باور کرایا جارہا ہے کہ وہ اپنی نئی آنے والی فلم کو 1991 میں ریلیز ہونے والی سبہاش گھائی کی فلم ’سوداگر‘ سے متاثر ہو کر نہیں بنا رہے۔ ‘جس میں لیجنڈ اداکار دلیپ کمار اور راجکمار نے مرکزی کردار ادا کئے تھے۔کہا جارہا ہے کہ اگر سنجے لیلا بھنسالی کا اس فلم کو بنانے کا آئیڈیا پایا تکمیل پر پہنچ جاتا ہے تو شائقین بلاخر شاہ رخ اور سلمان کو فلم 2002 میں سنیما گھروں کی زینت بننے والی ’ہم تمھارے ہیں سنم ‘ کے بعد ایک بار ایک ساتھ پھر دیکھ سکیں گے۔

‘

لاہور (شوبزڈےسک ) 2018ء کی ابتداء سے لیکر اختتام تک اداکار شان ،صائمہ نور اور معمر رانا کی پرانی فلمیں بھی نمائش کیلئے پیش کی جاتی رہیں۔تفصیلات کے مابق 2018ء میں نئی فلموں کےساتھ پرانی فلموں کی نمائش کا سلسلہ بھی جاری رہا ‘جس میں سرفہرست اداکار شان کی فلمیں تھیں ‘جو 2018ء کے آغاز سے لیکر اختتام تک ریلیز کی جاتی رہیں۔ سال کے آخر میں بھی ان کی فلم ”جگا گجر “دوبارہ نمائش کےلئے پیش کی گئی جس کے ہدایتکار مسعود بٹ ہیں جبکہ معمر رانا کی فلم ”کالا گجر “ بھی ریلیز کی گئی جس کے ہدایتکار اقبال کشمیری ہیں۔اس طرح پرانی فلموں میں اداکار شان ‘صائمہ نور کا راج برقرار رہا۔

لاہور (شوبزڈےسک ) معروف اداکار احسن خان نے گورنر پنجاب چوہدری محمد سرور سے ملاقات کی ‘جس میں مختلف امور کےساتھ چیرٹی شو کے حوالے سے بھی بات چیت کی۔ اس حوالے سے احسن خان نے بتایا کہ گورنر چوہدری محمد سرور فن شناس شخصیت کے مالک ہیں ‘میری ان سے ملاقات انتہائی مفید رہی اور میں نے ان کو شوبز کے مسائل سے آگاہ کیا‘انہوں نے یقین دہانی کروائی کہ حکومت فن اور فنکاروں کی خدمت کےلئے تمام وسائل بروئے کارلائے گی۔انہوں نے بتایا کہ گورنر پنجاب کا کہنا تھا کہ میں عام طور پر ٹی وی نہیں دیکھتا مگر جب بھی وقت ملے تو میں اچھے اور اصلاحی ٹی وی ڈراموں کو دیکھتا ہوں۔
‘ انہوں نے میرے فن کی تعریف کی جس پر میں نے انکا شکریہ ادا کیا ‘یہ ملاقات مجھے ہمیشہ یاد رہے گی۔

لاہور(شوبزڈےسک)ٹاپ ماڈل و اداکارہ ماورہ حسین نے کہا کہ مےں ویسا ہی کام کر رہی ہوں جیسا شائقین پسند کرتے ہیں بھارت جا کر فلموں میں کام کرنا کوئی برائی نہیں۔گزشتہ روز اپنے اےک انٹر وےو مےں ماورہ حسین نے کہا کہ مجھے خوشی ہے کہ میرے کام کو صرف پاکستان نہیں بلکہ بھارت میں بھی پسند کیا جا تاہے جس کی بنیادی وجہ میرے کام کا منفرد انداز ہے۔ انہوں نے کہا کہ میں نے کبھی بھی فحاشی اور عریانی کا سہارا نہیں لیا بلکہ ہمیشہ سے ویسا کام کر رہی ہوں جیسا شائقین پسند کرتے ہیں‘ میں لاتعدادکام کرچکی ہوں میں تو اتنا جانتی ہوں کہ فنکار کو سازش سے نہیں بلکہ اپنے کام سے دوسروں کو ہرانا چاہیے۔