روزنامہ خبریں کی 26ویں سالگرہ کے موقہ پر مبارکباد دیتے ہوگے سپیکرچوہدری پرویز الٰہی کا کہنا تھا کہ ضیا شاہد نے ہمیشہ حق کا ساتھ دیا اور حق پر ڈٹے رہے ہیں روزنامہ خبریں ہمیشہ غریب اور محروم طبقے کی آواز بنا ضیا شاہد غریب اور محروم طبقے کی حق کی خاطر اپنے قلم سے جنگ کی سیاسی تجزیہ تو ان کا کمال ہوتا ہے اور انہوں نے جو کتابیں لکھیں ہیں جن میں انہوں نے ملک دشمن قوتوں کو اجاگر کیا ہے میں اس پر ان کو خراج تحسین پیش کرتا ہوں اور میری دعا ہے کہ ان کا یہ صحافتی سفر جاری و ساری رہے۔

لاہور(مانیٹرنگ ڈیسک)پاکستان پیپلز پارٹی کی رہنما شاہدہ رحمانی نے کہا ہے کہ تمام اپوزیشن جماعتوں کو ایک پلیٹ فارم پر لانے کی مولانا فضل الرحمان کی وششیں قابل ستائش ہیں، آصف زرداری نے بھی واضح کہہ دیا ہے کہ ہمارا مقصد حکومت گرانا نہیں۔چینل فائیو کے پروگرام نیوز ایٹ7میں گفتگو کرتے ہوئے انہوں نے کہا کہ زرداری کبھی گرفتاریوں سے نہیں گھبرائے اب بھی ان کے گرد گھیرا تنگ کیا جا رہا ہے۔حکومت کو چاہئے معیشت کی جانب توجہ دے۔پیپلز پارٹی نے ہمیشہ اصولوں کی سیاست کی، یہ طے ہے کہ پی اے سی کا چیئرمین اپوزیشن لیڈر ہی ہوتا ہے۔حکومتی وزراءاداروں پر اثرانداز ہو رہے ہیں۔سینئر صحافی اعزاز سید نے کہا کہ نواز شریف او ر زرداری کی شمولیت کے بغیر اے پی سی موثر نہیں ہوگی تمام جماعتوں کی پالیسیاں اپنے مرکزی رہنماﺅں کے گرد ہی گھومتی ہیں علامتی شرکت سے کچھ نہیں ہو گا۔جعلی اکاﺅنٹس کیس کے حوالے سے زرداری مشکل میں ہیں زرداری تو ملاقات چاہتے ہیں لیکن نواز شریف تیار نہیں۔اے پی سی میں نواز ،زرداری کا نہ جانا درست فیصلہ نہیں۔اس وقت شریف خاندان طاقتور حلقوں کو ناراض نہیں کرنا چاہتا یہی ان کی پراسرار خاموشی کی وجہ ہے۔زرداری کی گرفتاری کے قوی امکانات ہیں۔اگر بی بی سی کہہ رہا ہے اسرائیلی طیارہ پاکستان میں اترا تھا تو اترا ہو گا۔ مسلم لیگ ضیاءکے صدراعجاز الحق نے کہا کہ سوشل میڈیا اور میڈیا کے باعث کوئی بات چھپ نہیں سکتی۔آئی جی اسلام آباد کے تبادلے پر یکطرفہ کہانی سامنے آئی ہے ابھی آئی جی کی جانب سے کوئی بات سامنے نہیں آئی۔ بیوروکریسی کسی بھی ملک کا اہم ستون ہوتا ہے ،بیوروکریسی کو پتہ ہے غلط احکامات ماننے کا خمیازہ بھگتنا پڑے گا۔

اسلام آباد(اے این این ) قومی اسمبلی میں اپوزیشن لیڈر شہبازشریف نے اسرائیلی طیارے کی مبینہ طور پر پاکستان آمد پر وزیر خارجہ کی وضاحت تسلیم کرلی۔قومی اسمبلی میں اظہار خیال کرتے ہوئے وزیر خارجہ شاہ محمود قریشی نے کہا کہ اسرائیلی جہاز کی آمد کی خبر من گھڑت ہے، کہہ چکے ہیں اس میں کوئی حقیقت نہیں، اس کے باوجود اس کا ذکر کرنا چاہیں تو کوئی روک نہیں سکتا لیکن اپوزیشن کے اطمینان کے لیے کہہ رہا ہوں کہ خبر میں کوئی حقیقت نہیں۔شاہ محمود قریشی نے مزید کہا کہ پاکستان کو سعودی عرب سے ملنے والے پیکیج پر شرائط کی باتیں کی گئی لیکن اس پر کوئی شرائط نہیں، پاکستانی فوج یمن بھیجنے سے متعلق سعودی عرب نے کوئی شرط نہیں لگائی۔وزیرخارجہ کا کہنا تھا کہ اگر امت تقسیم ہے تو ہمارے مفاد میں ہے اس تقسیم میں کمی کریں، اگر اختلافات میں مثبت کردار ادار کرسکتے ہیں تو کرنا چاہیے، ہم اسے مزید ہوا نہیں دے سکتے۔انھوں نے کہا کہ ملک کی معاشی صورتحال حکومت کو ہی نہیں سب کو متاثر کرتی ہے، معاشی صورتحال پر ایک سیر حاصل بحث ہونی چاہیے، اپوزیشن کو ذمہ داری کا مظاہرہ کرنا چاہیئے، ملک کو چارٹر آف اکانومی کی اشد ضرورت ہے۔ انہوں نے کہا 10 سالوں میں بیرونی قرضے سے 6 ہزار سے بڑھ کر 30 ہزار ارب ہوگئے ہیں، معاشی صورتحال کی بہتری کیلئے حزب اختلاف کو ایوان میں کردار ادا کرنا چاہیے، جب تک سب مل کرکام نہیں کرینگے مسائل حل نہیں ہونگے۔اسرائیلی طیارے سے متعلق وزیر خارجہ کی وضاحت پر ایوان میں موجود اپوزیشن لیڈر شہبازشریف نے اپنی نشست پر کھڑے ہوکر کہا کہ وزیر خارجہ جنٹل مین ہیں ان کی وضاحت قبول کرتے ہیں تاہم اراکین کے اطمینان کے لئے معاملے کی چھان پین کی جائے اور اس کےلئے پارلیمانی کمیٹی بنا دی جائے ۔ وفاقی وزیر خزانہ اسد عمر نے کہا ہے کہ کشکول جذباتی تقریروں سے نہیں ٹوٹے گا، ٹھوس اقدامات کرنا ہوں گے، پچھلی حکومت 154 ارب روپے کا خسارہ چھوڑ کرگئی، یہی وجہ ہے کہ معاشی استحکام کے لیے پاکستان دوست ممالک سے مددلے رہا ہے، کیونکہ ہم آئی ایم ایف پر سو فیصد انحصار نہیں کرنا چاہتے۔قومی اسمبلی کے اجلاس کے دوران اظہارِ خیال کرتے ہوئے اسد عمر کا کہنا تھا کہ ‘کشکول جذباتی تقریروں سے نہیں ٹوٹے گا، ٹھوس اقدامات کرنا ہوں گے، تمام جماعتوں سے امید ہے کہ وہ معیشت پر بحث کے دوران مثبت تجاویز دیں گی’۔اسد عمر کا کہنا تھا کہ ‘بجٹ خسارے پر قابو نہ پانے کے باعث گزشتہ برس 12 سو ارب روپے کے نوٹ چھاپے گئے، ہماری حکومت نے آتے ہی روپے کی قدر کو مستحکم کرنے کی کوششیں شروع کیں، لیکن معیشت کے استحکام کے لیے اب ہمیں اس طرز عمل کو بدلنا ہے، جس کے لیے بیل آو¿ٹ پیکج کی ضرورت ہے’۔وزیر خزانہ نے بتایا کہ ‘ہم چاہتے ہیں کہ یہ آخری آئی ایم ایف پروگرام ہو جبکہ آئی ایم ایف سربراہ نے بھی کہا کہ ان کی کوشش ہے کہ یہ پاکستان کا آخری آئی ایم ایف پروگرام ہو’۔ان کا کہنا تھا کہ ‘ضرورت کا سارا پیسہ آئی ایم ایف سے نہیں آتا، اس کے ذریعے دوست ملکوں سے مدد ملتی ہے’۔وزیر خزانہ نے بتایا کہ ‘سعودی عرب کے پہلے دورے میں معاشی تعاون پر بات کی جبکہ دوسرے دورے کے بعد سعودی عرب نے معاشی اقدامات سے متعلق اعلانات کیے، ان سب کے علاوہ بھی حکومت کی بات چیت چل رہی ہے’۔پاک-چین اقتصادی راہداری (سی پیک) منصوبے کے حوالے سے بات کرتے ہوئے اسد عمر کا کہنا تھا کہ ‘پاکستان چین کے ساتھ تجارتی عدم توازن کو ختم کرنے کی کوشش کرے گا، کیونکہ ہمیں سی پیک کو اب اگلے مرحلے میں لے کر جانا ہے اور تجارتی خسارے میں کمی کا سبب بنانا ہے’۔انھوں نے کہا کہ ن لیگ کے منہ سے معیشت کی بات اچھی نہیں لگتی۔ انہوں نے کہا الیکشن کی وجہ سے اخراجات میں تیزی سے اضافہ ہوا، ڈالر کی کمی کے باعث روپے کی قدرمیں کمی واقع ہوئی، خسارے کی وجہ سے ٹیکس اور پالیسی ریٹ میں اضافہ ہوا، کسانوں کے ٹیوب ویل کی بجلی کی قیمت آدھی کر دی۔اسد عمر کا کہنا تھا بجٹ خسارہ 9 سو ارب سے بھی بڑھ گیا ہے، اشیا کی طلب میں اضافہ اور فراہمی میں کمی سے قیمتوں میں اضافہ ہوا، ہم نے بیک وقت آئی ایم ایف اور دوست ممالک سے رابطہ کیا۔ سعودی عرب ہمیں سالانہ 3 ارب ڈالر کا تیل فراہم کرے گا، پہلے دورے میں 3 ارب ڈالر کا ایم او یو کیا۔ان کا کہنا تھا کہ معیشت کو سہارے کی ضرورت ہے۔آئی ایم ایف کے حوالے سے آگاہ کرتے ہوئے انہوں نے کہا کہ حلف اٹھانے کے ایک ہفتہ یا دس دن بعد آئی ایم ایف کے سربراہ کو فون کر کے مشن بھیجنے کی استدعا کی تھی۔انہوں نے کہا کہ 27 ستمبر کو آئی ایم ایف کا وفد بات چیت کے لیے پاکستان آیا اور چاہتے ہیں کہ آئندہ پاکستان کو آئی ایم ایف کے پاس نہ جانا پڑے اوریہ ہمارا آخری آئی ایم ایف پروگرام ہونا چاہیے۔اسٹاک مارکیٹ کی بہتری سے آگاہ کرتے ہوئے ان کا کہنا تھا کہ پچھلے 10 سے 12 دنوں میں 5 ہزار پوائنٹس کا اضافہ ہوا۔حکومتی اقدامات کے حوالے سے انہوں نے کہا کہ ہم نے 95 فیصد چھوٹے کاروبای طبقے پر بجلی کی قیمت نہیں بڑھنے دی اوربرآمدات کے شعبے کے لئے بجلی کی قیمت کم کردی ہے۔اپنے خطاب کے بعد وزیرخزانہ پارلیمنٹ سے چلے گئے جس پر اپوزیشن اراکین نے بحث میں حصہ لینے سے انکار کرتے ہوئے احتجاج کیا اور اسد عمر کی واپسی تک اجلاس کے بائیکاٹ کا اعلان کرتے ہوئے ایوان سے چلی گئی۔پاکستان مسلم لیگ(ن)کے رہنما اور سابق وفاقی وزیر احسن اقبال نے اسد عمر کی کئی باتوں کا جواب دیا تاہم اس وقت وہ ایوان سے جا چکے تھے۔پاکستان پیپلز پارٹی کے رہنما خورشید شاہ نے حکومت کو تنقید کانشانہ بناتے ہوئے کہا کہ پاکستان ہم سب کا ہے، سب خوش حالی چاہتے ہیں اور ہم اس بات سے خوش ہوتے ہیں کہ عوام خوش حال ہوں۔انہوں نے کہا کہ ہم قرضہ ملنے پر خوش نہ ہوں، ملک کی معیشت پر کوئی سمجھوتا نہیں ہونا چاہیے اور اپوزیشن بھی پوائنٹ اسکورنگ نہیں کرنا چاہتی۔خورشیدشاہ نے حکومت کو آرھے ہاتھوں لیتے ہوئے کہا کہ حکومت سے گزارش ہے اپنا کورم پورا کریں، ہم صرف وزیر خزانہ کا بھاشن سننے نہیں آئے۔انہوں نے کہا کہ وزیر خزانہ نے بھاشن دیا اور چلے گئے، بات کر کے جانا ہی تھا تو اس ایشو پر بحث کی کیا ضرورت تھی، ہمیں وزیر خزانہ کی موجودگی میں بات کرنی چاہیے۔جس پر اپوزیشن نے اسد عمر کوواپس لانے کا مطالبہ کرتے ہوئے ایوان سے واک آو¿ٹ کر دیا اور کہا کہ جب تک اسد عمر ایوان میں جواب نہیں سنتے اجلاس کا بائیکاٹ کرینگے۔خیال رہے کہ نیب کی زیرحراست قائد حزب اختلاف شہباز شریف کو اسپیکر کے پروڈکشن آرڈر پر اسمبلی اجلاس میں شرکت کے لیے لایا گیا۔

لاہور (مانیٹرنگ ڈیسک) کالم نگار ڈاکٹر راشدہ نے کہا کہ پاکستان میں پیسہ موجود ہے لیکن کہیں نہ کہیں منجمد ہے پیسہ گردش میں آئے تو عوامی ضرورتیں پوری ہوتی ہیں۔ چینل فائیو کے پروگرام کالم نگار میں گفتگو کرتے ہوئے انہوں نے کہا کہ بیشتر لوگوں کے اکاﺅنٹس میں اربوں کی موجودگی جس کا کسی کو نہیں پتہ اس کا ثبوت ہے اس معاملے کو حل ہونا چاہئے۔ حکومت ایسی کمیٹی تشکیل دے جو بینک کے تمام اکاﺅنٹس کی پڑتال کرے، غیر قانونی ٹرانزکشنز کا پتہ چلایا جائے۔ کے پی میںطب کے شعبے میں سمارٹ فون کی پابندی لگانا سمجھ نہیں آتی۔ فضل الرحمان اپوزیشن کو کیوں اکٹھا کرنا چاہتے ہیں لیکن کوئی ایشوز تو ہونے چاہئیں۔ گلوکار فخر عالم کی حکومت پاکستان کی جانب سے مدد خوش آئند ہے۔ میزبان و کالم نگار میاں حبیب نے کہا کہ عجیب و غریب واقعات ہو رہے ہیں غریب لوگوں کے اکاﺅنٹس سے کروڑوں روپے نکل رہے ہیں۔ اس میں شک نہیں پاکستان کا بہت پیسہ منی لانڈرنگ کے ذریعے بیرون ملک جاتا رہا۔کراچی کے کئی سرمایہ کار اپنا پیسہ باہر لے گئے۔ معاشرے کو شتتر بے مہار نہیں چھوڑا جاسکتا۔ نواز شریف یا زرداری سٹیئرنگ فضل الرحما ن کے ہاتھ میں نہیں دینا چاہتے وہ سمجھتے ہیں فضل الرحمان کہیں بھی مک مکا کر سکتے ہیں۔ کالم نگارخالدچوہدری نے کہا کہ پاکستان میں ایسا پہلے بھی ہوتا رہا ہے کوئی نئی بات نہیں۔ سرمایہ داری نظام میں کچھ بھی ممکن ہے۔ سولہ سولہ سکیل کے افسروں کے بچے مغرب میں پڑ ھ رہے ہیں آخر اس کے پاس اتنے وسائل کہاں آتے ہیں آوے کا آوا بگڑا ہواہے لیکن فوکس ہمیشہ سیاستدان رہے ہیں۔کسی دور میں غریب پر توجہ نہیں دی گئی لیکن اب ایسا نہیں چلے گا نظام بدلے گا۔ سمارٹ فون پر پابندیوں سے کچھ نہیں ہوگا۔ انہوں نے کہا کچھ عرصہ نواز شریف خاموش رہیں گے۔ ابھی حکومت کوبنے ڈھائی ماہ ہوئے ہیں۔ فخر عالم کے حوالے سے انہوں نے کہا کہ فنکار قانون سے بالا تر نہیں ہوتے۔ کالم نگارضمیر آفاقی نے کہا کہ سرکاری ادارے لگتا ہے فیل ہو چکے ہیں سابق جج کے نام پر 2244گاڑیوں کا اندراج حیرت انگیز ہے۔ لگتا ہے حکومتیں ڈلیور کرنے میں ناکام ہو رہی ہیں۔ ایسے معاملات کو منطقی انجام تک پہنچائے بغیر مسائل حل نہیں ہو سکتے۔ جس کے پاس پیسہ ہے وہ تحفظ بھی چاہتا ہے۔ین آر او کی باتیں حکومتی بینچوں کی جانب سے سامنے آ رہی ہیں نواز شریف کہتے ہیں کس نے این آر او مانگا ہے نام بتائیں۔