خبریں ناانصافی کی ہر شکل کے سامنے سینہ تانے کھڑا ہے

مجھے یہ جان پر انتہائی خوشی ہورہی ہے کہ ”روزنامہ خبریں“صحافت کی میدان میں اپنی 26ویں سالگرہ منارہا ہے جو اس بات کی غمازی کرتا ہے کہ اس اخبار نے مدبر اورصاحب طرز صحافی جناب ضیاء شاہد اور امتنان شاہد کی زیر ادارت وہ مقام حاصل کرلیا ہے جس پر اہل صحافت ناز اورپاکستانی عوام فخر کر سکتے ہیں۔ روزنامہ خبریں حقائق پر مبنی خبروں، بے لاگ تبصروں ، بے خوف تجزیوں کی بدولت آج بلاشبہ پاکستان کے صف اول کے اخبارات میں شمارہوتا ہے۔ مَیں امید کرتا ہوں کہ خبریں اخبار کی فرض شناس،محنتی اور پرعزم ٹیم اپنے اس اخبار کوملک کے بہترین اخبار کی صف میں شامل رکھے گی اور پاکستان میں مستحکم جمہوری نظام، صنعت و تجارت کی ترقی ، عوامی مسائل کی نشاندہی اور ظلم و ناانصافی کی ہر شکل کے خلاف جنگ میں اپنا بھر پور کرداراداکرتی رہے گی۔مَیں اس کی مزید کامیابیوں کے لئے دعا گو ہوں۔