خبریں نے جمہوری قدروں کو پروان چڑھایا، عوام کے مسائل اجاگر کئے

روزنامہ خبریں نے ملکی تعمیر و ترقی میں ہمیشہ مثبت کردار ادا کیا ہے اورامید کرتا ہوں کہ خبریں گروپ آف نیوز پیپرز جمہوری قدروں کو پروان چڑھانے اور عوام کو درپیش مسائل کو اجاگر کرنے میں اپنا کردار ادا کرتا رہے گا۔روزنامہ خبریں کی26ویں سالگرہ کے موقع پرچیف ایڈیٹر جناب ضیا شاہد صاحب اور ایڈیٹر جناب امتنان شاہد صاحب سمیت پوری ٹیم کو مبارک باد پیش کرتاہوں اورامید کرتا ہوں کہ روز نامہ خبریں ملکی تعمیر و ترقی میں اپنا مثبت کردار ادا کرتا رہے گا۔پاکستان میں پرنٹ اور لیکٹرانک میڈیا نے گذشتہ کچھ عرصے کے دورا ن جس تیز رفتاری سے ترقی کی ہے وہ پوری دنیاکیلئے انتہائی قدر کی نگاہ سے دیکھی جاتی ہے پیپلز پارٹی میڈیا کی آزادی پر یقین رکھتی ہے اور درپیش مسائل کے حل کیلئے کوشاں ہے تحریک پاکستان میں صحافت اور صحافیو ں کی خدمات اور کردار ہماری قومی تاریخ کا روشن باب ہے قیام پاکستان کے بعد بھی ملکی ترقی اور عوامی شعورکو اجاگر کرنے میں صحافیوں نے نمایاں اور کلیدی کردار ادا کیا پاکستان پیپلز پارٹی کی تاریخ گواہ ہے کہ وہ روز اول سے ہی آزادی صحافت اور عوام کے حق آزادی اظہار کی داعی اور حامی رہی ہے اور آزمائش اور آلام کی ہرگھڑی میں صحافیوں کا بھرپور ساتھ دیا ذوالفقار علی بھٹو شہید اور محترمہ بے نظیر بھٹو شہید ہمیشہ صحافیوں کے شانہ بشانہ کھڑے رہے اور ہم بھی صحافیوں کو درپیش مسائل کے حل کیلئے کوشاں ہیں۔