لاہور(اپنے سٹاف رپورٹر سے) پنجاب حکومت اور چین کی معروف توانائی کمپنی چائنہ مشینری انجینئرنگ کارپوریشن کے مابین 1263 میگاواٹ کے گیس پاور پراجیکٹ کے معاہدے پرآج مقامی ہوٹل مےں دستخط کےے گئے۔ وزیراعلیٰ پنجاب محمد شہبازشریف تقریب کے مہمان خصوصی تھے۔ معاہدے کی رو سے چین کی کمپنی تریموں بیراج جھنگ کے قریب یہ منصوبہ لگائے گی۔ پنجاب پاور پلانٹ سے 14 ماہ کی قلیل مدت میں 810 میگاواٹ بجلی حاصل ہوگی جبکہ 26ماہ میں منصوبے کی تکمیل سے 1263 میگاواٹ بجلی نیشنل گرڈ میں شامل ہوگی۔ پنجاب حکومت کی طرف سے چیف ایگزیکٹو آفیسر پنجاب تھرمل پاور کمپنی احد چیمہ جبکہ چائنہ مشینری انجینئرنگ کارپوریشن کی جانب سے کمپنی کے نائب صدر فنگ ینگ شوئی نے معاہدے پر دستخط کئے۔وزیراعلیٰ پنجاب محمد شہبازشریف نے تقریب سے خطاب کرتے ہوئے کہا کہ پنجاب حکومت نے اپنے وسائل سے جھنگ میں 1263 میگاواٹ کا گیس پاو رپلانٹ لگانے کا فیصلہ کیا ہے اور اس منصوبے پر عملدرآمد کے حوالے سے آج چین کی کمپنی سے معاہدہ کیا گیا ہے۔ یہ منصوبہ ان عظیم کاوشوں کا تسلسل ہے جو پاکستان مسلم لیگ (ن) کی حکومت نے سابق وزیراعظم محمد نوازشریف کی قیادت میں گزشتہ 4 سالوں کے دوران توانائی بحران کے خاتمے کیلئے کی ہیں۔ رکاوٹوں اور مشکلات کے باوجود مسلم لیگ (ن) کی حکومت نے لوڈشیڈنگ کے خاتمے کیلئے جو انتھک محنت کی ہے اس کے ثمرات سامنے آنا شروع ہو گئے ہیں۔ دنیا شاہد ہے کہ حکومت پاکستان گزشتہ 4 سالوں سے لوڈشیڈنگ کے چیلنج سے نمٹنے کیلئے دن رات ایک کئے ہوئے ہے۔ گزشتہ 15 برسوں سے پاکستان کو شدید توانائی بحران کا سامنا ہے اور بجلی کی قلت نے قومی معیشت کو بے پناہ نقصان پہنچایا۔ لوڈشیڈنگ سے جہاں پاکستان کے عوام کو مشکلات اٹھانا پڑیں وہاں ملک کی صنعت کا پہیہ بھی رکا، تعلیم صحت اور سماجی شعبے بری طرح متاثر ہوئے۔اللہ تعالیٰ کا شکر ہے کہ پاکستان مسلم لیگ (ن) کی حکومت لوڈشیڈنگ کے چیلنج سے نمٹنے میں کامیاب ہوئی ہے۔ اس سال کے آخر یا آئندہ سال کے اوائل میں پاکستان سے لوڈشیڈنگ ہمیشہ کیلئے رخصت ہوجائے گی۔موجودہ حکومت کی مخلصانہ کاوشوں کے باعث لوڈشیڈنگ قصہ پارینہ بن گئی ہے اور اب لوڈ شےڈنگ دوبارہ کبھی لوٹ کر نہیں آئے گی۔ پاکستان مسلم لیگ (ن) کی قیادت کے عزم، ہمت اور جذبے سے کام کرنے کی بدولت ہی ملک کو توانائی بحران سے ہمیشہ کیلئے نجات مل رہی ہے۔چین کی کمپنی کےساتھ 1263 میگاواٹ کے بجلی کے منصوبے کے حوالے سے طے پانے والا معاہدہ ایک اور بڑا اقدام ہے جو لوڈشیڈنگ کے تابوت میں آخری کیل ثابت ہوگا اور اس منصوبے کی تکمیل سے پاکستان کی صنعت، زراعت اور تجارت کیلئے وافر بجلی ملے گی اور ہم بھارت، افغانستان اور ایران کو بجلی فروخت کرنے کے قابل ہوں گے۔ انہوں نے کہا کہ اس منصوبے کا پہلا مرحلہ 14ماہ میں مکمل ہوگا جس سے 810 میگاواٹ بجلی حاصل ہوگی جبکہ 26 ما ہ میں منصوبے کی تکمیل سے 1263 میگاواٹ بجلی حاصل ہوگی۔ سی پیک کے تحت ملک بھر میں توانائی کے منصوبوں پر تیزی سے کام ہو رہا ہے۔ ساہیوال کول پاو رپلانٹ مکمل ہوچکا ہے جبکہ پورٹ قاسم کول پاور پلانٹ سے بھی اس سال بجلی کی پیداوار شروع ہو جائے گی۔ ہمارے مخلص دوست چین نے توانائی بحران کے خاتمے میں ہماری بھرپور مدد کی ہے جس پر چینی حکومت، قیادت اور عوام کے شکرگزار ہیں۔ وزیراعلیٰ نے کہا کہ بدقسمتی سے میڈیا کا کچھ حصہ ذمہ داری کا مظاہرہ نہیں کر رہا بلکہ وہ جھوٹ، غلط بیانی، جھوٹے تبصرے اور تجزیے پیش کرکے قومی خدمت نہیں بلکہ قومی سمت کو خراب کر رہا ہے۔ انہوں نے کہا کہ ملک کی 70 سالہ تاریخ میں توانائی منصوبوں پر تیز رفتاری اور شفاف طریقے سے عملدرآمد کی کوئی اور مثال موجو دنہیں ،پاکستان مسلم لیگ (ن) کی حکومت نے ملک و قوم کی ترقی و خوشحالی کے ان توانائی منصوبوں کو آگے بڑھایا ہے۔ بھھکی، بلوکی اور حویلی بہادرشاہ 3600 میگاواٹ کے گیس پاور پلانٹس بجلی کی پیداوار دے رہے ہیں۔ 1320 میگاواٹ کا ساہیوال کول پاور پلانٹ پوری طرح فنکشنل ہے۔ قائداعظم سولر پارک بہاولپور میں 400 میگاواٹ کے شمسی توانائی کے کارخانے لگ چکے ہیں اور 300 میگاواٹ کا سولر پاور پلانٹ ترکی کی کمپنی لگا رہی ہے جس کا ٹےرف6سےنٹ اور 5.15سےنٹ ہے۔ یہ توانائی منصوبے شفافیت کے لحاظ سے اپنی مثال آپ ہیں او ران منصوبوں میں قوم کے اربوں روپے کی بچت کی گئی ہے۔ یہ امر افسوسناک ہے کہ بعض میڈیا چینلز پر توانائی منصوبوں میں گھپلوں کی باتیں ہو رہی ہیں اور بے بنیاد پراپیگنڈہ کیا جا رہا ہے کہ شریف برادران کرپشن اورکمےشن کے بغیر کوئی منصوبہ نہیں لگاتے۔ یہ چینلز ان منصوبوں میں ایک دھیلے کی کرپشن تو سامنے نہیں لاسکے تو بہتر تھا کہ یہ ہماری نہےںبلکہ ا س حقیر قومی خدمت کی تعریف کرتے اور ان محنت کشوں، افسروں اور منصوبوں پر کام کرنےوالے افراد کی حوصلہ افزائی ہی کردیتے۔ آپ کو رینٹل پاو رپلانٹس میں اربوں روپے کی کرپشن کو نہیں بھولنا چاہیئے۔ نندی پور پاور پلانٹ کی مشینری 3 سال تک کراچی کی بندرگاہ پر گلتی سڑتی رہی اور اس وقت کے وفاقی وزیر بابر اعوان منصوبے کی فائل اپنی دراز میں دبا کر بیٹھے رہے اور ان کی اس حرکت سے غریب قوم کو اربوں روپے کا نقصان اٹھانا پڑا۔ میڈیا کو وہ بھی یاد ہوگا جب دیا میر بھاشا ڈیم کے نام پر قوم کےساتھ ناٹک کیا گیا۔ پاکستان مسلم لیگ (ن) کی حکومت نے اب اس منصوبے کیلئے 100 ارب روپے کی زمین خرید ی ہے۔ داسو ڈیم پر بھی کام کا آغاز ہوچکا ہے۔ انہوں نے کہا کہ چاہے کوئی سیاستدان ہے یا عام آدمی، ڈاکٹر ہے یا انجینئر، صحافی ہے یا سرکاری ملازم، سب سے پہلے پاکستانی ہے اور اگر ہم نے مل کر ملک کی خوشحالی کی سمت کا رخ متعین نہ کیا تو ہمیشہ اندھیروں میں بھٹکتے رہیں گے۔ انہوں نے کہا کہ ایسے عظیم اینکرز اور صحافی بھی موجود ہیں جو ملک کی خدمت کیلئے دن رات بولتے ہیں اور درست تصویر عوام کے سامنے لاتے ہیں۔ وقت کا تقاضا ہے کہ میڈیا پاکستان کو درپیش توانائی بحران، دہشت گردی اور سیاسی عدم استحکام کے چیلنجز کے حوالے سے قوم کی رہنمائی کرے کیونکہ اس سے زیاد موثر کوئی اور ذریعہ نہیں۔ میڈیا کا کچھ حصہ اگر اچھی خبریں اور سچ بیان نہیں کرسکتا تو جھوٹ اور غلط بیانی کرکے پاکستان کو اقوام عالم میں شرمندہ نہ کرے۔خدارا جھوٹ مت بولو،ملک کی سمت خراب نہ کرواور پاکستان کو آگے بڑھنے دو۔ جو غلط ہے اسے غلط ضرور کہے اور جہاں خامیاں ہیں اسے سامنے لائے ، قوم آپ سے اسی کی توقع کرتی ہے۔ خدارا جھوٹ بول کر قوم کو گمراہ نہ کیا جائے۔ میڈیا کا یہ حصہ جھوٹ اور غلط تجزیے پیش کرکے کس کو فائدہ دینا چاہتا ہے؟ اگر سچ کو چھپایا گیا اور جھوٹ بول کر قوم کو دھوکہ دےاگیا تو آئندہ نسلیں معاف نہیں کریں گی۔بے شک ہمارانام نہ لےںاوربھلے ہماری تعرےف نہ کرےں لےکن منصوبوں مےں بچت کے بارے مےں عوام کو ضرور آگاہ کےا جائے۔خوف خدا کو دل و دماغ مےں رکھ کر قوم کی رہنمائی کی جائے ۔پاکستان کا درد رکھنے والے مےڈےا کے لوگوں سے درخواست ہے کہ قومی معاملات پر اےمانداری سے قوم کی صحےح رہنمائی کی جائے۔ہم پہلے پاکستانی ہےں اور بعد مےں کچھ اور۔ انہوں نے کہا کہ پاکستان کو اپنے دل سے اپنی اولاد کی طرح قریب رکھیں، اسی طرح پاکستان دنیا کی عظیم ترین مملکت بنے گا اور قائدؒ اور اقبالؒ کا پاکستان بنے گا۔انہوںنے کہا کہ انشاءاللہ وہ وقت ضرور آئے گا جب پاکستانی قوم اےک اےسی عظےم قوم بنے گی جس کی دوست اوردشمن سب عزت کرےں گے اورےہی قائد ؒ و اقبالؒکا پاکستان ہوگا۔ انہوں نے کہا کہ میڈیا اس بات کا گواہ ہے کہ ڈیڑھ دو سال قبل توانائی منصوبوں کے معاہدے ہوئے اور دن رات کام کرکے ان منصوبوں کو پایہ تکمیل تک پہنچایا گیا۔ میں اس کا کریڈٹ سابق وزیراعظم نوازشریف، پاکستان مسلم لیگ (ن) کی حکومت کو ہی نہیں دیتا بلکہ یہ پاکستان کے 21 کروڑ عوام کی جیت ہے اور یہ جہد مسلسل ،امانت، دیانت اور محنت کی کہانی ہے۔ ملک کی 70 سالہ تاریخ میں توانائی منصوبوں پر تیز رفتاری سے عملدرآمد کی کوئی اور مثال موجود نہیں۔ ایسا لگتا ہے کہ ان منصوبوں پر انسانوں نے نہیں بلکہ جنات نے کام کیا ہے۔ وزیراعلیٰ نے کہا کہ میں یہاں کسی پر تنقید کرنے نہیں آیا بلکہ عوام کو خوشخبری سنانے آیا ہوں کہ 1263 میگاواٹ کے ایک او رپلانٹ پر کام کا آغاز ہونے جا رہا ہے جس پر ہم اللہ تعالیٰ کے شکرگزار ہیں۔ انہوںنے کہا کہ پنجاب پاور پلانٹ کے لگنے سے پاکستان مےں نئی ٹےکنالوجی آئے گی۔انہوںنے کہا کہ گدو پاور پلانٹ6سال پہلے لگا تھا اورےہ منصوبہ ساڑھے آٹھ لاکھ ڈالر فی مےگاواٹ کے نرخ پر لگاےا گےا تھاجبکہ حال ہی مےں 3600مےگاواٹ کے تےن گےس پاور پلانٹ4لاکھ 20ہزار ڈالر فی مےگاواٹ کی قےمت پر لگائے گئے ہےںاور مےں 1263مےگاواٹ کے پنجاب پاور پلانٹ کے منصوبے کاان تےن منصوبے سے موازنہ کررہا ہوںاورےہ منصوبہ ان تےنوں منصوبوں کے مقابلے مےں کم ازکم دس ارب روپے کم لاگت مےں لگاےا جارہا ہے ۔ ان منصوبوں سے صارف کو فائدہ ہوگا اور عوام کو سستی بجلی ملے گی۔ وزیراعلیٰ پنجاب محمد شہباز شریف سے عالمی بےنک کے جنوبی اےشےا رےجن کے کنٹری ڈائرےکٹر پچا موتھو الانگو نے ملاقات کی، جس میں پنجاب میں عالمی بینک کے تعاون سے سماجی شعبوں کی بہتری کیلئے پروگرامز پر تبادلہ خیال کیا گیا۔ کنٹری ڈائریکٹر عالمی بینک نے اراضی کے ریکارڈ کو کمپیوٹرائزڈ کرنے اور سماجی شعبوں کی بہتری کیلئے اصلاحاتی پروگرامز کی تعریف کرتے ہوئے کہا کہ وزیراعلیٰ محمد شہبازشریف کی قیادت میں پنجاب حکومت نے سماجی شعبوں کی بہتری کیلئے لائق تحسین اصلاحات کی ہیں۔ وزیر اعلیٰ پنجاب محمد شہباز شریف سے ترکی کی پارلےمنٹ کے رکن برہان کےاترک (Mr. Burhan Kayaturk) نےملاقات کی- ملاقات میںپاکستان اور ترکی کے مابےن دوطرفہ تعلقات کے فروغ اور مختلف شعبوں خصوصا ہیلتھ کیئر میں تعاون بڑھانے پر تبادلہ خیال کیا گیا-ممبر ترک پارلیمنٹ کی جانب سے شعبہ صحت کی بہتری اور دیگر شعبوں میں تعاون جاری رکھنے کی یقین دہانی کرائی گئی- رکن ترک پارلیمنٹ برہان کےاترک نے اس موقع پر گفتگو کرتے ہوئے کہا کہ آپ ہمارے بھائی ہیںاوربھائیوں کا ہاتھ تھامنا کوئی احسان نہیں،یہ ہماری ذمہ داری بھی ہے اور فرض بھی -پنجاب کے ہیلتھ کیئر سسٹم کو خوب سے خوب تر بنانے کے لئے ہر ضروری تعاون مہیا کریں گے- انہوں نے کہا کہ وزیراعلی شہبازشریف نے ہیلتھ کیئر سسٹم کی بہتری کے لئے بے پناہ محنت سے کام کیاہے اورپنجاب کے ہیلتھ کیئر سسٹم میں اصلاحات کے دور رس نتائج سامنے آئے ہیں۔ وزیراعلیٰ پنجاب محمدشہباز شریف نے فیصل آباد کے قریب ڈجکوٹ روڈ پر ٹریفک حادثے میں قیمتی انسانی جانوں کے ضیاع پر دکھ اور افسوس کا اظہار کیا ہے۔ وزیراعلیٰ نے جاںبحق افراد کے لواحقین سے دلی ہمدردی اور تعزیت کا اظہار کیا ہے۔ وزیراعلیٰ نے انتظامیہ کو ہدایت کی کہ زخمی افراد کو علاج معالجے کی بہترین طبی سہولتیں فراہم کی جائیں۔وزیراعلیٰ نے انتظامیہ سے رپورٹ طلب کرلی ہے۔

وزیر اعلیٰ پنجاب میاں محمد شہباز شریف چھیاسٹھ برس کے ہو گئے۔سماجی رابطوں کی ویب سائٹس پرشہبازشریف کے مداحوں کی جانب سے مبارکبادوں اور نیک تمناو¿ں کے اظہار کا سلسلہ شروع ہوچکا ہے،اور دیکھتے ہی دیکھتے چند لمحات میں#HBDShehbazSharif ٹوئیٹر پر ٹاپ ٹرینڈ بن چکا ہے۔انیہا انم چوہدری اپنے پیغام میں لکھتی ہیں کہ انہوں نے کینسر کو ہرایا، ڈینگی کو ہرایا، میٹرو بنائی، اورنج لائن بنائی، یہ ہمیشہ ا±ن کے ساتھ نظر آتے ہیں جن کو اِنکی ضروت ہوتی ہے
https://twitter.com/anihachaudhary/status/911313843271405569
ابو بکر کا کہنا ہے کہ وہ شخص جسکی انرجی، کمٹمنٹ مجھے روزانہ متاثر کرتی ہے وہ شہبازشریف ہیں۔ اللہ انکا حامی و ناصر ہو
https://twitter.com/abubakarumer/status/911312684288823298
ماریہ چوہدری نے اپنے پیغام میں شہبازشریف کو پاکستان کا اصل سپاہی قراردیتے ہوئے ،لمبی زندگی کی دعا دی ہے
https://twitter.com/ambrinmaria/status/911305545906343936
خرم بھٹی اپنے ٹوئیٹر پیغام میں کہتے ہیں کہ ہم ہردلعزیز شخصیت خادم پنجاب کو سالگرہ کی مبارکباد پیش کرتے ہیں

لا ہور(خصوصی رپورٹ)ماڈل ٹاون کے علا قہ میں پولیس اور حساس اداروں نے مشترکہ کارروائی کر کے ایک مبینہ خودکش بمبار کو گرفتار کر لیا ہے،،دہشت گرد وزیراعلی پنجاب پر حملے کی منصوبہ بندی کر رہا تھا۔ذرائع کے مطابق حساس اداروں کی خفیہ اطلاع پر کالعدم تنظیم سے تعلق رکھنے والے ایک دہشت گرد کو ایچ بلاک ماڈل سے گرفتار کیا گیا،دہشت گرد کے قبضے سے ایک خود کش جیکٹ ،بارود مواد اور الیکٹرونکس ڈیوائسز بھی برآمد ہوئی ہیں،،دہشت گرد وزیراعلی پنجا ب میا ں شہباز شریف پر حملے کی منصوبہ بندی کر رہا تھا اور ماڈل ٹاون میں وزیراعلی کے گھر سے چند فرلانگ کے فاصلے پر ایک گھر میں ڈرائیور تھا ۔مبینہ دہشت گرد ایک افسر کا گھریلو ڈرائیور تھا،ملزم کو تفتیش کے لئے نامعلوم مقام پر منتقل کر دیا گیا،ملزم سے مزید انکشافات کی توقع کی جا رہی ہے۔

لاہور(اپنے سٹاف رپورٹر سے)وزیراعلیٰ شہباز شریف نے کہاہے کہ ورلڈ الیون کے کی پاکستان آمد کھیل کے میدان میں ایک تازہ ہوا کے جھونکے کی مانند ہے جس سے پاکستان میں بین الاقوامی کھیلوں کی راہ ہموار ہوگی اور امید ہے کہ بین الاقوامی ٹیمیں بھی پاکستان آئیں گی۔انہوںنے کہاکہ اقوام عالم میں پاکستان کے ایک پرامن ملک ہونے کا پیغام جائے گا اور پاکستان کا سافٹ امیج اجاگر ہوگا۔ وزیراعلیٰ نے کہا کہ پنجاب حکومت نے ورلڈ الیون اور پاکستان الیون کے مابین میچوں کیلئے بہترین انتظامات کئے ہیں جو عالمی معیار کے ہیں اور مجھے امید ہے کہ انٹرنیشنل کرکٹرز پاکستان سے اچھی یادیں لے کر جائیں گے اور شائقین کرکٹ بھی ان میچوں کے مقابلوں سے صحیح معنوں میں محظوظ ہوں گے۔ کھلاڑیوں کے ساتھ ساتھ شائقین کرکٹ کے لئے سکیورٹی کے بہترین انتظامات کئے گئے ہیں۔وزیراعلیٰ پنجاب محمد شہبازشریف سے پاکستانی ہائی کمیشن لندن میں شعبہ صحت سے وابستہ برطانیہ میں مقیم ماہرین اور کمپنیوں کے اعلیٰ حکام نے ملاقات کی جس میں پنجاب کے شعبہ صحت میں اصلاحات، سرمایہ کاری اور طبی سہولتوں کی بہتری کے امور پر بات چیت کی گئی۔ برطانیہ میں مقیم ہیلتھ پروفیشنلز، ماہرین اور ہیلتھ سیکٹر کے سرمایہ کاروں نے پنجاب حکومت کی پالیسیوں پر اعتماد کا اظہار کیا اور حکومت کی جنیٹوریل سروسز کی آﺅٹ سورسنگ اور پبلک پرائیویٹ پارٹنرشپ کی پالیسی اور اصلاحات کی ستائش کی۔ وزیراعلیٰ محمد شہبازشریف نے برطانیہ میں مقیم پاکستانی ڈاکٹروں، ماہرین صحت اور برطانوی کمپنیوں کو پنجاب میں شعبہ صحت میں تعاون اور سرمایہ کاری کی دعوت دیتے ہوئے کہا کہ پنجاب حکومت نے ہیلتھ سیکٹر میں انقلابی نوعیت کی اصلاحات متعارف کرائی ہیں اور شعبہ صحت کی بہتری کیلئے اٹھائے گئے اقدامات بارآور ثابت ہو رہے ہیں۔ طبی سہولتوں کی بہتری میرا مشن ہے اور اس ضمن میں ہر ضروری اقدام کیا جا رہا ہے۔ انہوں نے کہا کہ لندن میں ہیلتھ کیئر روڈ شو کا کامیاب انعقاد کیا گیا ہے اور برطانوی ہیلتھ کیئر کی کمپنیوںکے سینئر نمائندوں، سرمایہ کاروں اور طبی ماہرین کی روڈ شو میں بڑی تعداد میں شرکت حوصلہ افزا ہے۔ روڈ شو کے انعقاد سے شعبہ صحت کی بہتری کیلئے سودمند سفارشات سامنے آئی ہیں۔ روڈشو کے شرکاءنے پنجاب کے ہیلتھ سیکٹر میں معاونت اور سرمایہ کاری کی خواہش کا بھی اظہار کیا ہے۔وزیراعلیٰ پنجاب محمد شہبازشریف نے راولپنڈی کے قریب چکری انٹرچینج پر ٹریفک حادثہ میں قیمتی انسانی جانوں کے ضیاع پر افسوس کا اظہار کیا ہے۔ وزیراعلیٰ نے حادثے میں جاں بحق افراد کے لواحقین سے دلی ہمدردی اور تعزیت کا اظہار کیا ہے۔ وزیر اعلیٰ پنجاب محمد شہباز شریف نے صوبہ بھر کے تعلیمی بورڈز کے انٹرمیڈیٹ امتحانات میں نمایاں پوزیشن حاصل کرنے والے طلبا و طالبات کو مبارکباد دی ہے۔ وزیراعلیٰ نے پوزیشن ہولڈرز طلبا و طالبات کے نام اپنے تہنیتی پیغام میں کہا ہے کہ محنت اور قابلیت کے ذریعے پوزیشن حاصل کرنےوالے طلبہ و طالبات نے اپنے والدین اور اساتذہ کا سر فخر سے بلند کر دیاہے اور یہ ہونہار بچے ہمارے ہیرو ہیں، جنہوں نے اپنی صلاحیتوں ،قابلیت اورذہانت کے بل بوتے پر نمایاں پوزیشنیں حاصل کی ہیں اور ان بچوں اوربچیوں کی محنت گواہی دے رہی ہے کہ اگر محنت سے کام کیا جائے تو کوئی مشکل، مشکل نہیں رہتی اور میرا ایمان ہے کہ محنت کے ذریعے معاشرے میں عزت و وقار کا مقام حاصل کیا جاسکتاہے۔ وزیراعلیٰ نے کہا کہ پوزیشن حاصل کر نےوالے طلبا و طالبات درخشاں ستارے ہیں، پوری قوم کو ان پر فخر ہے اور بلاشبہ قوم کے اس تابناک مستقبل نے اپنی انتھک محنت اور لگن سے یہ مقام حاصل کیا ہے اور بعض طلبا و طالبات نے کم وسائل کے باوجود اپنے عزم، حوصلے اور محنت کے باعث یہ مقام حاصل کیا ہے۔ انہوں نے کہا کہ کم وسیلہ گھرانوں کے بچوں اور بچیوں کا مشکل حالات میں پوزیشنیں حاصل کرنا لائق تحسین ہے۔

لندن (بیورورپورٹ) وزیراعلیٰ پنجاب محمد شہبازشریف نے کہا ہے کہ برطانیہ سمیت دنیا بھر میں پاکستانی ڈاکٹروں نے اپنی صلاحیتوں کا لوہا منوا یا ہے اور برطانیہ اور دیگر ممالک میں کام کرنے والے پاکستانی ڈاکٹرز، سرجنز ، فزیشن اور ہیلتھ پروفیشنلز پاکستان کے عظیم سفیر ہیں اور آج وطن کو ان کی ضرورت ہے۔ وقت کا تقاضا ہے کہ آپ پاکستان میں ہیلتھ سیکٹر میں سرمایہ کاری کریں، آگے بڑھیں اور اپنے ہم وطنوں کی خدمت کریں۔ ہیلتھ سیکٹرکی بہتری میں پنجاب حکومت کے ساتھ تعاون کریں۔ وطن نے ہمیں بہت کچھ دیاہے اور اب اسے لوٹانے کا وقت آگیاہے۔ آگے آئیں اور دکھی انسانیت کاہاتھ تھام لیں ۔ ہمیں ہیلتھ کیئر سسٹم کی بہتری کے لئے آپ کے تجربے، مہارت اور تعاون کی ضرورت ہے۔ وطن کے قرض اتارنے کا وقت آگیاہے ۔ وہ لندن میں پنجاب ہیلتھ روڈ شو کے سلسلے میں منعقدہ خصوصی تقریب سے کلیدی خطاب کر رہے تھے۔ وزیراعلیٰ نے کہا کہ پنجاب حکومت نے تعلیم او رصحت کے شعبوں کی بہتری کے لئے بے پناہ وسائل دئےے ہیں۔ ہیلتھ سیکٹر کی بہتری کے لئے پبلک پرائیویٹ پارٹنرشپ کی پالیسی پر عمل پیرا ہیں اور یہ ماڈل انتہائی کامیاب رہاہے۔ ہیلتھ کیئر سروسز کو بہتر بنائے بغیر کوئی قوم اور معاشرہ آگے نہیں بڑھ سکتا اور صحت مند معاشرہ کی تشکیل کے لئے صحت عامہ کی سہولتوں کو بہتر بنانا وقت کی ضرورت ہے۔ انہوں نے کہا کہ 2003 میں جب میں جلاوطنی کی زندگی گزار رہا تھا تو مجھے ایک انتہائی مہلک کینسر ہوا۔ اللہ تعالیٰ کے فضل وکرم اور عوام کی دعاﺅں کے باعث مجھے اس مرض سے شفا ہوئی۔ تب مجھے احساس ہوا کہ عام آدمی جس کے پاس وسائل نہ ہوں، وہ کس طرح اپنی بیماری سے لڑ سکتا ہے، اور جب میں واپس پاکستان آیا تو میں نے صحت عامہ کی سہولتوں کو بہتر بنانے کا بیڑا اٹھایا کیونکہ میرے سمیت اشرافیہ تو اندرون ملک اور بیرون ملک علاج معالجے کی سہولتوں سے استفادہ کرسکتی ہے لیکن عام آدمی کیلئے یہ خواب ہی ہے۔ پاکستان کے قیام کا مقصد بھی یہی تھا کہ سب کو علاج معالجے، تعلیم اور انصاف کی یکساں سہولتیں میسر آئیں اور اسی مقصد کیلئے ہمارے بزرگوں نے خون اور آگ کے دریا عبور کرکے یہ وطن حاصل کیا تھا اور اس مشن کی تکمیل کیلئے آپ کا ساتھ بہت ضروری ہے۔ اگرچہ دیگر منصوبے بھی عوام کو سہولتیں دینے کیلئے ضروری ہیں لیکن صحت سب سے پہلے ہے۔ ہیلتھ کیئر سسٹم کی بہتری کیلئے پنجاب میں میری ٹیم نے انتہائی جانفشانی، محنت اور عزم کے ساتھ کام کیا ہے اور آج صوبہ پنجاب اس حوالے سے درست سمت کی جانب بڑھ رہا ہے۔ لیکن اس کے باوجود ابھی بہت سے چیلنجز درپیش ہیں اور ہم آپ کے تعاون کے ساتھ ان چیلنجز پر قابو پانا چاہتے ہیں، آپ ہمارے ساتھ دیں، ہم آپ کو ہر طرح کی سہولتیں دیں گے اور ایک جامع بزنس ماڈل کو اپنا کر آگے بڑھیں گے۔ انہوں نے کہا کہ پنجاب حکومت نے طبی سہولتوں او رہیلتھ سیکٹر کی بہتری کے لئے بے مثال اقدامات کئے ہیں اور صوبے کے انفراسٹرکچر کو جدید تقاضوں سے ہم آہنگ کیا گیا ہے۔ انہوں نے کہا کہ لندن میں ہیلتھ کانفرنس کا انعقاد ایک اہم اقدام ہے، اس کانفرنس کی سفارشات کی روشنی میں ہیلتھ سیکٹر کو بہتر بنانے میں مدد ملے گی۔ اس ورکشاپ میں شعبہ طب سے وابستہ برطانیہ میں مقیم پاکستانی ڈاکٹروں او رماہرین کی شرکت پر ممنون ہوں ۔ برطانوی ڈاکٹروں اور ماہرین صحت نے پنجاب کے ہیلتھ سیکٹر میں سرمایہ کاری او رتعاون میں دلچسپی کا اظہار کیا اور صحت کے شعبہ میں شاندار اصلاحات پر وزیراعلیٰ شہبازشریف کی خدمات کو خراج تحسین پیش کیا۔ انہوں نے کہا کہ شہبازشریف نے صوبہ پنجاب کو حقیقی معنوں میں ترقی دی ہے۔ صحت کے شعبہ کی بہتری کےلئے وزیراعلیٰ پنجاب کی انقلابی حکمت عملی سے متاثر ہوئے ہیں اور ہم پنجاب میں ہیلتھ سیکٹر میں سرمایہ کاری او رپنجاب حکومت کے ساتھ تعاون کریں گے۔ انہوں نے کہا کہ شہبازشریف کی قیادت میں پنجاب حقیقی معنوں میں ترقی کر رہا ہے۔ صحت کے شعبہ کی بہتری کےلئے ان کے شاندار اقدامات کو سلام پیش کرتے ہیں۔ صوبائی وزراء،چیئرمین مین منصوبہ بندی وترقیات ، سیکرٹریز صحت، برطانیہ میں پاکستان کے ہائی کمشنر، اور برطانیہ میں مقیم پاکستانی ڈاکٹروں، سرمایہ کاروں ، مختلف تنظیموں کے عہدےدارو ںنے لند ن میں ہیلتھ روڈ شو کی تقریب میں شرکت کی۔ صوبائی وزیر خواجہ سلمان رفیق ، چیف سیکرٹری پنجاب، ایڈیشنل چیف سیکرٹری ، ماہرین صحت ، اور متعلقہ حکام نے سول سیکرٹریٹ لاہو رسے ویڈیولنک کے ذرےعے اجلاس میں شرکت کی جبکہ ڈائریکٹر جنرل پنجاب فوڈ اتھارٹی کمشنر آفس رحیم یار خان سے ویڈیولنک کے ذرےعے اجلاس میں شریک ہوئے۔ صوبائی وزیر ڈاکٹر مختار بھرت ،سیکرٹریز صحت ، چیئرمین منصوبہ بندی وترقیات نے شعبہ صحت کی بہتری کےلئے اٹھائے گئے اقدامات کے بارے میں ہیلتھ کانفرنس کے شرکاءکو آگاہ کیا۔ وزیراعلیٰ پنجاب محمد شہبازشریف نے کہا ہے کہ ورلڈ الیون کے بین الاقوامی کرکٹرز کو لاہور آمد پر دل کی اتھاہ گہرائیوں سے خوش آمدید کہتے ہیں۔ معروف کٹرکٹرز کی لاہور آمد ہمارے لئے اور پوری قوم کے لئے مسرت کا باعث ہے اور پاکستان میں انٹرنیشنل کرکٹرز کی آمد سے بین الاقوامی کرکٹ کی بحالی میں مدد ملے گی۔ انہوں نے کہا کہ ورلڈ الیون اور پاکستان الیون کے مابین میچوں سے شائقین کرکٹ کو اچھا کھیل دیکھنے کو ملے گا اور عوام کرکٹ کے بہترین میچوں سے محظوظ ہوں گے۔ وزےراعلیٰ پنجاب محمدشہبازشرےف نے لندن سے وےڈےولنک کے ذرےعے صوبائی کابےنہ کمےٹی برائے امن وامان کے اجلاس سے خطاب کےا ،جس مےںآزادی کپ 2017 کے مےچوں کی سکیورٹی اوردیگر انتظامات کا جائزہ لیا گیا-وزےراعلیٰ نے مےچوں کےلئے سکےورٹی اوردےگر امورکےلئے فول پروف اوربہترےن انتظامات کی ہداےت کرتے ہوئے کہا کہ ورلڈ الیون اورپاکستان الےون کے درمےان مےچوں کے دوران خوب سے خوب تر انتظامات ےقےنی بنائے جائےںکےونکہ میچوںکےلئے معروف عالمی کھلاڑےوں کی لاہور آمدہمارے لئے اعزاز ہے -انہوں نے ہداےت کی کہ وضع کردہ سکےورٹی پلان پر من وعن عملدر آمدکےاجائے اورشائقےن کرکٹ کےلئے سٹےڈےم کے اندر اورباہرشاندار انتظامات ہونے چاہئےں۔

لاہور (مانیٹرنگ ڈیسک) وزیراعلی پنجاب شہبازشریف کیخلاف چینی کمپنی سے میٹروبس منصوبے میں کرپشن کے دعوے کیے جارہے تھے جس کی شہبازشریف سمیت چینی سرکار نے بھی تردید کردی تاہم اب کرپشن کی جھوٹی کہانی پھیلانے والے ممکنہ شخص کا نام بھی سامنے آگیا اور یہ کوئی اور نہیں بلکہ جے آئی ٹی کے رکن بلال رسول ہیں۔ انگریزی جریدے کے مطابق شہبازشریف کیخلاف الزامات لگنے کے بعد چھان بین شروع کی گئی توسیکیورٹی اینڈ ایکسچینج کمیشن آف پاکستان (ایس ای سی پی کمیشن) کی میٹنگ کے منٹس اور دستاویزات کا جائزہ لینے کے دوران کچھ نئے حقائق سامنے آئے لیکن سوال یہ ہے کہ کون ہے جوچینی کمپنی کی مبینہ منی لانڈرنگ کے بارے میں غلط معلومات جاری کررہاہے ، کمیشن تمام حقائق سے بخوبی آگاہ نہیں تھا لیکن اس کے باوجود سامنے آنیوالی چیزیں سی ایس آر سی کو دینے کی منظوری دیدی۔ایس ای سی پی کے بلال رسول جن کو سپریم کورٹ نے پاناما کیس کی تحقیقات کرنیوالی جے آئی ٹی کا رکن بنایاتھا ، انہوں نے ہی چینی کمپنی سے متعلق ایس ای سی پی کمیشن کی تمام میٹنگز کے منٹس تیار کیے ، چینی کمپنی کی منی لانڈرنگ سے متعلق تمام کیس پر ان کی موجودگی میں ہی غور کیاگیا اور وہ تب تک میٹنگ منٹس تیار کرتے رہے حتی کہ جے آئی ٹی کے رکن بن گئے ۔ رپورٹ کے مطابق کچھ مزید دستاویزات سامنے آئی ہیں جن سے تصویر مزید واضح ہوجاتی ہے اور وہ یہ کہ دستاویزات اور میڈیابالخصوص الیکٹرانک میڈیا کی زینت بننے والی بے بنیاد خبروں میں واضح تضاد ہے کہ ایس ای سی پی کے سابق چیئرمین نے کمشنرز سمیت تمام لوگوں سے یہ کیس خفیہ رکھا تاہم کمیشن کے میٹنگ منٹس سے یہ بات واضح ہوتی ہے کہ ایس ای سی پی میں موجوداعلی حکام اس کیس سے متعلق سب کچھ جانتے تھے ۔ نجی ٹی وی کے مطابق میڈیا میںچین میں منی لانڈرنگ کو بنیادبنا کر مسلسل وزیراعلی پنجاب کیخلاف پراپیگنڈا مہم چل رہی ہے حالانکہ ایس ای سی پی کی دستاویزات کے مطابق چینی کمپنی یابیتے نے 2016کی اپنی سالانہ رپورٹ میں دعوی کیا تھاکہ انہوں نے 31دسمبر2015سے قبل ملتان میٹروبس منصوبہ مکمل کرلیا جس سے اسے 201ملین رین مینگ بی منافع کمایا حالانکہ ملتان میٹروبس پراجیکٹ سرے سے شروع ہی مئی 2015میں ہوا اور یہ جنوری 2017میں مکمل ہواتھا ، یابیتے کو 17ملین ڈالر کی بجائے 19.58ملین ڈالر کپیٹل کنسٹرکشن نے ہانگ کانگ، دبئی ، امریکہ ، ملائیشیااور دیگر ممالک سے 16تھرڈ پارٹیوں کے ذریعے ادائیگی کی ، ایس ای سی پی کمیشن کی دستاویزات کے مطابق 21فروری 2017کی میٹنگ میں چینی کمپنی کی مبینہ منی لانڈرنگ پر تبادلہ خیال ہوا اورکمیشن کو پہلی مرتبہ ایک خط کے ذریعے چینی سیکیورٹیز ریگولیٹری کمیشن نے 16دسمبر 2016کو آگاہ کیا تھا اور ساتھ ہی یابیتے ٹیکنالوجی پرائیویٹ لمیٹڈ کی طرف سے ممکنہ قانونی خلاف ورزیوں کی وجہ سے کچھ دستاویزات اور معلومات کی فراہمی کی درخواست کی تھی ، چینی سیکیورٹیز کمیشن نے ہی ایس ای سی پی کو آگاہ کیا کہ ملتان میٹروبس منصوبے کا ٹھیکہ حبیب رفیق پرائیویٹ لمیٹڈ کو دیاگیا لیکن یابیتے اس کی سب کنٹریکٹر تھی ۔چینی درخواست پر تمام متعلقہ اداروںاور کمپنیوں سے معلومات اکھٹی کی گئی تھیں۔

لاہور (اپنے سٹاف رپورٹرسے) وزیراعلیٰ پنجاب محمد شہبازشریف سے رکن قومی اسمبلی سردار اویس لغاری نے ملاقات کی جس مےں سےاسی معاملات اورجنوبی پنجاب کے عوام کی ترقی و خوشحالی کے پروگراموں پر تبادلہ خیال کےاگےا۔وزےراعلیٰ پنجاب محمد شہبازشرےف نے اس موقع پر گفتگو کرتے ہوئے کہا کہ عوام کی بے لوث خدمت ہی مسلم لےگ(ن) کی حکومت کا شعارہے اورگزشتہ چار برس کے دوران رکاوٹوں کے باوجود فلاح عامہ کے منصوبوں کوشفافےت اوررفتار کے ساتھ مکمل کےاگےا ہے۔وزےراعظم محمد نوازشرےف کے دورمےں پاکستان نے بے مثال ترقی کی ہے اور ہمارے مخالفےن کو ملک کی تےزرفتار ترقی کھٹکتی ہے ۔ منصوبوں میں شفافیت، معیار اور رفتار کو یقینی بناکرملکی تاریخ میں اربوں روپے بچائے گئے ہیںاوراربوں روپے بچانے والی مخلص قےادت پر بے بنےاد الزامات کی کوئی حےثےت نہےں ۔انہوںنے کہا کہ ہمارا جےنا مرنا عوام کےساتھ ہے اور پاکستان کو آگے بڑھنے سے روکنے کی کوئی کوشش کامےاب نہےں ہوگی ۔پاکستان کی ترقی مےں رکاوٹےں ڈالنے والے ملک وقوم کے خےر خواہ نہےں۔ انہوںنے کہا کہ جنوبی پنجاب کی ترقی اور وہاں کے عوام کی خوشحالی کے پروگرام کی ذاتی نگرانی کررہا ہوںاور جنوبی پنجاب کے عوام کی خوشحالی کیلئے سالانہ ترقیاتی پروگرام میں آبادی کے تناسب سے زیادہ وسائل مختص کئے گئے ہیں۔ملتان میٹرو بس پراجیکٹ جنوبی پنجاب کے عوام کیلئے ایک شاندار تحفہ ہے اور میٹرو بسیں چلنے سے شہریوں کو بین الاقوامی معیار کی جدید اور تیز رفتاری سفری سہولتیں میسر آئی ہیں۔وزےراعلیٰ نے کہا کہ مسلم لیگ (ن) کی حکومت جنوبی پنجاب کے عوام کی ترقی اورخوشحالی کےلئے ہر طرح کے وسائل فراہم کرتی رہے گی۔ وزیراعلیٰ پنجاب محمد شہباز شریف سے رکن قومی اسمبلی اعجاز الحق نے ملاقات کی، جس مےںباہمی دلچسپی کے اموراورملک کی سےاسی صورتحال پر بات چےت ہوئی۔وزےراعلیٰ شہبازشرےف نے اس موقع پر گفتگو کرتے ہوئے کہا کہ پاکستان کی ترقی اور عوام کی خوشحالی کے پروگراموں پر منفی سےاست کرنے والے ملک دشمنی کررہے ہےں ۔دھرنا پارٹی نے چار برس کے دوران ترقی و خوشحالی کا تیز رفتار سفر روکنے کےلئے سازشےں کی ہےںلےکن اللہ تعالیٰ کے فضل و کرم اورعوام کی حماےت سے ےہ تمام سازشےں بری طرح ناکام ہوئی ہےں۔ انہوںنے کہا کہ احتجاجی اور افراتفری کی منفی سیاست کرنے والے دراصل ملک میں ترقی سے خائف ہیںاور ترقی و خوشحالی کے دشمن سی پیک کے عظےم الشان منصوبے مےںبھی رخنہ ڈالنا چاہتے ہیں۔ انہوںنے کہا کہ پاکستان کی بدلتی ہوئی قسمت کے نام پر افراتفری پیدا کرنا قومی مفادات کے خلاف ہے۔پاکستان کے باشعور عوام ان سیاسی عناصر کے منفی ایجنڈے کا نہ پہلے حصہ بنے نہ آئندہ بنےں گے ۔انہوںنے کہا کہ وزیراعظم نوازشریف کی قیادت میں حکومت نے چار برس کے دوران ہر شعبے میں شاندار کامیابیاں حاصل کی ہیںاورملک 2013ءکے مقابلے مےں معاشی طورپرمستحکم،پرامن اورمحفو ظ ہے ۔انہوںنے کہا کہ پاکستان ہم سب کا ہے اور ہم سب نے اسے سنوارنا ہے اورپاکستان کو آگے لے جانے کیلئے ہر ایک نے اپنا مثبت اور بھرپور کردار ادا کرنا ہے۔ وزےراعلیٰ پنجاب محمد شہبازشرےف سے چین کے نیشنل ڈویلپمنٹ اینڈ ریفارم کمیشن کے ڈائریکٹر جنرل لی چیو ڈونگ (Mr. Li Xuedong) کی قیادت میں اعلی سطح کے وفد نے ملاقات کی،جس میں سی پیک کے تحت جاری منصوبوں پر پیشرفت ،انڈسٹریل پارکس اور دیگر شعبوں میں تعاون کو مزید فروغ دینے پر تبادلہ خیال کیا گیا- این ڈی آر سی کے ڈائریکٹرجنرل نے سی پیک کے منصوبوں پر غیر معمولی رفتار سے کام پر وزیراعلی شہبازشریف اور ان کی ٹیم کی تعریف کی-ڈی جی این ڈی آر سی نے کہا کہ 1320میگا واٹ کے ساہیوال کول پاور پراجیکٹ کو جس مثالی رفتار سے مکمل کیا گیاہے اس پر ہمیں بہت خوشی ہوئی ہے-وزیراعلی شہبازشریف اور ان کی ٹیم انتہائی محنت او رعزم کے ساتھ سی پیک کے منصوبوں کو آگے بڑھا رہی ہے-مجھے پنجاب میں سی پیک کے منصوبوں پر ہونے والی پیشرفت دیکھ کر دلی مسرت ہوئی ہے- انہوں نے کہا کہ سی پیک کے منصوبوں کے نتائج بہت اہمیت رکھتے ہیں اوران منصوبوں میں ملنے والی نمایاں کامیابیوں کا کریڈٹ وزیراعلی شہبازشریف کی لیڈر شپ کو جاتا ہے-شہبازشریف صوبہ پنجاب کے عوام کی فلاح وبہبود کے لئے بے پناہ محنت سے کام کررہے ہیں اورپنجاب میں کام کرنے والے چینی انجینئر ز اور ورکرز کا بہترین انداز میں خیال رکھا جا رہاہے- انہوں نے کہا کہ وزیر اعلی پنجاب نے پاک چین دوستی کو مزید مستحکم کرنے میں نمایاں کردار اد ا کیا ہے- وزےراعلیٰ پنجاب محمد شہبازشرےف نے صوبائی کابےنہ کمےٹی برائے فلڈ کو ہداےات دیتے ہوئے کہا ہے کہ مون سون سیزن اور ممکنہ سیلاب کے حوالے سے تمام ضروری انتظامات مکمل رکھے جائےں اور اس ضمن میں متعلقہ ادارے پوری طرح چوکس رہےں۔ صوبائی اور وفاقی متعلقہ ادارے مربوط انداز سے کام کرےں اور کسی بھی ہنگامی صورتحال سے نمٹنے کےلئے بہترےن انتظامات ہونے چاہئیں اور متعلقہ محکمے اور ادارے بہترےن کوآرڈینیشن کے تحت فرائض سرانجام دےں۔ متعلقہ محکمے بارشوں اور ممکنہ سیلاب کے حوالے سے ایمرجنسی پلان مرتب کریں۔ وزےراعلیٰ پنجاب محمدشہباز شریف نے کوئٹہ کے علاقے کلی دیبہ میں ایس پی قائدآباد کی گاڑی پر فائرنگ کے واقعہ کی شدےد مذمت کی ہے۔ وزیراعلیٰ نے فائرنگ کے باعث ایس پی قائدآباد مبارک شاہ سمیت 4 پولیس اہلکاروں کی شہادت پر گہرے دکھ اورافسوس کا اظہار کیا ہے۔