جندروٹ سیکٹر(ویب ڈیسک) لائن آف کنٹرول پر بھارتی فوج کی بلااشتعال فائرنگ سے 2 شہری شہید جب کہ خواتین سمیت 3 افراد زخمی ہوگئے۔آئی ایس پی آرکی جانب سے جاری بیان کے مطابق بھارتی فوج نے لائن آف کنٹرول کے جندروٹ اورتتہ پانی سیکٹرمیں سول آبادی کومارٹر گولوں سے نشانہ بنایا، جس کے نتیجے میں 2 شہری شہید ہوگئے۔ جاں بحق شہریوں کی شناخت 18 سالہ وقار یونس اور19 سالہ اسد علی کے نام سے ہوئی ہے جب کہ 30 سالہ محمد شہباز،35 سالہ شمائلہ، خورشید اور14 سالہ حفصہ شبیر زخمی ہوئیں۔ جاں بحق ہونے والے دونوں نوجوانوں کا تعلق بھابھرا گاو¿ں سے ہے جب کہ زخمی دونوں خواتین چک رالی گاو¿ں کی رہائشی ہیں۔پاک فوج کے شعبہ اطلاعات عامہ کے مطابق بھارتی جارحیت پر پاک فوج نے بھی بھر پور جواب دیا ہے اور بھارتی فوجی چوکیوں کو نشانہ بنایا، جس میں بھارتی فوجیوں کی ہلاکتوں کی اطلاعات ہیں۔واقعے کے بعد بھارتی ڈپٹی ہائی کمشنرکودفترخارجہ طلب کیا گیا اورایل اوسی پربھارتی فائرنگ اور2 شہریوں کی شہادت کے واقعے پر احتجاج ریکارڈ کرایا گیا۔

راولپنڈی:بھارتی فورسز نے ایک بار پھر لائن آف کنٹرول پر سیز فائر معاہدے کی خلاف ورزی کرتے ہوئے نکیال اور کیانی سیکٹرز پر بالااشتعال فائرنگ اور گولا باری کی ہے۔پاک فوج کے شعبہ تعلقات عامہ (آئی ایس پی آر) کے مطابق بھارت نے لائن آف کنٹرول پر سیز فائر معاہدے کی خلاف ورزی کرتے ہوئے نکیال اور کیانی سیکٹر کو نشانہ بنایا، بھارتی فورسز کی جانب سے بھاری ہتھیاراورتوپ خانے کا استعمال کیا گیا۔ترجمان پاک فوج کے مطابق بھارت کی جانب سے بلااشتعال فائرنگ کا پاک فوج کی جانب سے بھرپور جواب دیا گیا اور بھارتی موچوں کو بھرپور انداز میں نشانہ بنایا۔