ہری پور (خصوصی رپورٹ) گھر کی دےوار پر ”ہندوستان زندہ باد“ کا نعرہ درج کرنے والا نوجوان پولیس نے گرفتار کرلیا ہے۔ سٹی پولےس نے اےس اےچ او کی مدعےت مےں مقدمہ درج کر کے تفتےش شروع کر دی۔ سٹےشن ہاﺅس آفےسر تھانہ سٹی سعےدالرحمن ےدون نے ”اے پی پی“ کو بتاےا کہ وہ اے ایس آئی منےر حےات کے ہمراہ گشت کے لےے چھپر موڑ موجود تھا کہ اطلاع ملی کی ساجد شاہ ولد برکت شاہ نے اپنے گھر کی بےرونی دےوار پر ہندوستان زندہ باد کا نعرہ تحرےر کےا ہے جس پر معہ نفری موقع پر پہنچا تو دےوار پر ہندوستان زندہ باد کی تحرےر موجود تھی۔ مذکورہ مکان کے دروازے پر دستک دی تو تحرےر کرنے والا نوجوان باہر آےا جسے گرفتار کر کے تھانہ سٹی مےں زےر دفعہ 505مقدمہ درج کر کے تفتےش شروع کر دی گئی ہے۔

لاہور (خصوصی رپورٹ)نیب لاہور نے سابق اکاﺅنٹنٹ جنرل زاہد رشید کیخلاف کرپشن کیش میں پیش رفت کرتے ہوئے شریک ملزم محمد شکیل کو گرفتار کرلیا۔ نیب لاہور کرپشن کے کیس میں پہلے چار ملزمان کو گرفتار کرچکا ہے جن پر ملی بھگت کرتے ہوئے 9کروڑ 20لاکھ روپے کے غبن میں شریک ملزمان ہونے کا الزام ہے، ملزم محمد شکیل پر الزام ہے کہ ملزم نے اے جی آفس کی ٹوکن مشین کو اپنے قبضہ میں کھا اور جعلی رسیدیں بنواتا رہا جبکہ جعلی رسیدوں کی مد میں مسلسل خطیر رقوم کے چیک بھی وصول کرتا رہا۔نیب لاہور نے ملزم محمد شکیل کو احتساب عدالت کے روبرو پیش کرتے ہوئے ملزم کا 7روز جسمانی ریمانڈ حاصل کرلیا۔