لاہور (خصوصی رپورٹ)نیب لاہور نے سابق اکاﺅنٹنٹ جنرل زاہد رشید کیخلاف کرپشن کیش میں پیش رفت کرتے ہوئے شریک ملزم محمد شکیل کو گرفتار کرلیا۔ نیب لاہور کرپشن کے کیس میں پہلے چار ملزمان کو گرفتار کرچکا ہے جن پر ملی بھگت کرتے ہوئے 9کروڑ 20لاکھ روپے کے غبن میں شریک ملزمان ہونے کا الزام ہے، ملزم محمد شکیل پر الزام ہے کہ ملزم نے اے جی آفس کی ٹوکن مشین کو اپنے قبضہ میں کھا اور جعلی رسیدیں بنواتا رہا جبکہ جعلی رسیدوں کی مد میں مسلسل خطیر رقوم کے چیک بھی وصول کرتا رہا۔نیب لاہور نے ملزم محمد شکیل کو احتساب عدالت کے روبرو پیش کرتے ہوئے ملزم کا 7روز جسمانی ریمانڈ حاصل کرلیا۔
