اسلام آباد (ویب ڈیسک)قومی احتساب بیورو (نیب) لاہور نے وزیراعلیٰ پنجاب شہباز شریف کو صاف پانی کمپنی کرپشن کیس میں 4 جون کو طلب کرلیا۔نیب حکام کے مطابق وزیراعلیٰ پنجاب شہباز شریف سے صاف پانی کمپنی کیس کے حوالے سے پوچھ گچھ کی جائے گی۔اس حوالے سے وزیراعلیٰ پنجاب شہباز شریف کو نیب کی جانب سے سوالنامہ بھی بھجوادیا گیا ہے۔چیف جسٹس کا جاتی امرائ، وزیراعلیٰ و گورنر ہاو¿س پنجاب سے فوری رکاوٹیں ہٹانے کا حکم ،نیب لاہور صاف پانی کمپنی کرپشن کیس میں کروڑوں روپے کی مالی بے ضابطگیوں کے الزام میں 4 اعلیٰ افسران ناصر قادر بھدل، ڈاکٹر ظہیر الدین، محمد سلیم اور محمد مسعود اختر کو گرفتار کرچکی ہے۔ناصر قادر بھدل صاف پانی کمپنی میں چیف پروکیورمنٹ ا?فیسر، ڈاکٹر ظہیر الدین چیف ٹیکنیکل ا?فیسر تھے۔ کنسلٹنٹ انجینئر محمد سلیم اختر صاف پانی کمپنی کیساتھ بطور پروکیورمنٹ و کنٹریکٹ اسپیشلسٹ اور محمد مسعود اختر مینیجنگ ڈائریکٹر کے ایس بی پمپس بطور کنٹریکٹر منسلک رہے۔نیب کے مطابق ملزمان کی ملی بھگت سے حکومتی خزانے کو کروڑوں روپے کا نقصان پہنچا۔ ملزمان نے بہاولپور ریجن میں انتہائی مہنگے داموں 116 واٹر فلٹریشن پلانٹس نصب کیے۔یاد رہے کہ رواں برس 11 فروری کو سپریم کورٹ میں صاف پانی ازخود نوٹس کی سماعت میں وزیراعلیٰ پنجاب شہباز شریف عدالت میں پیش ہوئے تھے۔وزیراعلیٰ پنجاب شہباز شریف نے عدالت کو یقین دہانی کرائی تھی کہ تین ہفتوں میں صاف پانی کی فراہمی اور واٹر ٹریٹمنٹ کا منصوبہ پیش کردیں گے۔علاوہ ازیں وزیراعلیٰ پنجاب آشیانہ اقبال کرپشن کیس میں بھی نیب میں پیش ہوچکے ہیں۔ نیب نے احد چیمہ کو 21 فروری کو ا?شیانہ ہاو?سنگ اسکیم کی اراضی میں خورد برد کے الزام میں گرفتار کیا تھا جس کے بعد سے وہ اب تک نیب کی تحویل میں ہیں۔

پشاور(ویب ڈیسک)چیف جسٹس آف پاکستان جسٹس ثاقب نثار نے سانحہ آرمی پبلک اسکول کے حوالے سے جوڈیشل کمیشن بنانے کا حکم دے دیا۔سپریم کورٹ پشاور رجسٹری میں سانحہ آرمی پبلک اسکول کیس کی سماعت ہوئی جس میں چیف جسٹس ثاقب نثار نے جوڈیشل کمیشن بنانے کا حکم دیا۔چیف جسٹس میاں ثاقب نثار نے حکم دیا کہ 2 ماہ کے اندر واقعے کے حوالے سے رپورٹ پیش کی جائے۔سماعت کے دوران شہید طالب علم کے والد فضل خان کو عدالت سے باہر بھیج دیا گیا، چیف جسٹس نے فضل خان کو ہاتھ سے پکڑ کر باہر بھیجنے پر برہمی کا اظہار کیا۔یاد رہے کہ 16 دسمبر 2014 کو پشاور کے ا?رمی پبلک اسکول پر دہشت گردوں کے حملے میں 130 سے زائد طلباء سمیت 144 افراد شہید ہوئے گئے تھے۔یہ پاکستان کی تاریخ کے بدترین دہشت گرد حملوں میں سے ایک تھا۔رواں برس 8 فروری کو پشاور ہائی کورٹ نے بھی سانحہ آرمی پبلک اسکول کی پولیس رپورٹ کو عام کرنے کا حکم دیا تھا۔سانحہ آرمی پبلک کے خلاف شہداءفورم نے پشاور ہائی کورٹ میں درخواست دائر کی تھی جس میں جوڈیشل کمیشن بنانے اور تحقیقاتی رپورٹ عام کرنے کی درخواست کی گئی تھی تاہم چیف جسٹس پشاور ہائیکورٹ نے کہا تھا کہ جوڈیشل کمیشن بنانا ہائیکورٹ کا اختیار نہیں بلکہ صوبائی حکومت کا اختیار ہے۔

پشاور(ویب ڈیسک) چیف جسٹس پاکستان میاں ثاقب نثار نے پشاور میں قائم تمام چیک پوسٹیں ختم کرنے کا حکم دے دیا۔چیف جسٹس پاکستان جسٹس میاں ثاقب نثار مختلف کیسز کی سماعت کے لیے پشاور پہنچے۔جسٹس میاں ثاقب نثار نے حکم دیا کہ 24گھنٹے کے اندر اندر پشاور شہر میں قائم تمام رکاوٹیں ختم کی جائیں اور شہر میں بند کیے گئے تمام راستوں کو کھولا جائے۔چیف جسٹس پاکستان نے کہا کہ چیف سیکریٹری بتائیں کن سفارت خانوں اور مقامات پر سیکیورٹی ضروری ہے، عدالت کی اجازت لے کر وہاں چیک پوسٹیں بنائی جائیں۔

اسلام آباد(ویب ڈیسک) چیئرمین تحریک انصاف عمران خان کا کہنا ہے کہ خلائی مخلوق کا پتا چلانا ہے تو اصغر خان کیس کھول دیں سب پتا چل جائے گا کہ لاڈلہ کون تھا اور کیسے پیسے بانٹے گئے۔جنوبی پنجاب صوبہ محاذ کے پی ٹی آئی میں انضمام کے موقع پر میڈیا سے گفتگو میں عمران خان نےکہا کہ پہلی مرتبہ خیبرپختونخوا میں تحریک انصاف اقتدار میں ا?ئی، وہاں لوگوں کو گیس اور پانی کا پورا حصہ نہیں ملتا، باہر سے جو سرمایہ کاری آتی ہے تو وفاق اسے ہونے نہیں دیتا، اس عمل سے احساس محرومی پیدا ہوتا ہے۔انہوں نے کہا کہ جنوبی پنجاب میں احساس محرومی بڑھتی جارہی ہے، لاہورمیرا شہر ہے جہاں پنجاب کا 53 یا 55 فیصد ترقیاتی بجٹ لگتا ہے، مجھے خوش ہونا چاہیے لیکن اس سے لاہور کے قریبی شہر شیخوپورہ، قصور اور دیگر ترقی سے رہ جاتے ہیں، یہی احساس محرومی جنوبی پنجاب میں ہے۔چیئرمین تحریک انصاف کا کہنا تھا کہ صوبہ بنانا ا?سان نہیں لیکن ہم ابھی کمیٹی بنادیں گے اور اس کی پوری تیاری کریں گے، فاٹا کا انضمام بھی بہت ضروری ہے اور وہ ا?سان نہیں لیکن اس کے لیے ہم کوشش کریں گے۔انہوں نے کہا کہ بلدیاتی نظام لانا بھی ضروری ہے، جب تک بلدیاتی نظام نہیں ا?ئے گا نچلی سطح پر لوگوں کے مسئلے حل نہیں ہوں گے۔خلائی مخلوق سے متعلق سوال پر عمران خان کا کہنا تھاکہ خلائی مخلوق کا پتا چلانا ہے تو اصغر خان کیس کھول دیں، پتا چل جائےگا کہ کیسے پیسے بانٹے گئے، نوازشریف کو اس وقت 35 لاکھ ملے، شہبازشریف کو پیسے ملے اور جاوید ہاشمی کو بھی براہ راست پیسے ملے، اصغر خان کیس سے پتا چل جائے گا کہ لاڈلہ کون تھا لہٰذا نوازشریف اپنے تجربے سے خلائی مخلوق کی بات کرتے ہیں۔چیئرمین پی ٹی آئی نے کہا کہ فاٹا کا نظام دہشت گردی کی وجہ سے تباہ ہوگیا، اب ان کے پاس کوئی نظام نہیں، فاٹا کے لوگ خیبرپختونخوا کا حصہ نہں بننا چاہتے تھے، ان پر جو ظلم ہوئے ان کو کوئی پوچھنے والا نہیں، صوبائی اسمبلی میں ان کی کوئی نمائندگی نہیں، فاٹا والے پاکستان میں یتیم بن گئے، فاٹا کے نوجوانوں کا مطالبہ ہے کہ ان کی بھی آواز ہو۔عمران خان کہنا تھاکہ اس وقت کسی جماعت سے اتحاد کا ارادہ نہیں، صرف مولانا سمیع الحق سے خیبرپختونخوا میں اتحاد ہوگا، الیکشن وقت پر ہوں گے اور ہونے بھی چاہئیں، ہماری پوری تیاری ہی ٹائم کے لیے ہے، ہم 25 جولائی کے لیے مکمل تیار ہیں۔انہوں نےکہا کہ الیکشن کے لیے ٹکٹ میرٹ پر دیں گے اور ٹکٹ دینے کا حتمی فیصلہ میں خود کروں گا۔

اسلام آباد (ویب ڈیسک )اسلام آباد ہائیکورٹ نے رمضان ٹرانسمیشن اورمارننگ شوزمیں پیمرا کے ضابطہ اخلاق پرعملدرآمدکیس کا محفوظ فیصلہ سنا دیا،عدالت نے رمضان المبارک میں لاٹری،جوااورسرکس پرمشتمل پروگراموں پرپابندی عائدکردی۔ اسلام آبادہائیکورٹ کے جسٹس شوکت عزیزصدیقی نے مختصرفیصلہ سنایا۔میڈیا رپورٹس کے مطابق عدالت نے وزارت اطلاعات،داخلہ اورپیمراکوعدالتی ہدایات پرعمل کرانے کاحکم دے دیا عدالت نے سیکرٹری اطلاعات وداخلہ اورچیئرمین پیمراپرمشتمل کمیٹی بنادی جو رمضان کے پہلے عشرے کی رپورٹ ہائیکورٹ پیش کرے۔عدالت نے اپنے ریمارکس میں کہا ہے کہ تمام چینلز یقینی بنائیں کہ رمضان کے تقدس پر کوئی سمجھوتہ نہ ہو،تمام چینلز 5وقت مسجد الحرام اور مسجدنبوی کی اذان نشرکریں،عدالتی حکم میں کہا گیا ہے کہ 10فیصدغیرملکی موادمیں بھی ریاست اوراسلام مخالف چیزوں کی مانیٹرنگ ہونی چاہئے۔