اسلام آباد(صباح نیوز) سپریم کورٹ نے اصغر خان علمدر آمد کیس کی سماعت کے دوران 1990کے انتخابات میں دھاندلی میں ذمہ دار سابق فوجی افسران کے خلاف کارروائی کا حکم دے دیا۔منگل کوچیف جسٹس پاکستان جسٹس میاں ثاقب نثار کی سربراہی میں سپریم کورٹ کے 3 رکنی بنچ نے اصغر خان عمل درآمد کیس کی سماعت کی۔ اٹارنی جنرل اور ڈی جی ایف آئی اے عدالت کے روبرو پیش ہوئے۔ سماعت کے دوران چیف جسٹس نے ریمارکس دیئے کہ عدالت اصغر خان کیس میں فیصلہ دے چکی ہے، نظر ثانی کی درخواستیں خارج کی جا چکی ہیں، اب عدالتی فیصلہ پر عمل درآمد ہونا ہے، عدالتی فیصلوں پر من وعن عمل ہونا چاہیے، فیصلہ میں ذمہ داران کے خلاف کارروائی کا حکم حکومت کو دیا گیا لیکن وفاقی حکومت نے عدالتی فیصلے کے بعد آج تک کوئی ایکشن نہیں لیا، ایف آئی اے کی تحقیقات بھی ایک جگہ پر رک گئی، یہ نہیں معلوم آرٹیکل 6 کا مقدمہ بنتا ہے یا نہیں،معاملہ ایف آئی اے میں جانا ہے یا نیب میں جانا ہے؟۔ کیا سابق فوجی افسروں کا ملٹری کورٹ میں ٹرائل ہونا چاہیے۔چیف جسٹس نے دوران سماعت ریمارکس دیئے کہ سابق فوجی افسروں کا ملٹری کورٹ میں ٹرانزٹ ہونا چاہیے، آئین کی ہر خلاف ورزی آرٹیکل 6 کے زمرے میں نہیں آتی، سابق فوجی افسروں کا ٹرائل کہاں ہوگا یہ طے کرنا حکومت کا کام ہے، پرویز مشرف کے خلاف آرٹیکل 6 کی کارروائی کا فیصلہ حکومت نے کیا۔اٹارنی جنرل نے عدالت کو بتایا کہ اگر کوئی جرم ہوا ہے تو اسکا ٹرائل ہونا چاہیے، اسد درانی اور اسلم بیگ کے بیانات قلمبند نہیں ہوئے، اب ایف آئی اے ان لوگوں کے بیانات ریکارڈ کرے گی، فوجداری ٹرائل ایف آئی اے کی تحقیقات کے بعد ہو گا۔اصغر خان مرحوم کے وکیل سلمان اکرم راجا نے عدالت کے روبرو موقف اختیار کیا کہ اسد درانی اور اسلم بیگ کے خلاف ایکشن اور دیگر کے خلاف تحقیقات ہوں گی۔ عدالت کے سامنے اصغر خان کیس میں بڑے انکشافات ہوئے، سابق فوجی افسران کے جرم کا آرمی ایکٹ، الیکشن ایکٹ اور آئین کے تحت جائزہ لیا جائے، ملٹری کورٹ میں کس جرم کا ٹرائل ہوگا یہ طے ہونا چاہیے۔چیف جسٹس نے حکم دیا کہ حکومت 1990 کے انتخابات میں دھاندلی کے ذمہ دار سابق فوجی افسران کے خلاف ایک ہفتہ میں کارروائی کا فیصلہ کرے، یہ فیصلہ کابینہ اجلاس میں کیا جائے، جس پر اٹارنی جنرل نے استدعا کی کہ فیصلہ کے لیے دو ہفتے دے دیں جسے چیف جسٹس نے مسترد کردیا۔ کیس کی مزید سماعت آئندہ ہفتے ہوگی۔

لاہور (کرائم رپورٹر) ایف آئی اے سائبر کرائم سرکل کا اشتہاری ملزم سابق ایس ایس پی سید جنید ارشد ایف آئی اے کی پہنچ سے دور ،ایف آئی اے کی آفیشل ویب سائٹ پر بھی ملزم کی تصویر انتہائی مطلوب ملزم کے طور پر اپ لوڈ کردی گئی ، لاکھ کوششوں کے بعد بھی سوشل میڈیا پر جنسی ہراساں کرنے والے سابق ایس ایس پی کو ایف آئی اے تلاش کر نے میں ناکام ۔ بتایا گیا ہے کہ سابق ایس ایس پی سید جنید ارشد ولد سید ارشد حسین کے خلاف تقریباًایک سال قبل ایف آئی اے سائبر کرائم سرکل لاہور کے دفتر میں سوشل میڈیا پر تصاویر ایڈیٹ کر کے خواتین کو جنسی ہراساں اور بلیک میل کرنے کی درخواست دائر کی گئی جس پر ایف آئی اے کی جانب سے 8جون 2017کو ایف آئی اے سائبر کرائم سرکل لاہور میںمقدمہ نمبر 59/17 درج کرلیا گیا لیکن ملزم خود ایس ایس پی رینک کا ہونے کی وجہ سے فوری طور پر کاروائی عمل میں نہیں لائی گئی جس پرملزم کو روح پوش ہونے کا مکمل موقع ملا اور وہ فرار ہوگیا ۔ ایف آئی اے سائبر کرائم سرکل لاہور کے انسپکٹر اظہر ریاض کی جانب سے 30جنوری 2018کو عدالت سے استدعا کی گئی کہ ملزم سابق ایس ایس پی سید جنید ارشد ولد سید ارشد حسین سکنہ مکان نمبر38گلی نمبر 60سیکٹر F-11/4اسلام آبادکو اشتہاری قرار دیا جائے جس پر جوڈیشل مجسٹریٹ محمد امتیاز باجوہ کی جانب سے ملزم سید جنید ارشد کو اشتہاری قراردیدیا گیا ۔ عدالت کی جانب سے ملزم کو اشتہاری قرار دیئے جانے کے بعد ملزم سابق ایس ایس پی سید جنید ارشد ولد سید ارشد حسین کی تصویر ایف آئی اے کی آفیشل ویب سائٹ پر اپ لوڈ کر کے ساتھ انتہائی مطلوب بھی لکھ دیا گیا ہے۔

لاہور (خصوصی ر پو رٹر )پا کستان سپر کبڈ ی لےگ پر مبےنہ طو ر پر کروڑوں رو پے کا جوا ہونے کا انکشاف ، ٹےم منےجرزسمےت کھلا ڑ ےو ں کی جا نب سے لا کھو ں رو پے میچز ہارنے کے عوض وصول کیا گیا ۔واضح ر ہے مذکو ر ہ لےگ میں 10ٹےمو ں کو دو گروپو ں میں تقسےم کےا گےاتھا ۔ سپر کبڈی لیگ کے میلے کاآغاز کے بعد جس کی خاص بات کبڈی کے دیسی کھیل کو لگنے والا ولائیتی تڑکا ہے یعنی کبڈی غیر ملکی بھی کھیلیں ۔مذکو رہ ٹیموںنے دس دس بہترین کھلاڑیوں کا انتخاب کر رکھا ہے، مجموعی طور پر 10 غیر ملکیوں سمیت 100 سے زائد کھلاڑی ایونٹ کا حصہ ہیں،بکیوں کے ذرائع نے بتا ےا ہے کہ پاکستان میںدوسرے معروف کھیلوں کے ساتھ ساتھ اب ملک میںکبڈی لےگ کے انعقادپر جہا ں کروڑوں شہری جشن منا رہے تھے ،وہا ں سٹہ بازوں نے جواریوں سے مذکو ر ہ لےگ میں جوا کروانے کے عوض کرو ڑو ں روپے کما لیے ۔جس میں مبےنہ طو ر پر کھلا ڑےو ں اور ٹےم منےجر کی جا نب سے بھی لا کھو ں رو پے سٹہ میں کما نے کا انکشاف ہوا ہے ۔ معلوم ہوا ہے کہ صو با ئی دا ر الحکومت سمےت پا کستان بھر میں مختلف مقاما ت میں بکیوں کی جانب سے گزشتہ روز بھی کبڈی لیگ کے ہر میچ پرکھلے عام جوا کھیلا گیااور جواری اس کھیل پر بھی کروڑوں رو پے کما تے رہے۔ ذرا ئع کا کہنا ہے کہ کبڈی لےگ کے دوران بڑے بکیوں کی جانب سے چھاپوں سے بچنے کے لیے ذہانت کا مظاہرہ کرتے ہوئے ہائی ایکس ویگنز اور کوسٹروں میں سیٹ اپ لگائے گئے تھے اور بکی ان سیٹ اپ لگی گاڑیوں پرلاہوراور کرا چی سمےت مختلف شہروں میں سپرہائی وے، مو ٹر وےز پر چلتے ہوئے جوا بک کرتے رہے ۔ ذرا ئع کا کہنا ہے کہ ایک کوسٹر میں 10 جبکہ ہائی ایکس وین میں 8 تک بکیوں کے نمائندے موجود تھے جو موبائل فون پران میچز پر جوا بک کر رہے تھے۔اس حوالے سے بکیوں نے نئے نمبرز حاصل کیے تھے جو کبڈی میچ کے آغازسے ایک گھنٹہ قبل کھول کر واٹس ایپ گروپوں پر چلائے گئے تھے۔ ذرائع کا کہنا ہے کہ بکیوں کی در جنو ں گا ڑےاں سپرہائی وے پر موجود تھیں، کرا چی کے بڑے بکےو ں جس میں بدنام بکی فیصل بافیلا کے کارندے زیادہ تر کوسٹروں میں سوار تھے جبکہ” جمائی راجہ “اور” فیصل بابا “کے کارندے بھی ہائی ایکس وینوں میں بیٹھ کر جوا بک کرتے رہے۔اس کے علاوہ لاہور ، حےدر آبا د، فےصل آبا د ، سمےت مختلف مقامات پر عرفات اور فاروق مرچنٹ کے کارندوں کی جانب سے حیدر آباد میں اپنا سیٹ اپ لگایا گیا تھا جبکہ کھارادر میں راحیل کالا، گارڈن میں فیضان صادق، اسی طرح لاہور سے میاں عارف عرف باس ،نئیر جوکی،صدیق جج سمیت حاجی ناصر وغےر ہ شامل ہیں ۔دوسری جا نب پولیس ذرائع نے بتایا ہے کہ گزشتہ روز فیصل آباد شیر دل اور گوادر بہادر کے درمیان کھیلا جانے والا میچ بھی مبینہ طورفکس تھا جس پر لاہور کے جواریوں کی طرف سے کروڑوں روپے شرطیں لگائی گئی مگر حیرت انگیز طور پر یہ میچ گوادربہادر ہار گئی۔جس سے جواریوں کے کروڑوں روپے ڈوب گئے نام نہ ظاہر کرنے کی پر ایک جواری نے بتایا کہ ہارنے والی ٹیم اور اس کی مینجمنٹ نے لاکھوں روپے اس کے عوض وصول کئے۔

اسلام آباد (این این آئی) لال مسجد کے خطیب مولانا عبدالعزیز نے آپریشن کے 11 سال بعد مسجد کا منبر و محراب سنبھالنے کا فیصلہ کرلیا ہے۔شہداءفاو¿نڈیشن آف پاکستان کے رہنما حافظ احتشام احمد کی جانب سے جاری ہونے والے بیان کے مطابق خطیب لال مسجد مولانا عبدالعزیز غازی 11 مئی کو لال مسجد اسلام آباد جائیں گے اور وہاں جمعہ کے اجتماع سے خطاب کریں گے۔انہوں نے بتایا کہ خطیب لال مسجد مولانا عبدالعزیز غازی تقریبا ساڑھے 4 سال بعد لال مسجد میں داخل ہوں گے۔خیال رہے کہ اس سے قبل چوبیس دسمبر 2014 کو مولانا عبدالعزیز غازی نے لال مسجد میں نماز جمعہ کے اجتماع سے خطاب کیا تھا۔بیان میں کہا گیا کہ امید ہے کہ حکومت اور وفاقی انتظامیہ خطیب لال مسجد مولانا عبدالعزیز کے لال مسجد جانے پر کوئی رکاوٹ کھڑی نہیں کرے گی۔انہوں نے کہا کہ مولانا عبدالعزیز غازی پر اب کوئی مقدمہ نہیں اور وہ لال مسجد کے آئینی و قانونی خطیب ہیں جبکہ ساڑھے 4 سال تک انہیں لال مسجد جانے سے روکنا خلاف آئین و قانون تھا۔