دہلی (ویب ڈیسک)بھارت میں بسنے والے غریبوں کے نیویارک ٹائمز نے حالات شائع کر کے مودی کی نا لائق حکمرانی کا پول کھول دیا۔مودی کے بھارت میں آج بھی اونچی ذات کے لوگوں کا راج برقرار‘نیچی ذات کے لوگ سسکتی زندگیوں کیساتھ موت کو گلے لگانے کو ترجیح دینے لگے۔چھوٹے شہروں اور گاﺅںسے ممبئی میں کام کیلئے جانیوالے لاک ڈاﺅن کے سبب بیروزگاری سے تنگ آ کر خود کشیوں پر مجبورجبکہ زیادہ ترواپسی کی راہیںچننے پر مجبور ہو گئے۔تفصیلات کے مطابق مارچ میں کورونا وائرس کے سبب لاک ڈاﺅن کے آغاز میں 618 ہلاکتوں کیساتھ13کرونا کے کیسز تھے جو اب بڑھ کر ڈیڑھ لاکھ مریضوں میںبدل چکے ہیں جبکہ4ہزار 3سو افرادلقمہ اجل بن چکے ہیں جو مودی حکومت کی ناکامی کا منہ بولتا ثبوت ہیں۔ ہر نیا دن بھارت میںغربت کے سورج کی کرنیںلے کر آتا ہے اور ہر ڈھلتی شام ہزاروں نئے فاقہ زدوں کو جنم دیکر رات کی آغوش میں مزید آنسو اور آہیں چھوڑکر رخصت ہوتی ہے۔لاک ڈاﺅن میں بھی بھارت میں دو ماہ میں کورونا وائرس کے ٹیسٹ نہ ہونے کے باعث ہزاروں زندگیاں موت کے پہلو میں ایڑیاں رگڑنے لگی ہیں۔جو بھی کورونا وائرس کا مریض مر جاتا ہے اس کا کسی کو پتہ تک نہیںچلتا۔ اس کی آخری رسومات روایتی طریقوں سے کرنے کی وجہ سے سینکڑوں مزید مریضوں کا جنم ہوتاہے جو مودی حکومت کی ناکا م پالیسیوں پر اپنی قسمت کو کوستے ہوئے اس دنیا کو الوداع کہہ کر اہل خانہ کو روتا چھوڑ جاتے ہیں۔ بھارت میں آئے روز کورونا وائرس سے متاثرہ افراد کی تعداد تیزی سے بڑھ رہی ہے۔ دوسری طرف غربت سے تنگ آئے افراد مودی حکومت سے لاک ڈاﺅن کھولنے کامطالبہ کر رہے ہیں اور یہ شورش بھی آئے روز زیادہ زور سے سر اٹھا تی جا رہی ہے۔لاک ڈاﺅن کے تسلسل کی وجہ سے بھارت کی معاشی حالت کا جنازہ بھی نکل چکا ہے لیکن مودی حکومت صرف اونچی ذات کے افراد کو سہولتیں دینے کو آمادہ نظر آتی ہے۔بھارت کے پانچ بڑے شہروں میں کرونا وائرس کے کیسز کی تعداد ساٹھ فیصد تک بتائی گئی ہے۔تاہم چھوٹے شہروں میں بھی صورتحال مختلف نہیں لیکن وہاں صحت کی سہولیات نہ ہونے کی وجہ سے کورونا سے متاثرہ مریض یونہی دم توڑ رہے ہیں۔جن پانچ شہروں میں ساٹھ فیصد کورونا وائرس کی تشخیص ہوئی ہے ان میں ممبئی‘ دہلی ‘احمد آباد ‘چنائی اور پونا شامل ہیں۔مودی کے آبائی شہر گجرات میں بھی حالات ممبئی سے مختلف نہیں جو مودی کی ناکامی کا کھلا ثبوت ہیں۔گجرات ہائیکورٹ کے ریمارکس بھی مودی حکومت کی ناکامی کی قلعی کھولتے ہیں جن میں کہا گیا ہے کہ حکومتی ہسپتالوں میں ادویات نہ ہونے کے سبب غریب آدمی وائرس کا شکار ہو کر مر رہے ہیں جبکہ امیروں کیلئے پرائیویٹ ہسپتال موجود ہیں جو اپنا علاج پیسے سے کروا کر صحتیاب ہو جاتے ہیں۔ ریمارکسمیں کہا گیا کہ لاک ڈاﺅن نے بھوک اور افلاس کو جنم دیا ہے ۔ گاﺅں سے آنے والے شہروں میں روٹی ڈھونڈتے ہیں انہیں کورونا کی نہیں روٹی کی فکر ہے جو مودی حکومت کیلئے ایک سوالیہ نشان بن چکا ہے۔ لاک ڈاﺅن میں پبلک ٹرانسپورٹ بند ہونے سے غریب لوگ روز دس سے بیس کلومیٹر کا فاصلہ پیدل طے کرتے ہیں جس کی وجہ سے وہ گرمی کا شکا رہو کر بھی موت کی وادی میں داخل ہو رہے ہیں۔محتاط اندازے کے مطابق بھارت میں پانچ لاکھ کورونا کے ایسے مریض ہیں جو بغیر ٹیسٹ کے روزی کی تلاش میں روزانہ نکلتے ہیں اور ہر نکلنے والا مریض اوسطاََ دس سے پندرہ نئے مریض پیدا کر کے گھر لوٹتا ہے۔

بیجنگ: (ویب ڈیسک) چینی صدر شی جن پنگ نے پیپلز لبریشن آرمی سے کہا ہے کہ ملک کا دفاع مزید مضبوط کیا جائے، فوج بد ترین حالات کے لیے اپنی مشقیں مکمل کر لے۔پیپلز لبریشن آرمی کے نمائندوں سے گفتگو کرتے ہوئے صدر شی جن پنگ نے کہا کہ پوری طاقت کے ساتھ قومی خود مختاری، سیکورٹی اور ترقی سے منسلک مفادات کی حفاظت کی جائے گی۔چینی صدر نے کہا کہ تمام حالات سے فوری اور موثر طریقے سے نمٹنے کے لیے فوج اپنی ٹریننگ کو بڑھائے۔ غیر ملکی خبر رساں ادارے کے مطابق شی جن پنگ کی طرف سے فوج کو تیار رہنے کے حکم کو بھارت کیساتھ فوجی ٹکراو¿ کے بڑھتے خدشات کے پیش نظرغیر معمولی قرار دیا جا رہا ہے۔چینی میڈیا کا کہنا ہے کہ صدر شی جن پنگ کا یہ بیان ایک ایسے وقت میں سامنے آیا ہے جب بھارت اور چین کی فوجوں کے درمیان کشیدگی مسلسل بڑھتی جا رہی ہے، اس لیے یہ غیر معمولی ہے۔قابل ذکر بات یہ ہے کہ کچھ عرصے سے لداخ اور شمالی سکم میں حقیقی کنٹرول لائن پر بھارت اور چین نے اپنی اپنی افواج کی تعداد میں اضافہ کر دیا ہے۔گزشتہ دنوں ممالک کی افواج کے درمیان ہاتھا پائی کے متعدد واقعات پیش آئے۔ چینی فوج کے ذریعہ بھارتی فوجی جوانوں کو گرفتار کرنے کی خبریں بھی آئی تھیں۔بھارتی میڈیا نے سیٹلائٹ تصویروں کے ثبوت کے ساتھ دعویٰ کیا ہے کہ چین لداخ کے قریب ایک ایئر بیس کی توسیع کررہا ہے اور اس نے وہاں جنگی طیارے بھی تعینات کر دیے ہیں۔ادھر بھارتی وزیراعظم نریندر مودی نے 26 مئی کو ایک اعلیٰ سطح اجلاس بلایا تھا جس میں قومی سلامتی کے مشیر اجیت ڈوول، وزیر دفاع راج ناتھ سنگھ، چیف آف ڈیفنس سٹاف جنرل بپن راوت اور تینوں افواج کے سربراہوں نے انھیں صورتحال بارے بریف کیادوسری طرف کانگریس لیڈر راہول گاندھی نے کہا ہے کہ حکومت بھارتی عوام کو بتائے کے سرحد پر آخر کیا ہو رہا ہے؟ ہمیں مختلف طرح کی خبریں مل رہی ہیں۔ اس معاملے میں شفافیت ضروری ہے تاکہ عوام کو حقیقی صورت حال کا علم ہو سکے۔خیال رہے کہ علاقے کا جغرافیہ بدلنے کی کوشش پر چین نے بھارت کو منہ توڑ جواب دیتے ہوئے لداخ میں متنازع ایریا کا کنٹرول حاصل کر لیا ہے جبکہ سکم بارڈر پر بھی مزید فوج تعینات کر دی گئی ہے۔چین نے لداخ اور سکم کی سرحد پر مزید 5 ہزار فوجی بھیج دیے ہیں۔ چین نے کہا ہے بھارت نے متنازع علاقہ کا سٹیٹس یکطرفہ طور پر تبدیل کرنے کی کوشش کی ہے۔سکم اور لداخ کی سرحد پر چینی فوج کے مسلسل اضافے سے بھارتی فوج اور مودی سرکار کے ہوش اڑ چکے ہیں۔ چین فوج زمین دوز بنکر بھی بنا رہی ہے۔ وادی گالوان کے اطراف میں چینی فوج کے 8 سو خیمے دیکھے گئے ہیں۔چین کا کہنا ہے بھارت وادی گالوان کے قریب دفاع سے متعلق غیر قانونی تعمیرات کر رہا ہے۔ چ?نی فوج نے بھارتی فوج کے ایک دستے کو گرفتار کر لیا جسے بعد میں رہا کر دیا گیا۔ بھارتی آرمی چیف نے اسے شدید جھٹکا قرار دیا۔
چین نے کہا ہے کہ بھارت نے سکم اور لداخ میں لائن آف کنٹرول کی خلاف ورزی کی۔ بھارت نے متنازع علاقہ کا سٹیٹس یکطرفہ طور پر تبدیل کرنے کی کوشش کی ہے۔بھارتی میڈیا نے ایسی تصاویر جاری کیں ہیں جس میں دیکھا جا سکتا ہے کہ جہاں پہلے ہندوستانی فوج موجود تھی، وہاں اب چینی فوج موجود ہے۔ یہ معاملہ 5 مئی کو شروع ہوا تھا، جب مشرقی لداخ کی سرحد پر بھارتی اور چینی فوجی آمنے سامنے اآ گئے تھے۔ادھر بھارت کا نیپال کے ساتھ سرحدی تنازع بھی بڑھتا جا رہا ہے۔ نیپالی وزیراعظم نے نیا نقشہ جاری کیا جس میں کالا پانی، لمپیا دھورا اور لیپو لیکھ کے علاقے کو نیپال کا حصہ قرار دیا گیا ہے۔