کراچی: (ویب ڈیسک) سابق ٹیسٹ کپتان جاوید میاں داد مودی سرکار کے خلاف تلوار لے کر میدان میں آگئے۔کشمیری عوام سے اظہار یکجہتی کیلئے نکالی جانے والی ریلی میں شریک جاوید میاں داد نے میڈیا سے گفتگو کرتے ہوئے کہا کہ بھارتی وزیر اعظم مودی نے الیکشن جیت کر مسلمانوں کو تلوار دکھائی تھی، میں آج مودی کو تلوار دکھاتا ہوں۔جاوید میاں داد نے للکارتے ہوئے کہا کہ کرکٹ کے بلے کے ساتھ تلوار چلانا بھی جانتا ہوں، کرکٹ کے بلے سے چھکا مارا، اب تلوار چلے گی، بلا بھی تیز تھا، تلوار بھی تیز ہے۔ جاوید میاں داد نے کہا کہ کشمیری بھائی فکر نہ کریں ، ہم ان کے ساتھ ہیں، ہم پیچھے ہٹنے والے نہیں، کشمیر پاکستان بن کر رہے گا۔دوسری طرف نیشنل ہاکی سٹیڈیم لاہور میں کشمیر آور منایا گیا اور قذافی سٹیڈیم میں بھی تقریب ہوئی، سٹیڈیم سے پنجاب اسمبلی تک ریلی نکالی گئی، جس میں احسان مانی، عدنان ارشد اولکھ سمیت آفیشلز اور کھلاڑیوں نے شرکت کی۔ سپورٹس بورڈ پنجاب میں بھی یوم یکجہتی کشمیر بھرپور طریقے سے منایا گیا۔
Monthly Archives: August 2019
بالی وڈ کی ایک اور بڑی اداکارہ مقبوضہ کشمیر کی صورتحال پر برس پڑیں
بھارت(ویب ڈیسک)بالی وڈ کی ایک اور اداکارہ تریشا کرشنن نے مقبوضہ کشمیر کی صورتحال پر غم و غصے کا اظہار کیا ہے۔بھارتی فوج کی جانب سے مقبوضہ کشمیر میں 26 روز سے مکمل لاک ڈاو¿ن جاری ہے جس کے باعث بچوں کے دودھ، جان بچانے والی ادویات اور اشیائے ضروریہ کی قلت پیدا ہوگئی ہے، غاصب حکومت نے ٹیلیفون، موبائل فون اور انٹرنیٹ بھی بندکررکھا ہے۔مقبوضہ وادی میں جاری لاک ڈاو¿ن کے باعث انسانی المیہ جنم لے رہا ہے اور اس پر بھارت کے اندر سے آوازیں اٹھنا شروع ہوگئی ہیں، بھارتی سیاستدانوں کے ساتھ ساتھ فلم نگری سے تعلق رکھنے والی شخصیات بھی اپنی حکومت کے ظلم پر بول اٹھیں ہیں۔بھارتی اداکارہ ارمیلا نے بھی ساس سسر سے رابطہ نہ ہونے پر غم و غصے کا اظہار کیا تھا اور اب تامل فلم انڈسٹری اور بالی وڈ کی اداکارہ تریشا کرشنن نے وادی میں لاک ڈاو¿ن کی صورتحال کو ا?ڑے ہاتھوں لیا ہے۔اداکارہ تریشا اقوام متحدہ کے ادارے ذیلی ادارے یونیسیف (اقوام متحدہ انٹرنیشنل چلڈرن ایمرجنسی فنڈ) کی سیلیبریٹی ایڈوکیٹ ہیں، ایک تقریب کے بعد میڈیا سے گفتگو میں ان کا کہنا تھا کہ کشمیر میں بچوں کی حالت زار پر پریشان ہوں۔انہوں نے کہا کہ بچوں کے اسکول بند کرنا بھی بچوں کے حقوق سلب کرنے کی ایک قسم ہے، بچوں کے حقوق کی خلاف ورزی بچوں کے خلاف تشدد کے مترادف ہے۔ایک سوال کے جواب میں تریشا کا کہنا تھا کہ بچوں کو بہتر تعلیم دے کر بہت سے مسائل سے نمٹا جاسکتا ہے۔ یاد رہے کہ مقبوضہ کشمیر میں 26 روز سے ہی اسکول، کالجز اور انسٹیٹیوٹ بند پڑے ہیں جبکہ بھارتی حکومت نے وادی میں پرائمری اسکول کھولنے کا اعلان کیا تھا تاہم والدین نے کشیدہ صورتحال کے باعث بچوں کو اسکول بھیجنے سے انکار کردیا ہے۔
جے یو آئی کا 19 ستمبر کو مظفر آباد میں آزادی مارچ کرنے کا فیصلہ
اسلام آباد: (ویب ڈیسک) جمیعت علمائے اسلام (ف) کا 19 ستمبر کو مظفر آباد میں آزادی مارچ کرنے کا فیصلہ، مولانا فضل الرحمان کا کہنا تھا کہ کشمیریوں کی جدوجہد کا فیصلہ اندھیرے میں نہ کیا جائے۔امیر جمعیت علمائے اسلام مولانا فضل الرحمن کی صدارت میں جے یو آئی آزاد کشمیر کے علمائے کرام کا اہم اجلاس ہوا۔ اجلاس میں کشمیر کی خصوصی حیثیت ختم کرنے کے خلاف 19 ستمبر کو مظفرآباد میں آزادی مارچ کرنے کا فیصلہ کیا گیا ہے۔مولانا فضل الرحمان کا کہنا ہے کہ موجودہ حکومت احتجاج کر رہی ہے، جبکہ مودی پوری دنیا کو ہم نوا بنا رہا ہے۔ مقبوضہ کشمیر کی آزادی تک جے یو آئی اپنی جدوجہد جاری رکھے گی۔ کشمیریوں کی جدوجہد کا فیصلہ اندھیرے میں نہ کیا جائے۔ان کا مزید کہنا تھا کہ کشمیریوں کو خبر میڈیا سے ملتی ہے جبکہ وہ اس معاملہ میں فریق ہے۔ کشمیریوں کو اپنی آزادی کی جنگ خود لڑنا پڑے گی۔ کشمیر کی خصوصی حیثیت کی تبدیلی سے موجودہ حکومت باخبر تھی۔ ٹرمپ جس ثالثی کی بات کر رہا تھا، وہ مقبوضہ کشمیر کی نہیں آزاد کشمیر کی بات ہے۔
پاکستان کی زبردست سفارتکاری، مسئلہ کشمیر امریکی ایوانوں میں پہنچ گیا
اسلام آباد: (ویب ڈسک) مسئلہ کشمیر امریکی ایوانوں میں پہنچ گیا، امریکی کانگریس کی امور خارجہ کمیٹی میں مسئلہ کشمیر پر بات ہوگی۔امریکی کانگریس کی امور خارجہ کمیٹی میں تاریخ میں پہلی بار مسئلہ کشمیر اٹھایا جائے گا، امریکی کانگریس کی ایشیا سب کمیٹی مقبوضہ کشمیر میں بھارتی مظالم کی جلد سماعت کریگی۔امریکی رکن کانگرس براڈ شرمین کا کہنا ہے کہ گزشتہ ہفتے امریکی نڑاد کشمیریوں سے لاک ڈاو¿ن سے متعلق حالات سنے، امریکن کشمیری اپنے پیاروں کے بارے میں سخت فکرمند ہیں، مقبوضہ وادی میں انسانی حقوق سے متعلق مزید جاننے کا منتظر ہوں۔
خورشید شاہ ا ور ان کے بچوں کے خلاف نیب کا گھیرا تنگ
سکھر(ویب ڈیسک) نیب نے پیپلز پارٹی کے رہنما خورشید شاہ کے گرد گھیرا تنگ کر لیا۔ نیب کی جانب سے جاری کردہ لیٹر میں خورشید شاہ اور انکے اہلخانہ کے اثاثہ جات کی تفصیلات طلب کی گئی ہیں۔نیب نے اینٹی منی لانڈرنگ ایکٹ کے تحت ڈپٹی کمشنر دادو کو لیٹر جاری کیا ہے جس میں خورشید شاہ، انکی دونوں بیویوں ، بیٹے، بیٹیوں اور بھتیجوں کی جائداد کی تفصیلات طلب کی گئی ہیں۔ڈپٹی کمشنر دادو سے خورشید شاہ اور انکے اہلخانہ کی پانچ روز کے اندر جائیداد کی تفصیلات مانگی گئی ہیں۔
سکیورٹی مسائل سرمایہ کاری میں رکاوٹ، پاکستان کی “بی مائنس” ریٹنگ برقرار
کراچی: (ویب ڈیسک) معاشی ترقی کے لئے اصلاحات کا عمل جاری رکھنا ہوگا، سیکیورٹی اور انفراسٹرکچر کے مسائل سرمایہ کاری میں رکاوٹ ہیں، عالمی ریٹنگ کے ادارے ایس این پی نے پاکستان کی ریٹنگ “بی مائنس” برقرار رکھی۔ایس این پی نے پاکستان کی معیشیت پر رپورٹ جاری کر دی، رپورٹ میں کہا گیا ہے کہ مالیاتی خسارہ اور غیرملکی ادائیگیاں معیشت کے لئے پریشان کن ہیں جبکہ سیکیورٹی اور انفراسٹرکچر کے مسائل سرمایہ کاری میں رکاوٹ ہیں، آئی ایم ایف اور دیگر مالیاتی اداروں کی مدد سے ادائیگیوں میں مدد ملے گی، پاکستان کو مستقل اصلاحات کی ضرورت ہے، آمدنی بڑھانے کے لئے خصوصی توجہ دینا ہو گی، معاشی اصلاحات سے قرضوں کی ادائیگیوں کا بوجھ کم ہو گا۔عالمی ریٹنگ کے ادارے کے مطابق رواں مالی سال معاشی ترقی کی بارہ سال کی کم ترین سطح 2 اعشاریہ 4 فیصد رہنے کا امکان ہے، بے روزگاری کی شرح 6 اعشاریہ 2 فیصد، مہنگائی کی شرح 8 فیصد، تجارتی خسارہ جی ڈی پی کا 9 فیصد اور جاری کھاتوں کا خسارہ جی ڈی پی کا 4 اعشاریہ 4 فیصد رہنے کا امکان ہے۔ایس این پی نے اپنی رپورٹ میں اس بات کا امکان ظاہر کیا ہے کہ سال 2020 کے بعد معیشت مستحکم ہونا شروع ہو جائے گی۔
آندھرا پردیش کی حکومت نے ٹینس اسٹار ثانیہ مرزا کا نام ہی تبدیل کردیا
بھارت(ویب ڈیسک)بھارتی ریاست آندھرا پردیش کی حکومت نے ٹینس اسٹار ثانیہ مرزا کا نام ہی تبدیل کردیا۔میڈیا رپورٹس کے مطابق آندھرا پردیش کے پورٹ سٹی وشاکاپٹنم میں نیشنل اسپورٹس ڈے کی تقریبات کے سلسلے میں جابجا بھارتی کھلاڑیوں کے پوسٹرز آویزاں کیے گئے ہیں۔ایسا ہی ایک پوسٹر بیچ روڈ سبمیرین میوزیم پر بھی لگایا گیا ہے جس میں ثانیہ مرزا کی تصویر لگائی گئی ہے تاہم تصویر کے نیچے نام ثانیہ مرزا کا نہیں بلکہ پی ٹی اوشا کا لکھا گیا ہے۔پی ٹی اوشا بھارت کی ٹریک اینڈ فیلڈ ایتھلیٹ ہیں۔ شہری انتظامیہ کی اس فاش غلطی پر بھارتی شہری انہیں آڑے ہاتھوں لے رہے ہیں۔جی رابطوں کی ویب سائٹ پر صارفین شہری انتظامیہ کا خوب مذاق اڑا رہے ہیں۔ایک صارف نے لکھا کہ میں اتنے برسوں سے انہیں ثانیہ مرزا سمجھتا رہا ہوں۔ ایک خاتون صارف نے لکھا کہ آندھرا پردیش میں ثانیہ مرزا کو پی ٹی اوشا کہا جارہا ہے، حکومت ایسی غفلت بھی کرسکتی ہے؟خیال رہے کہ آندھرا پردیش کے وزیراعلیٰ جگن موہن ریڈی نے قومی سطح پر تمغے جیتنے والے کھلاڑیوں کیلئے ایوارڈز اور نقد انعام کا اعلان کررکھا ہے۔
صرف چار گھنٹے کی نیند اور صحتمند زندگی کی وجہ جینیاتی قرار
کیلیفورنیا: ایک صحتمند مردوعورت کے لیے روزانہ 8 گھنٹے کی نیند بہت ضروری ہوتی ہے جبکہ بعض افراد صرف چار گھنٹے ہی سوتے ہیں اور بھرپور صحتمند زندگی گزارتےہیں۔ ماہرین نے اب اس فرق کی وجہ بعض جینیاتی تبدیلیوں کو قرار دیا ہے۔بعض لیڈر مثلاً برطانوی وزیرِ اعظم ، مارگریٹ تھیچر کی چار گھنٹے کی نیند بہت مشہور تھی۔ اس کی وجہ یونیورسٹی ا?ف کیلیفورنیا، سان فرانسسکو کے پروفیسر ینگ ہوئی فو اور ان کےساتھیوں نے دریافت کرلی ہے۔ انہوں نے ایک ایسے خاندان پر تحقیق کی جس کے 12 افراد روزانہ صرف ساڑھے چار گھنٹے ہی سوتے ہیں۔ ان تمام افراد کے جین اے ڈی ا?ر بی ون میں تبدیلیاں نوٹ کی گءہیں۔اس کےبعد ماہرین نے چوہوں کو لیا اور ان کے اسی جین میں ویسی ہی تبدیلیاں کی گئیں اور دھیرے دھیرے ان کی نیند کم ہونا شروع ہوئی۔ اندازے کے مطابق تمام چوہوں کی نیند میں 55 منٹ کمی واقع ہوئی۔ چوہوں کےدماغ کے ایک حصے ڈورسل پونس میں نیند سرگرمی نوٹ کی گئی جو نیند کو کنٹرول کرتا ہے۔عام اور صحتمند چوہوں کے ڈورسل پون کے خلیات میں اے ڈی ا?ر بی ون نیند کے پورے عمل میں غیرسرگرم رہا ہے لیکن جیسے ہی چوہے جاگتے ہیں جینیاتی سرگرمی شروع ہوجاتی ہے۔ جبکہ جینیاتی طور پر تبدیل شدہ چوہوں کے اعصابی خلیات مزید سرگرم تھے۔سائنسدان اس نتیجے پر پہنچے ہیں کہ اے ڈی ا?ر بی ون دماغی خلیات کو جگائے رکھتا ہے اور طویل عرصے تک جگائے رکھنے یا پھر نیند کی تکمیل کی وجہ بھی بنتا ہے۔ اس سے قبل سائنسدانوں کی یہی ٹیم دریافت کرچکی ہے کہ ایک اور جین ڈی ای سی ٹو بھی نیند کی ضرورت کو کم کرتا ہے۔لیکن حیرت انگیز بات یہ ہے کہ اتنی کم نیند لینے والے افراد پر کسی قسم کے منفی اثرات نہیں پڑتے اور وہ مکمل طور پر صحتمند زندگی گزارتےہیں۔ ایسے لوگ اپنے اضافی وقت کو کسی اچھے کام میں لگا کر کامیابیاں بھی سمیٹتے ہیں۔ لیکن اب تک یہ بات واضح نہیں ہوسکی کہ ا?خر اتنی کم ا?بادی میں یہ جینیاتی تبدیلیاں کیونکر واقع ہوتی ہیں؟ اس کا جواب یہ ہے کہ جس طرح جینیاتی امراض پیدا ہوتے ہیں اسی طرح لوگوں میں مثبت جینیاتی تبدیلیاں بھی پائی جاتی ہیں۔
140 کلوکے کورنویل ’بھاری بھرکم‘ ٹیسٹ کرکٹربن گئے
کنگسٹن / جمیکا: ویسٹ انڈیز کے ’ ماو¿نٹین مین ‘ راہکیم کورنویل نے ٹیسٹ ڈیبیو پر منفرد ریکارڈ بنادیا۔6 فٹ5 انچ کی قامت اور 140 کلو وزن کے حامل 26 سالہ نوجوان ٹیسٹ کرکٹ کی تاریخ کے ’ بھاری بھرکم ‘ پلیئر بن گئے، بولنگ ا?ل راو¿نڈر نے سابق ا?سٹریلوی کپتان واروک ا?رمسٹرانگ کا ریکارڈ توڑدیا جو اس سے قبل 133سے139 کے جی وزن کے حامل تھے، فٹنس کی کمی پر شائی ہوپ کے ساتھ میگوئل کمنز کو بھی ڈراپ کردیاگیا۔جھامر ہیملٹن کو ٹیسٹ کرکٹ میں پہلی بار صلاحیتوں کے اظہار کا موقع میسر ا?گیا۔ میچ میں بھارت نے لنچ تک72 رنز پر 2 وکٹیں گنوا دیں، میانک اگروال 41 اور ویرات کوہلی 5 پر ناٹ ا?و¿ٹ تھے، لوکیش راہول 13 رنز بنا کر ہولڈر کا شکار بنے،6 رنز اسکور کرنے والے پجارا کی وکٹ کورنویل نے حاصل کی،میزبان الیون نے ٹاس جیت کر بولنگ کا فیصلہ کیا تھا۔
اپر کوہستان میں گاڑی دریا میں گر گئی ، 24 افراد جاں بحق
اپر کوہستان (ویب ڈیسک)خیبر پختونخوا کے ضلع اپر کوہستان میں گاڑی کھائی میں گر گئی جس کے نتیجے میں 24 افراد جاں بحق اور 2 زخمی ہوگئے۔چیف وارڈن سول ڈیفنس احسان الحق کے مطابق حادثہ اپر کوہستان کی تحصیل کندیا کے علاقے بگڑو میں پیش آیا۔چیف وارڈن سول ڈیفنس کا کہنا ہے کہ مسافر گاڑی پ±ل ٹوٹنے سے گہرے برساتی نالے میں جاگری جس کے نتیجے میں 24 افراد جاں بحق اور 2 افراد زخمی ہوئے ہیں۔پولیس اور ریسکیو ٹیمیں جائے حادثہ کی جانب روانہ کردی گئی ہیں۔چیف وارڈن نے مزید بتایا کہ وزیراعلیٰ خیبر پختونخوا کی آج کندیا پہنچنے کی اطلاعات ہیں جس کیلئے ہیلی پیڈ بھی تیار کیا جا رہا ہے۔
افغانستان: کابل میں فوجی آپریشن کے دوران امریکی فوجی ہلاک
کابل (ویب ڈیسک)افغانستان کے صوبے کابل میں آپریشن کے دوران جھڑپ میں ایک امریکی فوجی ہلاک ہوگیا۔خبررساں ادارے اے ایف پی کے مطابق امریکی اتحادی نیٹو مشن کی جانب سے جاری اعلامیے میں تصدیق کی گئی کے مطابق کہ ’29 اگست کو افغانستان میں آپریشن کے دوران جھڑپ میں ایک امریکی سروس ممبر ہلاک ہوگیا‘۔واضح رہے کہ رواں برس افغانستان میں ہلاک ہونے والے امریکی فوجیوں کی تعداد 15 ہوچکے ہے۔واشنگٹن کی جانب سے یہ نہیں بتایا گیا کہ آپریشن کا مقام کون سا تھا اور آپریشن کی نوعیت کیا تھا۔اس سے قبل گزشتہ ہفتے افغانستان میں 31 سالہ سارجنٹ لویز ڈی لیون اور 35 سالہ سارجنٹ جوز گونزیلہ ہلاک ہوگئے تھے۔دونوں فوجی افغانستان کے صوبے فریاب میں زخمی ہوئے تھے تاہم وہ جانبر نہ ہوسکے تھے۔رواں برس جولائی میں افغانستان میں ‘داخلی حملے’ میں افغان فورسز نے 2 امریکی حاضر سروس اراکین کو ہلاک کردیا تھا۔امریکی سینٹرل کمانڈ نے تصدیق کی تھی کہ 2 امریکی فوجی ہلاک ہوگئے تاہم مزید تفصیلات فراہم نہیں کی گئیں۔واضح رہے کہ افغانستان میں صدارتی انتخابات کی مہم کے آغاز کے ساتھ ہی افغان اور امریکی فورسز پر حملوں میں شدت آگئی ہے۔خیال رہے کہ دوحہ میں امریکا اور طالبان کے مابین مذاکرات کا عمل جاری ہے جس کے تحت پینٹاگون افغانستان سے اپنی فوجیوں نکالے گا۔افغانستان میں تاحال 13 ہزار امریکی فوجی موجود ہیں۔امریکا کے صدر ڈونلڈ ٹرمپ نے گزشتہ روز کہا تھا کہ واشنگٹن معاہدے کے بعد بھی افغانستان میں کم از کم 8 ہزار 600 فوجی رکھے گا۔ٹرمپ نے خبردار کیا تھا کہ معاہدے کے بعد اگر امریکا پر حملہ کیا گیا تو ’ہم دوبارہ ایسی طاقت بن کر واپس آئیں گے جس کی مثال ماضی میں ملے گی‘۔
مجوزہ نیب قوانین: نجی شہری احتساب کے دائرہ کار میں شامل نہیں ہوں گے
اسلام آباد(ویب ڈیسک)قومی احتساب بیورو(نیب) کے قانون قومی احتساب آرڈیننس 1999 کے ترمیمی بل کا مسودہ پارلیمنٹ میں پیش کیے جانے کے لیے تیار ہے جس میں نجی شہریوں کو احتساب کے دائرہ کار سے خارج کرنے کی تجویز بھی شامل ہے۔نیب کے قانون میں پیش کی گئی تیسری ترمیم میں کہا گیا ہے کہ ’ نیب قوانین کا اطلاق نجی شخص یا ادارے تک توسیع نہیں دی جاسکتا جس کا براہ راست یا بالوواسطہ سرکاری عہدے کے حامل شخص سے کوئی تعلق نہ ہو’۔وفاقی وزیر برائے قانون اور انصاف ڈاکٹر فروغ نسیم نے 22 اگست کو ایک پریس کانفرنس میں نجی شہریوں کی تحقیقات سے متعلق ا نیب کے اختیارات ختم کرنے کے فیصلے کا اعلان کیا تھا۔اس حوالے سے ذرائع کو موصول نیب قانون کے ترمیمی مسودے کی کاپی میں دیگر 10 تجاویز بھی شامل ہیں۔ترمیمی بل میں تجویز دی گئی ہے کہ ٹرائل اور احتساب عدالتوں کو قبل از گرفتاری اور بعد از گرفتاری ضمانت کی درخواستوں کا فیصلہ کرنے کے اختیارات حاصل ہوسکیں گے۔قومی احتساب آرڈیننس 1999 کے تحت نیب کے ملزم کو ضمانت دینے کی کوئی شق شامل نہیں ہے جس کے نتیجے میں ملزم کو ضمانت کے لیے آئین کے آرٹیکل 199 کے تحت ہائی کورٹ میں درخواست دائر کرنی پڑتی ہے۔خیال رہے کہ جب قانون کے تحت کوئی حل موجود نہ ہو تو ایک شہری آرٹیکل 199 کے تحت متعلق ہائی کورٹ میں بنیادی حقوق کے لیے درخواست دائر کرسکتا ہے۔مسودے میں غبن کی رقم کی رضاکارانہ واپسی اور پلی بارگین کے تحت ملزم کی رہائی سے متعلق ترمیم بھی پیش کی گئی ہیں، اس میں تجویز دی گئی ہے کہ :
پلی بارگین کے ملزم کی درخواست کی منظوری وزیر اعظم کی قائم کردہ کمیٹی دے سکے گی۔
چوری شدہ رقم کی رضاکارانہ واپسی اور پل بارگین کے لیے ہدایات جاری کی جائیں گی
پلی بارگین اور غبن کی رقم رضاکارانہ طور پر واپس کرنے ولاا ملزم 10 سال یا اس سے زائد عرصے تک سرکاری عہدے یا ملازمت کے لیے نااہل ہوسکتا ہے۔
ترمیمی بل کے مسودے میں یہ تجویز بھی دی گئی ہے کہ 50 کروڑ کی کرپشن پر بھی کارروائی کرنے کی اجازت متعارف کروائی جاسکتی ہے۔علاوہ ازیں ترمیمی قانون کے تحت غیر منقولہ جائیدادوں کے تخمینہ کا حساب ضلعی کلکٹر ریٹ یا وفاقی بورڈ برائے ریونیو (ایف بی آر) کے ریٹ میں سے جوزیادہ ہوگا اس سے کیا جائے گا۔نیب کے نئے قانون میں یہ عمل بھی زیرِغور آئے گا کہ عہدیداران کی کونسی کوتاہیاں جرائم کے زمرے میں آتی ہیں۔تجویز کردہ ترمیم میں کہا گیا کہ نیب کسی کام میں کوتاہی کو اس وقت تک جرم نہیں مانے گا جب تک اس حوالے سے شواہد موجود نہ ہو کہ عہدیدار نے اس کوتاہی یا فیصلے سے کسی کو مادی فائدہ پہنچایا ہے۔
سام سنگ کی تاریخ کا مہنگا ترین اسمارٹ فون
سیول(ویب ڈیسک) سام سنگ کا پہلا فولڈ ایبل فون کافی تاخیر کے بعد آخرکار فروخت کے لیے پیش کیا جارہا ہے۔جنوبی کورین سائٹ یوناپ نیوز کے مطابق سام سنگ کی جانب سے گلیکسی فولڈ کو 6 ستمبر کو متعارف کرایا جارہا ہے۔یہ فون 6 ستمبر کو جنوبی کوریا میں فروخت کے لیے پیش کیا جائے گا جو اس لیے دلچسپ ہے کیونکہ اسی روز برلن میں ٹیکنالوجی نمائش آئی ایف اے ٹریڈ شو کا آغاز بھی ہوگا، وہاں بھی یہ فون متعارف ہوگا، یہ ابھی واضح نہیں۔اس فون کو رواں سال کی پہلی سہ ماہی کے دوران متعارف کرایا گیا تھا مگر اسے فروخت کے لیے پیش کرنے میں تاخیر ہوتی گئی۔اس کی وجہ فون کے ڈیزائن میں مسائل تھے اور سام سنگ نے چند ماہ پہلے کہا تھا کہ ان مسائل پر قابو پالیا گیا ہے اور اسے ستمبر کو پیش کردیا جائے گا۔گلیکسی فولڈ درحقیقت سام سنگ کا رواں سال تیسرا فلیگ شپ فون ہے جس کے فیچرز کسی سے کم نہیں اور یہ پہلے اپریل میں صارفین کو دستیاب ہونا تھا۔یہ فون انفٹنی فلیکس اسکرین کے ساتھ ہے اور بند ہونے پر یا فون کی شکل میں اس کا ڈسپلے 4.6 انچ جبکہ کھلنے پر 7.3 انچ کا ہوجاتا ہے۔فولڈایبل موڈ میں اس کی فرنٹ اسکرین کسی عام اسمارٹ فون کی طرح کام کرتی ہے تاہم کسی ایپ جیسے گوگل میپس کو اوپن کرنے کے بعد ڈیوائس کو بڑے ڈسپلے پر سوئچ کیا جائے تو سب کچھ کافی بڑا ہوجاتا ہے۔سام سنگ کے مطابق یہ بڑا ڈسپلے ملٹی ٹاسکنگ کے لیے انتہائی موثر ثابت ہوگا اور صارف بیک وقت 3 ایپس کو استعمال کرسکیں گے۔فروری میں کمپنی نے اعلان کیا تھا کہ یہ گلیکسی فولڈ ایل ٹی ای کے ساتھ ساتھ فائیو جی ورڑن میں بھی متعارف کرایا جائے گا۔اس وقت کمپنی نے فون کے پراسیسر کے بارے میں کچھ نہیں بتایا، تاہم اس کا کہنا تھا یہ ایک 7nm سی پی یو ہوگا مگر کمپنی کے مطابق 512 جی بی یو ایف ایس 3.0 اسٹوریج اسپیس دی جائے گی۔اس کے علاوہ 4380 ایم اے ایچ بیٹری اس ڈیوائس کا حصہ ہوگی۔اس فون میں کمپنی نے 6 کیمرے دیئے ہیں جن میں سے ایک تین کیمروں کا سیٹ اپ 16 میگا پکسل الٹرا وائیڈ شوٹر، دوسرا 12 میگا پکسل ٹیلی فوٹو لین جبکہ تیسرا 12 میگا پکسل ڈوئل پکسل وائیڈ کیمرا آپٹیکل اسٹیبلائزیشن کے ساتھ ہے جس میں 2 آپرچر دیئے گئے ہیں۔ٹیبلیٹ موڈ پر ڈیوائس استعمال کرنے پر فرنٹ پر ڈوئل سیلفی کیمرا سیٹ اپ موجود ہے جن میں سے ایک 10 میگا پکسل ڈوئل پکسل وائیڈ کیمرا اور دوسرا 8 میگا پکسل آر جی بی ڈیپتھ کیمرا ہے۔اسی طرح فولڈ موڈ پر بھی ایک 10 میگا پکسل کا ڈوئل پکسل سیلفی کیمرا دیا گیا ہے۔فروری میں اس کی قیمت 1980 ڈالرز (3 لاکھ 11 ہزار پاکستانی روپے سے زائد) بتائی گئی تھی، اب کیا ہوگی، کہنا مشکل ہے، مگر یہ واضح ہے کہ یہ سام سنگ کی تاریخ کا مہنگا ترین فون ہوگا۔اب 6 ستمبر کو اس فون کو متعارف کرانے کا مقصد ایپل کے آئی فونز کو دھچکا پہنچانا بھی ہے کیونکہ ایپل نے 10 ستمبر کو اپنے نئے فونز پیش کرنے کا اعلان کیا ہے۔
