اسلام آباد (نامہ نگار خصوصی) وفاقی وزیر اطلاعات فواد چوہدری نے بدنیتی پر مبنی الزامات اور جھوٹی خبروں کی روک تھام کیلئے رجسٹرار سپریم کورٹ کو خط لکھ دیا،فواد چوہدری کا خط میں کہنا ہے کہ بدقسمتی سے ہتک عزت اور توہین آمیز تحریرکی اشاعت کیخلاف موجودہ قوانین کا نفاذ اس طرح موثر نہیں جیسے ہونا چاہیے،جن اضلاع میں 50 لاکھ یا زائد آبادی ہو وہاں پر4 ججز، 25 لاکھ یا زائد آبادی پر 2 ججز، 25لاکھ سے کم آبادی کے اضلاع میں ایک جج تعینات کرنے کی تجویز کرنا چاہتا ہوں،ثبوت کی فراہمی،شہادت دینے اور درخواست دائر کرنے کے عمل کو آسان اور سادہ بنانے کی بھی درخواست ہے،یہ اقدام بدنیتی پر مبنی الزامات اور جعلی خبروں کو روکنے کا موثر ذریعہ ثابت ہوگا۔اتوار کو وفاقی وزیر اطلاعات چوہدری فواد حسین نے رجسٹرار سپریم کورٹ کو خط لکھا جس میں وزیر نے لکھا کہ چیف جسٹس آف پاکستان کی توجہ انتہائی عوامی اہمیت کے حامل معاملے پر مبذول کرانے کیلئے لکھ رہا ہوں،درخواست ہے کہ جوڈیشل کمیٹی کے آئندہ اجلاس میں اس پر غور کیا جائے،جیسا کہ آپ کو علم ہے کہ گزشتہ چند سالوں سے پاکستان میں پرنٹ، الیکٹرونک اور ڈیجیٹل میڈیا کے سائز میں بے پناہ اضافہ ہوا ہے۔وزیر اطلاعات نے خط میں مزید کہا کہ میڈیا نے معاشرے میں گہری رسائی حاصل کی اور تمام طبقات پر اثر انداز ہوا،بدقسمتی سے ہتک عزت اور توہین آمیز تحریرکی اشاعت کے خلاف موجودہ قوانین کا نفاذ اس طرح موثر نہیں جیسے ہونا چاہیے،اس سے انصاف کے حصول اور مجرموں کا احتساب کرنے کے عمل میں رکاوٹ پیدا ہوئی ہے،لہذا، ہر شہر اور ضلع میں ججوں کو تعینات کرنے کی تجویز ہے۔وزیر اطلاعات نے اپنے خط میں تجویز دی کہ جن اضلاع میں 50 لاکھ یا زائد آبادی ہو وہاں پر4 ججز، 25 لاکھ یا زائد آبادی پر 2 ججز، جبکہ 25لاکھ سے کم آبادی کے اضلاع میں ایک جج تعینات کرنے کی تجویز کرنا چاہتا ہوں۔ثبوت کی فراہمی،شہادت دینے اور درخواست دائر کرنے کے عمل کو آسان اور سادہ بنانے کی بھی درخواست ہے۔وزیر اطلاعات نے کہا کہ اس ضمن میں مناسب ترامیم کے ذریعے الیکٹرانک اور جدید ذرائع سے درخواست دائر کرنےکی اجازت دی جائے،ویڈیو کے ذریعے شہادت ریکارڈ کرانے کے عمل(جس کی اجازت قانون میں پہلے سے ہی موجود ہے) کو مکمل طور پر نافذ کرنے کی درخواست ہے،تمام متعلقہ ہائی کورٹس کے چیف جسٹس صاحبان کو درخواست کی جائے کہ وہ اپنے دائرہ کار کے تحت اس کے نفاذ کو یقینی بنائیں،یہ اقدام بدنیتی پر مبنی الزامات اور جعلی خبروں کو روکنے کا موثر ذریعہ ثابت ہوگا۔ وفاقی وزیر نے کہاکہ ثبوت کی فراہمی،شہادت دینے اور درخواست دائر کرنے کے عمل کو آسان اور سادہ بنانے کی بھی درخواست ہے۔وزیر اطلاعات نے کہاکہ اس ضمن میں مناسب ترامیم کے ذریعے الیکٹرانک اور جدید ذرائع سے درخواست دائر کرنے کی اجازت دی جائے۔وزیر اطلاعات نے کہا کہ ویڈیو کے ذریعے شہادت ریکارڈ کرانے کے عمل(جس کی اجازت قانون میں پہلے سے ہی موجود ہے) کو مکمل طور پر نافذ کرنے کی درخواست ہے۔انہوںنے کہاکہ تمام متعلقہ ہائی کورٹس کے چیف جسٹس صاحبان کو درخواست کی جائے کہ وہ اپنے دائرہ کار کے تحت اس کے نفاذ کو یقینی بنائیں۔انہوںنے کہاکہ یہ اقدام بدنیتی پر مبنی الزامات اور جعلی خبروں کو روکنے کا موثر ذریعہ ثابت ہوگا۔اسلام آباد (نامہ نگار خصوصی) وفاقی وزیر اطلاعات و نشریات فواد چوہدری کا کہنا ہے کہ اداروں کی تباہی میں خورشید شاہ کا سب سے بڑا حصہ ہے۔اپنی ٹوئٹ میں فواد چوہدری نے کہا کہ خورشید شاہ اپنے اعمال کو سامنے رکھتے ہوئے بے نظیراور ذوالفقار بھٹو کے ناموں کو بیچنا بند کریں، اداروں کی تباہی میں سب سے بڑا حصہ خورشید شاہ کا ہے۔ وفاقی وزیر اطلاعات فواد چودھری نے کہا ہے کہ اداروں کی تباہی میں سب سے بڑا حصہ خورشید شاہ کا ہے، انھوں نے میرٹ کے برعکس سیاسی بھرتیوں کا انبار لگایا۔ ان کو چاہیے کہ بے نظیر اور بھٹو کو بیچنا بند کر دیں۔سوشل میڈیا پر جاری کردہ بیان میں فواد چودھری نے کہا کہ خورشید شاہ اس کمیٹی کے سربراہ تھے جنہوں نے اداروں میں میرٹ کے برعکس سیاسی بھرتیوں کا انبار لگایا، جو دیمک اداروں کو لگی اس کا سب سے بڑا کیڑا خورشید شاہ ہیں۔ خورشیدشاہ اپنے کرتوتوں کو سامنے رکھتے ہوئے بے نظیراور بھٹو کو بیچنا بند کریں، اداروں کی تباھی میں سب سے بڑا حصہ خورشید شاہ کا ہے۔ یہ اس کمیٹی کے سربراہ تھےجنہوں نے اداروں میں میرٹ کے برعکس اور سیاسی بھرتیوں کا انبار لگا دیا جو دیمک اداروں کو لگی اس کا سب سے بڑا کیڑا خورشیدشاہ ہیںوزیر اطلاعات نے سخت لہجہ اختیار کرتے ہوئے کہا کہ “خورشید شاہ اپنے کرتوتوں کو سامنے رکھتے ہوئے بے نظیر اور بھٹو کو بیچنا بند کریں”

جہانیاں (آن لائن) پاکستانی ایٹم بم کے خالق معروف سائنسدان ڈاکٹر عبدالقدیر خان کی 83ویں سالگرہ آج منائی جائے گی اس روز جہانیاں سمیت ملک بھر میں ان کے مداح خصوصی تقاریب منعقد کریں گے جس میں سالگرہ کے کیک کاٹے جائیں گے اور ان کی صحت و تندرستی اور درازی عمر کیلئے خصوصی دعائیں مانگی جائیں گی۔ڈاکٹر عبدالقدیر خان یکم اپریل1936ءکو بھارت کے شہر بھوپال میں پیدا ہوئے وہ ایک نامور سائنسدان تھے انہوں نے مئی1998ءمیںبلوچستان کے شہر چاغی میں ایٹم بم کا کامیاب تجربہ کیا جس کے بعد پاکستان پہلے اسلامی ملک کے طور پر سامنے آیا جو کہ ایٹمی طاقت سے مالا مال تھا۔ڈاکٹر عبدالقدیر خان کو ہلال امتیاز اور پاکستان کے سب سے بڑے اعزاز نشان امتیاز سے بھی نوازا جا چکا ہے۔ڈاکٹر عبدالقدیر خان ایک ممتاز کالم نگار بھی ہیں انہوں سائنسی تحقیقی مضامین اور مختلف موضوعات پر سینکڑوں مضامین بھی لکھے ہیں فیس بک پر ان کے مداحوں کی تعداد لاکھوں میں ہے۔

اسلام آباد (مانیٹرنگ ڈیسک) حکومت نے اوگرا کی جانب سے پیٹرولیم مصنوعات کی قیمتوں میں اضافے کی سفارش مان لی، پیٹرول کی قیمت میں 6 روپے فی لیٹر اضافہ کر دیا گیا۔ حکومت نے پیٹرولیم مصنوعات کی قیمتوں میں ایک بار پھر اضافہ کر دیا، پیٹرول اور ہائی اسپیڈ ڈیزل کی قیمتوں میں 6،6 روپے فی لیٹر اضافہ کیا گیا۔حکومت کی جانب سے پیٹرولیم مصنوعات کی قیمتوں میں اضافے کا نوٹی فکیشن جاری کر دیا گیا۔یاد رہے کہ دو دن قبل اوگرا کی جانب سے ماہ اپریل کے لیے حکومت سے سفارش کی گئی تھی کہ پیٹرول کی قیمت میں 11 روپے 91 پیسے اضافہ کیا جائے تاہم حکومت کی جانب سے چھ روپے بڑھائے گئے۔اوگرا کی سمری کے مطابق ہائی اسپیڈ ڈیزل کی قیمت میں 11 روپے 17 پیسے فی لیٹر اضافے کی سفارش کی گئی تھی، مٹی کے تیل کی قیمتمیں 6 روپے 65 پیسے فی لیٹر اضافے اور لائٹ ڈیزل آئل کی قیمت میں 6 روپے 49 پیسے بڑھانے کی تجویز دی گئی تھی۔واضح رہے کہ 28 فروری کو حکومت نے پیٹرول کی قیمت میں 2.50 روپے فی لیٹر اضافہ کر دیا تھا، جس کے بعد پیٹرول کی نئی قیمت 92 روپے 88 پیسے ہو گئی تھی۔ہائی اسپیڈ ڈیزل 4.75 روپے فی لیٹر مہنگا کیا گیا تھا، جس کے بعد ہائی اسپیڈ ڈیزل کی نئی قیمت 111.43 روپے فی لیٹر ہو گئی تھی۔

شکار پور، لاڑکانہ (ڈسٹرک رپورٹر،این این آئی) پاکستان پیپلز پارٹی کے چیئر مین بلاول بھٹو زرداری نے کہا ہے کہ بینظیر انکم سپورٹ کا نام تبدیل کرنا پروگرام کو بند کرنے کی سازش ہے،ٹھٹھہ اور سیہون میں بینظیر انکم سپورٹ کی رقم نہ ملنے پر خواتین احتجاج کر رہی ہیں، یہ لوگ عوام دشمن اور غریب دشمن لوگ ہیں،وفاقی حکومت کے رویے کی وجہ سے ہمیں ترقیاتی کاموں میں مشکلات کا سامنا ہے،پانی کی چوری روکیں گے اور پانی کی بچت کریں گے۔ اتوار کو یہاں شجرکاری مہم کے آغاز کے بعد میڈیا سے گفتگو کرتے ہوئے بلاول بھٹو زرداری نے کہا کہ بینظیر انکم سپورٹ کا نام تبدیل کرنا ایک سازش ہے، یہ لوگ بینظیر انکم سپورٹ پروگرام کو ختم کرنا چاہتے ہیں۔انہوں نے کہا کہ ٹھٹھہ اور سہون میں بینظیر انکم سپورٹ کی رقم نہ ملنے پر خواتین احتجاج کر رہی ہیں، یہ لوگ عوام دشمن اور غریب دشمن لوگ ہیں۔چیئرمین پیپلز پارٹی نے کہا کہ یہ لانگ ٹرم سازش ہے، یہ لوگ پہلے نام تبدیل کریں گے اور پھر رقم کم کریں گے، یہ لوگ پھر پروگرام بند کر دیں گے۔انہوں نے کہا کہ وہ سمجھتے ہیں کہ بینظیر انکم سپورٹ پروگرام کے ذریعے پیسہ ضائع ہو رہا ہے، میں سمجھتا ہوں کہ ملک کا سب سے اچھا پروگرام ہے۔بلاول بھٹو نے کہا کہ بینظیر انکم سپورٹ پروگرام سے ناصرف خواتین مضبوط ہو رہی ہیں بلکہ معیشت کو بھی طاقت مل رہی ہے۔حکومت کو تنقید کا نشانہ بناتے ہوئے بلاول بھٹو نے کہا کہ ارسا سندھ کے ساتھ ناانصافی کر رہا ہے، وفاقی حکومت کے رویے کی وجہ سے ہمیں ترقیاتی کاموں میں مشکلات کا سامنا ہے۔انہوں نے کہا کہ پانی کی چوری روکیں گے اور پانی کی بچت کریں گے۔ پیپلز پارٹی چیئرمین بلاو ل بھٹو زرداری نے گذشتہ روز محکمہ جنگلات کی زمین کی گئی واہ گزارپر مدیجی کے قریب بہمن کے جنگلات میں پودا لگا کر شجر کاری مہم کا افتتاح کیا ، اس موقعے پر بلاو ل بھٹو نے پرندوں کو آزاد کرکے کہاکہ سندھ حکومت جنگلات اور جنگلی جانوروںاور پرندوں کی حفاظت کرے گی ، محکمہ جنگلات کی زمین جن کے بھی قبضے میں ہے وہ واگزار کرائی جائے گی ، خود کو کتنا ہی بااثر کیوں نہ سمجھے محکمہ جنگلات کی زمین پر ان کو قبضہ کرنے نہیں دیں گے ، انہوں نے کہاکہ سندھ میں پانی کی شدید کمی ہے ، اس کمی کا خاتمہ کیا جائے ، انہو ں نے کہاکہ پی پی پی کی حکومت لانگ ٹرم ترقیاتی منصوبے شروع کرنے کے لیئے منصوبہ بنا رہی ہے ، حکومت اٹھارویں ترمیم کو ختم کرکےاور ملک میں ون یونٹ قائم کرنا چاہتی ہے۔

لاہور (مانیٹرنگ ڈیسک) سینئر صحافی وتجزیہ نگار ضیا شاہد نے بتایا کہ چونیاں میں جو بچی سسرالیوں کے ہاتھوں جل کر ہلاک ہوئی اس کے والد، والدہ اور بہن چینل۵ کے پروگرام ہیومن رائٹس واچ میں آئے اور اپنے بیانات بھی ریکارڈ کرائے۔ چینل ۵کے پروگرام ہیومین رائٹس واچ میں گفتگو کرتے ہوئے انہوں نے کہاکہ نزعی بیان کی سب سے زیادہ اہمیت ہوتی ہے ظاہر ہے توقع نہیں کی جاتی ایک شخص جو مر رہا ہے وہ جھوٹ بولے گاجو وہ کہے گا اس سے بڑی گواہی کوئی نہیں مل سکتی۔ لڑکی نے مرنے سے قبل جو بیان دیا اس میں لکھا ہے وہ باورچی خانے میں گئی اچانک اسے محسوس ہوا کسی نے پیچھے سے اس پر پٹرول پھینکا ہے جس کے بعد آگ لگا دی۔ لڑکی کے شوہرکے بارے پتہ چلا وہ پہلے بھی کئی شادیاں کر چکا تھا یہ اس کی تیسری شادی تھی۔مرنے والی لڑکی کا باپ چنگ چی رکشہ چلاتا ہے اس کی سات بیٹیاں ہیں بڑی مشکل سے پیسے جوڑ کر بڑی بیٹی نسرین کی شادی کی جسے سسرالیوں نے جلا دیا۔ بڑی عجیب بات ہے سسرالی کہتے ہیں سلنڈر پھٹنے سے آگ لگی حالانکہ فوٹیج میں سلنڈر موجود ہے سلنڈر جب پھٹتا ہے تو اس کے تو پرچخے اڑ جاتے ہیں لیکن سلنڈر بالکل ٹھیک ہے اسے کوئی گزند نہیں پہنچی جس سے ظاہر ہوتا ہے لڑکی کی موت سلنڈر پھٹنے سے نہیں ہوئی۔ پھر ڈی ایس پی اور ایس پی صاحب بھی کہہ رہے ہیں کہ ایس ایچ او فرانزک رپورٹ کا انتظار کر رہا ہے۔ فرانزک سسٹم تو ایک دو سال قبل شروع ہوا اس سے قبل تو کسی فرانزک ٹیسٹ کے بغیر ہی گواہوں اور بیانات پر تفتیش ہوتی تھی اور پولیس کسی نتیجے پر پہنچ جاتی تھی۔ملزم کو پولیس نے تھانے میں چارپائی دے رکھی ہے اور انہیں چھوا تک نہیں نہ پوچھ گچھ کی گئی ۔لگتا ہے ملک میں ایس ایچ او اپنے تھانے کا بادشاہ ہوتا ہے وہ مصر ہے تب تک کارروائی نہیں کروں گا اور ایک جملہ بولتا ہے میں کڑیوں سے کڑیاں ملاتا ہوں کڑیاں تب تک نہیں مل سکتی جب تک فرانزک رپورٹ نہ آئے۔کیا ایس ایچ او کو نظر نہیں آتا سلنڈر تو پھٹا ہی نہیں۔ ڈیرہ غازی خان کی سنٹرل جیل میں پیسے نہ دینے والے قیدیوں پر جیل سپرٹنڈنٹ اسد طارق کے تشدد پر گفتگو کرتے ہوئے ضیا شاہد نے کہا کہ وزیر اعجاز عالم دیکھ چکے ہیں جیلوں کے حالات کیسے ہیں بہرحال وہ یقینا وزیر برائے جیل خانہ جات سے بھی بات کریں گے کل میں خود اس حوالے سے آئی جی جیل کو خط لکھوں گا فون بھی کروں گا اور جیل میں قیدیوں پر تشدد کی ویڈیوکی کاپی بھی بھیجوں گا ان سے میرے اچھے تعلقات ہیں میاں افضل ہمارے رپورٹر ہیں میں انہیں لکھوں گا کس طرح الٹا لٹکا کر قیدیوں کو مارا جا رہا ہے لوگ باری باری مار کھانے کے لئے لائن میں لگے ہیں آئی جی جیل کو ویڈیو کی صورت میں یہ شاہکار فلم دے رہا ہوں ویڈیو دیکھیں اس میں افسران سمیت سب لوگ پہچانے جاتے ہیں اگر ان کی تبدیلی کہیں اور بھی ہو گئی ہے تو بہرحال محکمہ جیل میں ہی ہوں گے میں انتظار کروں گا میرے خط پر وہ کیا ایکشن لیتے ہیں کتنی معطلیاں کرتے ہیں۔ جیلوں میںریٹ مقرر ہے جو شخص ماہوار اتنے پیسے نہیں دے گا اسے یہ سزا ملے گی باقاعدہ ریٹ کارڈ آویزاں ہیں۔ضیا شاہد نے بتایا کہ میں بھی سٹوڈنٹ لائف سے بہت جیلوں میں رہا ہوں بھٹو صاحب کے دور میں سات ماہ کی طویل جیل کاٹی مشہور ہے اگر کسی قیدی کے لئے چوبیس کینو بھیجے جائیں تو بےچارے تک ایک ہی پہنچتا ہے وہ بھی یہ بتانے کے لئے کہ اس کی ملاقات آئی تھی گیٹ پر سنتری بادشاہ سے لے کر چکردار سب ہی حصہ دار ہوتے ہیں جن دنوں میں جیل میں تھا نواز اکبر بگٹی جو وزیراعلی بلوچستان تھے ان کے بیٹے بیوی کے قتل کے جرم میں جیل میں تھے جیل سے وہ گانا سننے جاتے تھے ان کے گھروالے دو لاکھ انہیں جیل میں بھیجتے تھے ان کا بڑا بھائی انہیں پچاس ہزار بھیجتا تھا پحاس ہزار والدہ ایک لاکھ والد بھیجتے تھے پانچ ہزار میں میڈیکل بنتا اور وہ باہر بازار حسن جاتے۔ وہ بیوی کی لاش کو مختلف ہوٹلوں میں لے کر گھومتے رہے چھٹے ساتویں دن لوگوں نے نوٹ کیا اس کے ساتھ کیسی بیوی ہے جو نہ بولتی ہے پھر پتہ چلا لاش کو سفر کرا رہے تھے۔