تھیٹر نئے ٹیلنٹ کی تلاش کا بہترین راستہ ہے :شفقت چیمہ

لاہور (شوبزڈیسک) پاکستان کے لیچنڈ ولن اداکار شفقت چیمہ نے کہا ہے کہ اصلاحی ڈامے سے معاشرے کے مسائل اجاگر کرنے میں مدد ملتی ہے‘ تھیٹر نئے ٹیلنٹ کو تلاش کرنے کا بہترین راستہ ہے۔ گزشتہ روز میڈیا سے بات کرتے ہوئے شفقت چیمہ نے کہا کہ ہمیں ان لوگوں کی قدر کر نے کی چاہیے جو تھیٹر کی رنگینیوں کو بحال کرنے کی کوشش ر ہے ہیں۔ انہوں نے کہا کہ پاکستان میں بے انتہا ٹیلنٹ موجو د ہے اور تھیٹر نئے ٹیلنٹ کی تلاش کا بہترین راستہ ہے تھیٹر سے نئے فنکاروں کو اپنے صلاحیتوں اور اپنے فن کا مظاہر ہ کرنے کے موقع ملتا ہے۔ تھیٹر نے نئے ٹیلنٹ کو متعارف کروایا جو آج شوبز کی دنیا میں ایک نمایاں مقام رکھتے ہیں۔ جس مقام پر ہوں اس میں میرے والدین کی دعاﺅں کے ساتھ ساتھ میری محنت بھی شامل ہے ۔