اسلام آباد (نامہ نگار خصوصی) وزیراعظم عمران خان نے کہا ہے کہ سی پیک سے پورے خطے میں مواقعوں کی نئی راہیں کھلیں گی۔ وزیراعظم عمران خان سے سی پیک پر کام کرنے والی چینی کمپنیوں کے نمائندوں نے ملاقات کی۔اس موقع پر چینی سفیریاﺅجنگ بھی موجود تھے ۔ملاقات کے دوران چینی سفیر نے وزیراعظم پاکستان کو چینی صدر کا نیک خواہشات کا پیغام پہنچایا۔سفیر نے کہا کہ چین کے صدر وزیراعظم عمران خان کے دورہ چین کے منتظر ہیں۔چینی سفیرنے چینی سرمایہ کاروں کو سہولیات فراہمی پر وزیراعظم کا ذاتی دلچسپی لینے پر شکریہ ادا کیا۔چینی سفیر یاﺅجنگ کا کہنا تھا کہ چینی کمپنیاں پاکستان کی سماجی و اقتصادی ترقی کے لیے حصہ ڈالتی رہیں گی۔اس موقع پر وزیراعظم کا کہنا تھا کہ حکومت سی پیک منصوبے کو اولین ترجیح دیتی ہے، حکومت چینی کمپنیوں کو منافع بخش کاروبار کے لیے ہر ممکن سہولت فراہم کرے گی۔وزیراعظم عمران خان کا کہنا تھا کہ سی پیک سے پورے خطے میں مواقعوں کی نئی راہیں کھلیں گی۔ وزیر اعظم عمران خان نے کہا ہے کہ محدود وقت میں کثیر تعداد کو غربت کے دائرے سے نکالنے کا چین کا کامیاب تجربہ قابل تقلید ہے، حکومت استفادہ کر نا چاہتی ہے ، سائنس و ٹیکنالوجی کے شعبے میں چین کی بے مثال ترقی کو مدنظر رکھتے ہوئے تعاون کا فروغ دورے کا اہم مقصد ہے، آٹھ بڑے شعبوں بشمول مائننگ، ہائی سپیڈ ریلوے ، مینوفیکچرنگ، ایگریکلچر وغیرہ میں دوطرفہ تعاون کو مزید فروغ دینے پر خصوصی توجہ دی جا رہی ہے۔جمعرات کو وزیرِ اعظم عمران خان کی زیر صدارت دورہ چین کے حوالے سے اعلیٰ سطحی اجلاس ہوا جس میں وزیرِ خارجہ شاہ محمود قریشی، وزیرِ اطلاعات چوہدری فواد حسین، وزیر برائے فوڈ سیکیورٹی صاحبزادہ محمد محبوب سلطان، وزیرِ برائے ایجوکیشن شفقت محمود، وزیرِ ریلوے شیخ رشید احمد، وزیرتوانائی عمر ایوب خان، چئیرمین ٹاسک فورس برائے سائنس و ٹیکنالوجی ڈاکٹر عطاءالرحمن و دیگر افسران نے شرکت کی ۔اجلاس میں وزیرِ اعظم کے آئندہ دورہ چین کے دوران دونوں ملکوں کے درمیان مختلف شعبوں میں تعاون کو فروغ دینے کے سلسلے میں کی جانے والی تیاریوں کا جائزہ لیا ۔ وزیر اعظم نے کہاکہ سی پیک ون محض چند پاور پلانٹس اور تین سڑکوں پر مشتمل تھا جبکہ موجودہ حکومت کے دور میں سی پیک کے دوسرے مرحلے میں زراعت، تعلیم، صحت، پانی کے منصوبوں، فنی تعلیم و اسکل ڈویلپمنٹ، ٹرانسپورٹ ، مین لائن 1-کی اپ گریڈیشن و دیگر اہم منصوبے شامل ہیں۔وزیرِ اعظم نے کہاکہ ایک محدود وقت میں کثیر تعداد کو غربت کے دائرے سے نکالنے کا چین کا کامیاب تجربہ قابلِ تقلید ہے،حکومت غربت کے خاتمے کے لئے چین کے کامیاب تجربے سے استفادہ کرنا چاہتی ہے ۔وزیراعظم نے کہاکہ زراعت ، صنعت و دیگر شعبوں میں چین کی مہارت سے سیکھنا چاہتے ہیں۔وزیرِ اعظم نے کہاکہ سی پیک منصوبہ نہ صرف حکومت کی اولین ترجیحات میں شامل ہے بلکہ ہم اس منصوبے کا دائرہ کار مزید وسیع کرنا چاہتے ہیں تاکہ دیگر ممالک بھی اس اہم منصوبے کا حصہ بنیں اور خطے میں تعمیر و ترقی کا نیا باب روشن ہو۔ انہوںنے کہاکہ سائنس و ٹیکنالوجی کے شعبے میں چین کی بے مثال ترقی کو مدنظر رکھتے ہوئے اس شعبے میں تعاون کا فروغ دورے کا اہم مقصد ہے، کوشش ہے کہ کم از کم بیس ہزار پاکستانی طلبہ کے وظائف اور انکی چین میں جدید علوم میں تعلیم حاصل کرنے کی راہ ہموار ہو سکے۔ وزیرِ اعظم نے کہاکہ آٹھ بڑے شعبوں بشمول مائننگ، ہائی سپیڈ ریلوے ، مینوفیکچرنگ، ایگریکلچر وغیرہ میں دوطرفہ تعاون کو مزید فروغ دینے پر خصوصی توجہ دی جا رہی ہے تاکہ جہاں ان جدید شعبوں چینی مہارت سے استفادہ کیا جاسکے وہاں ٹیکنالوجی ٹرانسفر بھی عمل میں آئے۔

لاہور (خصوصی ر پورٹر) ننکانہ پو لیس تھانہ منڈی فیض آبا دکا مبینہ طو ر پر مقامی بااثر افرا د کے کہنے پر محنت کش کی زمین ہتھیانے کی خا طر ایک ہی خاندا د نے 6افرا د کے خلا ف مذکو ر ہ تھا نہ 6مقد ما ت در ج کر لئے ۔ پو لیس کی جا نب سے انصاف نہ ملنے پر متا ثر ہ خا ندان خبریں آفس دادرسی کے لئے پہنچ گیا ۔ متا ثر ہ شخص محمد امین کا کہنا ہے کہ منڈ ی فیض آبا د کی پو لیس مقامی قبضہ گرو پ کے کہنے پر مقابلے میں مارنے کی دھمکیاں د یتے ہیں اور رات کے وقت چھاپے کے بہانے پولیس اہلکار خواتین کو حراساں کرتے ہیں ، متا ثر ین کا الزا م ہے کہ پو لیس عورتوںکو تھانے لے جا کر برہنہ کر کے مار پیٹ کرتے ہیں ، مدعی اور تفتیشی آپس میں رشتہ دار ہیں ،بتایا گیا ہے کہ ضلع ننکانہ تھانہ منڈی فیض آبا د کے علاقے ٹانہ کمیارانولہ میں بااثر افراد کی جانب سے غریب خاندان پر ظلم کی انتہا کردی ۔متا ثرہ محمد امین کا کہنا ہے کہ اس کے 6بیٹوں کے خلاف پو لیس نے جھوٹے مقدمات در ج کر رہی ہے اور الزا م عا ئد کیا ہے کہ پو لیس نے ان کے ایک ر شتہ دا ر کو اغوا بھی کر رکھا ہے جس کا تاحال کوئی پتا نہیں ۔ محمد امین کے خاندان کے د یگر افرا د محمد یسین ، سلیم حسین ، مشتاق احمد ، محمد اظہر اور محمد امین نے خبریں سے گفتگو کرتے ہوئے کہا کہ پولیس نے ان کے گھر تلاشی کے بہانے 1لاکھ 40 ہزار روپے بھی لے لیے ہیں جو واپس نہیں کر رہے بلکہ الٹا انہیں 5لاکھ روپے کی ڈیمانڈ کر رہے ہیں ۔ گھروں کی تلاشی کے دوران ظلم کی تمام حدیں پا رکرتے ہوئے پو لیس ان کی خواتین کو حراساں کرتی ہے اور ان کی عزتوں کو پامال کرتی ہے اور چھوٹے بچوں کو بھی تشد د کا نشانہ بنایا گیا ہے ۔ متا ثر ین کا کہنا ہے کہ ان کے گھروں اور زمینوںپر پولیس نے با اثر افراد کا قبضہ کروا رکھا ہے ۔ اگر وہ پولیس اور قبضہ مافیا کے خلاف آوزاٹھاتے ہیں تو پولیس ان کو جعلی مقابلے میں مارنے کی دھمکیاں دیتی ہے ۔ متا ثر ہ خاندان کے افراد کاوزیر اعظم پاکستان عمران خان اور وزیر اعلیٰ پنجاب عثمان بزدار سے انصاف کی اپیل کی ہے ۔ اس حوالے سے ننکا نہ پو لیس کا کہنا ہے کہ الزا ما ت بے بنیاد ہیں تمام مقد ما ت میرٹ پر در ج ہیں جن کی تفتیش جا ر ی ہے ۔

لاہور(مانیٹرنگ ڈیسک) ایئر مارشل ر شاہد لطیف نے کہا کہ ہم نے بھارت کو ہمیشہ چھوٹ دی کہ مذاکرات کے نام پر ہم ہی بھارت کے سامنے بچھے چلے جاتے ہیں۔موجودہ حالات میں اگر ہمیں بھارت کی جانب سے کوئی اشارہ نہیں تو ہمیں بھی ایسی با ت کرنے کی ضرورت نہیں۔ چینل فائیو کے پروگرام نیوز ایٹ سیون میں گفتگو کرتے ہوئے انہوں نے کہا کہ وزیراعظم کا مسئلہ کشمیر کے حل کے لئے مودی کے حوالے سے بیان عقلمدانہ نہیں۔بھارت کشمیر کے مسئلے کو حل نہیں کرنا چاہتا۔کشمیر با رے بھارت نے ایک سٹینڈ لے رکھا ہے ۔مودی حکومت نے کشمیر میں بہت درندگی کا مظاہرہ کیا۔بھارتی صحافی ڈاکٹر وید پرتاب ویدک نے کہا کہ مشرف دور میں بھارتی وزیراعظم واجپائی نے بہت ہی اچھا نعرہ دیا تھا کہ ہم کشمیر کا حل انسانیت کے دائرے میں کرنا چاہتے ہیں۔اس سے قبل نرسیما راﺅ نے بھی بات چیت سے کشمیر کا مسئلہ حل کرنے کی بات کی تھی۔اس وقت بھارت میں جو بھی پاکستاان کے خلاف زیادہ بولے گا اسے بھارت میں زیادہ ووٹ ملیں گے۔ہو سکتا ہے عمران خان کے بیان سے مودی کو فائدہ ہو سکتا ہے بتو تقصان ہو جائے۔آرٹیکل 370محض ایک کھوکھلا آرٹیکل ہے کئی بار سبوتاژ ہو چکا ہے۔حریت رہنما مشعال ملک نے کہا کہ بھارت تو بات کرنے کو تیار ہی نہیں اس کی طرف سے صاف انکار ہے۔میں ایک پاکستانی ہوں ایک کشمیری حریت رہنما سے شادی کی ہے لہذا میں کشمیری بھی ہوں۔میرے شوہر یاسین ملک کو گرفتار کر کے تہاڑ جیل رکھا گیا ہے جہاں ان کی جان کو بہت خطرہ ہے۔میں اپیل کرتی ہوں پاکستانی حکومت میرے شوہر کا کیس عالمی عدالت میں لے کر جائے۔بھارت کشمیر میں جو ظلم کر رہا ہے پاکستان اسے دنیا میں اجاگر کرے۔تجزیہ کار افتخار احمد نے کہا کہ جیلوں میں اور بھی ہزاروں قیدی ہیں ان کی جانب بھی توجہ دینی چاہئے۔مشال کیس میں کچھ کو سزا ہوئی کچھ بری ہو گئے۔آخر کس کو مثال بنائی جائے کس کی بات کی جائے۔اگر موجودہ حکومت کو گرانے کی کوشش کی گئی تو یہ بڑی حماقت ہو گی ملکی موجودہ معاشی صورتحال میں کوئی بھی پارٹی ایسی غلطی کرنے کی کوشش نہیں کرے گی۔پیپلز پارٹی کے رہنما چوہدری منظور نے حنیف عباسی کی رہائی کے حوالے سے کہا کہ اگر کوئی جیل سے رہا ہوتا ہے ہمیں خوشی ہوتی ہے یہ روٹین کے معاملات ہیں ڈیل والی کوئی بات نہیں۔موجودہ حکومت نے کوئی بھی وعدہ پورا نہیں کیا۔بجٹ میں حکومت کوئی مشترکہ حکمت عملی اپنا سکتی ہے۔حکومت عوام کو ریلیف دینے میں ناکام رہی۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ آصف زرداری حکومت کے خاتمے کے لئے اس لئے تُلے ہوئے ہیں کہ ان کو نظر آ رہا ہے اگر یہ حکومت برقرار رہتی ہے تو انہیں نظر نہیں آ رہا کہ وہ اس مصیبت سے جان چھڑا سکیں یعنی منی لانڈرنگ کے ان پر الزامات لگ چکے ہیں جتنے ثبوت سامنے آ چکے ہیں۔ جتنے لوگ اقرار کر چکے ہیں اب تو وعدہ معاف گواہ بھی بننے لگے ہیں لہٰذا ان کے پاس اس کے سوا چارہ کار نہیں ہے کہ جب تک عمران خان کی حکومت قائم ہے اس وقت تک ان کو بچنے کا راستہ نظر نہیں آ رہا لہٰذا وہ دن رات اس بات پر تلے ہوئے ہیں اور ڈوبتے کو تنکے کا سہارا جس طرح سے کہا جاتا ہے جس طرح جو تنہا ہے وہ کافی وزنی ہے مولانا فضل الرحمن ان کے کسی بھی اسمبلی میں ان کی سیٹ نہیں لیکن بہر حال وہ سیاستدان ہیں اس کام میں ماسٹر سمجھے جاتے ہیں کہ وہ چھوٹے چھوٹے عناصر کو ملا کر وہ کوئی بڑی فورس تیار کر سکتے ہیں لہوذا اب سمجھا جا رہا ہے کہ نوازشریف کے لئے خطرہ ہے عمران خان کی حکومت اور آصف زرداری کے اقتدار کے لئے عمران خان خطرہ ہے اس لئے دونوں کا اشتراک اس پر ہے کہ کس طرح اس وقت کا خاتمہ کیا جائے۔ فضل الرحمان کوشش کریں گے کہ ظاہر ہے کوشش ہی کی جا سکتی ہے لگتا یہی ہے کہ ایک نہ ایک دن جس طرح سے کہا جاتا ہے رمصان المبارک کے بعد کہا جاتا ہے تحریک چلائیں گے حکومت کے خلاف اس وقت تک ہو سکتا ہے نوازشریف بھی اس کے لئے تیار ہو جائیں فی الحال تو وہ کھل کر بات کرنے کو تیار نہیں ہیں سنا ہے درپردہ ان کی ڈیل بھی چل رہی ہے۔ آصف زرداری اور نوازشریف دونوں کی اس میں جان چھوٹتی ہے اگر موجودہ حکومت کا خاتمہ کیا جائے۔
حنیف عباسی کی ضمانت پر بات کرتے ہوئے ضیا شاہد نے کہا کہ معلوم یہی ہوتا ہے آہستہ آہستہ سارے باہر آ جائیں گے سمجھ میں نہیں آتا کہ انصاف کا جو نظام ہے وہ کس طرح منطقی انجام کی طرف بڑھ رہا ہے چونکہ ایک طرف کہا جاتا ہے کہ جو بھی کوئی غلط کام کرے گا اس کو بالآخر پکڑ لیا جائے گا لیکن آہستہ آہستہ لوگ نکلتے جا رہے ہیں۔ لوگوں کے بچاﺅ کے راستے نظر آ رہے ہیں اور مختلف قسم کی عدالتی نظام میں بھی ان کے لئے سہولتیں ہیں لگتا نہیں ہے۔ عمران خان کہتے ضرور ہیں بالآخر زرداری صاحب کا ٹھکانہ جو ہے وہ جیل ہے لیکن بظاہر تو اس کی بھی کوئی صورت نظر نہیں آتی۔ کیونکہ عبوری ضمانت ان کی منظور ہوتی جا رہی ہے۔ میں تو یہ سمجھتا ہوں کہ بظاہر یہی دکھائی دیتا ہے کہ ہر طریقے سے جن کو جیل میں ہونا چاہئے تھا وہ باہر ہیں۔ اپوزیشن کوشش تو کر رہی ہے۔ رمضان المبارک میں کوئی تحریک نہیں چلتی روزہ رکھ کر کوئی دھوپ میں باہر نہیں نکلتا۔ عید کے بعد شاید کوئی موومنٹ بن سکے بظاہر تو اس کے بھی چانسز نظر نہیں آ رہے۔ پاکستان کے عوام کو سوائے اس کے کوئی کام نہیں ہے کہ ہر کرپٹ آدمی کو چومے اور کندھوں پر سوار کرے اور پھر اس کے نعرے لگائے لگتا یہی ہے پیسے ہونے چاہئیں آدمی کے پاس اور اگر وہ پیسہ خرچ کر سکتا ہے۔ پاکستان میں ایسا کیو ںہے ہر شخص جو جرم کا مرتکب ہوتا ہے لوگ اس کو سر آنکھوں پر بٹھائے اور اس پر گل پاشی کرتے ہیں پھر اگر اس کی ضمانت ہوتی ہے یا سہولت ملتی ہے تو لوگ اس پر خوشیاں مناتے ہیں۔ کیا پاکستان کے لوگ لوٹ مار کرنے والوں کو پسند کرتے ہیں۔ ان کو ہیرو سمجھتے ہیں۔ اس کا وطیرہ یہی ہو گا۔ جو لوگ قانون کو توڑیں گے ان کو ہیرو سمجھا جائے گا۔ اس ملک کے جتنے ہیرو ہیں وہ بدمعاش کیوں ہیں۔ نظام انصاف میں کمی ضرور ہے۔ ثابت یہ ہوتا ہے ایفی ڈرین منگواتے ہیں وہ ٹھیک ہی کر رہے ہیں۔ گھوٹکی کی دو لڑکیوں نے اپنی مرضی سے اسلام قبول کیا کو شوہروں کے ساتھ رہنے کی اجازت مل گئی ہے جہاں تک اعداد و شمار کا تعلق ہے ایک لڑکی کی عمر 18 سال دوسری کی 19 سال ہے۔ دونوں عاقل ہیں اور مرضی سے مذہب قبول کیا ہے اب یہ بھی ثابت ہو گا ہے ان پر جبر یا تشدد نہیں برتا گیا اب وہ اپنے گھروں میں خوش ہیں۔ وہ جو کہتے ہیں کہ میاں بیوی راضی تو کیا کرے گا قاضی۔ پاکستان میں اقلیتوں کے حالات کافی بہتر ہیں۔ عبدالعلیم خان صاحب کے جوڈیشل ریمانڈ میں 20 اپریل تک توسیع کے حوالہ سے بات کرتے ہوئے ضیا شاہد نے کہا کہ تفتیش کے لئے یقینا وقت چاہئے غیر متعین وقت تو نہیں چاہتے۔ نیب کے قوانین میں بہت ساری ایسی چیزیں ہیں جن پر نظر ثانی کی ضرورت ہے۔ ایک مدت مقرر کرنی پڑے گی کہ اس عرصہ میں کیس کا فیصلہ ضرور ہو جائے گا۔
نیب کی تفتیش کے لئے وقت ضرور درکار ہوتا ہے تاہم سالوں کا وقت تو نہیں دیا جا سکتا، نیب کی تفتیش کے طریق کار کے معاملات پر نظر ثانی کی ضرورت ہے، مختلف جرائم کی نوعیت کے لحاظ سے ایک خاص وقت مقرر ہونا چاہئے تا کہ کیسز منطقی انجام تک پہنچ سکیں سلہا سال تک تفتیش جاری نہیں رہنی چاہئے۔
مستعفی ہونے والے ایڈووکیٹ جنرل احمد اویس بڑی اچھی شخصیت کے مالک معزز خاندان سے تعلق رکھتے ہیں ہمارے دوست حمید گل مرحوم کے داماد ہیں، اگر انہوں نے مرضی سے استعفیٰ دیا ہے تو کوئی ہرج نہیں ہے اور اسے ایشو نہیں بنانا چاہئے۔ مقبوضہ کشمیر میں اب تک کی اطلاعات کے مطابق بھارتی الیکشن کا بائیکاٹ کیا گیا ہے ٹرن آﺅٹ 10 فیصد تک بھی نہیں پہنچ سکا۔ بی جے پی اس الیکشن میں ماضی جیسی اکثریت لینے میں کامیاب نہیں ہو سکے گی کیونکہ وہاں اپوزیشن بھی متحد ہے، فنکار برادری، ادیب، شعراءتک مودی کیخلاف ہیں۔ مودی کو اترپردیش گجرات سے بھی اتنی بڑی کامیابی نہی ںملے گی جتنی پہلے ملتی رہی ہے۔ بھارت کی پروپیگنڈا وار میں دنیا میں بری طرح شکست ہوئی ہے پاکستان کے خلاف جارحیت کے بعد اس نے جو جھوٹ بولے جتنے دعوے کئے وہ سب غلط ثابت ہوئے ہیں۔ برطانیہ اور امریکہ کے بڑے اخبارات اور میڈیا تک نے بھارتی پروپیگنڈے کو جھوٹ قرار دیا جس سے مودی سرکار کے دعوﺅں کی قلعی کھل گئی بھارتی افسران تو سوالوں کا جواب دینے کے بجائے پریس کانفرنس چھوڑ کر بھاگ نکلے تھے۔ ان تمام عوامل کو دیکھتے ہوئے بخوبی اندازہ لگایا جا سکتا ہے کہ نریندر مودی کو مشکلات کا سامنا ہو گا۔