لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ لیگز پر پابندی لگا دینی چاہئے اس سے کھلاڑی خراب ہوتے ہیں کیونکہ وہ سارا زور پیسہ کمانے میں لگا دیتے ہیں او ر ان فٹ ہو جاتے ہیں۔عماد وسیم کو بھی فٹنس مسائل ہیں ۔ چینل ۵ کے پروگرام گگلی میںگفتگوکرتے ہوئے سابق کرکٹرنے کہا کہ سرفراز کو پتہ ہونا چاہئے تھا آسٹریلیا کے خلاف کس کھلاڑی کو کھلانا ہے کسے نہیں۔بابر اعظم بالکل فٹ تھے انہیں بھی کھلانا چاہئے تھا۔حسن علی بھی بہترین باﺅلر تھا ۔پاکستان کپ کی پرفارمنس دیکھنی چاہئے تھی اس سے اچھا کھلاڑی مل سکتا تھا۔ڈومیسٹک کرکٹ کا ہمارا معیار بہت ہلکا ہے۔عمر اکمل کو کھیلنے کا موقع ملا لیکن وہ پرفارم نہ کر سکا۔ آسٹریلیا کے خلاف پانچ میچوں کی سیریز میں وائٹ واش پر یہ کہنا یہ کوئی معنی نہیں رکھتا انتہائی غیر ذمہ دار باتیں ہیں۔کوچ کو اس قسم کی باتیں نہیں کرنی چاہئیں۔
