اسلام آباد (ویب ڈیسک ) مبینہ طور پر بہن کا ریپ کرنے کے الزام میں گرفتار 3 بھائیوں کو جوڈیشل ریمانڈ پر اڈیالہ جیل منتقل کردیا گیا۔ایک سینئر پولیس افسر نے بتایا کہ ملزم میں ایک مذہبی اسکالر ہے جو آن لائن خطبات دیتا تھا، اس پر الزام ہے اس نے مدرسے میں متاثرہ لڑکی کا ریپ کیا جبکہ دیگر دو ملزمان پیشے کے لحاظ سے مزدور ہیں۔پولیس افسر کا کہنا تھا کہ متاثرہ لڑکی کی عمر 15 سال ہے جبکہ ملزمان کی عمریں 22 سے 30 کے درمیان ہیں۔انہوں نے بتایا کہ ملزمان کی جانب سے متاثرہ لڑکی کو دھمکی دی گئی تھی اور اسے چپ رہنے کا کہا گیا تھا۔پولیس کے مطابق لڑکی کے اہل خانہ 5 بھائی اور 4 بہنوں پر مشتمل ہے اور وہ بنوں سے تعلق رکھتے ہیں لیکن گزشتہ کئی برسوں سے وہ گولڑہ میں رہائش پذیر ہیں۔ان کا کہنا تھا کہ متاثرہ لڑکی بہن بھائیوں میں چھوٹی تھی اور وہ والدین کے انتقال کے بعد سے بھائیوں کے ساتھ رہ رہی تھی۔اس حوالے سے ایس ایچ او گولڑہ انسپکٹر ارشد علی کا کہنا تھا کہ گرفتار ملزمان کو عدالت میں پیش کیا گیا، جہاں انہیں جوڈیشل ریمانڈ پر جیل منتقل کردیا گیا۔انہوں نے بتایا کہ عدالت کی جانب سے مزید احکامات تک متاثرہ لڑکی کو حفاظتی مرکز منتقل کرنے کا حکم بھی دیا گیا۔ایس ایچ او کا کہنا تھا کہ پولیس نے متاثرہ لڑکی کے مرحوم والد کے ڈاکٹر دوست تک رسائی حاصل کی اور ان کے کلینک کا دورہ کرکے متاثرہ لڑکی سے بیان ریکارڈ کیا۔انسپکٹر ارشد علی کا کہنا تھا کہ کلینک میں موجود ڈاکٹرز اور مقامی بزرگ رہنماﺅں نے پولیس کو بتایا کہ متاثرہ لڑکی کے الزامات پر ملزمان سے سختی سے پوچھ گچھ کی تو انہوں نے جرم کا اعتراف کرلیا، جس کے بعد ملزمان کے خلاف مقدمہ درج کروایا گیا اور انہیں گرفتار کرلیا گیا۔ایس ایچ او نے مزید بتایا کہ ملزمان نے 3 روز کے جسمانی ریمانڈ کے درمیان بھی جرم کا اعتراف کیا، جس کے بعد انہیں عدالت میں پیش کیا گیا جہاں انہیں اڈیالہ جیل منتقل کردیا گیا۔خیال رہے کہ واقعے کی ایف آئی آر کے مطابق متاثرہ لڑکی والدین کے انتقال کے بعد اپنے بھائیوں کے ساتھ رہ رہی تھی، 2 سال قبل ملزمان میں سے ایک نے پہلی مرتبہ اس کا ریپ کیا، جس کے بعد دو ہفتوں کے لیے اسے زیادتی کا نشانہ بناتا رہا۔اس کے کئی ہفتوں بعد ایک اور ملزم کی جانب سے لڑکی کو 3 مرتبہ جنسی طور پر ہراساں کیا گیا اور تیسری مرتبہ یہ عمل مدرسے میں کیا گیا۔ایف آئی آر کے مطابق لڑکی کی درخواست پر اسے مدرسے سے لے جایا گیا اور جب وہ واپس گولڑہ آئی تو 4 روز کے لیے مزار میں قیام کیا جہاں اسے اپنی طبیعت ٹھیک نہیں لگی۔بعد ازاں جب لڑکی علاج کے لیے اپنے والد کے دوست کے پاس گئی تو وہاں اس سے وہاں جانے کے بارے میں معلوم کیا گیا جبکہ لڑکی نے اس کے ساتھ جو ہوا اس بارے میں بتایا۔

اسلام آباد (ویب ڈیسک ) افغانستان میں تعینات امریکی سفیرجون راڈنی باس نے وزیراعظم عمران خان کے بیان پر تنقید کی جس کا وفاقی وزیرشیریں مزاری نے جم کرجواب دیا ہے۔امریکی سفیر نے سماجی رابطے کی ویب سائٹ ٹوئٹر پر لکھا کہ سفارت کاری میں کرکٹ کے کچھ پہلو اپلائی ہوتے ہیں اور کچھ نہیں، وزیراعظم عمران خان کو مخاطب کرکے لکھا کہ ضروری ہے کہ افغان امن عمل میں ٹیمپرنگ نہ کی جائے کہ یہ اندرونی معاملہ ہے۔ امریکی سفیر کے اس بیان پر وفاقی وزیر شیریں مزاری وزیراعظم کے دفاع کے لیے میدان میں آگئیں۔شیریں مزاری نے اسی فورم پر جواب دیتے ہوئے امریکی سفیر کو بونا قراردیا اور لکھا کہ جتنی کم معلومات آپ کو بال ٹیمپرنگ سے متعلق ہیں، اتنی ہی افغانستان اور خطے کے بارے میں بھی ہیں۔انہوں نے مزید لکھا کہ واضح طور پر آپ کے معاملے میں جہالت یقینی طور پر پسند نہیں ہے۔وفاقی وزیر نے امریکی سفیر کے رویے کو ڈونلڈ ٹرمپ کا نامناسب رویہ قرار دیا جوامریکی نمائندہ خصوصی برائے افغانستان زلمے خلیل زاد اپناتے ہیں۔امریکی سفیر کے بیان پر وفاقی وزیر کے علاوہ سوشل میڈیا صارفین نے بھی ردعمل دیا اور لکھا کہ افغان امن عمل میں مداخلت کی بات اس امریکہ کا سفیرکررہا ہے جس نے دہشتگردی کے خلاف جنگ کے نام پر افغانستان کو تباہ کردیا ہے۔اسی طرح ایک اور صارف نے لکھا کہ امریکہ نے افغانستان میں جتنے ڈالر جنگ پرخرچ کیے ہیں، اگر اتنی سرمایہ کاری امن پر کی ہوتی تو اب تک افغانستان دنیا کے پرامن اورخوشحال ممالک میں شامل ہوچکا ہوتا۔

اسلام آباد (ویب ڈیسک )پرانے پاسپورٹ کا دور ختم، حکومت کی جانب سے نئی طرز کے پاسپورٹ جاری کرنے کا اعلان، روایتی ویزہ کے بعد اب ای ویزہ شروع کرنے کا فیصلہ، ای ویزوں کا اجرائ2 ماہ کے اندر اندر شروع کر دیا جائے گا۔تفصیلات کے مطابق ڈائریکٹر جنرل امیگریشن اینڈ پاسپورٹ کی جانب سے پاکستان میں نئی طرز کے پاسپورٹس کے اجراءکا اعلان کیا گیا ہے۔ڈائریکٹر جنرل امیگریشن اینڈ پاسپورٹ عشرت علی کی جانب سے بتایا گیا ہے کہ حکومت جلد ای ویزہ سروس کا آغاز کر دے گی۔بتایا گیا ہے کہ حکومت 2 ماہ کے اندر اندر ای ویزوں کے اجراءکے آغاز کا ارادہ رکھتی ہے۔ اس سلسلے میں ہوم ورک بھی مکمل کر لیا گیا ہے۔بتایا گیا ہے کہ ای پاسپورٹ کی فیس روایتی پاسپورٹ کی فیس سے قدرے زیادہ ہوگی۔ تاہم پرانی طرز کے پاسپورٹ کا اجراءبند نہیں کیا جائے گا۔ وزارت داخلہ کی جانب سے روایتی اور ای دونوں طرز کے پاسپورٹس کا اجراءکیا جائے گا۔ ای پاسپورٹ کے ذریعے سیکورٹی فیچرز کو بہتر بنانے کی کوشش کی گئی ہے۔ جبکہ ای پاسپورٹ کے اجراءکا ایک اور اہم ترین مقصد غیر ملکی سیاحوں کو پاکستان کی جانب راغب کرنا ہے۔

اسلام آباد (ویب ڈیسک ) بھارت نے کرتارپور راہداری پر 2 اپریل کو طے شدہ میٹنگ اچانک موخر کردی۔دفتر خارجہ کے ترجمان ڈاکٹر فیصل نے ٹوئٹر کے ذریعے بھارت کی جانب سے میٹنگ موخر کیے جانے کی تصدیق کی۔ڈاکٹر فیصل نے کہا کہ پاکستان کو بھارت کی جانب سے مذاکرات موخر کیے جانے کے فیصلے پر افسوس ہوا۔ترجمان کا کہنا تھا کہ 14 مارچ کو کرتاپور راہداری کے حوالے سے ہونے والے مذاکرات میں دونوں طرف سے آئندہ میٹنگ پر بلانے پر اتفاق ہوا تھا، ان مذاکرات میں تصفیہ طلب مسائل اور ان کے حل پر گفتگو کی گئی تھی۔ڈاکٹر فیصل نے مزید کہا کہ پاکستان کا موقف جانے بغیر آخری لمحات اور بالخصوص 19 مارچ کو ایک مثبت تکنیکی مذاکرات کے بعد میٹنگ موخر کرنا ناقابل فہم ہے۔بھارت کی جانب سے میٹنگ موخر کیے جانے سے قبل ڈاکٹر فیصل نے بھارتی میڈیا کو میٹنگ کی کوریج کی اجازت بھی دی تھی۔

لاہور (ویب ڈیسک ) وزیراعلی پنجاب انفارمیشن ٹیکنالوجی کے استعمال سے سرکاری محکموں میں آئے سائلین سے براہ راست رابطہ کریں گے ۔ وزیراعلی آفس کے نمائندے تمام اضلاع کے سرکاری دفاتر کا وقتا فوقتا دورہ کریں گے ۔ ڈیجیٹل ڈیوائس (ٹیبلیٹ) کے زریعے سائلین کا وزیراعلی سے براہ راست رابطہ کروایا جائے گا ۔ عوامی مسائل حل کرنے اور افسران کی کارکردگی مانیٹر کرنے کے لئے وزیراعلی براہ راست احکامات جاری کریں گے ۔ اس سسٹم کے زریعے وزیراعلی پنجاب نے لاہور اور ڈی جی خان میں شہریوں سے رابطہ کیا۔عوامی مسائل کو حل کرنے گڈ گورننس اور سروس ڈلیوری کو بہتر کرنے میں مدد ملے گی۔اس سسٹم کے تحت اوپن ڈور پالیسی سرکاری محکموں میں حاضری اور افسران بارے عوامی رائے جاننے میں مدد ملے گی۔