راولپنڈی(آئی این پی)پاکستان کرکٹ کے سب سے بڑے ڈومیسٹک ٹورنامنٹ قائد اعظم ٹرافی 2018-19 کا آغاز (آج) ہفتہ سے ہوگا۔ پاکستان کرکٹ بورڈ (پی سی بی)کے مطابق میگا ایونٹ میں ریجنل اور ڈیپارٹمنٹل ٹیمیں حصہ لیں گی جنہیں دو گروپوں میں تقسیم کیا گیا ہے۔ گروپ اے میں اسلام آباد ریجن، لاہور ریجن وائٹس، سوئی نادرن گیس، فاٹا ریجن، نیشنل بنک، حبیب بنک، پشاور ریجن اور خان ریسرچ لیبارٹریز (کے آر ایل) شامل ہے جبکہ گروپ بی میں راولپنڈی ریجن، ملتان ریجن، پاکستان ٹیلی ویژن (پی ٹی وی)، سوئی سدرن گیس، لاہور ریجن بلیوز، زرعی ترقیاتی بنک، کراچی ریجن وائٹس اور واپڈا شامل ہے۔ٹورنامنٹ کے افتتاحی روز ملک کے مختلف گراﺅنڈز میں آٹھ میچ شروع ہوں گے۔گروپ اے میں لاہور ریجن وائٹس اور سوئی سدرن گیس کی ٹیمیں ایل سی سی اے گراﺅنڈ، لاہور میں آمنے سامنے ہوں گی۔ فاٹا ریجن اور نیشنل بنک کے مابین میچ ایبٹ آباد کرکٹ سٹیڈیم میں شروع ہوگا۔

اسلام آباد ریجن اور حبیب بنک کی ٹیمیں ڈائمنڈ کرکٹ گراﺅنڈ، اسلام آباد میں مدمقابل ہوں گی۔پشاور ریجن اور کے آر ایل کے درمیان میچ کے آر ایل سٹیڈیم، راولپنڈی میں شروع ہوگا۔ گروپ بی میں ملتان ریجن اور پی ٹی وی کی ٹیمیں ملتان کرکٹ سٹیڈیم میں نبرد آزما ہوں گی۔ راولپنڈی ریجن اور سوئی سدرن گیس کے درمیان میچ راولپنڈی سٹیڈیم میں شروع ہوگا۔ لاہور ریجن بلیوز اور زرعی ترقیاتی بنک کی ٹیمیں اقبال سٹیڈیم، فیصل آباد میں آمنے سامنے ہوں گی جبکہ کراچی ریجن وائٹس اور واپڈا کے درمیان میچ نیشنل سٹیڈیم، کراچی میں شروع ہوگا۔

پشاور (نیوزایجنسیاں)قومی کرکٹ ٹیم کے سابق کپتان یونس خان نے کہا ہے کہ پاکستان تحریک انصاف کی جانب سے مجھے کوئی عہدہ آفرہواتو قبول کروں گا۔ یونس خان کا میڈیا سے گفتگو کرتے ہوئے کہناتھاکہ عمران خان کے وزیراعظم بننے سے کھیلوں کو فروغ ملے گا،میں نے پا کستان کرکٹ ٹیم کی نمائند گی کی اس پرمجھے فخر ہے۔انہوں نے کہاکہ اگر پاکستان تحریک انصاف کی جانب سے مجھے کوئی عہدہ آفر ہواتو قبول کروں گا ،ملک میں کرکٹ کے فروغ کےلئے اپنی خدمات انجام دوں گا۔

واضح رہے کہ 4ستمبرکو پی سی بی کے نئے چیئرمین کے انتخاب کےلئے بھی ووٹنگ ہوناہے اورعمران خان نے سابق آئی سی سی صدراحسان مانی کو اس منصب کےلئے نامزدکیاہے۔

لاہور(نیوزایجنسیاں)سابق کپتان مصباح الحق نے کرکٹ کے میدان میں واپسی کا اعلان کرتے ہوئے کہا کہ کرکٹ کھیلنے کا دل کرتاہے، اسی لیے میدان میں واپس آرہا ہوں ۔میڈیاکے مطابق مصباح الحق نے میڈیا سے گفتگو کرتے ہوئے کہا کہ ارادہ توتھا کہ کرکٹ نہ کھیلوں مگرٹیم کی ضرورت کے باعث واپس آیا، ٹیم کے کئی کھلاڑی مصروف ہونگے، مینجمنٹ کی درخواست پر واپس آیا ہوں ،ڈومیسٹک سیزن وقت سے پہلے شروع ہونے کا اثرپرفارمنس پر ہوگا، گرم موسم ، صرف ایک دن کابریک ،سیزن بہت ٹف ہوگا،وقت سے پہلے میچز کاانعقاد کھلاڑیوں کی انجریز کاباعث بن سکتا ہے ۔مصباح الحق کا کہنا تھا کہ نئے لڑ کوں کا فٹنس لیول بہت اچھا ہے، قومی کرکٹ ٹیم میں کوئی کمی نہیں، یہ ٹیم مخالفین کیلئے تھریٹ ہے ،عمران خان جتنا کرکٹ کو سمجھتے ہیں، امید ہے کہ پاکستانی کھیلوں کو فائدہ ہوگا ،محدود اوورزکے فارمیٹ میں پاکستان ٹیم کابیلنس اچھا ہے ۔

جکارتہ(سپورٹس ڈیسک)ایشین گیمز2018ءمیں پاکستان نے چوتھا کانسی کاتمغہ اپنے نام کرلیا۔پاکستانی سکواش ٹیم کو سیمی فائنل میں شکست کاسامنا کرناپڑاجس پر قومی ٹیم برونزمیڈل کی حقدارقرارپائی،دوسرے سیمی فائنل میں ہانگ کانگ نے بھارت کو شکست سے دوچارکرتے ہوئے فائنل کےلئے کوالیفائی کیا۔بیس بال ایونٹ کے پلے آفزراﺅنڈ میں پاکستان نے عمدہ کارکردگی کامظاہرہ کرتے ہوئے ہانگ کانگ کو12-2سے شکست دی۔رگبی کے 9ویں سے 12ویں پوزیشن کے پلے آف میں پاکستان نے میزبان انڈونیشیا کو21-5 سے مات دی۔جوڈومیں قومی کھلاڑیوں نے مایوس کن کھیل کامظاہرہ کیا ۔ قیصرخان اورشاہ حسین شاہ ابتدائی راﺅنڈمیں ہی ناکام ہوگئے ۔جکارتہ اورپالم بینگ میں جاری 18ویں ایشین گیمزمیںسکواش کے ٹیم ایونٹ سیمی فائنل میں پاکستان کو ملائیشیا کاچیلنج درپیش تھا۔ابتدائی میچ میں ملائیشیا کے نافذوان عدنان نے پاکستان کے طیب اسلم کےخلاف عمدہ کھیل کامظاہرہ کرتے ہوئے باآسانی 11-8،11-6 اور11-6سے فتح حاصل کی اور ٹیم کو1-0کی برتری دلادی۔دوسرے میچ میںآئن یاﺅنے پاکستانی پلیئر اسراراحمد کوایک گیم کے خسارے میں جانے کے باوجود کم بیک کرتے ہوئے 7-11، 11-8، 16-14 اور 11-6 سے کامیابی سمیٹی اور ملائیشیا کو 2-0کی ناقابل شکست برتری دلادی۔دوسرے سیمی فائنل میں ہانگ کانگ نے بھارت کو2-0سے ہرایا۔

۔بیس بال ایونٹ کے ایک اہم میچ میں پاکستان اور ہانگ کانگ کی ٹیمیں آمنے سامنے تھیں جس میں پاکستان کی ٹیم نے انہتائی شاندار کارکردگی کا مظاہرہ کرتے ہوئے ہانگ کانگ کی ٹیم کو 2 کے مقابلے میں 12 سکور سے ہرا یا۔

جکارتہ(آئی این پی)جاپان اور ملائیشیا کی ٹیمیں اٹھارہویں ایشین گیمز مینز ہاکی ٹورنامنٹ کے فائنل میچ میں آج مدمقابل ہونگی ۔تیسری پوزیشن کے میچ میں روایتی حریف پاکستان اوربھارت آمنے سامنے ہونگے۔تفصیلات کے مطابق جاپان نے مینز ہاکی ایونٹ کے پہلے سیمی فائنل میچ میں انتہائی سخت مقابلے کے بعد پاکستان کو 1-0سے شکست دیکر ایونٹ کا فائنل کھیلنے کا اعزاز حاصل کیا جبکہ دوسرے میچ میں ملائیشیا نے بھارت انتہائی سخت اور اعصاب شکن مقابلے کے بعد 7-6سے شکست دیکر فائنل تک رسائی حاصل کی۔ ایونٹ میں پاکستان اور بھارت کی ٹیموں کے درمیان کانسی کے تمغے کے حصول کے لئے میچ بھی ہفتہ کو ہی کھیلا جائیگا۔