لاہور (مانیٹرنگ ڈیسک) تجزیوں اور تبصروں پر مشتمل چینل فائیو کے پروگرام ”کالم نگار“ میں گفتگو کرتے ہوئے تجزیہ نگار خالد چوہدری نے کہا ہے کہ عمران خان وزیر اعظم نہیں بن سکتے۔ ملک میں خطرناک اور خوفناک گیم کھیلی جارہی ہے۔ عام آدمی کے پارلیمنٹ میں آنے تک کوئی پسے ہوئے عوام کی آواز نہیں بنے گا۔ تمام سیاسی جماعتیں سیٹیس کی نمائندہ ہیں۔ الیکشن کمیشن اور دیگر ادارے (ن) لیگ کے مفاد میں کام کررہے ہیں۔ تاہم خوبصورتی یہ ہے کہ عوام میں شعور آیا ہے اور وہ سوال کررہے ہیں۔ میرے ہمسائے فواد چودھری کی دوسری بیوی نکل آئی ہے جو مجھے بھی معلوم نہیں تھا۔ انہوں نے کہا کہ ہم آئی ایم ایف کے پاس جانے پر مجبور ہورہے ہیں۔ ایف اے کی ایف میں برادر ملک بھی شامل ہیں جنہوں نے پاکستان کو گرے لسٹ میں ڈالا کوئی ہمالیہ سے اونچی دوستی اور چین وعرب ہمارا نہیں۔ صرف مفادات میں ہمیں گمراہ کیا جا رہا ہے۔ پاکستان کو گرے لسٹ سے نکا لنے کے لیے ٹھوس اقدامات ہونے چاہیں۔ پاکستان کا مقدمہ شمشاد اختر نے ٹھیک پیش کیا ہمارے کرتوت نہیں اچھے۔ پروگرام میں تجزیہ نگار ضمیر آفاقی نے کہا کہ ایف اے کی ایف 1989میں 7بڑوں نے قائم کی۔ پاکستان نے نیشنل ایکشن پلان پر کام کیا مگر نگران حکومت پاکستان کے اقدامات پر ایف اے کی ایف کو قائل نہیںکرسکی۔ اب ستمبر 2019تک مزید 26نقاط پر پاکستان کو عمل کرنا ہوگا ورنہ بلیک لسٹ میں جاسکتے ہیں۔ نئی حکومت کو خارجہ وداخلی پالیسی واضع کرنا ہوگی۔ ان کا مزید کہنا تھا کہ شاہد خاقان عباسی کی نااہلی ختم ہونے کے باوجود توہین عدالت کیس میں سزا ہو سکتی ہے۔ ن لیگ حق بجانب ہے کہ زیادتی صرف انکے ساتھ ہورہی ہے۔ تجزیہ نگار مریم ارشد نے کہا کہ پاکستان کے پاس قدرتی ذخائر کی کمی نہیں اور قربانیاں بھی بہت دی ہیں۔ پاکستان کو ملکی مفاد کی بات کرنیوالا لیڈر چاہیے۔ مجاہدین سے دہشتگرد بننے والوں کی طرح چینیوں کو بھی ہم پاکستانی شہریت دےکر غلطی کررہے ہیں۔ وہ ہمارے ساتھ سخت سلوک کرینگے۔ میزبان تجزیہ نگار توصیف احمد خان نے پروگرام میں تجزیہ پیش کرتے ہوئے کہا کہ تحریک انصاف کو اکثریت بھی مل جائے تو وہ وزیر اعظم نہیں بن سکتے۔ جنرل احسان کی بات میں وزن لگتا ہے کہ اگلے وزیراعظم شاہد خاقان عباسی ہونگے۔ انہوں نے کہا کہ ملک میں مڈل کلاس بلکہ 10کروڑ رکھنے والا شخص بھی الیکشن لڑنے کا اہل نہیں ہے۔ شادیوں کی طرح سینیٹ میں بھی ہر طرح کے موقف آگئے ہیں۔

لاہور(مانیٹرنگ ڈیسک) غیر سیاسی بشریٰ کا پہلا سیاسی اقدام منظر عام پر آگیا، عمران خان کی اہلیہ تحریک انصاف کی روٹھی خواتین کو منانے میں کامیاب ہوگئیں،کپتان کی جدوجہد کے واقعات سن کر خواتین رہنما متاثر ہوگئیں، نجی ٹی وی کے مطابق تحریک انصاف کی روٹھی سیاسی خواتین جو کئی دنوں سے مسلسل احتجاج کررہی تھیں ان کو غیر سیاسی بشریٰ نے اس انداز سے اپنا بیان سنایا کہ سب ہی انکی مطیع ہوگئیں اور انکے گن گانے لگیں، ناراض خواتین نے اعتراف کیا کہ اب وہ کھل کر پارٹی کمپئن چلائیں گی، انکا کہناتھا کہ بشریٰ بی بی نے عمران خان کی جدوجہد اور دیگر معاملات پر ہمیں اس انداز سے وعظ دیا پیار دیا کہ ہماری آنکھوں میں آنسو آگئے ، تحریک انصاف کی سرگرم ناراض رکن فاطمہ عثمان کا کہناتھا کہ وہ بشریٰ بی بی کا خطاب سن کر رو پڑیں، پارٹی انہیں کوئی عہدہ یا منصب نہ دے وہ پھر بھی پارٹی کی کمپئن چلائیں گی۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ بڑا مشہور لطیفہ ہے کہ دلی میں دو مشہور شاعر تھے وہ مرثیہ کے بڑے ماسٹر تھے۔ ایک میر انیس تھے۔ دوسرے میر دبیر تھے۔ نے کہا کہ میر انیس کی کیا میر دبیر کی کیا پوچھتے ہیں۔ ایک آہ ہے دوسرا واہ ہے۔ ہم کیا کہہ سکتے ہیں کہ سجاد علی شاہ کے رول میں ہمارے چیف جسٹس صاحب ہوں گے یا کوئٹہ بنچ کے لوگوں کی جگہ ہمارے پنڈی کے ہائی کورٹ کے سربراہ ہوں گے تو اس لئے بھائی ہم تو یہی کہہ سکتے ہیں ایک آہ ہے اور دوسرے واہ یہی بلکہ چیف جسٹس صاحب بڑے ہیں وہ آہ ہیں اورجو اسلام والے ہیں واہ ہیں۔ یہ فیصلہ تو حفظ مراتب اس کی بنیادپر ہو گا۔ میاں غفار نے کہا کہ ابھی تو یہ طے ہونا باقی ہے کہ جسٹس تارڑ کون ہوں گے۔ ضیا شاہد نے کہا کہ جسٹس تارڑ کا بڑا مقام ہے۔ اگر آپ جسٹس تارڑ صاحب سیاست میں کس طرح آئے اور وزیراعظم اور ان کی فیملی کے حق میں کتنے مقدمات کئے۔ ان کی قدر و منزلت میں کوئی کسر نہیں اٹھا رکھتے۔ چنانچہ انہیں تارڑ صاحب کو پہلے سینٹ کا ممبر بنایا گیا پھر وقت آیا تو ان کو ملک کا صدر بنا دیا گیا حالانکہ آپ کو یاد ہو گا۔ اس وقت بڑے اعتراضات ہوئے تھے پوری قیادت لاہور میں مرکوز تھی بلکہ صرف ماڈل ٹاﺅن میں مرکوز تھا۔ وسیم سجاد چیئرمین سینٹ ہوتے تھے وہ بھی گلبرگ اور ماڈل ٹاﺅن کے رہنے والے تھے۔ تارڑ صاحب ماڈل ٹاﺅن کے ساتھ ہی ملحقہ جوہر ٹاﺅن میں رہتے تھے وہ صدر تھے۔ جناب نوازشریف صاحب وزیراعظم تھے۔ ضیا شاہد نے کہا کہ یوں لگتا ہے کہ آنکھ مچولی ہے۔ ایک دن ایک بندہ اہل دوسرے دن ساتھ والی عدالت سے اہل ہو جاتا۔ جو ہو رہا ہے اسے دیکھتے جائیں۔ضیا شاہد نے کہا کہ خود چیف جسٹس آج کل بہت سنجیدگی سے پانی کی کمی کے مسئلے کے پیچھے پڑے ہوئے ہیں انہوں نے میری رٹ کے ساتھ ہی پانی کے ایشو پر اوپر نیچے دو رٹیں تھیں۔ ایک کالا باغ ڈیم کے سلسلے میں تھی اس میں بڑی سنجیدگی سے انہوں نے شمس الملک صاحب کو بلا کر سنا ہے اور لوگوں کو بھی بلایا ہے اور انہوں نے ایک کمیٹی بھی بنا دی ہے ہمارے محترم اعتزاز احسن صاحب کو انہوں نے پانی کے مسئلے پر خصوصی معاون مقرر کیا ہے۔ اور اعتزاز احسن صاحب بڑے فاضل آدمی ہیں۔ میرا کیس ڈیڑھ سال سے یہی لگا ہوا ہے وہ سادہ سا ہے میری درخواست یہ ہے کہ سپریم کورٹ آف پاکستان میں میری جو رٹ منظور ہوئی ہے اس میں پانچ لوگوں کو فریق بنایا گیا ہے یعنی وفاق پاکستان، نمبر2وزارت خارجہ بذریعہ سیکرٹری خارجہ کیونکر اس خارجہ معاملات بھی کرتے ہیں انڈیا آتا ہے۔ نمبر3 آبی وسائل کی وزارت جو تازہ تازہ بنی تھی جاوید علی شاہ ہمارے دوست ملتان سے اس کے وزیر بنے تھے۔ جاوید علی شاہ بادشاہ آدمی ہیں کل ان سے ملاقات کرتے ہیں ان سے پوچھتے ہیں کہ ادر آ کر ہمیں جواب دیں۔ انہوں مجھے یہی بتایا تھا کہ بڑا پیسہ ہے میں تو بڑا خوش ہوا تھا کہ ہمارے دوست کے پاس بڑا پیسہ آ گیا اور بالکل مسئلہ ہی کوئی نہیں ہے آبی وسائل کی وزارت پہلی دفعہ بنی ہے بلکہ میں تو ان سے کہتا تھا کہ دو تین ماہ الیکشن میں باقی ہیں آپ نے گھر چلے جانا ہے انہوں نے کہا کہ میں واٹر پالیسی بنا کر جاﺅں گا۔ پھر جناب یہ عجیب و غریب بات ہے کہ دوست سے پوچھیں گے کہ جس دن واٹر پالیسی کا اعلان ہو رہا تھا اس میں سارے لوگ موجود تھے سوائے ہمارے دوست جاوید علی شاہ کے۔ پتہ کیا باہمی ناراضی تھی ان سے پوچھتے ہیں۔ میں نے ان سے کہا بھی تھا کہ آپ کے پاس اتنے ہی پیسے ہیں تو پچو¿ھلے سات سال سے بقول مرزا آصف بیگ جو سابق کمشنر ہیں تو ان کا کہنا تھا کہ سات سال سے ہم پی سی ون بنا کر بھیج رہے ہیں کہ ہمیں اتنے پیسے چاہئیں ہم نے ریسرچ کرنی ہے وکلاءکی خدمات حاصل کرنی ہیں انٹرنیشنل آبی ماہرین کی خدمات حاصل کرنی ہے کیونکہ ہم عالمی مصالحتی عدالت میں جانا چاہتے ہیں۔ اور آپ کو معلوم ہے کہ کشن گنگا کے سلسلے میں ہمارے پڑوسی ملک بھارت کے وزیراعظم نریندر مودی پچھلے دنوں اس کا افتتاح کرنے آئے جب وہ آئے تو ہماری ایجنسیوں کے کان کھڑے ہوئے کہ یہ کیا ہو گیا۔ اور فوری طور پر ایک وفد اٹارنی جنرل کی سربراہی میں ورلڈ بینک بھیجا گیا اور حسب معمول بغیر تیاری کے وہاں سے وہ ٹکہ سا جواب لے کر واپس آ گئے کہ انہوں نے اجازت نہیں دی۔ میں معمولی سا آدمی ہوں مجھے قانون دانی کا دعویٰ نہیں لیکن میں نے پڑھا بہت ہے۔ ایک دو سال ہو گئے اس پر کھپتے ہوئے۔ پاکستان کا کوئی ایڈیٹر نہیں ہے اخبار کا جس نے اس معاملے میں سلیمانکی جا کر دیکھا ہو کہ لکڑی کے شٹر ڈال کر ٹوٹل پانی بند کر دیا گیا ہے ایک قطرہ پانی اس طرف نہیں آتا۔ ہم جسڑ بھی گئے راوی بھی جہاں سے پاکستان میں داخل ہوتا ہے اور بیاس جو ہے اسے پاکستان میں داخل ہونے سے پہلے ہی غائب کر دیا گیا۔ بھارت نے اس کا سارا پانی روک کر راجستھان کو دے کر نہریں بنا دی ہیں بیاسا اس کو کہتے تھے (جو اب مکمل طور پر پیاسا دکھائی دیتا ہے) یہاں ملتان میں بھی اس کے آثار نظر آ جائیں گے۔ میاں غفار نے کہا کہ جی وہاڑی سے گزرتا ہے۔ضیا شاہد نے کہا کہ یہ بیاسا سرے سے غائب ہی ہو گیا ہے صفحہ ہستی سے ہی غائب ہو گیا۔ مسئلہ بیاس تھا۔ ہمارا نقطہ نظر یہ تھا دیکھیں انڈس واٹر ٹریٹی 1960ءمیں ہوا۔ ایوب خان کا دور تھا جی معین الدین ان کے سیکرٹری تھے جنہوں نے ہماری طرف سے جو کیس تیار کیا۔ دو، 2½ سال کام کیا وہ تھک گئے وہاں۔ بوڑھے آدمی تھے انہوں نے امریکن خاتون سے جو پہلے انہوں نے کہا تھا کہ میری پی اے ہے ٹائب کرتی ہے اس سے شادی کر لی۔ وہ 2، 2½ سال ادھورے اور اس معاہدے کی میم میخ درست کی۔ اس معاہدے میں ایک ہی پوائنٹ ہے جس پر میں رٹ میں گیا ہوں۔ وہ پوائنٹ یہ ہے کہ یہ دریائی پانی کا معاہدہ نہیں ہے یہ دریاﺅں کے نہری پانی کا معاہدہ ہے جس کو زرعی پانی کہتتے ہیں اور اس کے ساتھ ہی درج ہے کہ There are other usages of wager یعنی زرعی پانی کے علاوہ بھی چار اور پانی کے استعمال ہیں اس میں پہلا استعمال پینے کا پانی، گھریلو استعمال کا پانی، دوسرا ماحولیات کا پانی، تیسرا آبی حیات جھیلوں وغیرہ کا پانی، چوتھا ہے بجلی بنانے کا پانی، پن بجلی بنانے کا پانی اور پانچواں ہے جسے اتلافی پانی یہ انگریزی ٹرم کا ترجمہ: انڈیا نے چالاکی کی کہ تین دریا پاکستان کے حصے میں آئے جہلم، چناب اور سندھ ان کا پانی پاکستان کے حصے میں زرعی پانی آیا۔ اور تین دریا یعنی ستلج، بیاس اور راوی۔ ان کا زرعی پانی انڈیا کے حصے میں آیا۔ جو ٹرم ہے وہ یہ ہے کہ جہلم جناب اور سندھ جب تک انڈیا کے علاقے سے گزرتے ہیں یہ اس کی کلاز ہے تو ان دریاﺅں میں بھارت یہ چار استعمال کا پانی لے سکتا ہے یعنی پینے کا پانی، ہاﺅس ہولڈ کا پانی، ماحولیات کا پانی، پن بجلی کا پانی اور اتلافی پانی اصولاً تو ہونا یہ چاہئے تھا میں آپ ایک معاہدہ کرتے ہیں ایک کو ملتا ہے دوسرے کو کیوں نہیں مل سکتا۔ ہم نے اس کلیہ کو بنیاد بنا کر یہ کہ اگرچہ چناب اور سندھ میں یہ چار استعمال کا پانی انڈیا حق بجانب ہے اور معاہدے میں لکھوا لیا ہے تو میرا یہ کہنا حق ہے کہ پاکستان کو بھی حق حاصل ہے کہ ہمیں بھی یہ چار قسم کے استعمال کا پانی جو ہے جو راوی ستلج اور بیاس میں ہمیں بھی دیا جائے۔ آپ نے دیکھا ہو گا کہ انہوں نے پھٹے ڈال کر ٹوٹل بند کر دیا ہوا ہے کیا ہمیں پینے کے پانی، کیا ہمیں ہاﺅس ہولڈ، پن بجلی کی ضرورت نہیں ہے۔ کیا ہمیں ماحولیات یا جھیلوں کے پانی کی ضرورت نہیں ہے۔ جب 1960ءمیں یہ معاہدہ ہوا اور 63,62 میں جب اس پر عملدرآمد شروع ہوا تو صرف سلیمانکی سے لے کر پنجند ایک لاکھ 72 ہزار کیوسک چھوٹے حصہ کے جھونپڑوں میں رہنے والے ستلج کے دونوں طرف بہاولپور کی سائیڈ پر بھی جو ایک لاکھ 72 ہزار ماہی گیر بیروز گار ہو گئے تھے۔انہوں نے مزید کہا کہ پاکستان میں انڈس بیسن کے پاکستانی کمشنر جماعت علی شاہ تھے، جن پر الزام تھا کہ وہ انڈین مفادات کی ترجمانی کرتے تھے وہ پھر فرار ہو گئے۔ سالانہ 25 بلین انڈین روپے فنڈ ملے جو یہ خرچ نہیں کر سکتے، 5 ارب خرچ کرنے ہیں تو سنٹرل بینک آف انڈیا فوراب 5 ارب جمع کروا کر 25 ملین پورا کر دیتا ہے۔ انڈین واٹر کمیشن والے ہر سال پاکستان کے پاس منتیں سماجتیں کرتے ہیں۔ لاہور میں انڈس واٹر کمیشن کا چھوٹا سا دفتر ہے، میرے خیال میں اس کا سٹاف ڈیڑھ دو سو افراد پر مشتمل ہونا چاہئے جس میں ماہرین شامل ہوں۔ مجھے ایک افسر نے بتایا کہ بھارت اپنے مختلف ایجنڈوں میں ہمارے خاص جگہوں پر بیٹھے لوگوں کو ماہانہ پیسے دیتا ہے جس کی وجہ سے وہ خاموش رہتے ہیں۔پانی کے معاہدے کو 58 برس ہو چکے، کبھی کسی نے نہیں پڑھا اور سوچا کہ اگر انڈیا ہمارے دریاﺅں پر حق رکھتا ہے تو اپنے دریاﺅں کا پانی ہمارے لئے کیوں بند کر رکھا ہے۔ سابق ریاست بہاولپور کے نواب نے جب چولستان کا علاقہ آباد کرنا شروع کیا تو وہاں مٹی کے کشتے تھے یعنی نہریں بننا تھیں۔ سلیمانکی سے جو نہریں آتی تھیں وہ آگے چولستان جانی تھیں۔ بہاولپور میں چولستان کے بارے میں جو دستاویزات ہیں اس میں درج ہے کہ یہاں ”فوڈ باسکٹ آف پاکستان“ بن رہا ہے جب ستلج سے پانی آ جائے گا۔ جب میں ملتان سے میٹرک کر کے لاہور آیا تھا تو راوی میں بے تحاشا پانی آتا تھا، میں خود اس میں بوٹنگ کرتا رہا ہوں۔ اس زمانے میں زیر زمین 12 سے 14 فٹ پر پینے کا میٹھا پانی مل جاتا تھا۔ اب سارے لاہور کے ٹیوب ویل ساڑھے 6 سو فٹ اور آخری ٹیوب ویل پنجاب اسمبلی کے عقب میں 1350 فٹ نیچے سے پانی لے رہا ہے۔ دریاﺅں کے چارج نہ ہونے کے باعث پانی اتنا نیچے چلا گیا ہے، اگر دریاﺅں کی ری چارجنگ نہیں کرتے تو 15 برسوں میں پاکستان دنیا کے ان 5 ممالک میں شامل ہو گا جہاں پینے کے پانی کی قلت ہے۔ میری رٹ ذاتی نہیں، بہت مطالعہ و ریسرچ کی، کبھی کسی کو پانی کے حوالے سے بات کرتے نہیں سنا۔ میرا موقف ہے کہ سپریم کورٹ حکومت پاکستان کو مجبور کرے، یہ معاملہ عالمی مصالحتی عدالت میں پہنچے اس سے پہلے بھارت سے مذاکرات ہوں اگر راوی و ستلج میں 15 سے 20 فیصد پانی بھی آ جائے تو ملک کا مستقبل بچ جائے گا۔ انہوں نے کہا کہ سنکیا دنیا کا خطرناک ترین زہر ہے جسے زیر زمین پانی آئے ہوئے 11 واں سال ہے۔ ہیپاٹائٹس، کینسر، جلدی امراض سمیت مختلف بیماریاں پھوٹ پڑی ہیں۔ راوی میں پورے لاہور کے سیوریج کا پانی آتا ہے۔ انہوں نے کہا کہ شہباز شریف کی پانی کی 56 کمپنیوں کے حقائق بھی سامنے آ جائیں گے، اگر یہ کام کر رہی ہوتیں تو شہباز شریف صاحب سب سے پہلے میں آپ کو سلیوٹ کرتا کہ آپ نے لاہور کو بچا لیا ہے۔

لاہور (مانیٹرنگ ڈیسک) الیکشن 2018ءکے حوالے سے سیاسی جماعتوں کی ایک دوسرے کو ٹکٹ دینے کے لیے انتخابی مہم دن رات جاری ہے۔ تحریک انصاف، مسلم لیگ (ن)، پیپلزپارٹی اور اے این پی کی ملک بھر میں انتخابی حلقوں میں کارنر میٹنگز کا آغاز ہوتے ہی ایک مرتبہ پھر عوام سے وعدوں کا سلسلہ شروع ہوچکا ہے۔ جبکہ ووٹرز نے بھی اپنے مطالبات رکھنے شروع کردیئے ہیں کہ وہ جانتے ہیں مطالبات ابھی پورے ہوسکتے ہیں الیکشن کے بعد امیدوار نظر آئیں نہ آئیں۔ چینل فائیو کے پروگرام ”ہاٹ لنچ“ میں ملک بھر کے مختلف شہروں کے سیاسی حلقوں کی صورتحال سے آگاہ کیا گیا۔ پروگرام میں کوئٹہ سے نمائندہ چینل فائیو غلام جیلانی نے بتایا کہ کوئٹہ میں انتخابات کا دنگل سج چکا ہے۔ تاہم انتخابی نشان کی الائمنٹ مکمل نہ ہونے کی وجہ سے کچھ انتخابی دفتر قائم نہیں ہوسکے۔ مگر اے این پی، پیپلزپارٹی، بلوچستان عوامی پارٹی، پختونخواہ ملی عوامی پارٹی اور جمعیت علما اسلام کی انتخابی مہم زوروں سے جاری ہے۔ مظفر گڑھ سے انتخابی مقابلہ کی صورتحال بتائے ہوئے نمائندہ چینل فائیو شیخ فیصل فراز نے کہا کہ انتخابی گہما گہمی مظفر گڑھ میں بھی عروج پر ہے۔ این اے 182سے کل 23 امیدواروں نے کاغذات نامزدگی جمع کروائے جانے کے بعد مسلم لیگ (ن) کی جانب سے قاسم اور تحریک انصاف کی جانب سے سابقہ ایم پی اے امجد علی خان دستی کی صاحبزادی تہمینہ دستی کو ٹکٹ جاری کیا ہے۔ جبکہ پیپلزپارٹی کی جانب سے کسی کو ٹکٹ جاری نہیں کیا گیا تاہم ملک منیر ربانی کھر یا انکی صاحبزادی حنا ربانی کھر متوقع امیدوار ہوسکتی ہیں۔ جبکہ مضبوط امیدوار کے طور پر جمشید دستی این اے 182سے الیکشن میں حصہ لے رہے ہیں۔ سوات سے نمائندہ ناصر اقبال نے سیاسی سرگرمیوں اور اے این پی کے سجائے گئے پنڈال میں بلند وبانگ دعوو¿ں کی صورتحال بتائے ہوئے کہا کہ سوات میں عوامی نیشنل پارٹی اپنی قوت کا مظاہرہ کررہی ہے۔ اس موقع پر عوامی نیشنل پارٹی میں شامل ہونے والے امیدوار شاہ دوران خان نے چینل فائیو سے گفتگو کرتے ہوئے کہا کہ وہ خاندانی طور پر اے این پی سے تعلق رکھتے ہیں۔ اور دو مرتبہ اے این پی کی طرف سے ضلعی ناظم منتخب ہوچکے ہیں۔ غلط فہمیوں کی بنا پر پارٹی چھوڑ نے کے بعد سوچا کہ امید وار ہوتی اور اسفندیار ولی کے علاوہ غریب بیچارے پختونوں کی خدمت کوئی نہیں کرسکتا۔ اور فیصلہ کیا کہ دوبارہ اے این اپی میں شمولیت اختیار کروں۔ میرے ساتھ مختلف پارٹیوں کے لوگ یونین کونسل کے ناظم ناصر خان، متحدہ لیبر یونین سوات کے صدر اے این پی میں شامل ہورہے ہیں۔ جسکے بعد اس حلقے کی سیٹ واجد عثمان اور اے این پی جیتے گی۔ پروگرام میں شیخوپورہ سے نمائندہ چینل فائیو شیخ جاوید نے صورتحال سے آگاہ کرتے ہوئے بتایا کہ شیخو پورہ میں تمام پارٹیوں کے کارکنان پر جوش الیکشن مہم چلارہے ہیں۔ بینرز اور سٹیکرز سے شیخوپورہ کو سجایا گیا ہے۔ شیخوپورہ کی 5تحصیلوں میں قومی اسمبلی کی چار اور صوبائی اسمبلی کی 9نشستوں پر الیکشن ہونے جارہا ہے۔ پیپلزپارٹی کا منی لاڑکانہ اب (ن) لیگ کا گڑھ سمجھا جارہا ہے۔ (ن) لیگ کے شیخوپورہ سے قومی اسمبلی کے مضبوط امیدواروں میں وفاقی وزیر رانا تنویر حسین انکے بھائی رانا افضال، سردار عرفان اور میاں جاوید لطیف الیکشن میں حصہ لے رہے ہیں۔ انکے مقابلے میں (ق) لیگ کے سعید ملک اور تحریک انصاف کے امیدوار پر جوش نظر آرہے ہیں۔ بہاولپور سے نمائندہ چوہدری لقمان نے سیاسی اکھاڑ اچھاڑ کے حوالے سے کہا کہ تحریک انصاف کیساتھ ساتھ مسلم لیگ (ن) نے بھی اپنے قومی وصوبائی امیدواروں کا اعلان کردیا ہے۔ بہاولپور کی قومی نشستوں پر مسلم لیگ (ن) کی جانب سے میاں بلیغ الرحمان، میاں ریاض، حسین پیرزادہ، چوہدری مجید اور میاں نجیب الدین اولیسی انتخابات میں حصہ لے رہے ہیں جبکہ صوبائی اسمبلی کی سیٹوں پر (ن) لیگ کے اقبال چندا، رانا محمد طارق، کاظم پیرزادہ، افضل گل، خالد محمود ججا، ملک خالد اور میاں شعیب اولیسی امیدوار ہیں۔ تحریک انصاف کی جانب سے بھی انکے مقابلے میں امیدوار ٹکر دینے کو تیار ہیں۔