اسلام آباد(مانیٹرنگ ڈیسک)پاکستان تحریک انصاف کے چیئرمین عمران خان نے اعلان کیا ہے کہ اگر وہ نااہل ہوتے ہیں تو وہ پارٹی میں چیئرمین کیلئے الیکشن کروائیں گے، نجی ٹی وی کے پروگرام میں گفتگو کرتے ہوئے عمران خان کا کہناتھا کہ ن لیگ والوں کی تو فیملی ہے ، لیکن ہماری پارٹی جمہوری ہے ، اگر میں نااہل ہوجاتا ہوں تو میں پارٹی میں الیکشن کرواو¿نگا اور بہت اچھے الیکشن کرواو¿نگا، اس دوران پارٹی کے ممبران جس شخص کو پارٹی کے چیئرمین کے قابل سمجھیں گے اسے منتخب کر لیں گے، انہوں نے کہا کہ میں اگر نااہل ہوجاتا ہوں تو میں اپنی نمل یونیورسٹی سنبھال لونگا ، میرا خواب ہے کہ میں اسے پاکستان کی آکسفورڈ یونیورسٹی بناو¿ں، عمران خان نے جاوید ہاشمی کی جانب سے لگائے جانے والے الزامات کی تردید بھی کردی ہے، عمران خان نے کہا کہ جاوید ہاشمی جھوٹ بول رہے ہیں، منی لانڈرنگ ملک کیلئے کینسر ہے، وزیراعظم بننے سے پہلے شہبازشریف کو نیب میں جانا پڑیگا، نجی ٹی وی کے پروگرام میں گفتگو کرتے ہوئے انہوں نے کہا کہ جاوید ہاشمی پارٹی ٹکٹ پر پیسے لے رہے تھے، جتنی مایوسی مجھے ان سے ہوئی کبھی کسی اور سے نہیں ہوئی، انہوں نے کہا کہ آرٹیکل 63,62 کو ختم نہیں ہونا چاہئے، 63,62 پر مجھے نااہلی منظور ہے، عوام نے نوازشریف کو ملک توڑنے کیلئے منتخب نہیں کیا، شریف خاندان لوگوں کو بھیڑ ، بکریاں سمجھتے ہیں، منی لانڈرنگ ملک کیلئے کینسر ہے، نوازشریف منی لانڈرنگ میں پھنس گئے ہیں، انہوں نے سارا پیسہ اقتدار میں آکر بنایا، اگر لیڈر سچا اور ایماندار نہ ہو تو عوام کیسے اعتبار کریگی، نوازشریف کا بیٹا 650کروڑ کے گھر میں رہتا ہے ، انکے اور اسحاق ڈار کے بچے کروڑ پتی بن گئے ہیں، مسلم لیگ ن میں کوئی آدمی ایماندار نہیں ہے، جو بھی کرپٹ آدمی ہے وہ نوازشریف کے ساتھ ملا ہوا ہے ، کرپٹ مافیا کا مقابلہ کرنے کیلئے آیاہوں، ظالم مافیا رہ گیا تو ملک نہیں رہیگا۔
Monthly Archives: August 2017
سپریم کورٹ میں عمران خان نااہلی کیس کی سماعت
شہبا ز شریف بھی پھنس گئے
تحریک انصاف کے رہنما نعیم الحق نے شہبازشریف کے خلاف بھی ریفرنس دائر کرنے کا اعلان کیا ہے۔سپریم کورٹ کے باہر میڈیا سے بات کرتے ہوئے نعیم الحق نے کہا کہ عمران خان کی تمام منی ٹریل جمع کرادی ہے، فارن فنڈنگ سے متعلق کیس جلد ختم ہوجائے گا۔انہوں نے کہا کہ عمران خان کی دیانت کی پورا پاکستان مثال دیتا ہے۔ ان کا کہنا تھا کہ شہبازشریف کے خلاف ریفرنس فائل کررہے ہیں اور کرپشن میں ملوث افراد کے خلاف قانونی چارہ جوئی کرتے رہیں گے۔واضح رہے کہ مسلم لیگ (ن) کی جانب سے شاہد خاقان عباسی کو عبوری وزیراعظم نامزد کیا گیا ہے جس کے بعد مستقل وزیراعظم کے لیے شہبازشریف کے نام کا اعلان کیا گیا ہے۔
”لیڈی ڈیانا کا پیار“ایک راز ایک حقیقت
لندن: اگرچہ لیڈی ڈیانا کی جب پیرس میں کار حادثے میں موت واقع ہوئی تو وہ اپنے دوست ڈوڈی الفید کے ساتھ تھی، لیکن ڈیانا نے زندگی میں جس شخص سے بے حد پیار کیا تھا اور جس شخص نے اسے کبھی دھوکا دیا اور نہ اس طاقتور اور با اختیار خاتون کا غلط استعمال کیا، وہ ایک پاکستانی تھا، جس کا نام ڈاکٹر حسنات خان ہے۔ ڈاکٹر حسنات ہارٹ سرجن تھا۔ لیڈی ڈیانا اور ڈاکٹر حسنات کی محبت 2 سال تک چلی۔ ڈیانا کی موت سے کچھ عرصہ قبل ہی دونوں میں علیحدگی ہوئی تھی۔ ایک رپورٹ کے مطابق سارہ ایلن نے گزشتہ دنوں ڈاکٹر حسنات اور ڈیانا کے تعلق کے بارے میں تحقیق کی اور اس وقت کے ان کے قریبی ساتھیوں سے رابطہ کیا اور معلومات حاصل کیں۔ اس وقت کے ڈیانا کے قریبی دوستوں نے بتایا کہ ”ڈیانا اگرچہ ڈوڈی الفید کے ساتھ تعلق بنا چکی تھی لیکن نہ تو وہ اس سے شادی کرنے والی تھی اور نہ ہی اس کے بچے کی ماں بننے والی تھی۔ وہ اس وقت بھی ایک اور شخص سے پاگل پن کی حد تک محبت کرتی تھی اور وہ شخص پاکستانی ہارٹ سرجن ڈاکٹر حسنات خان تھا۔ ڈوڈی الفید جتنا نمود و نمائش پسند تھا، ڈاکٹر حسنات اتنا ہی خاموش طبع اور سنجیدہ آدمی تھا۔ اس کے ساتھ ڈیانا کا تعلق راز ہی رہا۔ لیکن ڈوڈی کے ساتھ ڈیانا کا تعلق قائم ہوتے ہی دنیا میں عام ہو گیا، کیونکہ ڈوڈی انتہائی غیر ذمہ دار شخص تھا۔ ڈاکٹر حسنات اور ڈیانا دو سال تک ایک ساتھ رہے لیکن کبھی دنیا کو علم نہ ہو سکا کہ ان کے درمیان محبت کا رشتہ موجود ہے۔ انہوں نے ایک ساتھ جتنا بھی وقت گزارا اس میں سے زیادہ تر کینسنگٹن پیلیس میں گزارا، جہاں پاپارازی اور ان کے کیمرے نہیں پہنچ سکتے تھے۔ جب کبھی وہ باہر بھی گئے تو وہ چیلسی کے علاقے میں گئے جہاں حسنات کا گھر تھا۔ وہاں جاتے ہوئے ڈیانا ’وِگ‘ اور سیاہ چشمے پہن کر جاتی تھی۔ ڈیانا کے قریبی دوستوں نے بتایا کہ ”ڈیانا کو ڈاکٹر حسنات سے اس قدر محبت تھی کہ وہ تعلق کی ابتدائ میں ہر وقت اس کے ایک بیڈ روم کے فلیٹ میں گھومتی رہتی۔ وہ فلیٹ میں موجود فرنیچر اور چیزوں کو سلیقے سے سنوارتی، برتن دھوتی اور حسنات کے کپڑے تہہ لگاتی رہتی تھی۔“ سارہ نے مزید لکھا ہے کہ ”ڈیانا نے زندگی کے آخری مہینوں میں اپنے ایک دوست کو بتایا تھا کہ مجھے جو بھی ملا، اس نے مجھے فروخت کیا، میرا استعمال کیا لیکن حسنات ایک واحد شخص ہے جو کبھی میرا استعمال نہیں کرے گا“۔
سی پیک بارے آرمی چیف کا اہم اعلان،چین بھی خوش
کرکٹ آسٹریلیا کی پلیئرزکو دی گئی ڈیڈ لائن بھی ختم
سڈنی (آئی این پی)کرکٹ آسٹریلیا اور پلیئرز کے درمیان معاوضوں کا تنازعہ ختم نہیں ہوا لیکن سی اے کی کھلاڑیوں کو دی گئی ڈیڈلائن کا خاتمہ ہوگیا۔ پلیئرز نے اگر ایم او یو قبول نہیں کیا تو معاملہ ثالثی کے لئے چلا جائے گا۔ سابق کپتان مائیکل کلارک نے کرکٹرز کو ثالثی قبول کرنے کا مشورہ دیا ہے۔کرکٹ آسٹریلیا کے چیف ایگزیکٹیو جیمز سدرلینڈ نے کرکٹرز ایسوسی ایشن کو پیر تک اپنا دیا ہوا معاہدہ قبول کرنے کو کہا تھا۔ ورنہ ایشو غیر جانبدار ثالث کے حوالے کردیا جائے گا۔ کرکٹر ایسوسی ایشن کے سربراہ السٹر نکولسن اس خدشے کا اظہار کرچکے ہیں کہ ثالثی کی صورت میں نئے معاہدوں میں بہت زیادہ تاخیر ہوجائے گی جس سے اس سال ایشیزسیریز سمیت اہم ٹورز کا انعقاد خطرے میں پڑجائے گا۔سابق کپتان مائیکل کلارک نے کرکٹرز کو مشورہ دیا ہے کہ وہ ثالثی قبول کرکے کھیل کی جانب توجہ مبذول کریں۔
انہوں نے کہا کہ کسی غیرجانبدار ثالث پر متفق ہونے کے بعد معاملہ اس پر چھوڑ دیا جائے اور کھلاڑی دوبارہ اپنی کرکٹ شروع کردیں۔ اس طرح تنازعہ بہتر طور پر حل ہوجائے گا اور کرکٹ کو بھی نقصان نہیں پہنچے گا۔ کرکٹرز کو اس فارمولے کو قبول کرنا ہی ہوگا کیونکہ ان کا کام کرکٹ کھیلنا ہے۔
آفریدی نے کوہلی کی جانب سے ملنے والی شرٹ نیلام کردی
لندن(آئی این پی)شاہد آفریدی نے بھارتی کپتان ویرات کوہلی سے ملنے والی ٹی شرٹ نیلام کردی ۔ ویرات کوہلی نے گزشتہ سال انٹر نیشنل کرکٹ سے ریٹائرمنٹ کااعلان کرنےوالے شاہد آفریدی کی فانڈیشن ایک شرٹ تحفے کے طور پر دی تھی جس پر بھارتی کھلاڑیوں کے سائن تھے۔
،شاہد آفریدی نے اس تحفے پر ویرات کوہلی کا شکریہ ادا کیا تھا اور اب آل راﺅنڈر نے اپنی فانڈیشن کے لیے امداد اکٹھی کرنے کے لیے اس شرٹ کو 4300یوروز یا تقریبا ساڑھے 5لاکھ روپے میں نیلام کردیا ہے ۔
محمد عامر اور عماد کا آفریدی فانڈیشن کیلئے امداد کا اعلان
لندن(آئی این پی)قومی ٹیم کے آل راﺅنڈر عماد وسیم اور فاسٹ بالر محمد عامر نے شاہد آفریدی کی فانڈیشن کیلئے امداد کا اعلان کردیا۔گزشتہ روز برطانیہ میں شاہد آفریدی فانڈیشن کے زیر اہتمام فنڈ ریزنگ کی تقریب ہوئی جس میں محمد عامر اور عماد وسیم نے بھی شرکت کی ، اس موقع پر دونوں نے ہسپتال کی تعمیر کے پروجیکٹ کے لیے10، 10ہزار یوروز دینے کے ساتھ ساتھ 20بیڈ کی فراہمی کا بھی اعلان کیا ۔
فکسنگ کا دعویٰ: رانا ٹنگاکی حمایت کیلئے مرلی دھرن میدان میں آگئے
کولمبو (یو این پی)بھارت کیخلاف ورلڈ کپ فائنل دوہزار گیارہ کو فکس قرار دینے کے معاملے پر سری لنکا کے سابق کپتان ارجنا رانا ٹنگا کی حمایت کیلئے سابق آف اسپنر متایا مرلی دھرن میدان میں آگئے مرلی دھرن کے مطابق وہ نہیں سمجھتے کہ ٹائٹل میچ فکس تھا اور نہ ہی ارجنا رانا ٹنگا نے ایسا بولا۔ اس مقابلے پر شبہ ظاہر کیا گیا ہے۔ لوگ ارجنا رانا ٹنگا کی بات پر مبالغہ آرائی کر رہے ہیں اور اس معاملے پر ثبوت موجود ہونا چاہئیں۔
سیٹھی کا چئیرمین بورڈ بننا خطرے میں
لاہور(آئی این پی)نجم سیٹھی کا پی سی بی کا چیئرمین بننا خطرے میں پڑگیا۔ ان کی گورننگ بورڈ میں نامزدگی چیلنج ہوگئی۔ اسلام آباد ہائی کورٹ نے درخواست سماعت کے لئے منظور کرلی اور فریقین کو 10 اگست کو طلبی کے لئے نوٹس بھی جاری کردیئے۔شہریار خان کی زیرصدارت پی سی بی گورننگ بورڈ کا آخری اجلاس جمعہ کو منعقد ہوا۔ اجلاس میں گورننگ بورڈ کے 8 نئے ارکان کے چنا کے لئے 4 ریجنز اور 4 ڈیپارٹمنٹس کا بھی فیصلہ کیا گیا۔ جبکہ 2 ارکان نجم سیٹھی اور عارف اعجاز کی نامزدگی سابق وزیراعظم نواز شریف نے کی تھی۔نجم سیٹھی کا نیا چیئرمین پی سی بی منتخب ہونا یقینی تھا لیکن نواز شریف کی سپریم کورٹ کی جانب سے نااہلی کے بعد ان کا انتخاب بھی خطرے میں پڑگیا ہے۔ نجم سیٹھی کی گورننگ بورڈ کے لئے نامزدگی اسلام آباد ہائی کورٹ میں چیلنج کردی گئی ہے۔ اپیل کنندہ نے درخواست میں موقف اختیار کیا ہے کہ نجم سیٹھی کو سابق وزیراعظم نے گورننگ بورڈ کا رکن نامزد کیا تھا۔ان کی برطرفی کے بعد اس نامزدگی کو منسوخ کرکے گورننگ بورڈ ارکان کا نئے سرے سے انتخاب کیا جائے۔ عدالت نے اپیل کو سماعت کے لئے منظور کرلیا اور کیس کی سماعت کے لئے 10 اگست کی تاریخ مقرر کردی۔ فریقین کو 10 اگست کی سماعت کے لئے نوٹس بھی جاری کردیئے گئے ہیں۔ شہریار خان کے عہدے کی میعاد 8 اگست کو ختم ہورہی ہے۔
شاہ زیب ای سی ایل سے نام نکلوانے لاہور ہائیکورٹ پہنچ گئے
لاہور ( نیوزایجنسیاں)اسپاٹ فکسنگ کیس میں معطل کرکٹر شاہ زیب حسن نے اپنا نام ایگزٹ کنٹرول لسٹ سے نکلوانے کیلیے لاہور ہائیکورٹ سے رجوع کر لیا ہے۔ لاہور ہائی کورٹ کے مسٹر جسٹس یاور علی نے میچ فکسنگ کے الزام میں معطل کرکٹر شاہ زیب کا نام ای سی ایل میں شامل کرنے کے خلاف دائر درخواست پر وزارت داخلہ اور پی سی بی سے 7اگست کو جواب طلب کر لیا۔ عدالت نے سرکاری وکیل پر برہمی کا اظہار کرتے ہوئے آئندہ سماعت پر ہر صورت جواب داخل کرنے کی ہدایت کی ہے۔ لاہور ہائیکورٹ نے آئندہ سماعت پر وزارت داخلہ کے ذمہ دار آفیسر کو بھی طلب کر لیا کہ وہ کرکٹر کے خلاف تمام ریکارڈ پیش کریں جس کی روشنی میں انکا نام ایگزٹ کنٹرول لسٹ میں شامل کیا گیا، عدالت کے روبرو شاہ زیب کے وکیل بیرسٹرملک کاشف رجوانہ نے موقف اختیار کیا کہ میچ فکسنگ کیس ٹریبونل میں زیر سماعت ہے، انہوں نے کہا کہ آئین کے آرٹیکل دس اے کے تحت کسی بھی شہری کو شفاف ٹرائل کے بغیر مجرم نہیں گردانا جا سکتا اور نہ ہی اس کے خلاف قانون کے برعکس کوئی کارروائی عمل میں لائی جا سکتی ہے۔ انہوں نے کہا کہ میچ فکسنگ کیس ٹربیونل میں زیر سماعت ہونے کے باوجود پی سی بی کے ایماءپر وزارت داخلہ نے شاہ زیب کا نام غیر قانونی طور پر ای سی ایل میں شامل کر دیا ہے۔انہوں نے کہا کہ شاہ زیب کا نام کسی مقدمے میں شامل نہیں مگر نام ای سی ایل میں شامل کر کے باہر جانے پر پابندی عائد کی گئی ہے۔ انہوں نے استدعا کی کہ شاہ زیب کو اپنے اہل خانہ سے ملنے کے لیے انگلینڈ جانے کی اجازت دیتے ہوئے ایگزٹ کنٹرول لسٹ سے نام خارج کرنے کا حکم دیا جائے۔ جس پر عدالت نے وزارت داخلہ اور پی سی بی سے 7اگست کو جواب طلب کر لیا۔
ٹیکس چوری کا الزام، رونالڈو عدالت میں پیش
پرتگال (آئی این پی)لاکھوں یورو ٹیکس چوری کے الزامات میں گھرے پرتگالی فٹبالر کرسچیانو رونالڈو سپین کی عدالت میں پیش ہوئے ہیں۔استغاثہ کا الزام ہے کہ رونالڈو نے سنہ 2010 سے ایک کروڑ 47 لاکھ یورو (ایک کروڑ73لاکھ ڈالر)ٹیکس بچایا ہے۔ہسپانوی فٹبال کلب ریال میڈرڈ کی نمائندگی کرنے والے کرسچیانو رونالڈو کا شمار دنیا کے امیر ترین کھلاڑیوں میں ہوتا ہے اور وہ اپنے اوپر عائد الزامات کی تردید کرتے ہوئے کہتے ہیں کہ ان کا ‘ضمیر مطمئن ہے۔اس سے قبل بارسلونا کلب کی نمائندگی کرنے والے ارجنٹیا کے لیونل میسی کو بھی ٹیکس چوری کے الزامات کا سامنا تھا اور جرم ثابت ہونے پر انھیں 21 ماہ قید کی سزا سنائی گئی تھی۔تاہم رواں ماہ کے آغاز میں عدالت نے ان کی جیل کی سزا 252000 یورو ادائیگی کے بدلے ختم کر دی تھی۔بہرحال میسی پر 41 لاکھ یورو ٹیکس چوری کا الزام تھا جو رونالڈو سے ایک کروڑ یورو کم ہے۔رونالڈو پیر کو مقامی وقت کے مطابق 11 بجے میڈرد کے نواح میں واقع عدالت میں اپنے ثبوت پیش کرنے کے لیے پہنچے۔استغاثہ کے مطابق رونالڈو نے مبینہ طور پر 2010 میں سپین میں کمانے والی آمدن چھپانے کے لیے ایک کمپنی سٹرکچر کا فائدہ اٹھایا جو کہ سپین میں مالیاتی ضابطہ کار کی خلاف ورزی تھا۔رونالڈو کی انتظامیہ ان الزامات کی تردید کرتی ہے۔
لیڈی ڈیانا کی شادی کیوں ناکام ہوئی ؟
لندن (شوبز ڈیسک) ایک برطانوی ٹیلی ویژن لیڈی ڈیانا سے متعلق عنقریب ایک ایسی ڈاکومنٹری نشر کرے گا جس میں آنجہانی ڈیانا اپنی ناکام شادی اور برطانوی شاہی خاندان کے ساتھ کشیدہ تعلقات کے بارے میں گفتگو کرتی دکھائی دیتی ہیں۔فلم کی تیاری میں شہزادی ڈیانا کی زندگی میں ریکارڈ کیے گئے ایسے ویڈیو کلپ استعمال کیے گئے ہیں جو اس سے قبل برطانیہ میں کبھی نشر نہیں کیے گئے۔ویڈیو میں لیڈی ڈیانا برطانوی شاہی خاندان کے ساتھ کشیدہ تعلقات اور برطانوی ولی عہد شہزادہ چارلس کے ساتھ اپنی شادی کی ناکامی کے بارے میں گفتگو کرتی نظر آتی ہیں۔1990 کی دہائی کے شروع میں ریکارڈ کی گئی اس ویڈیو میں ڈیانا آواز کی کوچنگ کرنے والے شخص سے ان امور کے بارے میں گفتگو کرتے ہوئے بتاتی ہیں کہ جب انہوں نے ملکہ الزبتھ ثانی کو اپنی ناکام ہوتی ازدواجی زندگی کے بارے میں بتایا تو ملکہ کا رد عمل کیا تھا۔ ڈیانا کہتی ہیں کہ ملکہ نے جوابا کہا، مجھے نہیں معلوم کہ تمہیں کیا کرنا چاہیے۔لیڈی ڈیانا اس ویڈیو میں یہ بتاتی بھی دکھائی دیتی ہیں کہ کیسے وہ اپنی سیکورٹی پر مامور ایک شخص بیری ماناکی کے عشق میں مبتلا ہوئیں۔جرمن ادارے ڈوئچے ویلے کے مطابق 2004 میں لیڈی ڈیانا کی زندگی میں ریکارڈ کی گئی اس ویڈیو کے کچھ حصے ایک امریکی نشریاتی ادارے نے نشر کیے تھے تاہم برطانوی میڈیا میں کبھی بھی یہ ریکارڈنگ نشر نہیں کی گئی۔ برطانوی ٹی وی چینل فور پر یہ ڈاکومنٹری فلم چھ اگست کو نشر کی جائے گی۔لیڈی ڈیانا اکتیس اگست1997 کو فرانسیسی دارالحکومت پیرس میں پیش آنے والے ایک کار حادثے میں ہلاک ہو گئی تھیں۔
