تحریک انصاف کے رہنما نعیم الحق نے شہبازشریف کے خلاف بھی ریفرنس دائر کرنے کا اعلان کیا ہے۔سپریم کورٹ کے باہر میڈیا سے بات کرتے ہوئے نعیم الحق نے کہا کہ عمران خان کی تمام منی ٹریل جمع کرادی ہے، فارن فنڈنگ سے متعلق کیس جلد ختم ہوجائے گا۔انہوں نے کہا کہ عمران خان کی دیانت کی پورا پاکستان مثال دیتا ہے۔ ان کا کہنا تھا کہ شہبازشریف کے خلاف ریفرنس فائل کررہے ہیں اور کرپشن میں ملوث افراد کے خلاف قانونی چارہ جوئی کرتے رہیں گے۔واضح رہے کہ مسلم لیگ (ن) کی جانب سے شاہد خاقان عباسی کو عبوری وزیراعظم نامزد کیا گیا ہے جس کے بعد مستقل وزیراعظم کے لیے شہبازشریف کے نام کا اعلان کیا گیا ہے۔
