لاہور ( شوبز ڈیسک) معروف اداکار احسن خان سال2017ءمیں بہترین اداکار کے تین ایوارڈ حاصل کرنے میں کامیاب ہو گئے ۔ تفصیلات کے مطابق گزشتہ ماہ بہترین اداکار کا لکس ایوارڈ جیتنے کے بعد لاہور میں ہونے والے ایوارڈ شو میں احسن خان کو ایک مرتبہ پھر بہترین اداکار اور بہترین منفی اداکار کا ایوارڈ دیا گیا ہے ۔جس کے بعد احسن خان 2017ءمیں تین ایوارڈ حاصل کرنے والے واحد اداکار ہیں ۔
Monthly Archives: May 2017
تمنا بھاٹیا کی فلم ”باہو بلی 2“کا امریکن باکس آفس پرتیسرا نمبر
نیویارک (شوبز ڈیسک) بالی ووڈ اداکارہ تمنا بھاٹیا کی فلم باہو بلی ٹو نارتھ امریکن باکس پر بھی چھا گئی،ایک ارب 6 کروڑ روپے کا بزنس کر کے تیسرے نمبر پر آ گئی ۔ فلم فیٹ آف دی فیوریس اب تک بیس کروڑ روپے سے زائد کا بزنس کرچکی ہے اور باکس آفس پر ایک نمبر پر ہے جبکہ ہاﺅ ٹو بی اے لیٹن لوور دوسرے نمبر پر آگئی۔فلم نے ریلیز کے ابتدائی تین دنوں میں ایک ارب پچیس کروڑ روپے کا بزنس کیا۔جو فلم تیسرے نمبر پر رہی اس کا تعلق ہالی ووڈ سے نہیں بلکہ بالی ووڈ سے ہے اور یہ پہلی بار ہوا ہے کہ کوئی بھارتی فلم نارتھ امریکن باکس آفس پر تیسرے نمبر پر رہی اور فلم کا نام ہے باہو بلی ٹو جس نے ویک اینڈ پر ریلیز ہونے کے بعد صرف تین دنوں میں ایک ارب چھ کروڑ کا بزنس کیا ۔
معطل کرکٹرز کو بچانے سیاسی رہنماءمیدادن میں کود پڑے
کراچی(آئی این پی) پی ایس ایل سکینڈل میں معطل کرکٹرز کو بچانے کیلئے سیاسی رہنما میدان میں آگئے،شاہ زیب اور شرجیل خان کے قریبی رشتہ دار شخصیات کا پی سی بی حکام پر دباو¿ کا انکشاف،کھلاڑیوں سے نرمی برتنے کا امکان ہے۔تفصیلات کے مطابق سیاست اور کرکٹ کا ہمیشہ سے ہی چولی دامن کا ساتھ رہا ہے،کھلاڑیوں کی ٹیم میں انٹری ہو یا کرکٹ بورڈ میں عہدوں کی جنگ،ہر سطح پر سیاسی دباو نے اپنا رنگ دکھایا،پی ایس ایل اسپاٹ فکسنگ میں معطل کھلاڑی شرجیل خان اور شاہ زیب حسن کو بھی سیاستدانوں کی حمایت حاصل ہے۔ ذرائع کا کہنا ہے کہ دونوں کرکٹرز کو بچانے کے لئے سیاسی رابطے شروع ہوگئے ہیں،سیاسی دباو سے کرکٹرز کے کیس میں نرمی برتے جانے کا امکان ہے۔
باکسر عامر اورانکی اہلیہ فریال مخدوم نے بچہ گود لینے کا فیصلہ کرلیا
لاہور(اے این این) پاکستانی نژاد برطانوی باکسر عامر خان اپنے فلاحی کاموں میں ایک قدم اور آگے بڑھ گئے،سٹار باکسر اور ان کی اہلیہ فرالں مخدوم نے ایک بچہ گود لینے کا فیصلہ کیا ہے۔ پاکستانی نژاد برطانوی باکسر عامر خان نے فلاحی کاموں میں بھی سب کو پیچھے چھوڑ دیا۔اپنی فانڈیشن کی جانب سے مستحق لوگوں کی مدد کیلئے وہ افریقی ملک گیمبیا پہنچے،مایہ ناز باکسر کا کہنا تھا کہ وہاں بچوں کی حالت دیکھ کر انہیں بہت افسوس ہوا،ان کی خواہش تھی کہ وہ ہر بچے کو اپنے ساتھ لے جائیں لیکن اس نیک کام کا آغاز وہ ایک بچے کو گود لے کر کریں گے۔ان کی اہلیہ فرالے مخدوم نے کہا ہے کہ ہمارا مذہب یتیموں کی کفالت کا درس دیتا ہے، شروع سے ہی پلان تھا کہ کسی بچے کو گود لے کر اچھی پرورش کریں،عامر خان کا کہنا ہے کہ وہ غریب ممالک میں ہسپتالوں اور یتیم خانوں کا زیادہ سے زیادہ قیام کرنا چاہتے ہیں تا کہ غریبوں کی مدد ہو
یونس کے پاس عمران کا مین آف دی میچ کا ریکارڈ توڑنے کا سنہری موقع
باربڈوس(آن لائن) یونس خان کے پاس اپنے کیریئر کے آخری دو ٹیسٹ میچز میں عمران خان کا ریکارڈ اپنے نام کرنےکا سنہری ”موقع“ ہاتھ آگیا ہے۔ یونس اب تک اپنے 17 سالوں پر محیط ٹیسٹ کیریئر میں اب تک 10مین آف دی میچ ایوارڈز حاصل کرچکے ہیں۔ اور سیریزکے بقیہ دونوں میچوں میں شاندار کلاس کارکردگی دکھاکر مرد میدان کا ایوارڈ حاصل کرنے کی صورت میں وہ قومی ٹیم کے سابق کپتان عمران خان کو پیچھے چھوڑ سکتے ہیں جو88ٹیسٹ میچز میں 11 مین آف دی میچ ایوارڈزکرکے ساتھ وسیم اکرم کے بعد دوسرے نمبرپربراجمان ہیں۔ٹیسٹ کرکٹ میں پاکستان کی جانب سے زیادہ 17مین آف دی میچ ایوارڈز 104ٹیسٹ میچز کھیلنے والے وسیم اکرم نے حاصل کر رکھے ہیں، عمران خان11،یونس خان10،انضمام الحق9، محمدیوسف7اور وقاریونس 6 مرتبہ یہ ایوارڈ حاصل کرنے میں کامیاب رہے۔
شاداب گزشتہ 8سالوں میںٹیسٹ ڈیبیو کرنےوالے کم عمر ترین ملکی کرکٹر
بارباڈوس(آئی این پی) شاداب خان پاکستان کی جانب سے گزشتہ 8سال کے دوران ٹیسٹ کرکٹ میں ڈیبیو کرنےوالے کم عمر ترین کھلاڑی بن گئے۔ شاداب 18سال اور 208 دن کی عمر میں ٹیسٹ کرکٹ میں قدم رکھنے والے پاکستان کے 227 ویں کرکٹربن گئے۔ ، انہیں ویسٹ انڈیز کیخلاف پہلے ٹیسٹ میچ کے دوران 10 ہزار ٹیسٹ رنز کا سنگ میل عبور کرنے والے ریکارڈ ساز کرکٹر یونس خان نے ٹیسٹ کرکٹ میں ڈیبیو کرنے پر قومی ٹیم کی کیپ دیکر اعزاز سے نوازا، وہ 4 ٹی ٹونٹی مقابلوں میں 10 جب کہ 3 ون ڈے میچز میں 5 وکٹیں حاصل کر چکے ہیں۔
رومن رینز ایک بار پھر زخمی …. مداحوں کیلئے بری خبر
لندن( آن لائن ) گزشتہ شب ڈبلیو ڈبلیو ای ایونٹ پے بیک میں رومن رینز ایک بار پھر براﺅن اسٹرومین کے ہاتھوں شدید زخمی ہوگئے ہیں۔ ڈبلیو ڈبلیو ای کے اس ایونٹ میں رومن رینز کا سامنا براﺅن اسٹرومین سے ہوا جنھوں نے آسانی سے اس مقبول ریسلر کو ہرا دیا۔مگر بات یہی ختم نہیں ہوئی براﺅن اسٹرومین نے لوہے کی سیڑھی رومن رینز کے سینے پر دے ماری تھی جس کے بعد وہ رنگ میں خون کی الٹیاں کرنے لگے۔میچ میں کامیابی کے بعد بھی براﺅن اسٹرومین نے بیک اسٹیج رومن رینز پر حملہ کیا ہے جس کے بعد انہیں ایمبولینس میں ہسپتال منتقل کیا گیا۔اب کہا جارہا ہے کہ رومن رینز بری طرح زخمی ہونے کے بعد کچھ ہفتوں کے لیے ڈبلیو ڈبلیو ای سے دور ہوگئے ہیں۔اس سے قبل اپریل کے شروع میں بھی منڈے نائٹ را میں براﺅن اسٹرومین نے رومن رینز پر اچانک حملہ کرکے انہیں زخمی کردیا تھا۔اس حملے کے باعث رومن رینز کو پسلیوں اور کندھے میں انجریز کا سامنا کرنا پڑا تھا۔توقع کی جارہی ہے کہ انجریز کے باعث رومن رینز اب کچھ عرصے تک ڈبلیو ڈبلیو ای رنگ میں ان ایکشن نظر نہیں آسکیں گے اور ان کی واپسی کب ہوتی ہے اس بارے میں ابھی کچھ کہنا ممکن ہے۔اس حوالے سے ابھی تک ڈبلیو ڈبلیو ای کی جانب سے بھی کوئی بیان جاری نہیں کیا گیا
بھارت کے چمپئنزٹرافی کھیلنے پرسوالیہ نشان برقرار
دبئی(نیوزایجنسیاں)آئی سی سی میں بگ تھری کے خاتمے اور نئے مالیاتی نظام پر مایوس ہندوستانی کرکٹ بورڈ کا اجلاس اتوار کو ہو گا جس میں عالمی گورننگ باڈی کی نئی پیشکش پر غور کیا جائے گا۔انٹرنیشنل کرکٹ کونسل کے اجلاسوں میں اپنی من مانیوں کیلئے مشہور ہندوستانی کرکٹ بورڈ کو کونسل کے نئے مالیاتی نظام پر ایک مقابلے میں 13 ووٹوں سے شکست کا منہ دیکھنا پڑا جہاں 2015 سے 2023 تک آئی سی سی کے مالیاتی نظام پر ازسر نو غور کر کے اس میں تبدیلی کی گئی۔اس نئے مالیاتی نظام کے تحت ہندوستان کو کم و بیش 200 سے 250 ملین ڈالرز کا نقصان ہوا جہاں اسے 293ملین ڈالرز کی پیشکش کی گئی لیکن دوسری جانب بورڈ 2014 کے ماڈل کے تحت 570 ملین ڈالرز دینے کا مطالبہ کر رہا ہے۔اس معاملے کے بعد ہندوستان نے چیمپیئنز ٹرافی کے بائیکاٹ کی دھمکی دی اور اسکواڈ کے اعلان کی آخری تاریخ 25 اپریل گزر جانے کے باوجود اپنے اسکواڈ کا تاحال اعلان نہیں کیا۔آئی سی سی کے صدر ششانک منوہر نے بی سی سی آئی کو منانے کیلئے اضافی 100ملین ڈالر کی پیشکش کرتے ہوئے 400ملین ڈالر کی آفر بھی کی۔ اور انڈین بورڈ اس نئی پیشکش پر اپنے اجلاس میں بحث کرے گا۔بی سی سی آئی کا انتظام اس وقت عدلیہ کی جانب سے قائم کی گئی چار رکنی کمیٹی چلا رہی ہے جس کی سربراہی سنو رائے کر رہے ہیں جنہوں نے بتایا کہ ابھی چیمپیئنز ٹرافی میں انڈیا کی عدم شرکت کی بات قبل از وقت ہے۔یاد رہے کہ ہندوستان چیمپیئنز ٹرافی کا دفاعی چیمپیئن ہے اور سابق کرکٹرز سمیت ایک بڑا حلقہ اس بات پر زور دے رہا ہے کہ ہندوستان کو ایونٹ میں ضرور شرکت کرنی چاہیے تاکہ وہ اس ایونٹ کا کامیابی سے دفاع کر سکیں۔چیمپیئنز ٹرافی کا آغاز یکم جون سے ہو گا اور ایونٹ 18 دن تک انگلینڈ اینڈ ویلز میں جاری رہے گا۔ہندوستان کی جانب سے ایونٹ کے بائیکاٹ کی صورت میں ممکنہ طور پر ویسٹ انڈیز کو ایونٹ میں شامل کر لیا جائے گا۔
چیئرمین پی سی بی کو آئی سی سی میں بگ تھری کو ختم کروانے کاانعام مل گیا
لاہور(نیوزایجنسیاں)پاکستان کرکٹ بورڈ کے پیٹرن انچیف وزیر اعظم نواز شریف نے چیئر مین شہریار خان کو کام جاری رکھنے کی ہدایت کردی۔تفصیلات کے مطابق چیئر مین پی سی بی شہریار خان نے اپنا استعفی وزیر اعظم ہاﺅس بھجوایا تھا تاہم وزیر اعظم نواز شریف نے شہریار خا ن کا استعفی نامنظور کرتے ہوئے پی سی بی میں اعلی سطح کی انتظامی تبدیلی کا معاملہ موخر کردیا ہے جس کے بعد اب موجود ہ سیٹ اپ برقرار رہے گا۔ذرئع کے مطابق شہریار خان کو آئی سی سی میں بگ تھری کو ختم کروانے کاانعام ملا ہے اور وہ اب اپنی 3سالہ مدت 16اگست کو ختم ہونے کے بعدباضابطہ طور پر کرکٹ بورڈ سے رخصت ہوں گے جس کے بعد پی سی بی کا گورننگ بورڈ اگلے 3سال کے لیے نئے چیئر مین کا انتخاب کرے گا،اگست میں پی سی بی گورننگ بورڈ کے کئی اہم ارکان بھی اپنی ذمہ داریوں سے سبک دوش ہوں گے۔اس سے قبل اپنی ریٹائرمنٹ کے حوالے سے شہریارکا کہنا تھا کہ وہ اگست میں مدت پوری ہونے پر عہدے سے الگ ہونے کا اعلان کر چکے ہیں اور مدت ملازمت میں توسیع کی درخواست کا بھی کوئی ارادہ نہیں ہے۔ ان کا کہنا تھا کہ وہ استعفیٰ وزیر اعظم کو ارسال کر چکے جو منظور ہو یا نہیں لیکن وہ ایک اور مدت کیلئے عہدہ نہ سنبھالنے کا فیصلہ کر چکے ہیں۔ان کا کہنا تھا کہ پی سی بی کی کوشش ہے کہ آئندہ سال پاکستان سپر لیگ کے مزید میچز پاکستان میں کھیلے جائیں جس میں چھٹی ٹیم بھی شامل کی جا رہی ہے اور اس سلسلے میں ان کی نجم سیٹھی سے بھی بات ہو چکی ہے۔ شہریارنے کہا ہےسلمان بٹ اور محمد آصف اپنی کارکردگی کی بنیاد پر قومی ٹیم میں واپس آسکتے ہیں جن کی راہ میں کسی قسم کی کوئی رکاوٹ نہیں اور ان کی کارکردگی بہتر رہتی ہے تو انہیں سلیکشن کیلئے قابل غور سمجھا جائے گا۔ انہوں نے بلوچستان کے بیٹسمین صاحبزادہ فرحان کی کارکردگی کو سراہتے ہوئے کہا کہ سلیکشن کمیٹی نوجوان کھلاڑیوں کو آگے لا کر مستقبل کیلئے تیار کرنا چاہتی ہے اور صاحبزادہ فرحان نے حالیہ پاکستان کپ میں بہترین کھیل کا مظاہرہ کیا ہے جن کا مستقبل تابناک دکھائی دے رہا ہے۔ شہریار خان کا کہنا تھا کہ نوجوان کھلاڑی ہی پاکستان کا مستقبل ہیں جن کو آگے بڑھنے کے مواقع دے کر قومی ٹیم میں شامل کرنے کی کوشش جاری رہے گی۔
خالدلطیف کی آج اینٹی کرپشن ٹریبونل میں پیشی
لاہور (دنیا نیوز ) معطل کرکٹر خالد لطیف آج اینٹی کرپشن یونٹ کے سامنے پیش ہونگے، معطل کرکٹر 26 اپریل کو اینٹی کرپشن یونٹ کی طلبی کے باوجود حاضر نہیں ہوئے تھے۔ پی سی بی کی دھمکی نے کام دکھایا یا کچھ اور ، خالد لطیف نے آج اینٹی کرپشن یونٹ کے روبرو پیش ہونے کا فیصلہ کر لیا۔ پی سی بی کو لکھے گئے جوابی خط میں معطل کرکٹ نے موقف اپنایا کہ انہیں اینٹی کرپشن یونٹ پرنہیں کرنل ریٹائرڈ اعظم پر اعتراض تھا۔ انسداد کرپشن یونٹ کے سربراہ کرنل اعظم کا رویہ ان کیساتھ انتہائی غیر مناسب ہے۔ خالد لطیف نے کہا کہ انہیں امید ہے 2 مئی کو کرنل اعظم پی سی بی میں موجود نہیں ہوں گے ، اس سے قبل خالد لطیف 26 اپریل کو اینٹی کرپشن یونٹ کے طلب کئے جانے پر حاضر نہیں ہوئے تھے جس پر پی سی بی نے انہیں 2 مئی کو ہر صورت پیش ہونے کا نوٹس جاری کیا۔
افغانستان سے دہشتگردوں کا بڑا حملہ, پاک فوج کی منہ توڑجوابی کاروائی
راولپنڈی (مانیٹرنگ ڈیسک) جنوبی وزیرستان میں سرحد پار سے دہشتگردوں کا پاک فوج کی چیک پوسٹوں پر حملہ، جوابی کارروائی میں 3 دہشتگرد ہلاک آئی ایس پی آر کے مطابق جنوبی وزیرستان میں افغان علاقہ سے آئے دہشتگردوں نے پاک فوج کی پوسٹوں پر حملہ کیا، پاک فوج کے جوانوں نے جوابی کارروائی کرتے ہوئے 3 دہشتگرد مار ڈالے اور حملہ پسپا کر دیا، پاک فوج کے جوانوں کی فائرنگ سے متعدد دہشتگرد زخمی بھی ہوئے۔
پانامہ کے نام پر قوم کا پیسہ لوٹا گیا, مزدوروں کا حق کھا کر آف شور کمپنیاں بنائی گئیں
کراچی(این این آئی) پاکستان پیپلز پارٹی کے چیئرمین بلاول بھٹو زرداری نے کہاہے کہ موجودہ حکمران مزدور اور کسان دشمن ہیں جو مزدوروں کا حق کھا کر آف شور کمپنیاں بناتے ہیں۔بھٹو نے پاکستان پیپلز پارٹی کی بنیاد اس وقت ڈالی جب ملک پر22 خاندانوں کی حکمرانی تھی۔بھٹو نے کسانوں اور نوجوانوں کو متحد کرکے انقلاب برپا کیا جبکہ مزدوروں نے پیپلزپارٹی کو دوام بخشا۔ہم مزدوروں کے حقوق دیںگے۔یہ مزدور اور کسان دشمن حکومت ہے۔یہ حکمران قوم کی دولت لوٹتے ہیں۔پانامہ کے نام پر قوم کا پیسہ لوٹتے ہیں۔ان خیالات کا اظہار انہوں نے پیروزیراعلی ہاﺅس کراچی میں محنت کشوں میں50 کروڑ روپے کی خصوصی گرانٹ کے چیک تقسیم کرنے کی تقریب سے خطاب کرتے ہوئے کیا ،اس موقع پر وزیراعلیٰ سندھ سید مراد علی شاہ نے بھی خطاب کیا۔بلاول بھٹو زرداری نے کہا کہ مزدوروں کی فلاح پیپلز پارٹی کی ہمیشہ ترجیح رہی ہے، ذوالفقاربھٹو نے مزدوروں اور نوجوانوں کو متحد کیا، پیپلز پارٹی نے ملک میں پہلی مرتبہ مزدور دوست پالیسی دی، پیپلز پارٹی نے مزدوروں کے لیے ادارے بنائے، محنت کشوں کے لیے ای او بی آئی قائم کیا۔ہمیں سوشل سیکورٹی اور ای او بی آئی کے نظام میں بدلتے حالات کے تحت تبدلیاں لانی ہیں۔ٹھیلا لگانے والے اور رکشا چلانے والوں کو بھی اس دھارے میں شامل کیا جائے۔انہوں نے کہاکہ پیپلز پارٹی ، ذوالفقاربھٹو اور بے نظیر بھٹو کو مزدوروں کے دلوں سے نہیں نکالا جاسکتا۔ پیپلز پارٹی کے گزشتہ دور حکومت میں سرکاری اداروں کے 12 فیصد حصص محنت کشوں کے نام کرنے کی حکمت عملی اپنائی گئی تھی لیکن موجودہ حکومت نے اسے بند کردیا ہے۔ سندھ حکومت مسائل کو حل کرنا چا ہتی ہے لیکن وفاقی حکومت ٹال مٹول سے کام لے رہی ہے، موجودہ حکمران مزدور اور کسان دشمن ہیں، یہ حکومت مزدوروں کا حق کھا کر آف شور کمپنیاں بناتی ہے، یہ اورنج ٹرین بناتے ہیں مگر اسپتال نہیں بناتے لیکن پیپلز پارٹی ہر قیمت پر مزدوروں کے حقوق کا تحفظ کرے گی۔انہوں نے کہاکہ وزیراعلی سندھ محکمہ محنت کو مزید فعال کریں۔افسوس کی بات ہے کہ لیبر عدالتیں جس مقاصد کے لئے بنائی گئیں وہ پورا نہیں ہورہاہے۔لیبر کورٹس سے محنت کشوں کو انصاف نہیں مل رہا،پرائیویٹ سیکٹر کے اداروں پر بھی توجہ کی ضرورت ہے۔پرائیویٹ سیکٹر میں مزدوروں کا استحصال کیا جارہا ہے،وزیراعلی سندھ سے امید ہے کہ وہ مزدوروں کو انکے جائز حقوق دلائیںگے۔اس سے قبل وزیراعلی سندھ مرادعلی شاہ نے بلاول بھٹوکو یادگاری شیلڈ پیش کی۔تقریب سے خطاب کرتے ہوئے وزیر اعلی سندھ مراد علی شاہ نے کہا کہ محنت کشوں نے ملکی ترقی میں اہم کردار ادا کیا ہے، صنعتوں کا پہیہ محنت کش طبقے کے زور بازو سے ہی چلتا ہے، محنت کشوں کو تحفظ فراہم کرنے کے لیے ذوالفقار بھٹو نے قانون سازی کی بنیاد ڈالی، پیپلز پارٹی نے گزشتہ 5 سال میں سندھ اسمبلی سے محنت کشوں کے تحفظ کے لیے 13 قوانین منظورکرائے ہیں۔مزید کئی بلز بھی زیر غور ہیں۔مرادعلی شاہ نے کہاکہ مزدوروں کے لیے پیپلزپارٹی کی تیسری نسل جدوجہد کررہی ہے۔انہوں نے کہاکہ پی پی حکومت نے مزدوروں کے لیے جوکچھ کیا کوئی اور سوچ نہیں سکتا۔انہوں نے کہاکہ آج مزدورں میں 50کروڑ روپے کی رقم تقسیم کی ہے جبکہ ورکرز ویلفیئر بورڈ کی طرف سے ایک ارب روپے محنت کشوں میں تقسیم کریںگے۔انہوں نے کہاکہ میںپیپلزپارٹی کے وفات پا جانے والے مزدور رہنماوں خواجہ محمد اعوان لطیف مغل کو خراج عقیدت پیش کرتا ہوں۔محنت کشوں کے حقوق کے لئے شہید زوالفقار علی بھٹو اورشہید بی بی کی پالیسیوں پر عمل پیرا رہیںگے۔ تقریب کے اختتام پر پاکستان پیپلزپارٹی کے چیئرمین بلاول بھٹوزرداری اور وزیراعلی مراد علی شاہ نے محنت کشوں میں پچاس کروڑ روپے کی خصوصی گرانٹ کے چیک تقسیم کئے۔اس موقع پر مزدوروں نے جیئے بھٹو کے نعرے لگائے۔
اربوں روپے بچانے والی قیادت پر الزام تراشی, وزیراعلیٰ کا بڑا اعلان
لاہور(اپنے سٹاف رپورٹر سے ) وزیر اعلیٰ پنجاب محمدشہباز شریف نے کہاہے کہ سیاست عوام کی بے لوث خدمت کا نام ہے اور عوام کی خدمت میں جو اطمینان او رسکون ملتاہے، اس کا اندازہ الزام تراشیاں کرنے والے عناصر کبھی کر ہی نہیں سکتے۔ وزیراعلی نے کہاکہ نیازی صاحب !کھیل کے میدان اور سیاست میں زمین آسمان کا فرق ہے۔ نیازی صاحب، آپ نے کھیل میں تو نام کمایا ہے لیکن سیاست میں نام گنوایا ہے اور سیاست کے ذریعے عوام کی بے لوث خدمت کرناآپ کے بس کی بات نہیں۔ انہوںنے کہاکہ آپ نے گزشتہ4برس کے دوران صرف جھوٹ اور انتشار پھیلایا ہے اورآپ نے پاکستان میں گالم گلوچ، منافقت اور غیر جمہوری رویوں کو فروغ دیا ہے۔انہوں نے کہاکہ غریب قوم کے اربوں روپے بچانے والی قیادت پر بے بنیادا لزام تراشیاں کرنے والوں کو شرم آنی چا ہیے اوربے بنیاد الزامات لگانے والوں کو پہلے اپنے گریبان میں جھانکنا چاہےے۔ انہوںنے کہا کہ وزیراعظم محمد نوازشریف کی قیادت میں پاکستان کی تقدیر بدلنے جا رہی ہے تو مخالفین کو تکلیف ہو رہی ہے۔وزیراعلی محمد شہبازشریف نے ان خیالات کا اظہار منتخب نمائندوں سے گفتگو کرتے ہوئے کیا جنہوںنے آج ان سے ملاقات کی-انہوںنے کہاکہ عوام کے منتخب وزیر اعظم سے استعفیٰ کا مطالبہ کرنےوالے عوامی مینڈیٹ کی توہین کر رہے ہیں۔دھرنے، لاک ڈاﺅن اور احتجاج کے ذریعے منصوبوں میں تاخیر کرنے والوں نے قوم سے بڑی زیادتی کی ہے اور پاکستان کی معیشت کو تباہ وبرباد کرنے میں کوئی کسر نہیں چھوڑی -انہوں نے کہاکہ ملک کی ترقی کا راستہ روکنے والوں کے چہرے قوم کے سامنے بے نقاب ہو چکے ہیںاور با شعور عوام نے انہیں بار بار مسترد کیا ہے، اب یہ عناصر مایوسی کا شکار ہیں۔وزیراعلی نے کہاکہ احتجاج ان کا مقدر ہے ، عوام کی خدمت ہمارا نصب العین ہے اورمخالفین احتجاج کرتے رہیں، ہم پاکستان کی ترقی وخوشحالی کے سفرکو آگے بڑھاتے جائیں گے۔انہوں نے کہاہے کہ پیپلز پارٹی کی سابق حکومت نے توانائی منصوبوںمیں مجرمانہ غفلت کا مظاہرہ کیااورقوم کو لوڈشیڈنگ کا عذاب دینے والے سابق حکمرانوں نے اپنے دور میں اس مسئلے کو حل کرنے کےلئے کوئی عملی کام نہیں کیایہی وجہ ہے کہ توانائی بحران آج بھی موجود ہے- انہوں نے کہاکہ سابق حکمران کرپشن اور لوٹ مار کی بجائے توانائی بحران کے خاتمے پر توجہ دیتے تو ملک آج اندھیروں میں نہ ہوتا۔ جب اللہ تعالیٰ نے انہیں عوام کی خدمت کا موقع دیا تو یہ قومی خزانے پر ہاتھ صاف کرتے ر ہے۔انہوںنے کہاکہ ترقیاتی منصوبوں کے نام پر قومی وسائل کی بے دردی سے لوٹ مار کی گئی اورپیپلز پارٹی دور کے حکمرانوں کی کرپشن ، اقربا پروری اور لوٹ مار کے چرچے زبان زد ِعام ہیں۔سابق حکمرانوں کے دور میں ہر دن کا سورج ایک نئے کرپشن کے سکینڈل کے ساتھ طلوع ہوتا تھا۔انہوں نے کہا کہ پاکستان مسلم لیگ (ن) کی حکومت کی شبانہ روز محنت رنگ لا رہی ہے۔وزیر اعظم محمد نواز شریف کی قیادت میں معیشت مضبوط ہوئی ہے – زرِمبادلہ کے ذخائر ملکی تاریخ کے ریکارڈ سطح پر پہنچ چکے ہیں۔ سی پیک سے روزگار کے لاکھوں نئے مواقع پیدا ہو رہے ہیں۔انہوں نے کہاکہ پاکستان بدل رہاہے اور مثبت تبدیلی آرہی ہے -وزیراعظم محمد نوازشریف کی قیادت میںملک سے اندھیرے دور کریں گے۔وزیر اعلیٰ پنجاب محمد شہباز شریف نے کہا ہے کہ محنت کش کا معیشت میںکردار ریڑھ کی ہڈی کی حیثیت رکھتا ہے اورمحنت کش کو بااختیاربنائے بغیر ترقی کے اہداف حاصل نہیں کئے جا سکتے۔وزےراعظم محمد نوازشرےف کی قےادت مےں مسلم لےگ(ن) کی حکومت مزدوروں کی حالت زار کو بہتر بنانے کےلئے پرعزم ہے اور محنت کش طبقے کی حالت بہتر بنانے کیلئے بھرپور توجہ دے رہی ہے اورمحنت کشوں کی خوشحالی کے لئے بے مثال اقدامات کرکے حکومت نے مزدور کو اس کاحق دیاہے۔ وزیر اعلیٰ نے آج یہاں مسلم لیگ( ن) کے ایک وفد سے بات چیت کرتے ہوئے کہا کہ اینٹوں کے بھٹوں پر کام کرنےوالے 87ہزار بچوں کو سکولوں میں داخل کر اکے انکا حق دیاگیاہے اورجن معصوم ہاتھوں میں پہلے گارامٹی تھا،اب ان ہاتھوں مےںقلم وکتاب تھما دی گئی ہے اوران 87ہزار بھٹہ مزدوربچوں کو مفت تعلیم کےساتھ34 کروڑ روپے سے زائد کی مالی معاونت بھی فراہم کی گئی ہے۔ انہوں نے کہا کہ محنت کشوں کے بچوں کےلئے معیاری تعلیمی اداروں ، سوشل سکیورٹی ہسپتالوں اور لیبر کالونیوں کا قیام حکومت پنجاب کی مزدور دوست پالیسی کا منہ بولتا ثبوت ہے ۔ 50 ارب کی لاگت سے 4سال کے قلیل عرصہ میں مزدوروں کی خوشحالی کے خصوصی اقدامات کئے گئے ہیں۔مزدوروں کو پنجاب سوشل سکیورٹی ہسپتالوں میں24ارب 14کروڑ کی خطیر رقم سے علاج معالجے کی سہولت فراہم کی جارہی ہے۔ محنت کشوں کے بچوں میں 3ارب 12کروڑ روپے کے ٹیلنٹ سکالر شپ تقسیم کئے جاچکے ہیں ۔وزیر اعلیٰ نے کہا کہ ورکرز کے لئے میرج گرانٹ کی مدمیں 2ارب 55کروڑ روپے کی ادائیگیاں کی جا چکی ہیں اور ڈیتھ گرانٹ کی مدمیں 2ارب 74کروڑ روپے کی فراہم کئے گئے ہیں۔انہوں نے کہا کہ پنجاب ورکرز ویلفیئر بورڈ کے سکولوں میں مزدوروں کے 47ہزار بچوں کو مفت تعلیم فراہم کی جارہی ہے۔ لاہور، ملتان او رننکانہ صاحب میںمزدوروں کےلئے 12ارب روپے کی خطیر رقم سے رہائشی کالونیوں کی تعمیر کی گئی ہیں۔وزیر اعلیٰ نے کہا کہ چائلڈ لیبر اور جبری مشقت کے خاتمے کے لئے 5 ارب روپے مختص کئے گئے ہیں۔وزیر اعلیٰ نے کہا کہ بھٹوں پر بچوں کی مشقت کی ممانعت کا قانون بھی پنجاب حکومت کا کارنامہ ہے۔انہوں نے کہا کہ پنجاب حکومت نے محنت کشوں کی فلاح وبہبود کے لئے جوبے مثال اقدامات کئے ہیں ،اس کی نظیر نہیں ملتی اور محنت کشوں کےلئے فلاحی اقدامات کا سلسلہ آئندہ بھی جاری رہے گاکیونکہ محنت کش خوشحال ہوگا تو پاکستان خوشحال ہوگا۔
