All posts by Asif Azam

https://www.facebook.com/asif.azam.33821

حیران کن دستانے

لندن (نیٹ نیوز) یورپ کی دو بڑی کمپنیوں نے مشترکہ تحقیق کے بعد دنیا کے ایسے طبی دستانے بنانے کا اعلان کیا ہے جو ہر طرح کے جراثیم سے پاک ہیں اور اس سے طبی شناخت اور دیگر میڈیکل کام سرانجام دئیے جاسکتے ہیں۔ ان دستانوں کو یونی گلووز کا نام دیا گیا ہے جسے سلور آئن ٹیکنالوجی سے تیار کیا گیا ہے یہ دستانے صرف 15 منٹ میں 90 فیصد خطرناک جراثیم اور دو گھنٹے کے دوران 99.5 فیصد جراثیم کو ختم کرڈالتے ہیں۔ اسے ایک کمپنی بائیوکوٹنے تیار کیا ہے ۔کمپنی کے مطابق یہ ای کولائی، سالمونیلا، ایم آر ایس اے ، وی آرای، سی پی ای، سی آر ای، فنگس اور دیگر بہت سے خطرناک وائرس کے خلاف بھی یکساں طور پر موثر ہیں یہ دستانے جراثیم کو جمع ہونے سے روکتے ہیں اور انہیں بے اثر کرتے ہیں ان دستانوں کو دواں کے کارخانوں، ہسپتالوں، آپریشن تھیٹر اور دیگر مقامات پر استعمال کیا جاسکتا ہے ساتھ ہی یہ دستانے کسی انفیکشن کو پھیلنے سے بھی روک سکتے ہیں۔ دلچسپ بات یہ ہے کہ دستانوں کو دھو کر کئی برس تک استعمال کیا جاسکتا ہے ۔کمپنی نے ہر سائز کا دستانہ بنایا ہے اور اسے ای این 445 میڈیکل گریڈ کے معیار کے تحت تیار کیا ہے ۔

امیر ترین سعودی شہزادہ ولید بن طلال جیل منتقل

ریاض (ویب ڈیسک) سعودی عرب کے امیر ترین شہزادے الولید بن طلال کو الحائر جیل منتقل کر دیا گیا ہے، انہیں تقریباً دو ماہ پہلے بدعنوانی کے خلاف کریک ڈاو¿ن کے دوران گرفتار کیا گیا تھا۔سعودی میڈیا کے مطابق الولید بن طلال نے اپنی رہائی کے عوض رقم دینے سے انکار کر دیا جس پر انہیں فائیو سٹار ہوٹل رٹز کارلٹن میں قائم جیل سے الحائر جیل منتقل کر دیا گیا۔اطلاعات کے مطابق ولی عہد محمد بن سلمان نے شہزادہ الولید سے ساڑھے تین ہزار ملین رالن اور اپنی کچھ کمپنیاں حکومت کے حوالے کرنے سے انکار کیا ہے۔ شہزادہ الولید پر قید کے دوران الٹا لٹکا کر تشدد کرنے کی اطلاعات بھی میڈیا میں زیر گردش رہیں۔

اپنی اوقات میں رہو , کشمیری وزیر نے بھارتی چیف کو کھری کھری سنا دیں

سری نگر (خصوصی رپورٹ) مقبوضہ کشمیر کے وزیرتعلیم نے متنازع بیان دینے پر بھارتی آرمی چیف کو کھری کھری سنا دیں۔ گزشتہ روز سری نگر میں صحافیوں سے فگتگو کرتے ہوئے ریاستی وزیرتعلیم الطاف بخاری نے کہا کہ جمون و کشمیر حکومت اچھی طرح جانتی ہے کہ سکولوں کو کیسے چلانا ہے۔ بھارتی آرمی چیف جنرل بپن روات کوئی ماہر تعلیم نہیں ہر شخص کو اپنی حد میں رہنا چاہئے۔ وہ لوگ جس کا تعلیم سے کوئی لینا دینا نہیں وہ تعلیمی نظام کے متعلق باتیں کر رہے ہیں۔ واضح رہے کہ جنرل بپن روات نے نئی دہلی میں جمعہ کے روز پریس کانفرنس کرتے ہوئے کہا تھا کہ مقبوضہ کشمیر کے سکولوں میں جائیں تو کلاس روم میں 2 نقشے ایک ریاست جموں و کشمیر دوسرا بھارت کے نظر آتے ہیں۔ سکولوں پر 2 جھنڈے ایک ریاست دوسرا بھارت کے لہراتے ہیں۔ ریاستی وزیرالطاف بخاری نے مزید کہا کہ شروع سے ہی ریاست میں یہاں کا اپنا اور بھارت کا 2 آئین نافذ ہیں‘ 2پرچم ہیں اور طلباءکو ریاست جموں و کشمیر سے متعلق علیحدہ پڑھایا جاتا ہے ۔ بھارتی آرمی چیف کے بیان کو ہم مسترد کرتے ہیں۔

کپتان وزیراعظم بن کر ٹرمپ سے ملنے کیلئے بے چین

اسلام آباد(ویب ڈیسک) پاکستان تحریک انصاف (پی ٹی آئی) کے چیئرمین عمران خان کا کہنا ہے کہ امریکی صدر ڈونلڈ ٹرمپ سے ملاقات کڑوی گولی ہوگی مگر نگلنا پڑے گی۔امریکی خبر رساں ادارے کو دیے گئے ایک انٹرویو میں عمران خان کا کہنا تھا کہ اگر انتخابات کے بعد وزیر اعظم منتخب ہوا تو آئندہ برس 2019 میں امریکی صدر ڈونلڈ ٹرمپ سے ملاقات کروں گا۔عمران خان نے انٹرویو میں امریکی صدر کو تنقید کا نشانہ بناتے ہوئے کہا کہ ان سے ملاقات کڑوی گولی تو ہوگی لیکن کرنا پڑے گی۔ان کا کہنا تھا کہ ٹرمپ کا ٹوئٹ انتہائی توہین آمیز تھا، جس طرح امریکا نے پاکستان سے برتاؤ کیا وہ درست نہیں حالانکہ دہشت گردی کے خلاف جنگ میں پاکستان کو کوئی لینا دینا نہیں تھا۔ایک سوال پر عمران خان کا کہنا تھا کہ امریکا پر 9/11 حملوں کے بعد دہشت گردی کے خلاف جنگ میں پاکستان نے اہم کرادر ادا کیا ہے ۔چیئرمین پی ٹی آئی کا کہنا تھا کہ ڈونلڈ ٹرمپ نے پاکستان کو قربانی کا بکرا بنانے کی کوشش کی جب کہ پاکستان کسی دہشت گردی میں ملوث نہیں وہ خود اس کا خاتمہ چاہتا ہے۔دینی مدارس کے حوالے سے ایک سوال پر عمران خان نے کہا کہ ہم لاکھوں مدرسوں کو قومی دھارے میں لائیں گے اور وہ چاہتے ہیں کہ مدرسہ گریجوئیشن طلبا کے پاس تمام صلاحیتیں ہوں تاکہ وہ کسی بھی شعبہ میں با آسانی ملازمتیں حاصل کرسکیں۔

آسمان پر 3 سورج , ہر کوئی ہکا بکا

بیجنگ (خصوصی رپورٹ) چین میں آسمان پر ایک ساتھ تین سورج نکل آئے، قدرت کے حسین نظارے نے دیکھنے والوں کو دنگ کردیا۔چینی میڈیا کے مطابق بعض اوقات قدرت ایسے حیرت انگیز مناظر سامنے لاتی ہے کہ انسانی عقل بھی دنگ رہ جائے۔چین میں قدرت کا ایسا ہی ایک حیرت انگیز لیکن حسین منظرا±س وقت دیکھنے کو ملا جب آسمان پر ایک ساتھ تین سورج روشنی بکھیرتے دکھائی دیئے جس نے دیکھنے والوں کو حیران کردیا۔چین کے شہرہولون بیئرمیں قدرت کا خوبصورت منظر ا±س وقت دیکھا گیا جب آسمان پر ایک نہیں بلکہ تین سورج ایک ساتھ روشنی پھیلا رہے تھے جسے دیکھ کر ہر کوئی دنگ رہ گیا اور لوگ یہ مناظر اپنے کیمرے میں قید کرنے لگے۔رپورٹ کے مطابق سائنسدانوں کا اس حوالے سے کہنا تھا کہ آسمان پر بیک وقت تین سورج کا دکھائی دینا ایک طرح سے نظر کا دھوکا ہے جسے عرفِ عام میں”سن ڈاگ“کہا جاتا ہے جو سورج کے گرد بننے والے روشنی کا گول دائرہ یا ہالے کی وجہ سے ہے جس سے آسمان پر ایک کے بجائے تین سورج دکھائی دیتے ہیں۔

شاہ محمود قریشی کی شاہ خرچیاں

ملتان (خصوصی رپورٹ) پاکستان تحریک انصاف کے وائس چیئرمین شاہ محمود قریشی کے بیٹے مخدوم زین حسین قریشی کا ولیمہ آج ہو گا جس میں جنوبی پنجاب سمیت ملک بھر سے حکومتی‘ اپوزیشن و دیگر جماعتوں کے رہنماﺅں سمیت 15ہزار سے زائد افراد کی شرکت متوقع ہے جس کیلئے تمام انتظامات مکمل کر لئے گئے۔ ولیمہ کے انتظامات کا جائزہ لینے کیلئے شاہ محمود نے بھی سپورٹس گراﺅنڈ زکریا یونیورسٹی ملتان کا دورہ کیا۔ ادھر اسلامی جمعیت طلبہ نے یونیورسٹی سپورٹس گراﺅنڈ میں شاہ محمود کے بیٹے کی دعوت ولیمہ کی اجازت دینے کے فیصلے کی شدید مذمت کی ہے۔ ترجمان جمعیت کے مطابق جامعہ زکریا سپورٹس گراﺅنڈ کی سکرین توڑ دی گئی‘ ایتھلیٹس گراﺅنڈ کو بھی نقصان پہنچا۔ گراﺅنڈ میں موجود کرکٹ پچ بھی ٹوٹ گئی‘ یہ سب کچھ شاہ محمود قریشی نے اپنی موجودگی میں کروایا۔ گراﺅنڈ خراب ہونے سے 18جنوری کو آل پاکستان انٹر یونیورسٹی کرکٹ چیمپئن شپ اور 23جنوری کو انٹرکالجیٹ چیمپئن شپ کا انعقاد بھی خطرے میں پڑ گیا ہے۔ لاکھوں کا نقصان ہونے کے باوجود بھی یونیورسٹی انتظامیہ کو محض پانچ ہزار کرایہ ادا کیا گیا ہے۔ جمعیت وائس چانسلر سے مطالبہ کرتی ہے کہ سپورٹس گراﺅنڈ کو مکمل طور پر تیار کروایا جائے۔ دریں اثنا رابطہ کرنے پر ترجمان جامعہ زکریا کا کہنا تھا کہ یونیورسٹی سپورٹس گراﺅنڈ تقریب کیلئے پہلی بار نہیں دیا گیا‘ یونیورسٹی کرایہ پر یہ جگہ فراہم کرتی ہے اور اس کا کرایہ 5ہزار روپے وصول کیا گیا ہے۔ سپورٹس گراﺅنڈ کی کرکٹ پچ کو کوئی نقصان نہیں پہنچا تاہم راستہ کیلئے سپورٹس گراﺅنڈ کی دیوار توڑی گئی اور تقریب کی انتظامیہ نے یقین دہانی کرائی ہے کہ منگل کے روز مذکورہ توڑی گئی دیوار دوبارہ تعمیر کرا کر دیں گے۔

زینب کو انصاف دو , معروف اداکارہ کا دل دہلا دینے والا پیغام

لاہور (خصوصی رپورٹ) قصور میں معصوم کلی زینب کو زیادتی کا نشانہ بنانے کے بعد قتل کر کے کوڑے کے ڈھیر میں پھینکنے کے واقعے نے پاکستانیوں کے دل دہلا کر رکھ دیئے اور شدید غم و غصے کا اظہار کیا جا رہا ہے جبکہ دوسری جانب بین الاقوامی میڈیا بھی اس معاملے کو اٹھا رہا ہے۔ معروف ماڈل ”کرار ڈیلیونگن“ بھی یہ خبر غیرملکی نشریاتی ادارے پر پڑھ کر انتہائی افسردہ ہو گئیں اور انہوں نے بھی سوشل میڈیا ویب سائٹ انسٹاگرام پر ”سی این این“ کی خبر کا سکرین شاٹ شیئر کرتے ہوئے پیغام جاری کیا اور زینب کیلئے انصاف کا مطالبہ کیا۔ معروف سپر ماڈل کا اپنے پیغام میں کہنا تھا کہ ننھی پری مجھے بے حد افسوس ہے۔ ماڈل نے اپنے پیغام میں دوہیش ٹیگ استعمال کئے کہ وقت ختم ہوا اور زینب کو انصاف دو۔

پنجاب میں بھی بغاوت کا خطرہ ،63 ”ایم پی اے“ اڑان بھرنے کو تیار

لاہور (خصوصی رپورٹ) مسلم لیگ ن کا تمام کوششوں کے باوجود سینٹ میں اکثریتی جماعت بننے اور اپنا چیئرمین لانے کا خواب ادھورا رہ گیا۔ بلوچستان اسمبلی میں ن لیگ کے پاس صرف ایک ووٹ رہ گیا ہے جبکہ پنجاب میں بھی بغاوت کا خطرہ ہے۔ اہم ن لیگی رہنماﺅں نے اس حوالے سے قیادت کو بتا دیا ہے۔ سول خفیہ ادارے نے بھی اپنی رپورٹ میں حکومت کو بتا دیا ہے کہ پنجاب میں 63 ایسے صوبائی اسمبلی کے ممبرز موجود ہیں جو سینٹ انتخابات میں پارٹی کے امیدوار کے خلاف جاسکتے ہیں۔ بظاہر یہ ارکان ن لیگ کے ساتھ ہی ہیں مگر ان کی کمٹمنٹ تحریک انصاف پیپلزپارٹی، آزاد حیثیت سے اچانک سامنے آ کر الیکشن لڑنے والے امیدواروں سے بھی ہے۔ ذرائع کے مطابق ن لیگ کی اعلیٰ قیادت نے چیئرمین سینٹ کیلئے اینٹی اسٹیبلشمنٹ اپنے ایک انتہائی قریبی ساتھی کمو تیار کر رکھا تھا جس کا اعلان اچانک کیا جانا تھا اور اس کیلئے وہ جمعیت علماءاسلام (ف) و دیگر اتحادیوں سے بھی بات چیت کر چکے تھے مگر بلوچستان میں ن لیگی ارکان نے بغاوت کردی جبکہ فاٹا اصلاحات پر فضل الرحمن اور محمود اچکزئی بھی ناراض ہوگئے ہیں۔ ذرائع نے بتایا ہے کہ سول خفیہ ادارے کی رپورٹ کے بعد ن لیگ کی قیادت نے مزید سیاسی نقصان اور سینٹ کی نشستوں سے محرومی سے بچنے کیلئے پنجاب پر فوکس کرلیا ہے اور آئندہ چند دنوں میں ساری توجہ پنجاب پر رکھی جائے گی ذرائع کے مطابق ن لیگ کے اندر ایک بڑے گروپ نے تو قیادت کو یہ بھی کہنا شروع کر دیا ہے کہ موجودہ حالات میں ہم سب کچھ اس امید پر کر رہے تھے کہ اسمبلایں قائم رہیں تاکہ آئندہ سینٹ کے انتخابات میں ہماری اکثریت قائم ہو جائے گی مگر موجودہ حالات میں جس طرح بلوچستان میں ہمارے ساتھ ہوگیا ہے اور اگر اسی طرح پنجاب کے اندر بھی کچھ ساتھی ہمارے چلے گئے تو پھر اس سے اکثریت کا خواب تو پورا نہیں ہوگا مگر سیاسی نقصان کے ساتھ ساتھ مخالفت بھی بڑھ جائے گی، اگر یہی حالات رہنے ہیں تو بہتر ہے کہ قبل ازیں وقت انتخابات میں جا کر اسمبلیوں میں زیادہ سیٹیں حاصل کرلیں۔

منڈی بہاﺅالدین :فیس بک پر دوستی کر کے لڑکوں سے زیادتی کر کے بلیو فلمیں بنا کے بلیک میلنگ گروپ کا انکشاف

لاہور(ویب ڈیسک)پنجاب کے علاقے منڈی بہاﺅالدین میں بچوں سے بدفعلی کرنے والے گروپ کا انکشاف ہوا ہے، متاثرہ بچوں کے مطابق ملزمان سماجی رابطے کی ویب سائٹ فیس بک پر بچوں سے دوستی کرتے ہیں اور پھر بلیک میل کر کے بدفعلی پر مجبور کرتے ہیں۔متاثرہ بچوں کا کہنا ہے کہ ملزمان نے اسلحے کے زور پر بدفعلی کی اور ویڈیوز بھی بنائیں اور اب دیگر ساتھیوں سے بھی بدفعلی کرنے پر مجبور کیا جارہا ہے۔متاثرہ بچوں کے والدین نے منڈی بہاو¿الدین کے کالج چوک پر احتجاج کیا۔ مظاہرین نے ٹائر جلا کر ٹریفک معطل کردی ہے اور مطالبہ کیا کہ ملزمان کو گرفتار کرکے کیفرکردار تک پہنچایا جائے۔

کراچی میں ایم کیو ایم لندن کے انچارج حسن ظفر کی نعش برآمد

لاہور(ویب ڈیسک)کراچی کے علاقے رہڑی گوٹھ سے متحدہ قومی موومنٹ لندن کے پاکستان میں انچارج پروفیسر حسن ظفر عارف کی لاش برآمد ہوئی ہے۔پولیس کے مطابق علی الصبح اطلاع ملنے پر رہڑی گوٹھ سے ایک شخص کی لاش کار کی پچھلی سیٹ سے برآمد کی گئی جس کی شناخت حسن ظفر عارف کے نام سے ہوئی ہے۔ابراہیم حیدری تھانے کے اے ایس آئی امیر حسین کے مطابق صبح 8 بجے تھانے میں لاش کی اطلاع ملی جس کے بعد رہڑی گوٹھ میں کھڑی گاڑی کی پچھلی سیٹ سے لاش برآمد کی گئی۔جناح اسپتال کی انچارج شعبہ حادثات ڈاکٹر سیمی جمالی کے مطابق حسن ظفر عارف کو مردہ حالت میں اسپتال لایا گیا تاہم ان کے جسم پر تشدد کے نشانات موجود نہیں۔ڈاکٹر سیمی جمالی کا کہنا ہے کہ اہلخانہ کی اجازت کے بعد لاش کا پوسٹ مارٹم کیا جائے گا۔ ایم کیو ایم لندن کے رہنماءپروفیسر حسن ظفر رہا۔دوسری جانب کراچی میں میڈیا سے گفتگو کے دوران ایم کیو ایم پاکستان کے سربراہ فاروق ستار کا کہنا تھا کہ پروفیسر حسن عارف کا بیہمانہ قتل ہوا، یہ کراچی کو بدامنی میں جھونکنے کی سازش ہے، پروفیسر حسن عارف کے پسماندگان کے ساتھ دکھ میں برابر کے شریک ہیں۔ خیال رہے کہ پروفیسر حسن ظفر عارف اشتعال انگیز تقریر کیس میں نامزد تھے جو کئی ماہ تک رینجرز کی حراست میں رہے تاہم 18 اپریل 2017 کو انسداد دہشت گردی کی عدالت نے انہیں رہا کردیا تھا۔

جب میں چوتھی کلاس میں تھی تو خاتون ٹیچرنے مجھے ہراساں کیا،ایمان مزاری کا شرمناک انکشاف

اسلام آباد (ویب ڈیسک) تحریک انصاف کی مرکزی رہنما شیریں مزاری کی صاحبزادی ایمان زینب حاضر مزاری نے بتایا ہے کہ جب وہ چوتھی کلاس میں پڑھتی تھیں تو انہیں ایک خاتون ٹیچر کی جانب سے ہراساں کیا گیا۔ٹوئٹر پر ایمان مزاری نے بتایا کہ ان کے والدین نے گھر میں کبھی بھی کسی مرد کو ملازم نہیں رکھا یہاں تک کہ انہیں قرآن پاک سیکھنے کیلئے بھی ایک خاتون معلمہ کے پاس بھیجا گیا، جب بھی کسی قسم کی ہوم ٹیوشن ہوتی تو ان کے والد اس وقت تک کمرے میں بیٹھے رہتے جب تک پڑھائی ختم نہ ہوجاتی ، ’میں اور میرا بھائی جب بھی گھر سے باہر جاتے تھے تو والدین ہمیشہ ہمارے ساتھ جاتے تھے لیکن اس کے باوجود جب میں چوتھی جماعت میں پڑھتی تھی تو میرے پرائیویٹ سکول میں انگریزی کے مضمون کی خاتون استاد مجھے ایک خالی کلاس روم میں لے گئیں اور کہا کہ اپنی شرٹ اٹھاﺅتاکہ چکن پاکس دیکھے جا سکیں‘۔

ناقص دودھ کیس کی سماعت , چیف جسٹس کا بڑا حکم

کراچی(ویب ڈیسک) چیف جسٹس آف پاکستان جسٹس میاں ثاقب نثار نے ناقص دودھ کے از خود نوٹس کیس کی سماعت کے دوران بھینسوں کو لگائے جانے والے ٹیکے فوری طور پر ضبط کرنے کا حکم دیا ہے۔ چیف جسٹس آف پاکستان جسٹس میاں ثاقب نثار کی سربراہی میں تین رکنی بینچ ڈبہ پیک دودھ کی فروخت کے از خود نوٹس سمیت ماحولیاتی آلودگی اور پانی کی فراہمی کے مقدمات کی سماعت کر رہا ہے۔چیف سیکریٹری سندھ رضوان میمن، سیکرٹری صحت فضل اللہ پیچوہو ، ایم ڈی واٹر بورڈ ہاشم رضا زیدی، ایڈووکیٹ جنرل سندھ سمیت دیگر وکلا سپریم کورٹ کراچی رجسٹری میں موجود ہیں۔چیف جسٹس نے کہا کہ تمام حکام کا شکریہ ادا کرتا ہوں کہ چھٹی کے دن یہاں آئے، عوامی مفاد کا معاملہ ہے، سب کو مل کر کام کرنا ہوگا۔ناقص دودھ سے متعلق سماعت شروع ہوئی تو ناظر نے اپنی رپورٹ عدالت کے روبرو پیش کی جس میں بتایا کہ گیا کہ متعدد مقامات پرچھاپے مارے اور ریکارڈ چیک کیا گیا جب کہ بھینسوں کو لگائے جانے والے ٹیکوں کے 39 پیکٹس ضبط کیے گئے ہیں۔چیف جسٹس نے حکم دیا کہ ڈرگ انسپکٹر مارکیٹوں میں چھاپے ماریں اور بھینسوں کو لگائے جانے والے ٹیکے ضبط کریں جب کہ چیف جسٹس نے سیکرٹری صحت کو حکم دیا کہ ٹیکوں کو ضبط کرنے کا کام ڈرگ انسپکٹر کو دیا جائے اور ایف آئی اے، ڈرگ انسپکٹرز، ڈسٹری بیوٹرز اور ریٹیلرز کے اسٹاک کا جائزہ لیا۔ ڈبوں میں ناقص دودھ کی فروخت سے متعلق مختلف کمپنیز نے جواب عدالت میں داخل کرادیے جس میں عدالت کو بتایا گیا کہ دودھ اور ٹی وائٹنرز الگ الگ ہیں جس پر چیف جسٹس نے کہا کہ آپ ٹی وی یا اخبارات پر اشتہارات میں واضح کریں کہ ٹی وائٹنرز دودھ نہیں اور آپ کو لکھ کر دینا ہوگا کہ یہ دودھ ہرگز نہیں ہے۔چیف جسٹس نے کہا کہ ہم ہر برانڈز کےدودھ کا جائزہ لیں گے جب کہ چیف جسٹس نے عدالتی معاون کو حکم دیا کہ ہر کمپنی سے 50 ہزار روپے لے کر معائنہ کرائیں، ڈبہ پیک دودھ کی پی سی ایس آئی آر خود معائنہ کرے۔عدالت نے ڈبہ دودھ کا معائنہ کرا کے دو ہفتوں میں رپورٹ طلب کرلی جب کہ چیف جسٹس نے حکام کو ہدایت کی کہ جس کمپنی کا دودھ مضر صحت ہوا اس کا پورا اسٹاک اٹھا لیں، کمپنیاں خواہ کہیں کہ بھی ہوں، سب کا معائنہ کرایا جائے۔پانی کی فراہمی سے متعلق سماعت کے دوران چیف جسٹس نے کہا کہ رپورٹس میں ہمیں مت الجھائیں، :یہ بتائیں کہ اس شہر میں پانی کی کمی کیوں ہے، سیدھا بتایا جائے کہ منصوبے پر عمل کب ہوگا۔ایم ڈی واٹر بورڈ ہاشم رضا زیدی نے عدالت کو بتایا کہ بہت سے علاقے کچی آبادیاں ہیں، جہاں لائنیں نہیں جس پر چیف جسٹس نے استفسار کیا کہ پانی کی کمی ٹینکرز سے کیوں پوری ہوتی ہے، چلیں پینے کے پانی کو چھوڑیں، استعمال کا پانی ٹینکرز سے کیوں پورا ہورہا ہے۔

5فروری کو عام تعطیل کا اعلان

اسلام آباد(ویب ڈیسک )وفاقی حکومت نے 5 فروری کویوم یکجہتی کشمیرپرعام تعطیل کا اعلان کر تے ہوئے کہا ہے کہ ملک بھرمیں یوم یکجہتی کشمیر بھر پور طریقے سے منایا جائے گا ،تمام سرکاری، نیم سرکاری اور نجی ادارے بند رہیں گے۔وفاقی وزارت داخلہ کی جانب سے جاری کردہ نوٹیفکیشن کے مطابق ہرسال کی طرح اس سال بھی ملک بھرمیں 5 فروری کو یوم یکجہتی کشمیر بھر پور طریقے سے منایا جائے گا۔اس روزملک بھرمیں عام تعطیل ہوگی اور تمام سرکاری، نیم سرکاری اور نجی ادارے بند رہیں گے۔ہرسال کی طرح سرگودھا سمیت ملک بھر میں کشمیری عوام سیاظہاریکجہتی کے لئے صبح 10 بجے ایک منٹ کے لئے خاموشی اختیار کی جائے گی، آزاد کشمیرمیں کشمیریوں سے اظہاریکجہتی کے لیے انسانی ہاتھوں کی زنجیربنائی جائے گی۔ اس کے علاوہ تمام چھوٹے بڑے شہروں میں ریلیوں، مذاکروں اورکانفرنسس کا اہتمام کیا جائے گا جس میں مسئلہ کشمیر کی اہمیت اورکشمیریوں کے حق خود ارادیت کی غرض و غایت اوربھارتی قابض فوج کے نہتے عوام پر ظلم وستم پر روشنی ڈالی جائے گی۔جس کے لئے تمام وفاقی اور صوبائی حکومتوں کو ھدایت جاری کردی گی ھے کہ وہ کشمیر ڈے کو خصوصی تقریبات اہتمام کریں