All posts by Asif Azam

https://www.facebook.com/asif.azam.33821

اگر آپ زہین بننا چاہتے ہیں تو روزانہ ناشتہ میں اس چیز کو کھانے سے پر ہیز نہ کریں

ٹوکیو(ویب دیسک )جاپان سے تعلق رکھنے والے سائنسدان کا کہنا ہے کہ ناشتے میں باقاعدگی سے آئسکریم کھانے والے افراد دیگر لوگوں کے مقابلے میں زیادہ ذہین اور حاضر دماغ ہوتے ہیں۔ پروفیسر یوشی ہیکو کوگا کے مطابق ناشتے میں آئسکریمکھانے سے جسم میں ایلفا ویوز میں اضافہ کرتا ہے جس کا تعلق انسان کی دماغی پھرتیوں سے ہوتا ہے جس کا مطلب یہ ہے کہ جس شخص کے دماغ کی ایلفا ویوز کی فریکوئنسی زیادہ ہوگی وہ اتنا ہی زیادہ حاضر دماغ اور ذہین ہوگا۔پروفیسر یوشی ہیکو کوگا نے ٹوکیو کی 147کیورین یونیورسٹی148 میں طالبعلموں کے 2 گروپوں پر

پاکستانی کھلاڑی لاہور پہنچ گئے

لاہور(آئی این پی) پاکستان سپر لیگ کے تیسرے ایڈیشن کے پلے آف میچ کے لیے کوئٹہ گلیڈی ایٹرز اور پشاور زلمی کے پاکستانی کھلاڑی وطن واپس پہنچ گئے ہیں۔کپتان سرفراز احمد کی سربراہی میں کوئٹہ گلیڈی ایٹرز میں شامل پاکستانی کرکٹرز پہلے رات گئے کراچی پہنچے، جس کے بعد وہ پی آئی اے کی پرواز کے ذریعے صبح ساڑھے 9 بجے لاہور ائرپورٹ پر اترے۔ جبکہ پشاور زلمی کی ٹیم براہ راست دبئی سے لاہور پہنچی۔کوئٹہ گلیڈی ایٹرز کے پاکستان پہنچنے والے کھلاڑیوں میں کپتان سرفراز احمد، اسد شفیق، انور علی، حسان خان، محمد نواز، عمر امین، میر حمزہ، راحت علی اور رمیز راجہ جونئیر شامل ہیں۔کوئٹہ گلیڈی ایٹرز کی ٹیم منجمنٹ کے اراکین بھی لاہور پہنچ گئے ہیں۔ ٹیم گلیڈی ایٹرز کے غیر ملکی کھلاڑیوں کی آمد (آج)پیر کو متوقع ہے۔اس موقع پر میڈیا سے گفتگو کرتے ہوئے کوئٹہ گلیڈی ایٹرز کے مالک ندیم عمر نے پاکستان کرکٹ بورڈ (پی سی بی)سے کہا کہ پی ایس ایل میں آئندہ صرف ان غیر ملکی کھلاڑیوں کو شامل کیا جائے جو پاکستان آنے کے لیے تیار ہوں، شین واٹسن نے پاکستان آنے کی حامی بھری تھی مگر آخری وقت میں منع کردیا، پی سی بی غیر ملکی کھلاڑیوں کے اس مسئلے کا حل ڈھونڈے۔ ندیم عمر نے بتایا کہ ان کی ٹیم کے غیر ملکی کرکٹرز رائلی روسو، کرس گرین، تھسارا پریرا چارلز جونسنز اور محمود اللہ پاکستان آرہے ہیں۔ادھر پشاور زلمی کے پاکستانی کھلاڑی محمد حفیظ، کامران اکمل ، احسن علی ، حارث سہیل اور وہاب ریاض بھی لاہور پہنچ گئے ہیں۔ پشاور زلمی اور کوئٹہ گلیڈی ایٹرز کے درمیان پلے آف (کل) منگل کو کھیلاجائیگا۔ لاہور میں اس موقع پر سکیورٹی کے سخت انتظامات کیے گئے ہیں۔پی ایس ایل 3 کے دو پلے آف میچز 20 اور 21 مارچ کو لاہور میں کھیلے جائیں گے اور ایونٹ کے اگلے مرحلے میں جگہ بنانے والی کوئٹہ گلیڈی ایٹرز کے مقامی کھلاڑی دبئی سے کراچی اور پھر لاہور پہنچ گئے۔دوسری جانب قذافی اسٹیڈیم لاہور میں پی ایس ایل پلے آف میچز کی سیکیورٹی کیلیے فوج کے دستے بھی پہنچ گئے جب کہ امن و امان کو یقینی بنانے کیلیے فضائی نگرانی، اسنیپ چیکنگ، سیف سٹی اتھارٹی کے سی سی ٹی وی کیمروں سے مانیٹرنگ و دیگر سیکیورٹی آلات سمیت تمام وسائل بروئے کار لائے جائیں گے۔پاک آرمی اور رینجرز ایئرپورٹ سے ہوٹل اور ہوٹل سے قذافی اسٹیڈیم تک فول پروف سیکیورٹی فراہم کرنے کیلیے لاہور پولیس کا مکمل ساتھ دے گی۔

امریکی صدر ٹرمپ کی بیٹی اور داماد کو لے جانیوالا ہیلی کاپٹر حادثے سے بال بال بچ گیا

واشنگٹن (ویب دیسک )امریکی صدر ڈونلڈ ٹرمپ کی بیٹی اوردامادکوکولے جانے والاہیلی کاپٹرحادثے سے بال بال بچ گیا۔
میڈیا رپورٹس کے مطابق امریکی صدر کی بیٹی ایوانکا اپنے شوہر کے ساتھ واشنگٹن سے نیویارک جا رہی تھیں کہ ان کے ہیلی کاپٹر کا انجن فیل ہو گیا جس پر ہیلی کاپٹر کو واپس واشنگٹن ایئر پورٹ اتار لیا گیا۔

پی ایس ایل میں تیز ترین نصف سنچری ،لیو ک رانچی نے عمراکمل کا ریکارڈ توڑ دیا

کراچی (ویب ڈیسک )کنگز کی جانب سے ہدف کے تعاقب میں لیوک رانچی نے میدان میں آکر کراچی کنگز کے باولر زکو تگنی کاناچ نچا دیا اور پی ایس ایل میں تیز ترین نصف سنچری بنانے کا اعزاز عمر اکمل سے چھین کراپنے نام کرلیا،انہوں نے 19گیندوں پر نصف سنچری کی جس میں 7چوکے اور 3چھکے شامل ہیں۔
اس سے قبل پی ایس ایل میں تیزترین نصف سنچری کا اعزاز عمراکمل کے پاس تھا جہنوں نے پی ایس ایل کے پہلے سیزن میں کوئٹہ گلیڈئٹرز کے خلاف دبئی کے ہی میدان میں 22گیندوں پر نصف سنچری بنا ئی تھی۔

کراچی کنگز کی ٹیم اگلا میچ کھیلنے دبئی سے لاہور پہنچ گئی

لاہور (ویب ڈیسک ) کراچی کنگز کی ٹیم نجی ایئر لائن کی پرواز کے ذریعے دبئی سے لاہور پہنچ گئی۔

پی ایس ایل کے پہلے پلے ا?ف میچ میں اسلام ا?باد یونائیٹڈ کے ہاتھوں شکست کا سامنا کرنے والی کراچی کنگز کی ٹیم اپنا اگلا میچ کھیلنے دبئی سے لاہور پہنچ گئی۔

کراچی کنگز کی آمد کے موقع پر علامہ اقبال انٹرنیشنل ایئر پورٹ پر سیکیورٹی کے انتہائی سخت انتظامات کیے گئے اور کھلاڑیوں کو سیکیورٹی میں ہوٹل منتقل کیا گیا۔

گلے کے کینسر میں مبتلا بیگم کلثوم نواز ڈسچارج ،10گھنٹے زیر علاج رہیں

لندن(ویب ڈیسک)سابق وزیراعظم نواز شریف کی اہلیہ اور رکن قومی اسمبلی بیگم کلثوم نواز کو 10 گھنٹے زیرعلاج رہنے کے بعد ہارلے اسٹریٹ کلینک سے ڈسچارج کردیا گیا۔

بیگم کلثوم نواز کو آج صبح ان کے صاحبزادے حسن اور حسین نواز چیک اپ کے لیے اسپتال لائے تھے تاہم ڈاکٹرز نے انہیں داخل کرلیا تھا، جہاں وہ تقریباً 10 گھنٹے تک زیر علاج رہیں۔

بیگم کلثوم نواز گلے کے کینسر میں مبتلا ہیں جس کے علاج کے سلسلے میں وہ گزشتہ چند ماہ سے لندن میں موجود ہیں۔

ایم کیو ایم پاکستان کا یوم تاسیس بھی دھڑے بندی کی نذر

 

کراچی (ویب ڈیسک) ایم کیو ایم پاکستان کا 34 واں یوم تاسیس بھی دھڑے بندی کی نذر ہو گیا، فاروق ستار اور خالد مقبول صدیقی نے کراچی میں علیحدہ علیحدہ ریلیاں نکالیں۔

ایم کیو ایم پاکستان (پی آئی بی گروپ) کے کنوینر فاروق ستار نے کراچی میں لیاقت آباد فلائی اوور پر پاور شو کیا جس میں بہادر آباد گروپ کی جانب سے ثالثی کا کردار ادا کرنے والے سید سردار احمد بھی شریک ہوئے۔

اس موقع پر خطاب کرتے ہوئے فاروق ستار کا کہنا تھا کہ ایم کیو ایم کو مٹانے کے منصوبے بنائے گئے لیکن پارٹی پھر بھی قائم ہے۔

فاروق ستار نے خبردار کیا کہ ہمیں سیاسی جمہوری عمل سے اب مزید باہر نہ کیا جائے اور سیاست میں جگہ فراہم کی جائے کیونکہ ہم نے آئین پاکستان کے لیے اپنے لیڈر سے علیحدگی اختیار کی۔

ولادیمر پوتن مزید چھ سال کے لیے روس کے صدر منتخب

 

روس (ویب ڈیسک )کے صدر ولادیمر پوتن نے اتوار کو ملک میں ہونے والے صدارتی انتخاب میں کامیابی حاصل کر لی ہے۔ اس فتح کے بعد ولادیمر پوتن مزید چھ سال تک روس کے صدر کی حیثیت سے اپنی ذمہ داریاں سر انجام دیں گے۔
روس کے سینٹرل الیکشن کمیشن کا کہنا ہے کہ صدارتی انتخاب میں ڈالے جانے والے ووٹوں کی زیادہ تر گنتی مکمل ہونے کے بعد پوتن نے 76 فیصد ووٹ حاصل کیے۔
روس کے اپوزیشن رہنما اور پوتن کے سب سے بڑے حریف الیکسی نیوالنی پر ان انتخاب میں حصہ لینے پر پابندی تھی۔
انتخابی نتائج کے اعلان کے بعد ماسکو میں ایک ریلی سے خطاب کرتے ہوئے پوتن نے کہا کہ ووٹروں نے ان کی گذشتہ چند سالوں کی کامیابیوں کو تسلیم کیا۔

نڈال نے ڈیوس کپ کوارٹر فائنل میں واپسی کا عندیہ دے دیا

میڈرڈ(بی این پی )اسپین کے ٹینس کھلاڑی رافیل نڈال کی اپریل کے اوائل میں جرمنی کیخلاف ڈیوس کپ کوارٹر فائنل کے ذریعے کھیل میں واپسی کا عندیہ دے دیا گیا۔ اسپین کے ٹینس کھلاڑی رافیل نڈال کی اپریل کے اوائل میں جرمنی کیخلاف ڈیوس کپ کوارٹر فائنل کے ذریعے کھیل میں واپسی کا عندیہ دے دیا گیا۔ ان کے چچا ٹونی نڈال نے بتایا کہ رافیل نڈال بتدریج بہتری کی جانب گامزن ہیں اور اگر وہ صحتیاب ہو گئے تو لازمی طور پر مسابقتی میچوں میں حصہ لیں گے۔ یاد رہے کہ گھٹنے کی انجری کے سبب رافیل نڈال انڈین ویلز اور میامی ماسٹرز سے دستبردار ہوگئے تھے۔

جناب سونگ تاؤ کی جانب سے وزیر اعلیٰ پنجاب محمد شہباز شریف کومسلم لیگ ن کے صدر کے طور پر منتخب ہونے پر مبارکباد

منسٹر انٹر نیشنل ڈیپارٹمنٹ سنٹرل کمیٹی آف دی کمیونسٹ پارٹی آف چائنہ جناب سونگ تاؤنے اپنے ایک خط میں، وزیر اعلیٰ پنجاب محمد شہباز شریف کومسلم لیگ ن کے صدر کے طور پر منتخب ہونے پر مبارکباد پیش کی۔ ان کا کہنا تھا کہ محمد شہباز شریف ہمیشہ چائنہ کیلئے ایک دیرینہ اور بہترین دوست رہے ہیں جنہوں نے دو نوں ممالک اور ہماری دو جماعتوں کے درمیان تعلقات بڑھانے کے لئے ہمیشہ قابل قدر خدمات سر انجام دی ہیں ، دریں اثناء جناب سونگ تاؤ نے وزیر اعلیٰ پنجاب کو بیجنگ کا دورہ کرنے کے لئے بھی مدعو کیا تاکہ وہ پاکستان مسلم لیگ ن اورسی پی سی کے درمیان پارٹی تعلقات کو مزیدفروغ دینے میں اپنا بھرپور کردار ادا کر سکیں۔اُدھرگذشتہ روز خادم پنجاب نے بھی چینی صدر زی جنگ پنگ کو دوبارہ بطور صدر اپنی دوسری ٹرم کا اغازکرنے پر بھی اپنی نیک تمناؤں کا اظہار کیا اور مبارکباد پیش کی۔