اسلام آباد (ویب ڈیسک) پاک فضائیہ کے سربراہ ایئر چیف مارشل سہیل امان نے کہا ہے کہ دہشت گردی کے خلاف جنگ میں پاک فضائیہ دوسری فورسز کے ساتھ قدم سے قدم ملا کر چلی، دہشت گردی کے خلاف پوری قوم متحد ہے، پاکستان اور چین مشکل وقت میں ہمیشہ ایک دوسرے کے ساتھ ہیں، آج کے دن ان کو یاد رکھنا ہے، جو دہشت گردی کے خلاف جنگ میں معذور ہوئے یا شہید۔پیر کو پاک فضائیہ کے سربراہ ایئرچیف مارشل سہیل امان نے ایئرشو کی اختتامی تقریب سے خطاب کرتے ہوئے کہا کہ چین کے نائب وزیراعظم کی یوم آزادی کی تقریبات میں شرکت پر خوشی ہے، ہم ہمیشہ اصولوں پر کھڑے ہوئے ہیں، پاکستان چین مشکل وقت میں ہمیشہ ایک دوسرے کے ساتھ ہیں، پاکستان میں ترقی کا واحد راستہ تعلیم کرنا ہے۔ انہوں نے کہا کہ اللہ کا خاص کرم ہے کہ دہشت گردی کے خلاف پوری قوم متحد ہے، دہشت گردی کے خلاف پاک فضائیہ دوسری فورسز کے ساتھ قدم سے قدم ملا کر چلی، آج کے دن ہمیشہ شہیدوں کو یاد رکھنا ہے، ان لوگوں کو بھی یاد رکھنا ہے جو دہشت گردی کے خلاف جنگ میں معذور ہوئے، دہشت گردوں کا قلع قمع کیا گیا۔

راولپنڈی (بیورو رپورٹ)پاک فضائیہ کے سربراہ ائیر چیف مارشل سہیل امان نے کہا ہے کہ افواج نے قوم کے ساتھ ملکر بڑی قربانیاں دے کر امن قائم کیا ہے او رہم دشمنوں کو کسی صورت میں اسے خراب نہیں کرنے دیں گے،پاک فضائیہ ہر صورت میں دشمن کی جانب سے کی جانے والی فضائی خلاف ورزیوں کے خلاف مﺅثر جواب دیتی رہے گی،پاک فضائیہ کے سربراہ ائیر چیف مارشل سہیل امان نے عید کے اس مقدس موقع پر پاک فضائیہ کے ایک آپریشنل بیس کا دورہ کیا اور عید کا دن پاک فضائیہ کے افراد کے ساتھ گذارا۔ائےر چیف ڈیوٹی پر موجود پائلٹس،ائےرمن،ٹیکنیشنزاور سویلینز سے ملے اور انکے جذبے اور پیشہ ورانہ مہار ت کو سراہا۔ پاک فضائیہ کے افراد سے گفتگو کرتے ہوئے انہوں نے کہا کہ ہماری بہادر افواج نے قوم کے ساتھ ملکر بڑی قربانیاں دے کر امن قائم کیا ہے او رہم دشمنوں کو کسی صورت میں اسے خراب نہیں کرنے دیں گے۔ملکی سیکورٹی کی صورتحال پر گفتگو کرتے ہوئے انہوں نے کہا کہ ہمارے ہمسایہ ممالک کو پاکستان میں دہشت گردی کو فروغ دینے کی بجائے اپنے ممالک میں دہشت گردی کے خلاف جنگ کرنا چاہیے۔ پاک فضائیہ کے سربراہ ایئر چیف مارشل سہیل امان نے جناح ہسپتال کا دورہ کیا اور سانحہ احمد پور شرقیہ کے زخمیوں کی عیادت کی۔ ترجمان پاک فضائیہ کے مطابق ایئر چیف مارشل نے جناح ہسپتال میں زیر علاج سانحہ احمد پور شرقیہ کے زخمیوں کی عیادت کی اور زخمیوں کے ورثاءسے یکجہتی اور دلی ہمدردی کا اظہار کیا ۔ پاک بحریہ کے سربراہ ایڈمرل ذکاءاللہ نے عیدالفطر کے موقع پر پاک بحریہ کے اگلے مورچوں کا دورہ کیا اور عید کی نماز 31 میرین بٹالین ہیڈکوارٹرز سجاول میں افسران و جوانوں کے ساتھ ادا کی۔ پاک بحریہ کے ترجمان کے مطابق پاک بحریہ کے سربراہ ایڈمرل ذکاءاللہ نے بھارتی سرحد کے قریب غنی پوسٹ کا بھی دورہ کیا۔

ملتان (ویب ڈیسک) پاک فضائیہ کے سربراہ ایئرچیف مارشل سہیل امان نے کہا ہے کہ پاک فوج کی قربانیوں کے باعث پاکستان میں امن واپس آیا‘ دہشت گردی ےک خلاف جنگ میں پاک فضائیہ نے فوج کے شانہ بشانہ کردار ادا کیا‘ ہمیں مکمل دفاعی خود انحصاری کا حصول ممکن بنانا ہوگا‘ ترقی کے لئے تعلیم انتہائی اہم ہے‘ نوجوانوں کو روزگار کے حصول کے لئے متعدد فنی مراکز قائم کئے گئے ہیں‘ 2018 تک اسلام آباد میں مزید دو میڈیکل کالجز تعمیر کئے جائیں گے۔ بدھ کو ملتان میں ایئریونیورسٹی کیمپس کی افتتاحی تقریب سے خطاب کرتے ہوئے سہیل امان نے کہا کہ ایئریونیورسٹی کا نیا کیمپس ملک میں تعلیم کے فروغ میں اہم کردار ادا کرے گا۔ یونیورسٹی کے قیام سے پنجاب کے طلباءکو تعلیمی سہولتیں میسر آئیں گی۔ ایئریونیورسٹی نے تعلیم کی فراہمی میں اپنے معیار کو برقرار رکھا ہے۔ انہوں نے کہا کہ ترقی کے لئے تعلیم انتہائی اہم ہے ہمیں مکمل دفاع خودانحصاری کا حصول ممکن بنانا ہوگا۔ دہشت گردی ےک خلاف پاک فوج نے بڑی قربانیوں کے بعد کامیابیاں حاصل کی ہیں۔ دہشت گردی کے خلاف جنگ میں پاک فضائیہ نے فوج کے شانہ بشانہ کردار ادا کیا۔ ایئرچیف نے کہا کہ پاک فوج کی قربانیوں کے باعث پاکستان میں امن واپس آیا ہے دہشت گردی کے خلاف جنگ میں حکومت نے فوج کی بھرپور حمایت کی ہے۔ نوجوانوں کو روزگار کے حصول کے لئے متعدد فنی تربیتی مراکز قائم کئے گئے ہیں۔ 2018 تک اسلام آباد میں مزید دو میڈیکل کالجز تعمیر کئے جائیں گے۔(ن غ)