اسلام آباد(صباح نیوز)عوامی مسلم لیگ کے سربراہ شیخ رشید نے بطور امیدوار وزیراعظم ان کی تقریر سرکاری ٹی وی چینل پر نشر نہ کیے جانے پر قومی اسمبلی میں تحریک استحقاق جمع کروادی۔جمعرات کو شیخ رشید کی جانب سے قومی اسمبلی میں جمع کرائی گئی تحریک استحقاق میں پانچ نکات شامل ہیں۔ پہلے نکتے میں شیخ رشید نے کہا کہ بطورامیدوار وزیراعظم میری تقریر سرکاری ٹی وی چینل پی ٹی وی پر براہ راست نہیں دکھائی گئی ، انہوں نے دوسرے نکتہ اٹھاتے ہوئے کہا کہ مریم نواز کے شوہر کیپٹن (ر)صفدر اور وزیر مملکت برائے پانی و بجلی عابد شیر علی نے ایوان میں مجھے کھلے عام دھمکیاں دیں، ان کے اس اقدم کے خلاف کوئی نوٹس نہیں لیا گیا۔جمع تحریک استحقاق کے تیسرے نکتے کے مطابق شیخ رشید نے موقف اختیار کیا کہ ایوان کی گیلریوں میں بغیر پاسز کے لوگ موجود تھے، جب کہ گیلری میں کوئی بھی شخص بغیر پاسز کے داخل نہیں ہوسکتا، چوتھے نکتے میں شیخ رشید نے کہا کہ گیلریوں میں بیٹھے اشخاص نے مجھے اور پی ٹی آئی چیئرمین عمران خان کو کھلے عام گالیاں دیں اور ان کے اس عمل پر کوئی قانونی کارروائی عمل میں نہیں لائی گئی ، تحریک استحقاق کے آخری اور پانچویں نکتے میں کہا گیا کہ پارلیمنٹ سے باہر نکلتے وقت مجھ پر حملے کی ناکام کوشش کی گئی اوریہ سارا واقعہ اسپیکر کی موجودگی میں ان کے سامنے پیش آیا لیکن انہوں نے کوئی نوٹس نہیں لیا۔شیخ رشید نے مطالبہ کرتے ہوئے کہا ہے کہ ان کی جانب سے جمع کرائی گئی تحریک استحقاق پر سخت کارروائی عمل میں لائی جائے۔

اسلام آباد(ویب ڈیسک ) عوامی مسلم لیگ کے سربراہ شیخ رشید کا کہنا ہے کہ نواز شریف کی سیاست ختم ہورہی ہے اور اب وہ شہباز شریف کو بھی مروانے جارہے ہیں۔عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا کہ پاکستان میں اس امر کی ضرورت ہے کہ جہاں جہاں کرپشن ہے اس کونیست و نابود کردیا جائے، سیاست میں بڑی رحمی ہوتی ہے، کل تین منٹ کے بعد میری تقریر قوم کونہیں دکھائی گئی جب کہ کل قومی اسمبلی میں تاریخ میں پہلی بار2 ہزاربندے بغیرکسی پاس کے اسمبلی میں داخل ہوئے۔شیخ رشید نے کہا کہ شاہد خاقان عباسی کہتے ہیں ساری آٹومیٹک اسلحہ واپس لے لوں گا، شاہد خاقان اسٹپنی وزیراعظم ہیں اورنوازشریف کو ایسے ہی اسٹپنی وزیراعظم کی ضرورت ہے، اتوار تک کوشش کروں گا قطری معاہدہ کسی طرح مل جائے کیونکہ شاہد خاقان کا قطری معاہدہ بھی مجھے قطری خط ہی لگتا ہے، میں ڈرنے والا نہیں، یہ ساراخاندان جیلوں میں جائے گا۔

اسلام آباد(آن لائن) عوامی مسلم لیگ کے سربراہ شیخ رشید نے کہا ہے کہنوازشریف نے ملک و قوم کی بے عزتی کروائی ہے، نوازشریف کو ڈٹ جانے کا مشورہ دینے والے انکا سیاسی تابوت بنا رہے ہیں، اگر ڈٹ گے تو کلیجہ بھی پھٹے گا، سیاسی نیاز بھی بٹے گی اور آپ جیل بھی جائیں گے، جے آئی ٹی رپورٹ کےخلاف ابھی تک ایک دستاویز بھی نہیں دی گئی،نوازشریف کے پاس استعفیٰ دینے کے سوا کوئی راستہ نہیں۔سپریم کورٹ کے باہر میڈیا سے گفتگو کرتے ہوئے سربراہ عوامی مسلم لیگ شیخ رشید نے کہاکہ نوازشریف نے ملک و قوم کی بے عزتی کروائی ہے جب ہم کہہ رہے تھے کہ ٹی او آر بنا تو انہوں نے ٹی او آر نہیں بنائے، ہم نے کہا کہ پارلیمنٹ میں آ تو انہوں نے سپریم کورٹ کو خط لکھ دیااور اب وزیراعظم کو ڈٹ جانے کا مشورہ دینے والے انکا سیاسی تابوت بنا رہے ہیں، نوازشریف صاحب ڈٹنے کی باتیں چھوڑ دو ، اگر ڈٹو گے تو کلیجہ بھی پھٹے گا، سیاسی نیاز بھی بٹے گی اور آپ جیل بھی جائیں گے، نااہل بھی ہوں گے ۔انہوں نے کہاکہ نوازشریف کے پاس سوائے استعفے کے دوسرا آپشن نہیں۔ نوازشریف کے پاس استعفیٰ دینے کے سوا کوئی راستہ نہیں، جے آئی ٹی رپورٹ کے خلاف ابھی تک ایک دستاویز بھی نہیں دی گئی۔شیخ رشید نے کہا خواجہ حارث نے دبئی کا اقامہ تسلیم کر لیا، اقامہ تسلیم کرنے کے بعد “گیم از اوور” ہو گئی ہے، سپریم کورٹ نے کہا کہ اگر آج بھی منی ٹریل ہے تو لے آو¿، ججز نے کہا 60 دن آپ کو دیئے تھے، ہم نہیں کہتے تھے کہ والیم 10 کھولو، کل وزیراعظم کے وکیل نے کہا والیم 10 کھولو۔انہوں نے کہاکہ جتنے لوگ جے آئی ٹی کو گالیاں نکال رہے ہیں دراصل وہ سپریم کورٹ کو گالیاں دے رہے ہیں۔شیخ رشید نے کہا کہ کل ججز نے کہا کہ منی ٹریل تولے آو¿، گزشتہ روزسماعت میں وزیراعظم کے وکیل خواجہ حارث نے تسلیم کیا دبئی میںاقامہ بھی لیا اوروزیراعظم چیئرمین بھی رہے تومیرا خیال ہے کہ کھیل ختم ہوگیا ہے۔انہوں نے کہاکہ نواز شریف کے وکیل خواجہ نے منگل کے روز ہونے والی سماعت کے دوران تسلیم کیا کہ نواز شریف نے اقامہ لیا اور 2014 تک ایف زیڈ ای کے چیئرمین رہے ۔ اس اعتراف کے بعد گیم از اوور۔ عدالت نے کہا کہ اگر کوئی منی ٹریل ہے تو لے آ ، کھیل صرف 2 ہفتے کا رہ گیا ہے۔