لندن(ویب ڈیسک) ڈاکٹرز نے میاں نوازشریف کی اہلیہ کلثوم نواز کی گردن میں دوبارہ ٹیومر آنے کے باعث ان کی مزید سرجری کا فیصلہ کیا ہے۔بیگم کلثوم نواز گلے کے کینسر میں مبتلا ہیں جس کے علاج کے سلسلے میں وہ گزشتہ چند ماہ سے لندن میں موجود ہیں۔ذرائع کے مطابق برطانوی بیگم کلثوم نواز کی گزشتہ 7 ماہ میں 6 بار کیمو تھراپی کرچکے ہیں جب کہ ان کی 7 ماہ میں 3 بار سرجری بھی کی گئی۔ذرائع کا کہنا ہےکہ گزشتہ ہفتے بیگم کلثوم نواز کے سی ٹی اسکین اور گیلیم اسکین کیے گئے جس سے یہ بات سامنے آئی ہے کہ سابق وزیراعظم کی اہلیہ کی گردن میں ٹیومر دوبارہ آگیا ہے جس کے باعث ڈاکٹرز نے ان کی ریڈیو تھراپی ٹریٹمنٹ کے ساتھ مزید سرجری کا فیصلہ کیا ہے۔

لاہور (مانیٹرنگ ڈیسک) ذرائع کے مطابق مخدوم جاوید ہاشمی کو مسلم لیگ (ن) میں واپس لینے کا فیصلہ کلثوم نواز کی رضا مندی سے مشروط کر دیا گیا ہے۔ سابق وزیراعظم نوازشریف اور وزیراعلیٰ پنجاب شہباز شریف میں اہم ملاقات ہوئی جس میں پارٹی امور، زیر سماعت مقدمات اور دیگر امور پر مشاورت کی گئی۔ ملاقات میں مخدوم جاوید ہاشمی کی نوازشریف سے کل ممکنہ ملاقات اور پارٹی میں واپس لینے پر مشاورت بھی ہوئی۔ اس موقع پر جاوید ہاشمی سے متعلق (ن) لیگ کے دیرینہ اور قربانیاں دینے والے کارکنوں کے تحفظات پر غور بھی کیا گیا۔ جاوید ہاشمی کی پارٹی میں واپسی کے حوالے سے خاندان کے تحفظات پائے جا رہے ہیں۔ خاندانی ذرائع کا کہنا ہے کہ جاوید ہاشمی جب پی ٹی آئی میں جا رہے تھے تو انہوں نے ہماری خواتین کا مان نہیں رکھا تھا۔ بیگم کلثوم نواز پارٹی معاملات میں دخل نہیں دیتی تھیں لیکن وہ خود جاوید ہاشمی کو منانے گئیں تھیں۔ مخدوم جاوید ہاشمی بیگم کلثوم نواز کے سامنے خواجہ سعد رفیق کے گھر سے اٹھ کر چلے گئے تھے۔ ذرائع کے مطابق جاوید ہاشمی کو واپس لینے سے نظریاتی سیاست کا دعویٰ ختم ہو جائے گا۔ تاہم جاوید ہاشمی سے ملنے میں کوئی حرج نہیں، وہ ملنے آئیں تو ملاقات کا وقت دیا جائے گا۔ لیکن ہاشمی سے ملنے میں کوئی حرج نہیں، وہ ملنے آئیں تو ملاقات کا وقت دیا جائے گا۔ لیکن ان کی مسلم لیگ ن میں واپسی بیگم کلثوم نواز کی رضا مندی سے مشروط کر دی گئی ہے۔وزےر اعظم نواز شریف سے وزیر اعلی پنجاب شہباز شریف کی 2گھنٹے سے زائد تک ون آن ون ملاقات‘جاوید ہاشمی کی (ن) لےگ مےں شمولےت ‘ آئندہ عام انتخابات، ناراض پارٹی رہنماﺅں کو منانے، عوامی رابطہ مہم سمیت دیگر اہم ایشوز پر آئندہ کی حکمت عملی بنائی گئی جبکہ نواز شریف نے سپیکر قومی اسمبلی سردار ایاز صادق سے رابطہ کر کے انکو سینٹ میں حلقہ بندیوں پر بل کی منظوری کےلئے چےئر مین سینٹ ، اپوزیشن لیڈر قومی اسمبلی سمیت دیگر اہم رہنماﺅں سے روابط کا بھی ٹاسک دیا ۔ذرائع کے مطابق اتوار کے روز جاتی امراءمےں ہونےوالی ملاقات کے دوران آج اسلام آباد میں ہونے والی سنٹرل ایگزیکٹو کمیٹی کے اجلاس کے حوالے سے آئندہ کا لائحہ عمل طے گےا ہے جبکہ میڈےا رپورٹس کے مطابق نواز شریف نے سپیکر قومی اسمبلی سردار ایاز صادق سے رابطہ کر کے انکو سینٹ میں حلقہ بندیوں پر بل کی منظوری کےلئے چےئر مین سینٹ ، اپوزیشن لیڈر قومی اسمبلی سمیت دیگر اہم رہنماﺅں سے روابط کا بھی ٹاسک دیا ہے اور مےاں شہبا زشر ےف سے ملاقات کے دوران نوازشر ےف نے کہا کہ ہم آئےن وقانون اور جمہورےت پر ےقےن رکھتے ہےں ہم نے پہلے کبھی اصولوں پر سمجھوتہ کےا اور نہ ہی آئندہ کر ےں گے عوام کی حقوق اور انکی ترقی وخوشحالی ہمارا مشن ہے جس سے ہمےں کوئی نہےں روک سکتا۔ وزیراعظم میاں نواز شریف جاوید ہاشمی کو پارٹی میں دوبارہ شمولیت کی خواہش رکھتے ہیں دونوں رہنماﺅں کے درمیان ملاقات میں شریف فیملی کے خلاف نیب کیسز اور پنجاب میں ن لیگی ایم پی اے اور دیگر افراد کی دھرنے مظاہرین کی حمایت اور استعفیٰ دینے کے حوالے سے بھی گفتگو کی گئی۔

لندن(خصوصی رپورٹ ) سابق وزیر اعظم نواشریف کی اہلیہ بیگم کلثوم نواز کی طبیعت پھر خراب ہو گئی، دوبارہ اسپتال داخل کروا دیا گیا۔ شریف فیملی کے مطابق بیگم کلثوم نواز کی طبیعت پھر خراب ہو نے کے باعث انہیں گذشتہ رات دوبارہ لندن کے مقامی اسپتال داخل کروا دیا گیا ہے بیگم کلثوم نوازکی پہلے بھی کیموتھراپی ہوچکی ہے۔ ڈاکٹرز کے مطابق کلثوم نواز کی طبیعت میں بہتری آنے سے قبل کیمو تھراپی کا دوسرا سیشن نہیں کیا جائے گا۔ واضح رہے کہ بیگم کلثوم نواز کینسر کے مرض میں مبتلا ہیں اور گزشتہ کئی ہفتوں سے لندن میں زیر علاج ہیں۔

لندن (مانیٹرنگ ڈیسک) کلثوم نواز کے علاج کرنےوالےڈاکٹرزنےدعوی کیاہے کہ ان کی بیماری سیریس اسٹیج پرہے۔ رپورٹ کےمطابق ڈاکٹرز نے بتایاہےکہ ان کی بیماری سیریس اسٹیج پرہے۔ کینسرکامرض جسم کےدیگرحصوں سے پھیل کرگردن تک پہنچ چکاہے۔ ڈاکٹرزتاحال بیماری پھیلنےکی وجوہات پرتحقیق کررہے ہیں۔ لندن میں کلثوم نوازکی ہرتین ہفتے بعد کیموتھراپی ہوگی جو پانچ ماہ جاری رہے گی۔ واضح رہےکہ کلثوم نواز میں کینسرکی تشخص تقریبا2ماہ قبل ہوئی تھی اور ان کی لندن میں 3 سرجریاں ہوچکی ہیں۔

لندن (خصوصی رپورٹ) سابق وزیراعظم نواز شریف کی اہلیہ بیگم کلثوم نواز کی میڈیکل رپورٹ لیڈرز آف انکالوجی کیئر کی جانب سے بنائی گئی ہے جس کے مطابق کلثوم نواز کے گلے کے بائیںجانب کینسر کی نشاندہی کی گئی۔ رپورٹ میں بیگم کلثوم نواز کو قے اور دوسرے امراض کی نشاندہی کی گئی۔ بتایا گیا ہے کہ بیگم کلثوم نواز کا علاج مختلف مرحلوں میں 5ماہ میں مکمل ہو گا۔ رپورٹ کینسر کے بڑے ڈاکٹرز کو بھی بھجوائی گئی۔ رپورٹ کو لندن میں لاءفرم کی جانب سے تصدیق بھی کروایا گیا ہے۔

اسلام آباد (مانیٹرنگ ڈیسک) سابق وزیراعظم نوازشریف کی اہلیہ بیگم کلثوم نواز لندن میں علاج کے سلسلے میں ہسپتال میں داخل ہیں جہاں ان کی میڈیکل رپورٹ جاری کی گئی ہے جس میں ڈاکٹروں نے انکشاف کیا ہے کہ بیگم کلثوم نواز کا منہ کے ذریعہ کھانے کا عمل کم ہوتا جا رہا ہے ، انہیں الٹیاں ہو رہی ہیں ۔ رپورٹ میں بتایا گیا ہے کہ بیگم کلثوم نواز کی کیمو تھرپی جاری ہےاور انہیں ولنگٹن ہسپتال میں ڈی ہائیڈریشن سمپٹم مینجمنٹ کیلئے ریفر کیا گیا ہے۔ خیال رہے کہ سابق خاتون اول کی یہ رپورٹ لیڈران انکولوجی ہسپتال کی جانب سے جاری کی گئی ہے۔

لاہور(خصوصی رپورٹ)بین الاقوامی پیشگو سید نصرت بخاری کی کلثوم نواز کی جیت کے حوالے سے پیشگوئی درست ثابت ہوئی تفصیلات کے مطابق سید نصرت بخاری نے الیکشن سے قبل پیشگوئی کی تھی کہ کلثوم نواز60ہزارسے زائد ووٹ لیکر 14 سے15ہزار ووٹوں کے مارجن سے کامیاب ہونگی،گزشتہ روز سید نصرت بخاری کی رہائشگاہ پر ایک میٹنگ ہوئی جس میں علاقہ کے معززین نے بھرپور تعداد میں شرکت کی اور نصرت بخاری کی پیش گوئی درست ثابت ہونے پر ان کو مبارکباد پیش کی ۔اس موقع پر سید نصرت بخاری نے مزید پیشگوئی کی کہ مریم نواز ملکی سیاست میں ایک خاص مقام حاصل کریں گی اور آئندہ کئی عرصہ تک ن لیگ کی قیادت کریںگی۔ انہوں نے کہا کہ آنے والے وقت میں شریف فیملی میں بھٹو خاندان کی طرح مریم نواز راج کریگی۔

لاہور (خصوصی رپورٹ) این اے 120 میں ن لیگ کی امیدوار کلثوم نواز کا انتخابی سیاست میں یہ پہلا قدم ہے۔ اس سے قبل وہ ن لیگ کی سیاست میں پس پردہ اپنا کردار ادا ضرور کرتی رہی ہیں تاہم انتخابی سیاست کا براہ راست حصہ نہیں بنیں۔ کلثوم نواز کے بطور امیدوار انتخاب کے فیصلے کو تجزیہ کار ن لیگ کے لئے مثبت قرار دیتے ہیں۔ اس کی بنیاد ان حقائق پر مبنی ہے کہ ان کے خلاف کرپشن کے الزامات نہیں وہ ن لیگ کی قیادت اس دور میں کرچکی ہیں جب نوازشریف 1999ءمیں جنرل پرویز مشرف کے مارشل لاءکے بعد جیل چلے گئے تھے۔ بیگم کلثوم نواز عمر میں نوازشریف سے ایک برس چھوٹی ہیں۔ ان کا خاندان کشمیر سے تعلق رکھتا ہے جبکہ ان کی پیدائش لاہور میں ہوئی وہ مشہور زمانہ پہلوان گاما کی نواسی بھی ہیں۔ ان کے چار بچے ہیں جن میں حسن نواز‘ حسین نواز اور مریم نواز کے ناموں سے تو پاکستان اور پاکستان کے باہر رہنے والے پانامہ کیس کے تناظر میں واقف ہیں جبکہ ان کی چوتھی اولاد اسما نواز ہیں جو پاکستان کے وزیر خزانہ اسحاق ڈار کی بہو ہیں۔ بی بی سی کو بتایا گیا کہ بقیول مریم نواز شریف خاندان میں بیگم کلثوم نواز کے سیاسی تجزیے اور رائے کو ہمیشہ سے ہی اہمیت دی جاتی ہے۔

لاہور (خصوصی رپورٹ) قومی اسمبلی کے حلقہ این اے 120 سے مسلم لیگ ن کی امیدوار کلثوم نواز کے کاغذاتِ نامزدگی پر 10 اعتراضات سامنے آگئے۔ تفصےلات کے مطابق سابق وزیر اعظم نواز شریف کی نا اہلی پر خالی ہونے والی قومی اسمبلی کی نشست این اے 120 پر ان کی اہلیہ کلثوم نواز ضمنی انتخاب میں حصہ لیں گی تاہم ان کے کاغذات نامزدگی پر 10 اعتراضات اٹھا دیے گئے ہیں۔ کلثوم نواز کے کاغذات پر اٹھائے گئے اعتراضات میں کہا گیا ہے کہ انہوں نے 4 جون 2012 سے 4 جون 2015 تک کا اقامہ لیا لیکن اس کا ذکر نہیں کیا، ٹیکس گوشواروں میں تنخواہ کا ذکر بھی نہیں کیا، کلثوم نواز کی ٹرسٹ ڈیڈ طلب کر کے دیکھا جائے کہ جعلی ہے یا اصلی ہے۔ اعتراضات میں مزید کہا گیا ہے کہ کلثوم نواز نے اپنی ملکیت میں مری کے مال روڈ پر 5 کنال کا گھر ظاہر کیا ہے لیکن اس میں فرنیچر اور دیگر سامان ظاہر نہیں کیا، گھر کا سامان اور دیگر اشیا ظاہر نہ کر کے حقائق چھپائے گئے۔ اسی طرح خاتون امیدوار نے اپنے موبائل فون، گھڑی اور دیگر سامان کی ملکیت بھی ظاہر نہیں کی۔ ذرائع کے مطابق بیگم کلثوم نواز کی جانب سے الیکشن کمیشن میں جو کاغذات نامزدگی جمع کروائے گئے ہیں ان کے ساتھ دبئی کے اقامے کی بنیاد والے معاہدہ کی دستاویزات منسلک نہیں سپریم کورٹ آف پاکستان کے فیصلے کے بعد دبئی کمپنی کی تنخواہ بطور اثاثہ ثابت کرنا بیگم کلثوم نواز کیلئے لازم تھا یہ بھی معلوم ہوا ہے کہ کلثوم نواز نے اپنے کاغذات نامزدگی کے ساتھ کمپنی کا اقامہ منسلک کیا ہے جبکہ ڈپٹی چیئرمین کمپنی تنخواہ کا معاہدہ منسلک نہیں کیا ذرائع کے مطابق دبئی قوانین کے مطابق اقامہ کسی تنخواہ کے معاہدے کے بعد جاری ہوتاہے ذرائع نے یہ بھی بتایا ہے کہ بیگم کلثوم نواز نے اپنے اضافی نوٹ میں نواز شریف کی تنخواہ کو اثاثہ تسلیم کیا ہے جبکہ اپنے کاغذات نامزدگی میں انہوں نے کمپنی کے ساتھ معاہدے یا تنخواہ کا ذکر نہیں کیا۔ 2015ءاور 2016ءکی ویلتھ سٹمنٹ میں بھی تضادات شامل ہیں 2015ءکی سٹمنٹ میں ہاﺅس ہولڈظاہر کیا جبکہ 2016ءمیں ہاﺅس ہولڈ ظاہر نہیں کیاگیا 2016ءکی ویلتھ سٹمنٹ میں مری کے گھر کا ہاﺅس ہولڈ ظاہر نہیں کیاگیا۔

اسلام آباد (مانیٹرنگ ڈیسک) باخبرذرائع کے مطابق سابق خاتون اوّل بیگم کلثوم نواز نے کہا ہے کہ وہ لاہور کے حلقہ این اے۔120 سے قومی اسمبلی میں ضمنی انتخاب لڑنے کے لئے تیار ہیں اور اس مقصد کے لئے اپنی توانائیاں یکجا کر چکی ہیں بشرطیکہ انہیں اس حلقے سے امیدوار نامزد کیا گیا۔ اس کا اختیار صرف نوازشریف کو حاصل ہے۔ کلثوم نواز نے کہا ہے کہ اس حلقے کے رائے دہندگان سے میرا عرصہ دراز سے رابطہ ہے۔ یہ حلقہ میرا میکہ ہے کوئی خاتون میکے سے اپنے تعلق پر ہمیشہ خوش ہوتی ہے۔ بیگم کلثوم نواز نے کہا کہ اس حلقے کے عوام کی محبت اور لگا? پر ہمارے پورے خانوادے کو بے پناہ اعتماد رہا ہے ان سے دریافت کیا گیا کہ وہ مقابلے کے لئے تیار رہیں تو انہوں نے بڑے عجز سے جواب دیا کہ مجھے اپنے رب تعالیٰ کی رحمت پر پورا بھروسہ ہے۔ان سے دریافت کیا گیا کہ حلقہ این اے120 سے پاکستان مسلم لیگ ن کے امیدوار کا کب تک فیصلہ ہو جائے گا تو محترمہ کلثوم نواز نے قدرے فاصلے پر لیگی کارکنوں اور رہنما?ں میں گھرے اپنے شریک حیات نوازشریف کی طرف اشارہ کر کے کہا کہ اس سوال کا جواب آپ ان سے لیں۔ اخبار کے مطابق منگل کی شام لاہور میں محترمہ کلثوم نواز اور محترمہ مریم نوازشریف دونوں کے لئے کاغذات نامزدگی تیار کرلئے گئے ہیں۔ پارٹی کی قیادت ان دونوں میں سے جسے بھی امیدوار نامزد کرے گی اس کے کاغذات دائر کر دیئے جائیں گے۔