اسلام آباد (ویب ڈیسک) تحریک انصاف میں اندرونی اختلافات پر مرکزی رہنما جہانگیر ترین بیرون ملک چلے گئے۔تحریک انصاف میں اندرونی اختلافات کی کھچڑی پکنے لگی، اختلافات اور نااہلی پر تنقید کی زد میں آے والے مرکزی رہنما تمام تر انتخابی سرگرمیاں چھوڑ کر لندن روانہ ہوگئے۔ذرائع کا کہنا ہے کہ نااہلی کے بعد جہانگیر ترین کو پارٹی کے بعض رہنماو¿ں کے رویے سے سخت مایوسی ہوئی اور ٹکٹوں کی تقسیم پر بھی انہیں شدید تنقید کا سامنا تھا۔ دوسری جانب جہانگیرترین کے قریبی ذرائع کہتے ہیں وہ اہل خانہ کے ساتھ چھٹیاں منانے لندن گئے ہیں جلد واپس آئیں گے۔ جہانگیر ترین پارٹی رہنماو¿ں کے بالواسطہ حملوں اور میڈیا میں بغیر نام کے اپنی ذات کو نشانہ بنائے جانے پر سخت مایوس تھے جس کا انہوں نے چیئرمین عمران خان سے کھل کراظہار بھی کیا۔دو روز قبل میڈیا میں شاہ محمود قریشی اور جہانگیر ترین کے ایک دوسرے پر لفظی گولہ باری کا نوٹس لیتے ہوئے عمران خان نے قائدین کو ایک دوسرے کے خلاف بیان بازی سے روک دیا تھا۔انتخابات سے قبل اس اہم مرحلے پر جہانگیر ترین کے پارٹی سرگرمیاں معطل کرکے بیرون ملک جانے پر پی ٹی آئی رہنماو¿ں اور کارکنوں میں تشویش پائی جاتی ہے اور مرکزی رہنما کا اچانک پارٹی سے کنارہ کشی کرنا بہت سے سوالوں کو جنم دے رہا ہے۔
All posts by Channel Five Pakistan
پاکستانی شہریوں کی جانب سے سوئس بینکوں میں رقوم رکھنے کی شرح میں نمایاں کمی کا انکشا ف
لندن (ویب ڈیسک)پاکستانی شہریوں کی جانب سے سوئس بینکوں میں رقوم رکھنے کی شرح میں نمایاں کمی واقع ہوئی ہے۔بھارتی نیوز ایجنسی نے اپنی رپورٹ میں دعویٰ کیا ہے کہ سوئس بینکوں میں پاکستانی شہریوں کے اکاو¿نٹس میں رکھی جانے والی رقم میں 21 فیصد کمی آئی ہے۔رپورٹ کے مطابق کمی کے باوجود سوئس بینکوں میں پیسہ رکھنے میں پاکستانی شہری بھارتیوں سے آگے ہیں اور مسلسل تیسرے سال پاکستانیوں نے سوئس بینکوں میں بھارتیوں سے زیادہ رقم رکھوائی۔سوئس نیشنل بینک کے اعداد و شمار کے مطابق سال 2017 میں پاکستانیوں نے سوئس بینکوں میں 770 ارب روپے کے مساوی رقم رکھوائی۔
Channel Five Pakistan Headlines 12pm 29 june 2018
سعودی عرب میں دنیا کے تیل کے سب سے بڑے زخیرے کا انکشاف
ریاض(ویب ڈیسک )سعودی عرب میں ایک ارضیاتی سروے نے مملکت میں تیل کی دولت کے دنیا کے سب سے بڑے ذخیرے کا پتا چلایا ہے۔میڈیارپورٹس کے مطابق سعودی عرب کی آئل کمپنی ارامکو کے سابق مشیر اور شاہ سعود یونیورسٹی میں ارضیات کے استاد پروفسیر ڈاکٹر عبدالعزیز بن لعبون نے بتایا کہ سعودی عرب کے جنوب میں البطحاءگذرگاہ کے قریب وادی الرمہ اور وادی السھباءکے درمیان تیل کی دولت سے مالا مال اس علاقے کوبقعی کہاجاتا ہے۔ یہاں پر خام تیل کے ذخائر سے پتا چلتا ہے کہ یہ علاقہ تیل کے وسیع ذخائر کے اعتبار سے دنیا کا سب سے زرخیز مقام ہے جہاں تیل کے ذخائر کا حجم چاار ارب 40 کروڑ بیرل لگایا گیا ہے۔
عمرہ زائرین کے حجاز مقدس میں مقررہ وقت سے زائد قیام پر جرمانہ کا اعلان
اسلام آباد (ویب ڈیسک)سعودی عرب نے عمرہ زائرین کے حجاز مقدس میں مقررہ وقت سے زائد قیام کرنے پر جرمانہ لگانے کا اعلان کردیا۔پاکستان کی وزارت مذہبی امورکی جانب سے جاری ایڈوائزری میں کہا گیا کہ سعودی عرب کی حکومت نے عمرہ زائرین کی جانب سے دوران عمرہ زیادہ قیام کرنے پر عائد کردہ پابندی پر عمل نہ کرنے والے زائرین کو جرمانے کی سزا دینے کا اعلان کیا ہے۔ مقررہ مدت سے زیادہ عرصہ گزارنے والے زائرین کو 50 ہزار سعودی ریال جرمانہ ہوگا جبکہ 6 ماہ قید بھی ہوگی۔سعودی حکام نے واضح کیا ہے کہ عمرہ کے دوران غائب ہونے والوں کی ذمے داری ٹورز آپریٹرز پر عائد ہو گی، عمرہ زائرین کے وقت مقررہ پر واپس نہ آنے پر ٹورز آپریٹرکے لائسنس منسوخ کیے جا سکتے ہیں۔ادھر پاکستانی عازمین حج کے لیے سرکاری حج آپریشن آئندہ ماہ کے وسط سے شروع ہو گا جو کہ 15 اگست تک جاری رہے گا، اس دوران ایک لاکھ سے زائد عازمین کو حجاز مقدس پہنچایا جائے گا۔ پروازوں کا شیڈول اگلے ہفتے کے ا?خر تک ا?ئے گا۔
عام انتخابات کے لیے پولنگ کے وقت میں ایک گھنٹے اضافے کا اعلان
اسلام آباد(ویب ڈیسک) الیکشن کمیشن نے 25 جولائی کو ہونے والے عام انتخابات کے لیے پولنگ کے وقت میں ایک گھنٹے اضافے کا اعلان کردیا۔ الیکشن کمیشن کے مطابق 25 جولائی کو پولنگ کے اوقات صبح 8 بجے سے شام 6 بجے تک ہوں گے اور پولنگ کا عمل بلا کسی تعطل کے 10 گھنٹے تک جاری رہے گا۔الیکشن کمیشن کے اعلامیے کے مطابق پولنگ کے اوقات میں ایک گھنٹے کے اضافے کا مقصد انتخابی عمل میں عوام کی زیادہ شرکت یقینی بنانا ہے۔الیکشن ایکٹ کے مطابق پولنگ کا وقت کم از کم 8 گھنٹے مقرر ہے تاہم ملکی تاریخ میں یہ پہلا موقع ہے کہ پولنگ کے روز سے قبل ہی پولنگ کے اوقات بڑھانے کا فیصلہ کیا گیا ہے۔
Channel Five Pakistan Headlines 11am 29 june 2018
فرحان سعیدکاتحریک انصاف کیلئے آفیشل گیت گائیں گے
لاہور(شوبزڈیسک) پاکستان تحریک انصاف کی انتخابی مہم کیلیے گلوکار فرحان سعید کا انتخاب کرلیا گیاہے۔گلوکار فرحان سعید کارکنوں اور ووٹروں کا لہو گرمانے کے لیے پارٹی کا نیا آفیشل گیت ریکارڈ کرائیں گے۔ اس سلسلہ میں فرحان سعید نے بنی گالا میں چیئرمین پی ٹی آئی عمران خان سے ملاقات کی اور الیکشن مہم 2018 کا آفیشل گانا گانے کے لیے ان پر اعتماد کرنے پر شکریہ ادا کیا۔فرحان سعید کا کہنا ہے کہ وہ عمران خان اور پی ٹی آئی کے شکرگزار ہیں کہ انتخابی مہم کا آفیشل گانا گانے کے لیے ان پر بھروسہ کیا گیا۔
نیویارک میں دوسرا پاکستان فلم فیسٹیول 7 اور 8 جولائی کو سجے گا
نیویارک(شوبزڈیسک) اقوام متحدہ میں پاکستانی مشن کے زیر اہتمام دوسرے پاکستان فلم فیسٹیول کا میلہ 7 اور8 جولائی کو نیویارک میں سجے گا۔ فلم فیسٹیول کا اہتمام اقوام متحدہ میں پاکستانی مشن نے کیا ہے، فلم فیسٹیول میں پاکستانی فلمیں دکھائی جائیں گی جن میں میکال ذوالفقار اورعلی کاظمی کی فلم” نہ بینڈ نہ باراتی“ گزشتہ برس ریلیز ہوئی ہمایوں سعید اور مہوش حیات کی کامیاب ترین فلم”پنجاب نہیں جاو¿ں گی“، صنم سعید، آمنہ شیخ اور عدنان ملک کی فلم ”کیک“، ماہرہ خان کی فلمیں ”ورنہ“اور”سات دن محبت ان“، علی رحمان اورحریم فاروقی کی فلم”پرچی“شامل ہیں۔فیسٹیول میں آسکر ایوارڈ یافتہ شرمین عبید چنائے بھی شریک ہوں گی جب کہ پاکستان کی عالمی شہرت یافتہ اداکارہ ماہرہ خان، اداکار میکال ذوالفقار، شہریار منور، آمنہ شیخ، حریم فاروقی، زیب بنگش اور مہوش حیات کی شرکت بھی متوقع ہے۔اقوام متحدہ میں پاکستان کی مستقل مندوب ڈاکٹر ملیحہ لودھی کا کہنا ہے کہ فیسٹیول میں 193 ممالک کے سفارتکار پاکستان کی انٹرٹینمنٹ انڈسٹری کی کارکردگی دیکھ سکیں گے۔
سپریم کورٹ بھارت پر عالمی مصالحتی عدالت میں مقدمہ کا حکم دے
اسلام آباد (خصوصی رپورٹ) چیف ایڈیٹر خبریں اور قومی پانی کے حوالے سے تحقیق کرنےوالے ادارے ستلج راوی واٹر فورم کے چیئرمین ضیا شاہد نے سپریم کورٹ آف پاکستان میں رٹ دائر کردی کہ 1960ءمیں ہونےوالے پاک بھارت زرعی پانی کے معاہدے انڈس واٹر ٹریٹی پر حقیقی معنوں میں عملدرآمد کروانے کےلئے حکومت پاکستان کو حکم دیا جائے کہ بین الاقوامی مصالحتی عدالت (انٹرنیشنل کورٹ آف آربٹریشن) میں بھارت کیخلاف یہ مقدمہ دائر کیا جائے۔ بھارت معاہدے کے مطابق دریائے ستلج ،راوی اوربیاس کا سارا سال 100 فیصد پانی بند نہیں کرسکتا جوکہ صرف سیلاب کے دنوں میں ھولا جاتا ہے کیونکہ بھارت 1960ءکے معاہدے میں وضاحت کرچکا ہے کہ یہ زرعی پانی کا معاہدہ ہے اور دریائے چناب‘ جہلم اور سندھ جب تک بھارتی علاقے میں بہتے ہیں‘ بھارت ان تینوں دریاﺅں میں سے گھریلو استعمال اور پینے کے پانی کے علاوہ غیر اتلافی (Non-consumptive) استعمال،آبی حیات یعنی مچھلیوں کےلئے اور پن بجلی کےلئے پانی استعمال کرسکتا ہے جبکہ پاکستان کی طرف سے ہمارا مو¿قف یہ ہونا چاہئے تھا کہ پانی کے یہی چارغیر زرعی استعمال ہم ستلج‘ راوی اوربیاس کےلئے بھی حاصل کرسکتے ہیں۔ بیاس کا ذکر ٹریٹی 1960ءمیں موجود ہے لیکن اس کا 100 فیصد پانی بھارت بہت پہلے بند کرچکا ہے۔ ستلج اور راوی کا پانی سارا سال 100 فیصد بند رہتا ہے جس کی وجہ سے یہ دریا جنہیں معاہدے کے مطابق مشرقی دریا کہا جاتا ہے‘ سیلاب کے سوا سارا سال خشک رہتے ہیں اور زیرزمین پانی کی ری چارجنگ نہ ہونے کے باعث پنجاب کے مشرقی علاقوں میں جسٹر اور سلیمانکی قصور سے پنجند تک جہاں راوی اور ستلج دریائے سندھ میں ملتے ہیں، کروڑوں ایکڑ اراضی میں زیرزمین پانی خشک ہوتا جارہا ہے جس کا اندازہ اس امر سے کیا جاسکتا ہے کہ جب راوی سارا سال چلتا تھا تو لاہور میں زیرزمین میٹھا پانی 12 سے 15 فٹ تک مل جاتا تھا‘ اب برسوں سے واسا کے ٹیوب ویل 650 فٹ گہرے ہوگئے ہیں کیونکہ اس سے اوپر پینے کا پانی قابل استعمال نہیں ہوتا اور آخری ٹیوب ویل لاہور میںپنجاب اسمبلی کے عقب میں 1350 فٹ گہرا نصب کیا گیا ہے۔ آئندہ نسلوں کےلئے زرعی پانی تو ایک طرف رہا کہ منگلا جھیل سے نکلنے والی لنک نہریں سارا سال چلنے والے دریاﺅں کی کمی پوری نہیں کرتیں اور عالمی رپورٹس کے مطابق پاکستان تیزی سے پانی کی کمی والے ملکوں کی فہرست میں شامل ہوتا جارہا ہے۔ رٹ میں وفاق پاکستان کو بذریعہ سیکرٹری داخلہ ،وزارت خارجہ کو بذریعہ سیکرٹری خارجہ اور وزارت آبی وسائل کو بذریعہ متعلقہ سیکرٹری‘ مستقل انڈس واٹر کمیشن کو بذریعہ کمشنر اور مشترکہ مفادات کونسل کو بذریعہ چیئرمین فریق بنایا گیا ہے۔ رٹ آئین کے آرٹیکل (3)184 کے تحت دائر کی گئی ہے اور انڈس واٹر ٹریٹی کے متعلقہ حصوں کی تشریح کے بعد ستلج راوی واٹر فورم کے چیئرمین ضیا شاہد کی کتاب ”ستلج، راوی اور بیاس کا سارا پانی بند کیوں؟“ کا حوالہ دیتے ہوئے اس کے ضروری حصے پیش کئے گئے ہیں۔ رٹ سابق وفاقی وزیر قانون اور لاہور ہائیکورٹ کے سابق جسٹس ڈاکٹر خالد رانجھا نے تیار کی ہے جس کے ایڈووکیٹ آن ریکارڈ ملک پرویز اختر ہیں۔ رٹ سماعت کےلئے منظور کرلی گئی ہے جس میں استدعا کی گئی ہے کہ معزز عدالت وفاقی حکومت اور اس کے متعلقہ اداروں کو ہدایت کرے کہ وہ اپنے اختیارات کو استعمال کرتے ہوئے بھارت سے اس بات کی یقین دہانی لیں کہ وہ ستلج راوی اور بیاس میں سارا سال معقول پانی چھوڑے تاکہ آبی اور انسانی زندگی کے ساتھ ساتھ زیرزمین پانی کو ری چارج کیا جاسکے۔ مزید یہ کہ حکومت پاکستان کو ہدایت کی جائے کہ اس انتہائی اہم مسئلے کو ترجیحی بنیادوں پردیکھے۔
سپریم کورٹ کے اگلے احکامات تک پورا موبائل بیلنس ملے گا
اسلام آباد(مانیٹرنگ ڈیسک) موبائل کارڈ ری چارجنگ کے معاملے پر ٹیکس چھوٹ کی موجیں جاری، رات بارہ بجے کے بعد بھی پورا بیلنس ملے گا۔ ذرائع کے مطابق نگران وزیرِ خزانہ کے بیرونِ ملک ہونے کے باعث اجلاس جمعہ کو نہیں ہو سکے گا، موبائل فون کمپنیوں کی یکس حکام سے پیر کو ہونے والے مذاکرات میں کٹوتی کی شرح طے ہو گی۔ ذرائع کا کہنا ہے کہ صارفین سے طریقہ کار کی سپریم کورٹ سے منظوری تک ٹیکس کٹوتی نہیں ہو گی۔واضح رہے کہ سپریم کورٹ کے احکامات کی روشنی میں موبائل بیلنس پر ٹیکس کٹوتی معطل کرتے ہوئے اس بارے میں جامع پالیسی بنانے کا حکم دیا تھا۔چیف جسٹس نے اس حوالے سے ازخود نوٹس کی سماعت کے دوران کہا تھا کہ ریڑھی والا بھی فون استعمال کرتا ہے، وہ ٹیکس نیٹ میں کیسے آ گیا؟ تیرہ کروڑ افراد پر موبائل ٹیکس کیسے لاگو ہو سکتا ہے؟ ٹیکس دہندہ اور نادہندہ کے درمیان فرق نہ کرنا امتیازی سلوک ہے۔ آئین کے تحت امتیازی پالیسی کو کالعدم قرار دیا جا سکتا ہے۔عدالتِ عالیہ نے کہا تھا کہ 100 روپے کے موبائل لوڈ پر 63 روپے کا بیلنس ملنا غیر قانونی ہے۔ موبائل فونز کارڈرز پر ٹیکس وصولی کے لیے جامع پالیسی بنائی جائے۔
موسیٰ خان کی فلم ” شور شرابا“ آج سینما گھروں کی زینت بنے گی
لاہور(شوبز ڈیسک) اداکار وماڈل موسیٰ خان کی فلم ” شور شرابا“ آج سینما گھروں کی زینت بنے گی۔گزشتہ روز فلم کا پریمئر شو بھی ہوا جس میں فیشن آئیکون ڈولی نے بھی شرکت کی۔ اداکارنے میڈیا سے گفتگو کرتے ہوئے بتایا کہ ان کا رول فلم میں مہمان اداکار کا تھا اور انہوں نے اس فلم میں آئیٹم سانگ بھی کیا ۔فلم کا میوزک بہت اچھا ہے اس فلم کے ڈائریکٹر حسنین حیدر آباد والا اور پروڈیوسرسہیل خان ہیں۔یہ فلم کئی بار ریلیز ہوتے ہوتے رہ گئی ۔پریمئر شو کے دور ان ناقدین کا کہنا تھا کہ فلم عید کے دنوں میں زیادہ بزنس کر سکتی تھی اب تو بھارتی فلمیں بھی موجود ہیں۔ موسیٰ خان نے کہا کہ میرے کام کی تعریف بھارت میں بھی ہوئی میرا اور لیلیٰ کے اس فلم میں بولڈ گیت بھی دیکھنے کو ملیں گے۔یاد رہے گزشتہ روز فلم کا پریمئیر ہوا جس میں بہار بیگم کو یہ کہتے سنا گیا کہ انہیں معاوضہ نہیں دیا گیا۔
ساحر حسن کے گیت ”پی ہو پی ہو‘ ‘ کی سوشل میڈیا پر دھوم
لاہور(شوبزڈیسک) گلوکار وایونٹ آرگنائزر ساحر حسن کا گیت ” پی ہو پی ہو‘سن پپیہا بولدا کیہ“سوشل میڈیا پر وائرل ہو گیا ۔ اس کو یو ٹیوب پر بھی بہت پسند کیا جا رہا ہے ۔ مداحوں کی تعداد ایک لاکھ سے اوپر پہنچ گئی ہے۔ اس حوالے سے ساحر حسن نے بتایا کہ ان کے پہلے بھی تین وڈیو سانگ عوامی مقبولیت حاصل کر چکے ہیں ۔اس کی شاعری میری اپنی اور کمپوزیشن بھی خود کی ہے اس میں میرے ساتھ جس ماڈل نے کام کیا ہے اس کا نام ہے۔میں نے ہمیشہ مداحوں کی پسند کو مدنظر رکھ کر شاعری کی۔
