سیل فون اور الیکٹرک کاروں سمیت بہت سی جدید ترین مصنوعات کے بعد چین نے اب مغربی منڈیوں پر شراب کے ذریعے بھی یلغار کا فیصلہ کیا ہے۔ اس حوالے سے بہت بڑے پیمانے پر تیاریاں کرلی گئی ہیں۔

جمعہ کو مکاؤ میں پہلے وِن سگنیچر چائنیز وائن ایوارڈز کے انعقاد کا آغاز ہوا۔ اس پانچ روزہ ایونٹ میں شراب کے سات بڑے ماہرین سمیت انٹرنیشنل ججنگ پینل چین میں تیار کیے جانے والے شراب کے بہترین برانڈز سُونگھ کر اُن کے معیار کا تعین کریں گے تاکہ اُنہیں امریکا اور یورپ کی منڈیوں میں لانچ کیا جاسکے۔

چین کے شراب ساز ادارے کمتر معیار کی سستی شراب بنانے کے حوالے سے دنیا بھر میں خصوصی شہرت رکھتے ہیں۔ چینی اداروں نے اب اعلیٰ معیار کی مہنگی شراب تیار کرنے پر توجہ دینا شروع کردیا ہے۔

عالمی منڈی میں اُنہیں قیمت کے حوالے سے غیر معمولی مسابقت کا سامنا رہا ہے۔ اعلیٰ معیار کی شراب بہت بڑے پیمانے پر تیار کرنے کی صورت میں لاگت گھٹے گی اور عالمی منڈی میں مقابلہ آسان ہو جائے گا۔

شراب تیار کرنے کے حوالے سے چینیوں کی مہارت بھی دنیا بھر میں معروف ہے تاہم اب تک اس میدان میں زیادہ طبع آزمائی کی کوشش نہیں کی گئی ہے۔

منتظمین کو یقین ہے کہ مکاؤ میں منعقد کیے جانے والے Wynn Awards کی مدد سے چینی شراب کو عالمی سطح پر نئی شناخت فراہم کرنے میں نمایاں حد تک مدد ملے گی۔

وِن ایوارڈز میں شریک شراب کی پرکھ کے عالمی شہرت یافتہ ماہر ایڈی مکڈوگل کہتے ہیں کہ چین اب شراب کے میدان میں بھی کامیابی کے جھنڈے گاڑنے کے لیے تیار ہے اور اُسے اِس میدان میں بھی روکنا ممکن نہ ہوگا۔

غزہ میں اسرائیلی بمباری کے باعث تباہ شدہ عمارت کے ملبے سے نومولود بچے کو 9 دن بعد ملبے سے زندہ نکال لیا گیا ہے، بچے کو طبی امداد کے لیے اسپتال منتقل کر دیا گیا ہے۔

مقامی میڈیا کے مطابق نومولود بچہ 9 دن سے ملبے میں موجود تھا،یسکیو عملے کو اطلاع ملنے پر فوری ریسکیو آپریشن شروع کیا گیا جس کے بعداسے صحیح سلامت نکال لیا گیا۔

نومولود بچے کی شناخت احمد نعیم کے نام سے ہوئی ہے، جسے طبی امداد کے لیے ایمبولینس نہ ہونے کے باعث گدھا گاڑی پر اسپتال منتقل کیا گیا۔

اسرائیل کی جانب سے انسانی حقوق کی خلاف ورزیوں پر جہاں اقوام متحدہ کی جانب سے تشویش کا اظہار کیا جا رہا ہے، وہیں مسلم امہ کی جانب سے بھی شدید ردعمل سامنے آ رہا ہے۔

اسرائیلی حملے میں احمد نعیم کا گھر مکمل تباہ ہو گیا ہے، جبکہ اس حملے میں 30 فلسطینی شہید ہوئے تھے۔

نیٹو نے لبنان سے تعلق رکھنے والی خاتون فرح دخل اللہ کو تنظیم کی نئی ترجمان مقرر کر دیا ہے، فرح دخل اللہ نے کئی عالمی اور معروف میڈیا اداروں کے ساتھ کام کیا ہے۔

نارتھ اٹلانٹک آرگنائزیشن (نیٹو) کے سیکریٹری جنرل جینز اسٹولٹن برگ کی جانب سے فرح دخل اللہ کی تعیناتی کا اعلان کیا گیا تھا، ان کا کہنا تھا کہ خطرات سے دوچار دنیا میں واضح اور بروقت مواصلات کے علاوہ میڈیا کے ساتھ روابط زیادہ اہمیت اختیار کر گئے ہیں۔

جبکہ لبنانی نژاد برطانوی شہری فرح دخل اللہ اب برطانیہ میں رہائش اختیار کیے ہوئے ہیں، فرح نے کئی سرکاری اور نجی شعبوں میں اہم ذمہ داریاں نبھائی ہیں، جبکہ اس عہدے سے متعلق بھی وہ وسیع تجربہ رکھتی ہیں۔

فرح دخل اللہ اس سے قبل اقوام متحدہ، برطانوی حکومت اور آسٹرازینکا سمیت کئی میڈیا تنظیموں کے ساتھ کام کر چکی ہیں، آسٹرازینکا جیسی تنظیم میں وہ مشرقی وسطیٰ اور افریقہ کے لیے میڈیا ریلیشنز ڈائریکٹر کے طور پر ذمہ داریاں نبھا رہی تھیں، جبکہ عالمی ادارہ صحت میں کمیونیکیشن مینیجر اور برطانوی فارن اینڈ کامن ویلتھ آفس میں عربی ترجمان کے طور پر بھی خدمات سر انجام دے چکی ہیں۔

اپنے سوشل میڈیا اکاؤنٹ پر فرح کی جانب سے لکھنا تھا کہ اس نازک دور میں نیٹو تنظیم کی ترجمانی اور پریس و میڈیا کی قیادت کرنا میرے لیے اعزاز کی بات ہے۔

فرح کا مزید کہنا تھا کہ نیٹو اتحاد نے ایک ارب سے زائد لوگوں کی حفاظت کی ہے، ان کی آزادی اور جمہوریت کی حفاظت یقینی بنائی ہے، جبکہ دنیا کو پُر امن رکھنے میں اپنا حصہ ڈالا ہے۔

جبکہ فرح نے کیمبرج یونی ورسٹی سے بین الاقوامی تعلقات عامہ میں اور لندن اسکول آف اکنامکس سے میڈیا اور مواصلات میں ماسٹر کی ڈگریاں حاصل کی ہیں، جبکہ بیروت کی یونی ورسٹی سینٹ جوزف سے آڈیو ویژول آرٹس کی تعلیم حاصل کی تھی

امریکی صدر جو بائیڈن نے خبردار کیا ہے کہ معاشی معاملات میں غیر معمولی احتیاط لازم ہے۔ چین کے عزائم بہت خطرناک ہیں۔ اس معاملے میں ذرا سی بھی کوتاہی کسی بہت بڑے نقصان سے دوچار کرسکتی ہے۔

برطانوی جریدے دی اکنامسٹ نے ایک تجزیے میں بتایا ہے کہ صدر بائیڈن امریکا اور یورپ کی مارکیٹ میں بہت تیزی سے لائی جانے والی چینی گاڑیوں کے حوالے سے بہت پریشان ہیں۔

ایک بیان میں انہوں نے کہا ہے کہ چین کی بنائی ہوئی گاڑیاں امریکا اور یورپ میں حساس نوعیت کا ڈیٹا جمع کرنے کے بعد اس کی ترسیل کے لیے بھی استعمال کی جاسکتی ہیں۔

صدر بائیڈن کا کہنا ہے کہ چین کی الیکٹرک کاریں اور دیگر جدید ترین گاڑیاں حساس آلات سے مزین ہوتی ہیں اور جاسوسی کے لیے استعمال کی جاسکتی ہیں۔

صدر بائیڈن نے امریکا میں تیار کی جانے والی گاڑیوں میں بیرونی سوفٹ ویئرز کی تنصیب کے حوالے سے تحقیقات کا بھی حکم دیا ہے۔

صدر بائیڈن کا دعویٰ ہے کہ چین کی تیار کردہ جدید ترین الیکٹرک اور روایتی گاڑیاں دور سے کنٹرول کرکے غیر فعال بھی بنائی جاسکتی ہیں۔

اگر امریکی صدر کے احکامات کے تحت تحقیقات کی گئی تو امریکا میں چین کی گاڑیوں پر مزید پابندیاں عائد کی جاسکتی ہیں۔ چین کی تیار کردہ گاڑیوں پر پہلے ہی اضافی 25 فیصد درآمدی ڈیوٹی عائد کی جاسکتی ہے۔