وزیر داخلہ شیخ رشید نے کہا ہے کہ شناختی کارڈز کے فوری اجراء کے لئے انتظامات کیے جارہے ہیں اور پاک افغان بارڈر پر بھی آمد و رفت کے لئے امیگریشن کو آسان بنایا جائیگا۔

تفصیلات کے مطابق شمالی وزیرستان کے قبائلی عمائدین اور معززین کے جرگے سے خطاب کے دوران وزیر داخلہ شیخ رشید نے کہا ہے کہ شمالی وزیرستان میں پاسپورٹ دفتر کا افتتاح کردیا گیا ہے۔

شیخ رشید نے کہا ہے کہ پاسپورٹ اور نادرا کے دفاتر میں مقامی سٹاف کو بھرتی کیا جائیگا اور نادرا رجسٹریشن کے لئے فوری طور پر دو مو بائیل وینز فوری فراہم کی جائینگی۔

وزیر داخلہ نے کہا ہے کہ ساوتھ وزیرستان میں انٹرنیٹ کی سہولت مہیا کردی گئی ہے اور نارتھ وزیر ستان انٹر نیٹ سروس اسی سال شروع ہوجائینگی۔

وزیر داخلہ نے بتایا ہے کہ علاقے کو ترقی دینے کے لئے مزیدفنڈز فراہم کئے جائیں گے۔

اسلام آباد:ماحولیات کا عالمی دن آج منایا جا رہا ہے، اس حوالے سے مرکزی تقریب آج کنونشن سینٹر اسلام آباد میں ہوگی، وزیراعظم عمران خان تقریب سے خطاب کریں گے۔

تقریب میں برطانیہ اور چین کے وزرائے اعظم، اقوام متحدہ کے سیکریٹری جنرل سمیت عالمی رہنماؤں کے پیغامات نشر کئے جائیں گے۔ وزیراعظم عمران خان اپنے خطاب میں اہداف اور اہم اعلانات کریں گے۔ تقریب میں سیاسی و حکومتی شخصیات، وزرا، غیر ملکی سفیر شریک ہوں گے۔ تقریب میں ثقافتی شو بھی پیش کیا جائے گا، کنونش سینٹرکو پودوں اور پھولوں سے سجا دیا گیا ہے۔

وزیراعلیٰ عثمان بزدار نے ماحولیات کے عالمی دن کے موقع پر اپنے پیغام میں کہا کہ ماحولیاتی آلودگی پاکستان سمیت دنیا بھر کیلئے ایک چیلنج ہے، ہم نے اپنی نسلوں کو آلودگی سے پاک صاف ستھرا ماحول فراہم کرنا ہے، آلودگی کے باعث انسانی صحت اور قدرتی ماحول بری طرح متاثر ہو رہا ہے، اقوام عالم کو مل کر قدرتی ماحول پر اثرانداز ہونے والے عوامل پر قابو پانا ہوگا۔

وزیراعلیٰ خیبرپختونخوا محمود خان کا کہنا تھا کہ پشاور میں آج قدرتی ماحول کی اہمیت اجاگر کرنے کا دن ہے، عالمی یوم ماحولیات کی میزبانی پاکستان کیلئے اعزاز ہے، بلین ٹری منصوبے کو عالمی سطح پر بے حد پذیرائی ملی۔

قائمقام برطانوی ہائی کمشنر الیگزینڈر ایونز نے کہا کہ خوشی ہے اس سال پاکستان عالمی یوم ماحولیات کی میزبانی کر رہا ہے، قدرتی وسائل سےمالا مال دوست ملک کو ماحولیاتی تبدیلیوں کے سنگین خطرات لاحق ہیں۔ انہوں نے اردو میں پیغام دیتے ہوئے کہا کہ بورس جانسن حکومت اسلام آباد کی کوششوں کی بھرپور سپورٹ کر رہی ہے، کیونکہ ساتھی ہی مشکل وقت میں کام آتے ہیں۔

لاہور:  وزیراعلیٰ پنجاب نے سی ایم پیکیج برائے بحالی روڈزکی منظوری دے دی۔ عثمان بزدار نے کہا کہ ٹوٹ پھوٹ کا شکار سڑکوں کو مکمل طور پر بحال کیا جائے گا۔

وزیراعلیٰ عثمان بزدار کا کہنا تھا کہ شہروں اور دیہات کی سڑکوں کو بحال کر کے عوام کے لئے آسانیاں پیدا کرنے کی حکمت عملی بنا لی ہے، ہر سال خطیر رقم خرچ کرنے کے باوجود سڑکوں کی حالت خراب ہونا انتہائی افسوسناک امر ہے، پنجاب میں سرکاری وصولیوں میں 20 فیصد اضافہ حکومت کی شفاف پالیسیوں کا ثمر ہے۔

عثمان بزدار نے بجٹ سازی میں زیر تکمیل منصوبوں کے لئے فنڈز ترجیحی بنیادوں پر جاری کرنے حکم دے دیا۔ انہوں نے کہا کہ ہر ڈیپارٹمنٹ سے پبلک فنڈز کے درست استعمال کو یقینی بنانے کے لئے ماہانہ مانیٹرنگ رپورٹ طلب کی جائے گی۔

اہور: ڈسٹرکٹ ایجوکیشن اتھارٹی نے اسکولوں کے نئے اوقات کار جاری کردیے ، نئے اوقات کار کا اطلاق پیر سے ہوگا، جس کے تحت 50 فیصد طلبا ایک دن میں اسکول حاضرہوں گے۔

تفصیلات کے مطابق سی ای او لاہور پرویزاختر نے اسکول کے نئے اوقات کارجاری کردئیے ، جس کے تحت 50 فیصدطلباایک دن میں اسکول حاضرہوں گے اور کوئی بھی طالب علم لگاتار2دن اسکول نہیں آئے گا۔

اوقات کار کے مطابق نرسری سے مڈل تک کی طالبات کی کلاسز کے اوقات کار7:15سے11:15تک ہوں گے جبکہ میٹرک اورانٹرمیڈیٹ کے اوقات کار 7:15 سے 11:45 تک ہوں گے۔

نرسری سے مڈل تک طلباکے اسکول کے اوقات کار7:30سے11:30تک ہوں گے جبکہ میٹرک اورانٹرمیڈیٹ کے طلبا کی کلاسز7:30سے 12بجے تک ہوں گی
تاہم کلاسزکے دوران کوئی بریک نہیں ہوگی۔

خیال رہے پنجاب حکومت نے 7 جون سے صوبے بھر کے تمام اسکولز کھولنے کا نوٹیفکیشن جاری کردیا ہے ، محکمہ اسکول ایجوکیشن کی جانب سے جاری نوٹیفکیشن کے مطابق تعلیمی ادارے ہفتے میں 4 ‏دن کھولےجائیں، تعلیمی ادارےمیں ایک دن میں50فیصدحاضری ہوگی۔

نوٹیفکیشن میں واضح کیا گیا ہے کہ تعلیمی ادارےمکمل ایس اوپیز کے تحت کھولےجائیں گے۔

 وزیر خارجہ شاہ محمود قریشی کا کہنا ہےکہ افغانستان سے غیر ملکی افواج کے انخلا کا عمل شروع ہو چکا ہے۔

تفصیلات کے مطابق وزیر خارجہ شاہ محمود قریشی نے افغانستان کے تناظر میں منعقدہ سہ ملکی اجلاس اور خطے کی صورتحال پر اہم بیان جاری کیا ہے۔

ان کا کہنا ہےکہ 44 فیصد امریکی اور اتحادی افواج افغانستان سے نکل چکی ہیں، مکمل انخلا کیلئے 11 ستمبر کی تاریخ کا اعلان کیا گیا ہے۔

شاہ محمود قریشی نے کہاکہ افغانستان اس وقت بہت نازک مرحلے میں داخل ہو چکا ہے، کل سہ ملکی اجلاس میں افغانستان اور چین کے وزرائے خارجہ کے ساتھ اس حوالے سے تفصیلی گفتگو ہوئی، افغان وزیر خارجہ کو دعوت دی ہے کہ وہ پاکستان تشریف لائیں تاکہ ہم افغان امن عمل، دوحہ میں جاری مذاکرات اور مستقبل کی حکمت عملی کے حوالے سے مزید تبادلہ خیال کر سکیں۔

وزیرخارجہ نے کہاکہ ہمارے مقاصد بہت واضح ہیں ہم خطے میں امن و استحکام کا قیام چاہتے ہیں، ہم “اقتصادی سفارت کاری” پر اپنی توجہ مرکوز کیے ہوئے ہیں، اس وقت ہمیں غربت، مہنگائی اور بیروزگاری جیسے چیلنجز کا سامنا ہے، ان چیلنجز کا مقابلہ کرنے کیلئے ہمیں معاشی انضمام، سرمایہ کاری اور تجارت کے حجم میں اضافے اور روزگار کے نئے مواقع پیدا کرنے کی ضرورت ہے۔

انہوں نے کہاکہ وزیر اعظم عمران خان کے وژن کی روشنی میں ” جیو اکنامکس” ہماری خارجہ پالیسی کی اولین ترجیحات میں شامل ہے، ہم عارضی نہیں لانگ ٹرم اقتصادی ترقی کے ایجنڈے پر عمل پیرا ہیں۔

لاہور:  وزیراعلیٰ پنجاب عثمان بزدار کی زیر صدارت وزیراعلیٰ آفس میں صوبائی کابینہ کا اجلاس ہوا جس میں سرکاری ملازمین کی تنخواہوں میں اضافے کی منظوری دی گئی۔