وزیراعظم عمران خان نے نواز شریف کو بیرون ملک جانے کی اجازت دینے کو اپنی حکومت کی غلطی قرار دیدیا۔

ایک نجی ٹی وی کو انٹرویو دیتے ہوئے عمران خان کا کہنا تھا کہ ہمیں یہ حالات بتائے گئے کہ نواز شریف شاید لندن بھی نہ پہنچ سکیں، اگر میڈیکل بورڈ سفارش نہ کرتا تو نواز شریف کو بیرون ملک جانے کی اجازت نہ دیتے۔

عمران خان نے کہا کہ نواز شریف یہاں بیمار تھے لیکن لندن پہچتے ہی سیاست شروع کر دی، نواز شریف کو بیرون ملک جانے کی اجازت دینے پر افسوس ہے، انہیں بیرون ملک جانے کی اجازت دینا ہماری غلطی ہے۔

انہو ں نے مزید کہا کہ نواز شریف اپنے بچوں کی طرح بیرون ملک جائیدادوں کو ثبوت پیش نہیں کر سکے۔

پیپلز پارٹی اور ن لیگ پر تنقید کرتے ہوئے عمران خان کا کہنا تھا کہ ماضی میں دونوں جماعتوں نے ایک دوسرے پر کیسز بنائے، اپوزیشن کا نیب پر جانبداری کا الزام لگانا مضحکہ خیز ہے۔

عمران خان نے کہا کہ اپوزیشن نے ہر موڑ پر حکومت کو بلیک میل کیا، اپوزیشن نے اس لیے بلیک میل کیا کہ انہیں کوئی این آر او مل جائے، لیکن جو مرضی ہو جائے احتساب سے کسی صورت پیچھے نہیں ہٹوں گا۔

سینیٹ سے فنانشنل ایکشن ٹاسک فورس (ایف اے ٹی ایف) کے بل مسترد ہونے پر عمران خان کا کہنا تھا کہ پاکستان مسلم لیگ ن کے دور میں ایف اے ٹی ایف کی گرے لسٹ میں گیا، ایف اے ٹی ایف بل کا مقصد منی لانڈرنگ کو روکنا ہے، ایف اے ٹی ایف میں بلیک لسٹ ہونے سے معیشت تباہ ہو سکتی ہے، پاکستان بلیک لسٹ میں گیا تو ایران جیسے معاشی حالات ہوسکتے ہیں۔

سوات اور کوہستان میں سیلابی ریلوں نے تباہی مچا دی ہے، 17 افراد ریلے میں بہہ گئے جس میں سے 9 افراد کی لاشیں نکال لی گئی ہیں جب کہ دیگر کی تلاش جاری ہے۔

ڈپٹی کمشنر سوات ثاقب رضا اسلم کے مطابق مدین میں شاہ گرام اور تیرات نالے میں طغیانی سے کئی مکانات بہہ گئے ہیں۔

ان کا کہنا ہے کہ نالوں میں طغیانی کے باعث 40 مکانات اور رابطہ پلوں سمیت دیگر املاک کو بھی شدید نقصان پہنچا۔

ڈی سی سوات نے 17 افراد ریلے کے پانی کے ریلے میں بہہ جانے کی تصدیق کرتے ہوئے بتایا کہ 6 افرادکی لاشیں نکال لی گئی ہیں جب کہ 11کی تلاش اور علاقے میں امدادی کارروائی جاری ہیں۔

کوہستان کے دور افتادہ گاؤں لائچی نالے میں اُنچے درجے کے سیلاب نے تباہی مچادی ہے اور سیلاب میں ایک ہی خاندان کے سات افراد سیلاب میں بہہ گئے۔

کوہستان پولیس کے مطابق اب تک تین خواتین کی لاشیں مل گئی ہیں جب کہ بچوں سمیت 4 افراد ابھی تک لاپتہ ہیں۔

ادھر چلاس میں شاہراہ قراقرم پر تتہ پانی سے لال پڑی کے درمیان لینڈ سلائیڈنگ سے کئی گاڑیوں کو نقصان پہنچا اور پہاڑی تودہ گرنے سے ٹینکر کا ڈرائیور جاں بحق ہو گیا۔

شاہراہ قراقرم پر لینڈ سلائیڈنگ کے باعث آمدروفت معطل ہو گئی ہے، شاہراہ بند ہونے سے مقامی افراد اور سیاح دونوں جانب پھنس گئے ہیں۔

لاہور (ویب ڈیسک)گورنر پنجاب چودھری محمد سرور سے ایڈیٹر خبریں گروپ و سی ای او چینل۵ امتنان شاہد نے بدھ کی شام ملاقات کی۔ گورنرپنجاب کے ساتھ یہ ملاقات بیس پچیس منٹ تک جاری رہی جس میں باہمی دلچسپی کے امور اور دیگر اہم موضوعات پر تبادلہ خیال کیا۔ اس موقع پر گورنر پنجاب نے کہا کہ وہ میڈیا کو بڑی قدر کی نگاہ سے دیکھتے ہیں۔ ان کا کہنا تھا کہ ہماری نظر میڈیا کے مسائل پر بھی ہے اہم یہ مسائل حل کرنے کی کوشش کر رہے ہیں۔

وزیراعظم عمران خان کا کہنا ہے کہ کراچی کی عوام کو تنہا نہیں چھوڑیں گے اور جلد سیلاب سے مستقل بچاؤ کے منصوبے کا اعلان کریں گے۔

وزیراعظم عمران خان کا کہنا ہے کہ شدید بارشوں سے متاثرہ عوام کے مسائل سے ہماری حکومت پوری طرح آگاہ ہے، کراچی میں متاثرہ افراد کے لیے ریسکیو اور ریلیف آپریشن کی ذاتی طور پر نگرانی کر رہا ہوں۔

ان کا کہنا ہے کہ گورنر سندھ اور چیئرمین این ڈی ایم اے سے مسلسل رابطے میں ہوں، سیلاب میں پھنسے افراد کی فوری مدد کے لیے چیئرمین این ڈی ایم اے کو ہدایات دی ہیں۔

عمران خان کا کہنا ہے کہ چیئرمین این ڈی ایم اے کو متاثرین کو خوراک اور طبی امداد کی فراہمی سمیت بنیادی سہولیات کی فوری بحالی کی ہدایات دی ہیں۔

کراچی کے بعد پیدا ہونے والی سیلابی صورت حال کے حوالے سے بات کرتے ہوئے وزیراعظم عمران خان کا کہنا تھا کہ کراچی کی عوام کو مشکل گھڑی میں تنہا نہیں چھوڑیں گے۔

وزیراعظم نے کہا کہ سیلاب سے مستقل بچاؤ کے لیے جلد ایک منصوبے کا اعلان کریں گے، پینے کے پانی کی فراہمی اور سیوریج سسٹم کے لیے جامع منصوبہ بھی شروع کریں گے۔